Ky është linku ku mund të ankoheni ju që nuk i keni marrë 100 eurot e Qeverisë

Administrata Tatimore e Kosovës ka njoftuar se ka afat 30 ditë për të bërë ankesa nga ata që iu është refuzuar aplikimi për 100 eurot e lëshuara për punonjësit të sektorit jo-publik.

“Qytetarët të cilëve u është refuzuar aplikimi për mbështetje nga Pakoja për Përballje me Inflacionin 2.0, kanë të drejtë të parashtrojnë ankesë. Ankesa mund t’i drejtohet Komisionit të Ankesave në Ministrinë e Financave, brenda 30 ditëve nga data e pranimit të vendimit”.

Formulari për ankesë mund të plotësohet përmes platformës për parashtrimin e ankesave.

Në këtë LINK mund të paraqisni ankesën.

Njoftim i rëndësishëm nga Trusti

Qytetarët e Kosovës kanë tërhequr rreth 744 milionë euro nga Fondi i Kursimeve Pensionale të Kosovës (Trusti) gjatë periudhës 2015-2025, përmes pensionimit dhe skemës së tërheqjes së parakohshme të 10-përqindëshit të kursimeve gjatë pandemisë COVID-19.

Sipas të dhënave të publikuara nga Trusti, nga viti 2015 deri në vitin 2025 janë tërhequr rreth 546 milionë euro nga 72.745 përfitues që kanë dalë në pension.

Vlera më e lartë e tërheqjeve për pensionim është regjistruar në vitin 2020, kur janë tërhequr 235 milionë euro. Kjo shifër lidhet me zbatimin e masës së tërheqjes së 10-përqindëshit të kursimeve pensionale, e miratuar në kuadër të pakos për rimëkëmbje ekonomike pas pandemisë.

Vetëm gjatë periudhës nga 11 dhjetori 2020 deri më 6 prill 2021, qytetarët kanë tërhequr edhe 198.1 milionë euro, ndërsa nga kjo masë kanë përfituar 427.363 persona, transmeton Zeri.info.

Sipas statistikave, numri i përfituesve të pensionit është rritur vazhdimisht ndër vite, duke arritur në 8.633 persona gjatë vitit 2025, që paraqet shifrën më të lartë në periudhën e analizuar.

Të dhënat tregojnë se pas vitit 2020, tërheqjet vjetore për pensionim kanë mbetur në nivele të larta, me 71.6 milionë euro tërheqje në vitin 2023, 69.7 milionë euro në vitin 2024 dhe 82.9 milionë euro në vitin 2025.

Në total, duke përfshirë pensionimet dhe tërheqjen e jashtëzakonshme të 10-përqindëshit gjatë pandemisë, nga Trusti janë tërhequr rreth 744 milionë euro në dhjetë vjetët e fundit. /Zëri

Burrë e grua ndeshen mes vete derisa ishin duke ecur në këmbë, në vendngjarje intervenon autoambulanca

Kjo ndodh vetëm në Mitrovicë: Burrë e grua ndeshen mes vete derisa ishin duke ecur në këmbë, në vendngjarje intervenon autoambulanca

*

Një rast i pazakontë ka ndodhur në rrugën “Lekë Dukagjini” në Mitrovicë, ku një burrë dhe një grua janë ndeshuer mes vete në këmbë derisa ishin duke ecur.

Si pasojë e incidentit jo të qëllimshëm, gruaja ka pësuar lëndime dhe është ndier keq, çka ka bërë që në vendngjarje të thirret autoambulanca për t’i ofruar ndihmën e nevojshme mjekësore.

“Jepi zë” ka siguruar pamje nga momenti kur ekipi i emergjencës ka mbërritur në vendin e ngjarjes.

A do të jetë pjesë e Qeverisë? Flet Veton Berisha

Kreu i Partisë Liberale Egjiptiane të Kosovës, Veton Berisha nuk ka dhënë një përgjigje të prerë nëse partia e tij do ta mbështesë krijimin e një qeverie të udhëhequr nga Albin Kurti.

I pyetur nga Indeksonline nëse Berisha ka votë pro Kurtit, ai fillimisht ka thënë së duhet të përmbyllet rezultati zgjedhor.

‘’Jam duke i pritur rezultatet finale, pas rezultateve finale mund të flasim’’, ka thënë fillimisht Berisha për Indeksonline.

Më tutje Berisha thotë se ka qenë gjithmonë pro formimit të institucioneve.

