Aktoret që kandiduan për Prishtinën, nuk fituan për t’u bërë asambleiste

Në zgjedhjet lokale të mbajtura më 12 tetor 2025, tri aktore të njohura vendase vendosën të provojnë fatin e tyre në politikë – por pa sukses.

Aktoret Driada Matoshi dhe Vlora Merovci garuan në listën e Lëvizjes Vetëvendosje, ndërsa Flutura Zeneli ishte pjesë e Listës Guxo, të udhëhequr nga Jeta Statovci.

Sipas rezultateve preliminare, Driada Matoshi ka marrë gjithsej 312 vota, duke u renditur e 25-ta në listën e Vetëvendosjes, ndërsa Vlora Merovci ka siguruar 286 vota, që e vendosin të 31-tën në renditje.

Me këto rezultate, asnjëra nga to nuk ka arritur të sigurojë numrin e nevojshëm të votave për të hyrë në Kuvendin Komunal të Prishtinës.

Ndërkohë, në listën Guxo, edhe aktorja Flutura Zeneli nuk arriti të sigurojë një mandat, duke marrë vetëm 51 vota, që e renditin të 18-tën në listën në të cilën ajo garoi.

Përmbyllet votimi në Mitrovicë, garë e ngushtë mes Tahirit dhe Pecit, a ka balotazh?

Numërimi i votave të diasporës ka përfunduar edhe në Mitrovicën e Jugut. 

Bazuar në të dhënat e publikuar në faqen zyrtare të KQZ-së, kandidati i LVV-së Faton Peci, ka një epërsi prej 156 votash ndaj kandidatit të PDK-së Arian Tahirit.

Peci i ka marrë 392 vota apo 55.02 për qind, kundrejt Tahirit 236 vota apo 33.67 për qind të votave.

Më 9 nëntor, këta dy do të garojnë për të parin e kësaj komune në balotazh.

Të dhënat e fundit për Çairin, ja kush po prinë

Kandidati i VLEN për komunën e Çairit sipas rezultateve të para do të jetë fitues i garës, para Bujar Osmani të Aleancës Kombëtare për Integrim.

Të dhënat e fundit për Çairin tregojnë një epërsi të Mexhitit.

Izet Mexhiti ka 15,463 vota kurse Bujar Osmani 11,853 vota, shkruan Gazeta Imazhi.

“Vajza u hodh nga dritarja”- fqinja rrëfen si ndodhi ngjarja e rëndë ku vdiqën nëna dhe djali në Maliq

Fqinja e familjes në banesën e të cilës ra zjarr në Maliq, shtetasja Benereta Pashollari, ka rrëfyer për detaje nga ngjarja e rëndë, ku humbën jetën dy pjesëtarë të familjes në fjalë, mamaja dhe djali i saj 14-vjeçar, si dhe u dëmtua rëndë vajza 6-vjeçare.

Pashollari tha se vajza 6-vjeçare e familjes, e cila është në gjendje të rëndë dhe u transportua drejt Tiranës, arriti të shpëtonte duke u hedhur nga dritarja e banesës.

Ajo zbuloi gjithashtu se familja në të cilën ra zjarr ishte në kushte të vështira ekonomike, teksa shtoi se të dy fëmijët ishin autik.

“Familje punëtore, ishin me ekonomi të dobët. Babai i fëmijëve punonte, ajo mbante dy fëmijët dhe i ushqente me aq sa kishte mundësi. Bashkia i ndihmonte çdo muaj, plus që merrnin edhe ushqime dhe ndihmë ekonomike. Vajza ishte më e vogël se djali; djali në këmbë, vajza nuk lëvizte dhe aq. Nënë nuk kujdesej shumë për fëmijët. Në lagje u flisnim, u thoshim ‘laji, shpërlaji’. E ndihmonim, çdo gjë i çonim. Si binte në qafë askujt. Të dy fëmijët ishin autikë.

Unë për momentin nuk isha aty, por aty ajo ka një krevat sfungjeri dhe ata fëmijët trazonin zjarrin. Ka rënë zjarri aty, kishte djegur sfungjerin dhe dihet që bën shumë tym, pa flakë. Vajza është hedhur nga dritarja, kurse ata të dy nuk mund të dilnin.

Vajzën e shpëtoi një zonjë, kurse djali mbaroi me të vdekur. Doli kjo zonja rastësisht, se e mora në telefon për të marrë diçka. Në atë kohë dëgjoi të thirrurat dhe vajza i binte derës, i binte me shkelma. Dëgjoi komshia, doli dhe komshia tjetër, dhe pastaj arritën atje ku kanë arritur”, tha mes të Benereta Pashollari për A2CNN.

A po fiton Alban Hyseni pa balotazh? Votat e diasporës e japin këtë rezultat në Gjilan

Procesi i numërimit të votave po shkon drejt fundit në Gjilan, kanë mbetur edhe shtatë vendvotime të paprocesuara nga 146 sosh sa ka Gjilani. Në total janë numëruar 95,21% e votave.

