Veprimtari i Ilegales: Shqiptarët duhet të varrocen pa ceremoni fetare

Është varrosur Rrahime Krasniqi, nëna e Arben Krasniqit, e cila priti e u kujdes për disa nga heronjtë e vendit. Sipas veprimtarit të ilegales, Mustaf Lajqi, e ndjera ka porositur të afërmit, që rituali i varrimit të kryhet pa ceremoni fetare.

Kjo porosit, Lajqi tha se i gëzoi shumë shokët e djalit të saj, veprimtarët e Ilegales.

“Shembulli më i mirë se si duhet të varrosen shqiptarët ishte edhe rasti i varrimit të Nënës Rahime(nëna e Arben Krasniqit)në varrezat e Hashanëve(Obiliq),ku me porosinë e vet Nënës Rukije të lënë nga vet ajo që rituali i varrimit të kryhet pa ceremoni fetare neve shokëve të ilegales na bëri që të ndjehemi krenar që jemi shqiptarë…!!!…”, tha ai.

Lajqi shkoi më tutje, duke thënë se varrimet me rituale fetare kanë degraduar, dhe se nuk shfaqin kulturën shqiptare.

“Varrimet me rituale fetare islamike kanë degraduar deri në atë shkallë,sa që unë i kam quajtur “rituale të shpifura islamike”me të cilat nuk na lidhë asnjë gjë dhe shkojnë deri në degradimin e shkallës së fundit duke u larguar totalisht nga islami ynë tradicional!

Këto varrime gjithçka mund ti quash vetëm varrime shqiptare nuk janë,e kanë përqudnuar dhe degraduar traditën tonë të varrimeve!

Është koha e fundit që ritualet e varrimit të marrin konotacin të mirëfilltë shqiptar dhe domosdoshmërisht ti kthehemi vetvetes dhe qenësisë sonë shqiptare…!!!…”, tha ai.

Mimoza Kusari këtë mandat do të jetë ministre?

Pas certifikimit të rezultateve, së shpejti pritet të hapet rruga për krijimin e Qeverisë së re të Republikës së Kosovës.

Albin Kurti pritet të vazhdojë mandatin e tretë qeverisës.

Mimoza Kusari, e cila edhe në mandatin e kaluar ishte shefe e Grupit Parlamentar të Lëvizjes Vetëvendosje, pritet që kësaj radhe të jetë ministre

Ajo ka konfirmuar nominimin e saj për një post ekzekutiv.

“Nga propozimet e dy mandatarëve në legjislaturën e kaluar, jam propozuar për qeveri. Kësaj radhe, pas certifikimit të rezultateve zgjedhore, do të ketë diskutim final, por në parim jam e nominuar për një post ekzekutiv”, ka thënë Kusari-Lila, raporton Indeksonline.

Kusari-Lila ishte propozuar më herët nga Kurti për drejtimin e Ministrisë së Tregtisë, në qeverinë që nuk arriti të marrë votat e mjaftueshme në Kuvend.

Zgjedhja e e Presidentit të ri, PDK-ja del me këtë qëndrim

Partia Demokratike e Kosovës ka bërë të qartë qëndrimin e saj sa i përket zgjedhjes së Presidentit të ri, pas triumfit të Lëvizjes Vetëvendosje në zgjedhjet e 28 dhjetorit.

Sekretari për Marrëdhënie Ndërkombëtare i PDK-së, Bernard Nikaj, ka konfirmuar se nuk do të ketë votë “blanko” për asnjë kandidat pa një dakordim paraprak.

Edhe pse LVV ka fituar mbi 50% të votave dhe mund ta formojë qeverinë e vetme, numrat për zgjedhjen e Presidentit kërkojnë prezencën e 80 deputetëve në sallë, gjë që e vendos opozitën në një pozicion kyç.

Nikaj ka kujtuar qëndrimin e PDK-së nga viti 2021, duke shtuar se partia e tij nuk do të lëkundet nga parimet e saj, pavarësisht presionit apo “kërcënimeve” me zgjedhje të reja.

“Partia Demokratike e Kosovës ka refuzuar të votojë vetëm për një kandidat të cilin e propozon z. Kurti pa një marrëveshje ose diskutim politik. Edhe kësaj radhe nuk ka asnjë arsye që ne, pa një diskutim politik apo dakordim, të shantazhohemi ose të kërcënohemi në votimin e cilitdo kandidat”, deklaroi Nikaj në Klan Kosova.