‘’Unë gjithmonë kam qenë pro formimit të institucioneve. Unë edhe për president kam ofruar një mundësi që të bëhet një zgjidhje”, deklaroi Berisha më tutje për Indeksonline.

Në zgjedhjet e 7 qershorit Berisha arriti të siguronte 1041 vota ndërsa Partia Liberale Egjiptiane e Kosovës në nivel vendi siguroi 1,981 Vota.

Gruaja rrahet nga burri dhe nëna e tij në Prishtinë

Një grua në Prishtinë është sulmuar nga nëna dhe bashkëshorti i saj.

Sipas policisë, të gjitha palët e përfshira janë shoqëruar në stacionin policor për intervistim lidhur me rastin, transmeton Klankosova.tv .

Prishtinë, 15.06.2026 – 11:30. Është raportuar se viktima femër kosovare, ishte sulmuar nga nëna dhe bashkëshorti i saj. Palët janë sjellë në stacion dhe pas intervistimit, në konsultim me prokurorin, rasti shkon në procedurë të rregullt”, thuhet në raportin 24-orësh të policisë.

Arrestohet një serb në Bërnjak

Një shtetas i Serbisë është arrestuar në Pikën e Kalimit Kufitar Bërnjak nën dyshimin për dhënie ryshfeti ndaj zyrtarëve policorë.

Sipas njoftimit të autoriteteve, rasti ka ndodhur më 15 qershor 2026, kur i dyshuari dyshohet se u kishte ofruar zyrtarëve policorë shumën prej 30 eurosh me qëllim që të hynte kundërligjshëm në Republikën e Kosovës.

Bankënotat e përdorura për ryshfet janë sekuestruar si dëshmi materiale, ndërsa i dyshuari është intervistuar nga organet kompetente.

Me vendim të prokurorit, pas përfundimit të procedurave fillestare, i dyshuari është dërguar në mbajtje, ndërsa hetimet lidhur me rastin janë duke vazhduar.

Ish-deputetët që mund të mbesin jashtë Kuvendit

Numërimi i votave të subjekteve politike, por edhe të kandidatëve për deputetë, është gati në të përfunduar.

Me mbi 92% të votave të numëruara, disa nga deputetët e legjislaturës së kaluar, asaj të 10-të, nuk kanë arritur të fitojnë ulëse për Kuvendin e ri që do të dalë nga zgjedhjet e 7 qershorit 2026.

Janë 21 kandidatë që kanë qenë pjesë e Grupit Parlamentar të Lëvizjes Vetëvendosje, që sipas të dhënave të deritashme të KQZ-së, nuk kanë arritur të fitojnë përsëri mandatin e deputetit.

20 nga këta 21 janë: Arijeta Rexhepi, Arsim Ademi, Avdullah Klinaku, Bajram Mavriqi, Bylbyl Sokoli, Drita Pajaziti (ose Sylejman Meholli, pasi që kanë vetëm dy vota dallim deri në momentin e shkrimit të artikullit), Egzon Azemi, Ejup Ahmeti, Enver Dugolli, Fahrush Rexhepi, Fitim Haziri, Fatos Geci, Fjolla Ujkani, Ilir Qeriqi, Luan Aliu, Mimoza Shala, Mytaher Haskuka, Rozeta Hajdari, Shqipe Isufi dhe Vigan Qorrolli.

Haxhiu Avdyli që ishte pjesë e Grupit Parlamentar të LVV-së po ashtu nuk ka arritur të marrë votat për deputet, vetëm se kësaj radhe ai ishte kandidat me Lidhjen Demokratike të Kosovës.

Pas formimit të Qeverisë Kurti 3, Egzon Azemi, Fahrush Rexhepi, Bajram Mavriqi, Luan Aliu, Driton Hyseni, Enver Dugolli, Arijeta Rexhepi, Shqipe Isufi, Afërdita Hajrizi, Ejup Ahmeti, Avdullah Klinaku, Mytaher Haskuka, Bylbyl Sokoli, Ilir Qeriqi dhe Mimoza Shala kishin hyrë në Kuvend, pasi u lëshuan ulëset nga kandidatët që u bën ministra.

Nga Partia Demokratike e Kosovës, sipas të dhënave të deritashme, mandatin nuk kanë arritur ta rifitojnë Arbnore Salihu, Nait Hasani dhe Xhavit Haliti

Prej LDK-së, Adelina Thaqi-Meta ka pak mbi 200 vota më pak se Jeta Statovci e cila për momentin është e fundit në listë për të fituar mandatin si deputete.