Nga votat e diasporës Alban Hyseni i Vetëvendosjes ka marrë 51.77%, ndërsa Arbër Ismajli i LDK-së 36.32%.

Por deri më tani kjo është e pamjaftueshme për Alban Hysenin të fitojë pa balotazh, kur kanë mbetur edhe votat e shtatë vendvotimeve.

Nga rezultatet e përmbledhura, Alban Hyseni i VV-së ka 49.82% të votave, ndërsa Arbër Ismajli 34.30%.

Votat e diasporës befasojnë këtë komunë, e çojnë në balotazh

Komisioni Qendror i Zgjedhjeve ka përfunduar numërimin e votave të ardhura nga diaspora për komunën e Mamushës, të cilat kanë ndikuar në ndryshimin e epilogut të garës për kryetar komune.

Sipas rezultateve përfundimtare, kandidati i subjektit Mamuşa Halk Hareketi, Fikret Morina, ka marrë 59.84% të votave të diasporës (149 vota), ndërsa kandidati i Partisë Demokratike Turke të Kosovës (KDTP), Abdülhadi Krasniç, ka fituar 39.76% (99 vota).

Ndërkohë, kandidati i Lëvizjes Vetëvendosje, Agron Mazreku, ka marrë vetëm 0.40% (1 votë).

Edhe pse Morina ka mbajtur epërsinë ndaj kundërshtarit të tij kryesor, përfshirja e votave të diasporës nuk ka qenë e mjaftueshme për ta siguruar fitoren në raundin e parë.

Si rezultat, Mamusha do të shkojë në balotazh, ku përballja do të zhvillohet ndërmjet Abdülhadi Krasniçit, i cili ka siguruar 49.68% të votave, dhe Fikret Morinës me 48.97%.

Nasim Haradinaj me motoristët nga Haga: Specialja, gjykatë politike kriminale

Ekspedita e motoristëve shqiptarë ndodhet aktualisht në Hagë, pas katër ditësh udhëtimi në përkrahje të ish-krerëve të Ushtrisë Çlirimtare të Kosovës, të cilët po gjykohen atje.

Në mesin e pjesëmarrësve është edhe ish-nënkryetari i Organizatës së Veteranëve të Luftës së UÇK-së, Nasim Haradinaj.

Duke folur nga Haga, Haradinaj e cilësoi këtë gjykatë si “politike dhe kriminale”, duke shtuar se ajo është krijuar nga, siç u shpreh ai, “gjyqtarët më të dështuar në Kosovë”.

“Britma e motorëve është thirrje për drejtësi. Liria ka Emër është ajo që shqiptarët i bashkon pa dallime ideje, krahine dhe feje, ka bashkuar edhe njerëz ndërkombëtar të tjerë. Besoj që shqiptarët nuk është dashtë të kenë nevojë kaq gjatë me ditë që ata djem atje janë ata që përfaqësojnë Kosovën, themelet e lirisë, dhe themelet e kombit. Kjo gjykatë është politike kriminale”, tha ai, njofton Klankosova.

Numërohen 50% e votave të Diasporës në Obiliq, ja kush po prinë bindshëm

Janë numëruar 50% e votave nga diaspora në komunën e Obiliqit.

Kandidati i Vetëvendosjes për kryetar, Halil Thaçi renditet i pari me 78.02%, kurse Xhafer Gashi nga LDK i dyti me 20.8%, shkruan Reporteri.net.

I treti renditet Ali Krasniqi kandidat i AAK-së me 1.10%.

43 raste penale! Ja kush është i dyshuari për plagosjen e dyfishtë në Pejë – Mësohet motivi

Gjykata Themelore në Pejë ka caktuar masën e paraburgimit prej 30-ditësh për Mahmut Hoxhajn, të dyshuarin për tentimvrasjen e Basri Gashit dhe Alfred Ukajt. Vendimi është marrë në seancën ku është mbajtur në Spitalin e Përgjithshëm në Pejë, për shkak të gjendjes së rënduar të të dyshuarit.

Prokuroria në Pejë, në dosjen të cilën e ka siguruar Gazeta Insajderi, specifikon edhe numrin e rasteve të të dyshuarit për tentimvrasje. Sipas dosjes, bazuar në databazën e Policisë së Kosovës, Hoxhaj rezulton të jetë i përfshirë në 43 raste penale.

“Kësaj duhet shtuar edhe faktin se bazuar në informacionet e personit Mahmut Hoxhaj, i cili nga data baza e Policisë së Kosovës rezulton të jetë i përfshirë në 43 raste penale, prej të cilave si i dyshuar në 25 raste të ndryshme”, thuhet ndër të tjera në arsyetimin për caktimin e masës së paraburgimit.

Prokuroria tutje shton se i dyshuari kishte planifikuar arratisjen pas sulmit, meqë kishte lënë veturën ndezur para kryerjes së veprës së dyshuar penale.