Pas rezultatit rekord të 28 dhjetorit, Albin Kurti e ka rrugën e hapur për Kryeministër, por nyja e vërtetë politike mbetet posti i Presidentit. Pa një marrëveshje me partitë opozitare, veçanërisht me PDK-në apo LDK-në, vendi rrezikon të shkojë sërish në zgjedhje nëse dështojnë tri raundet e votimit për kreun e shtetit./Insajderi

Rexhaj: Kurti pa mërgatën do t’i kishte vetëm rreth 35% të votave, opozita s’duhet ta pranojë rezultatin e zgjedhjeve të fundit

Sali Rexhaj, kandidat i AAK-së, akuzon votuesit e mërgatës për deformimin e rezultatit të zgjedhjeve të 28 dhjetorit, duke dërguar në pushtet Albin Kurtin dhe sabotuar opozitën.

Ai kërkon që opozita të mos pranojë rezultatin dhe të kërkojë zgjedhje të reja të lira e demokratike.

 

Jashari: Vendi ynë është pa burrështetas, e Albin Kurti nuk është edhe ma hiç

Analisti Shemsi Jashari, në emisionin “Click” në RTV21, tha se aktualisht Kosova është pa burrështetas.

“Ka liderë të fuqishëm me vota, burrështetas që e vendosin interesin e shtetit para interesit të partisë dhe atij personal. Momentalisht në skenën politike nuk po duket që ka, e Albin Kurti nuk është as më së paku”, tha ai.

Ai tha se në të kaluarën liderët partiakë kanë bërë zgjidhje duke iu kushtuar elektoratit, duke përmendur kur Ibrahim Rugova e bëri kryeministër Ramush Haradinajn në vitin 2004, e Hashim Thaçi Isa Mustafën në vitin 2017.

Numërimi i të gjitha votave, Vetëvendosje mbi 51% – kështu do të jetë ndarja e ulëseve në Kuvend

Komisioni Qendror i Zgjedhjeve ka përfunduar numërimin e të gjitha votave për zgjedhjet e parakohshme parlamentare të 28 dhjetorit.

Mbrëmë është përmbyllur edhe numërimi i votave të fundit me postë. Numërimi i këtyre fletëvotimeve shënon përfundimin e procesit të numërimit të të gjitha fletëvotimeve nga zgjedhjet e parakohshme për Kuvendin e Republikës së Kosovës, të mbajtura më 28 dhjetor 2025.

Sipas rezultateve të përmbledhura, Lëvizja Vetëvendosje ka marrë 51.11 për qind, apo 486,994 vota. Në këtë mënyrë, Vetëvendosje ka siguruar 57 mandate në Kuvend.

Partia Demokratike e Kosovës doli e dyta me 22 ulëse. Ajo mori 20.19 për qind të votave, duke siguruar 22 ulëse në Kuvend. Lidhja Demokratike e Kosovës ka rënë në 15 ulëse nga 20 sa kishte. Ajo mori 13.23 për qind të votave.

Në Kuvend gjashtë ulëse i ka siguruar Aleanca për Ardhmërinë e Kosovës me 5.5 për qind.

Lista Serbe me 9 ulëse dhe Za Zlobodu Pravdu i Opstanak me një ulëse përmbushin normën prej 10 ulëseve të rezervuara për komunitetin serb.

10 ulëset për komunitetet tjera janë siguruar nga Kosova Demokratik Turk Partisi me dy ulëse dhe Vakat, Nova Demokratska Stranka, Iniciativa e Re Demokratike e Kosovës, Socijaldemokratska Unija, Partia Liberale Egjiptiane, PSA, Jedinstvena Goranska Partija dhe Lëvizja Përparimtare e Romëve të Kosovës me nga një ulëse.

Me përmbylljen e këtij procesi, Komisioni Qendror i Zgjedhjeve (KQZ) ka thënë është i gatshëm të shpallë rezultatin përfundimtar të zgjedhjeve.

Megjithatë, sipas Ligjit për Zgjedhjet e Përgjithshme, subjektet politike kanë të drejtë të paraqesin ankesa në Panelin Zgjedhor për Ankesa dhe Parashtresa (PZAP) brenda 48 orëve nga momenti i ndodhjes së shkeljes së supozuar që lidhet me administrimin e numërimit në QNR.