Bekë Berisha nga Aleanca për Ardhmërinë e Kosovës, sipas të dhënave të KQZ-së, nuk ka arritur të fitojë ulëse në Kuvend por që pas paralajmërimit të Ardian Gjinit dhe Daut Haradinajt se nuk do të rrijnë si deputetë, Berishës i lëshohet vendit që të jetë deputet në Kuvendin e ri.

Bahrim Shabani nga Koalicioni Vakat, sipas këtyre të dhënave nuk arrin të rizgjedhet deputet. Ai kishte hyrë në Kuvend pasi që Rasim Demiri në mandatin e kaluar ishte bërë ministër.

Erxhan Galushi nga Lëvizja Përparimtare e Romëve të Kosovës nuk pritet të jetë pjesë e Kuvendit, kjo pasi që kjo parti nuk ka arritur të fitoj ulëse fare në Kuvend.

Ergul Mazrek nga Partia Demokratike Turke e Kosovës, po ashtu, sipas këtyre të dhënave nuk do jetë pjesë e Kuvendit.

Ngjashëm, Fridon Lala nuk ka arritur deri tash të sigurojë votat për deputet derisa në mandatin e kaluar ishte bërë deputet pasi që vendin ia lëshoi Elbert Krasniqi, i cili u bë ministër.

As Lazar Raduloviq nga Partia për Liri, Drejtësi dhe Mbijetesë nuk i ka deri më tani votat e mjaftueshme për deputet. Në mandatin e kaluar, atij ulësen në Kuvend ia lëshoi Nenad Rashiq, pasi u bë ministër.

Nga radhët e Listës Serbe nuk kanë arritur të fitojnë votat për deputetë: Milan Kostiq, Nemanja Bishevaq dhe Verica Çeraniq.

Përditësohen të dhënat: LVV fiton një ulëse shtesë “në kurriz” të PDK-së

Lëvizja Vetëvendosje ka rikthyer sërish ulësen e 52-të në Kuvendin e Kosovës, pas përditësimit të fundit të rezultateve zgjedhore, ku janë numëruar 93.63% e votave.

Ky ndryshim ka bërë që Partisë Demokratike të Kosovës t’i merret një mandat, duke e pozicionuar atë në Parlament me 22 deputetë, nga 23 që kishte.

Aktualisht, procesi i numërimit të votave me postë është ende në zhvillim, ndërsa sipas të dhënave të fundit, ndarja e mandateve për dy partitë tjera kryesore në vend janë: LDK 19 ulëse dhe AAK 7 ulëse.

Publikohen çmimet e derivateve për sot

Ministria e Industrisë, Ndërmarrësisë dhe Tregtisë ka bërë të ditur përcaktimin e ri të çmimeve të derivateve në vend.

Sipas njoftimit, një litër naftë sot do të shitet me çmimin 1.49, një cent më lirë se dje.

Ndërkaq, benzina do të tregtohet me çmim prej 1.39 euro për litër.

Gasi do të kushtojë 0.67 euro për litërr.

Kujtojmë se çmimet e naftës dje kanë rënë në tregjet botërore pas njoftimit të marrëveshjes SHBA-Iran.

Përparim Rama përplaset me Dimal Bashën: Të paaftë dhe manipulues, jeni fatkeqësia e këtij vendi

Ministri në detyrë i Infrastrukturës, Dimal Basha, ka thënë se Kryetari i Prishtinës, Përparim Rama, po manipulon me reagimin që bëri ku kritikoi Qeverinë në detyrë lidhur me aksidentin me fatalitet në Autostradën “Ibrahim Rugova”.

Basha ka thënë se autostrada ka qenë e pastruar nga dheu në momentin e aksidentit.

“Na vjen keq që, përveç dhimbjes që ka shkaktuar ky aksident, Kryetari Rama dhe disa të tjerë po përpiqen të nxjerrin përfitime politike nga kjo tragjedi”, ka shkruar Basha.

Rama i është kundërpërgjigjur Bashës. Ai e ka etiketuar në postimin e tij në Facebook, ku i ka thënë se janë “të paaftë dhe manipulues”, shkruan Reporteri.net.

“Dimal Basha jeni të paaftë dhe manipulues! Jeni fatkeqësia e këtij vendi. Pikë”, ka shkruar Rama.

Rama më herët e ka quajtur qeverinë Kurti “Qeveri e propagandës, e kontratave njëburimore dhe e tragjedive që mund të parandaloheshin”./Reporteri.net