“Po ashtu duke e pasur parasysh faktin se i njëjti kishte planifikuar arratisjen e tij pas kryerjes së veprës penale duke e lënë veturën e ndezur me qëllim të arratiset, mirëpo si rezultat i reagimit me kohë të zyrtarëve policor i njëjti është arrestuar në flagrancë gjatë kryerjes së veprës penale”, thuhet në dosje.

Pesë persona ishin arrestuar në vitin 2019 për vrasjen e 23 vjeçarit Fazli Hoxha dhe plagosjen e dy vëllezërve të tij. Pikërisht ky rast dyshohet të jetë zanafilla e rastit të sotshëm në Pejë, ku u plagosën dy persona.

Njëri prej familjarëve dyshohet se për hakmarrje ka plagosur dy persona pasi Gjykata Themelore në Pejë shqiptoi 44 vite burgim për pesë të akuzuarit për vrasjen që kishte ndodhur më 2022.

Në aktgjykimin e shpallur, Basri, Ardit, Arben dhe Bahri Gashi janë liruar nga akuza për vrasje të rëndë në bashkëkryerje.

Insajderi raportoi se motivi i këtij sulmi ishte hakmarrja

Si nëpër filma: Momenti kur i dyshuari del nga garazha dhe i plagosë dy persona

Tragjike në Maliq: Zjarri i madh në banesë – vdes nëna me djalin 14 vjeç, vajza 6-vjeçare në gjendje të rëndë

Një ngjarje e rëndë që tronditi qytetin e Maliqit në qarkun e Korçës në Shqipëri, ku nënë e bir humbën jetën si pasojë e një zjarri në banesë.

Vajza 6-vjeçare e familjes është nisur me urgjencë drejt Tiranës, për trajtim të specializuar në një qendër të djegieve.

Mediat në Tiranë raportojnë se gjendja e fëmijës është shumë e rëndë, për shkak të djegieve të shumta në trup.

E mitura është e vetmja e mbijetuar nga ngjarja tragjike që ndodhi në banesën e familjes Azizllari, ku humbën jetën nëna Merjeme Azizllari dhe djali 14-vjeçar.

Dyshohet se zjarri ka nisur nga një dyshek sfungjeri, në rrethana që ende po hetohen nga autoritetet.

Sipas dëshmive të fqinjëve, vajza arriti të shpëtonte vetëm falë ndërhyrjes së një gruaje që ndodhej pranë banesës dhe e pa atë duke kërkuar ndihmë.

Ajo ishte hedhur nga dritarja, ndërsa nëna dhe vëllai i saj nuk arritën të dilnin në kohë për shkak të tymit të dendur.

“Familje punëtore, ishin me ekonomi të dobët. Babai i fëmijëve punonte, ajo mbante dy fëmijët, i ushqente me aq sa kishte mundësi. Bashkia i ndihmonte çdo muaj plus që merrnin dhe ushqime dhe ndihmë ekonomike. Vajza ishte më e vogël se djali, djali në këmbë, vajza nuk lëvizte dhe aq. Nëna nuk kujdesej shumë për fëmijët. Ne të lagjes i flisnim, i thoshim “laji, shpëlaji”. E ndihmonim, çdo gjë i çonim. Si binte në qafë askujt. Të dy fëmijët ishin autikë.

Unë për momentin nuk isha por aty ajo ka një krevat sfungjeri dhe ata fëmijët trazonin zjarrin. Ka rënë zjarri aty, kishte djegur sfungjerit dhe dihet që bëri shumë tym, pa flakë. Vajza është hedhur nga dritarja, kurse ata të dy nuk mundën të dilnin. Vajzën e shpëtoi një zonjë kurse djali mbaroi me të ëmën. Doli kjo zonja rastësisht se e mora në telefon për të marrë diçka. Në atë kohë dëgjoi të thirrurat dhe vajza i binte derës. I binte me shkelma. Dëgjoi komshia, doli dhe komshia tjetër dhe pastaj arritën atje ku kanë arritur”, tha fqinja e familjes, Benereta Pashollari.

Ngjarja e rëndë ndodhi mesditën e kësaj të diele (19 tetor) rreth orës 13:30, në bllokun nr. 3, Maliq.

Fillimisht u raportua se nëna dhe dy fëmijët e saj kishin mbetur të plagosur, por më pas u mësua se gruaja, Merjeme Azizllari kishte ndërruar jetë si pasojë e asfiksisë brenda në shtëpi.

Më vonë, ndërroi jetë në spital edhe djali i saj i madh, 14 vjeç, ndërsa në gjendje të rëndë si pasojë e djegieve vazhdon të jetë fëmija i vogël 6 vjeç.

Nuk dihen ende shkaqet që çuan në përfshirjen e banesës nga flakët, ndërsa shërbimet zjarrfikëse dhe policia ndodhen në vendngjarje për të shuar zjarrin dhe nisur hetimet mbi rrethanat e incidentit.