Kjo është lista e 57 deputetëve nga LVV:

ALBIN KURTI

GLAUK KONJUFCA

ALBULENA HAXHIU

HEKURAN MURATI

DONIKA GËRVALLA- SCHWARZ

XHELAL SVEÇLA

HAJRULLA ÇEKO

AVNI DEHARI

MIMOZA KUSARI LILA

EJUP MAQEDONCI

SHQIPE MEHMETI SELIMI

ANDIN HOTI

ARBEN VITIA

SARANDA BOGUJEVCI

EDONA LLALLOSHI

ALBAN BAJRAMI

MEFAIL BAJQINOVCI

NEZIR KRAKI

ARMEND MUJA

RUFKI SUMA

ADRIANA MATOSHI

JETA STATOVCI

ARDIAN GOLA

HAXHI AVDYLI

ADELINA GRAINCA

BLERIM GASHI

ALBENA RESHITAJ

FATOS GECI

AGIM BAHTIRI

TAULANT KELMENDI

ARTANE RIZVANOLLI BERISHA

FITORE PACOLLI DALIPI

DIMAL BASHA

ARBËR REXHAJ

LABINOTË DEMI MURTEZI

ARBËRESHË KRYEZIU HYSENI

ARTAN ABRASHI

ARJETA FEJZA

HYSEN DURMISHI

ARBËRIE NAGAVCI

ENVER HALITI

LIZA GASHI

VALON RAMADANI

ADNAN RRUSTEMI

JETON RAKA

FATMIRE KOLLÇAKU

ARSIM ADEMI

DRITA PAJAZITI

ROZETA HAJDARI

SALIH ZYBA 1

FITIM HAZIRI

FJOLLA UJKANI

ILIR KËRÇELI

SYLEJMAN MEHOLLI

VIGAN QORROLLI

VALON HOTI

NAIM BARDIQI

Lista e 22 deputetëve nga PDK:

BEDRI HAMZA

ARIAN TAHIRI

PËRPARIM GRUDA

URAN ISMAILI

SALA JASHARI

VLORA ÇITAKU

ENVER HOXHAJ

ARBEN MUSTAFA

NAIT HASANI

RRAHMAN RAMA

GANIMETE MUSLIU

EMAN RRAHMANI

KUJTIM GASHI

ELMI REÇICA

ARTAN BEHRAMI

XHAVIT HALITI

BESA KABASHI RAMAJ

MERGIM LUSHTAKU

FERAT SHALA

BLERTA DELIU KODRA

ARIANA MUSLIU SHOSHI

ARBNORE SALIHU

Lista me 15 deputetët e LDK-së:

LUMIR ABDIXHIKU

HYKMETE BAJRAMI

UKË RUGOVA

AVDULLAH HOTI

DOARSA KICA XHELILI

KUJTIM SHALA

ANTON QUNI

ARMEND ZEMAJ

LUTFI HAZIRI

JEHONA LUSHAKU SADRIU

JANINA YMERI

BESIAN MUSTAFA

ADELINA THAQI META

FADIL HADERGJONAJ

ERMAL SADIKU

6 deputetët e AAK-së:

RAMUSH HARADINAJ

DAUT HARADINAJ

BESNIK TAHIRI

BEKË BERISHA

TIME KADRIJ

ALBANA BYTYQI

Mbyllet numërimi i votave, ja ndarja e mandateve në Kuvend

Komisioni Qendror i Zgjedhjeve ka përmbyllur numërimin e të gjitha votave për zgjedhjet e parakohshme parlamentare të 28 dhjetorit, të cilat janë fituar nga Lëvizja Vetëvendosje me 51.11 për qind të votave.

Zëdhënësi i KQZ-së, Valmir Elezi, ka bërë të ditur se institucioni është tashmë i gatshëm për shpalljen e rezultatit përfundimtar të zgjedhjeve.

“Por, sipas Ligjit për zgjedhjet e përgjithshme, palët mund të parashtrojnë ndonjë ankesë në Panelin Zgjedhor për Ankesa dhe Parashtresa lidhur me administrimin e numërimit në Qendrën e Numërimit dhe Rezultateve, brenda 48 orëve nga ndodhja e shkeljes së supozuar”, ka theksuar Elezi.

Grupi i fundit i fletëvotimeve që u numëruan ishin votat me postë, proces që përfundoi në orën 02:00 të 9 janarit. Pikërisht për këto vota, në PZAP është dorëzuar një ankesë nga Partia Demokratike e Kosovës, e cila ka kërkuar shfuqizimin e mijëra votave të diasporës që kanë ardhur në Kosovë me postë.

Sipas rezultateve preliminare, LVV-ja e udhëhequr nga Albin Kurti ka shënuar rezultatin më të mirë ndonjëherë në zgjedhje, duke marrë 51.11 për qind të votave, respektivisht 486.994 vota, që i sigurojnë 57 ulëse në Kuvendin e Kosovës.

Kryetari i LVV-së, Albin Kurti, është kandidati më i votuar në vend, duke marrë 404.023 vota.

Partia e dytë në zgjedhje është renditur Partia Demokratike e Kosovës me 20.19 për qind të votave, që përkthehen në 22 mandate në Kuvendin prej 120 deputetësh.

Lidhja Demokratike e Kosovës ka fituar 13.23 për qind të votave, duke siguruar 15 vende në organin ligjvënës, ndërsa Aleanca për Ardhmërinë e Kosovës ka marrë 5.50 për qind të votave dhe do të përfaqësohet me gjashtë deputetë.

Lista Serbe, partia kryesore e serbëve në Kosovë e afërt me Beogradin zyrtar, do të ketë nëntë nga dhjetë vendet e garantuara për komunitetin serb. Një deputet nga ky komunitet do t’i takojë Partisë për Liri, Drejtësi dhe Mbijetesë të Nenad Rashiqit. Ndërkohë, dhjetë vendet e tjera të garantuara për komunitetet pakicë joserbe janë shpërndarë mes disa partive dhe koalicioneve.

Behrami: Kurti me 300 mijë vota ia fali Manastirit të Deçanit 24 hektarë, me 400 mijë do ta jetësojë autonominë në veri

Deputeti i PDK-së akuzon kryeministrin se do të bëjë lëshime politike pas rritjes së mbështetjes elektorale.

Deputeti i zgjedhur i PDK-së, Artan Behrami, ka hedhur akuza ndaj kryeministrit Albin Kurti, duke thënë se ky i fundit bën lëshime të mëdha politike pas çdo fitoreje zgjedhore.

Sipas Behramit, kur Kurti kishte marrë 300 mijë vota, ia kishte falur Manastirit të Deçanit 24 hektarë tokë.

“Kur Kurti ka marrë 300 mijë vota, ia ka falur Manastirit të Deçanit 24 hektarë tokë. Tash që ka marrë mbi 400 mijë vota, do ta jetësojë autonominë për serbët e veriut përmes asociacionit”, ka deklaruar Behrami.

Ai shton se kjo autonomi, sipas tij, është dakorduar në Marrëveshjen e Brukselit dhe në aneksin e Ohrit, në kuadër të dialogut Kosovë–Serbi.

Nora dhe Roberti shijojnë së bashku pushimet dimërore

Dyshja e njohur e e skenës shqiptare, Robert Berisha dhe Nora Istrefipo shijojnë pushimet dimërore bashkë me vajzën e tyre, Renee.

Në disa postime të publikuara në profilet e tyre në Instagram, shihen pamje nga një udhëtim ku duket se ata po qëndrojnë në të njëjtin ambient bashkë me vajzën e tyre.

Momente të tilla të përbashkëta të Norës dhe Robertit janë komentuar gjerësisht nga fansat, të cilët kanë vlerësuar mënyrën e tyre të matur dhe të respektueshme ndaj familjes edhe pas përfundimit të martesës.

Komuna e Prishtinës paralajmëron qytetarët: Transporti publik mund të pezullohet në disa zona

Komuna e Prishtinës ka paralajmëruar për përkeqësim të kushteve atmosferike në ditët e ardhshme krahas thirrjes për kujdes të shtuar gjatë qarkullimit.

Sa i përket transportit urban, Komuna tha se në disa linja mund të ketë vonesa e në disa zona “ku vlerësohet rrezik për qarkullim të sigurt”, transporti publik do të pezullohet përkohësisht deri në normalizimin e kushteve.

“Për çdo rast të tillë, qytetarët do të njoftohen me kohë”, thuhet në njoftim.

Komuna po ashtu ka dhënë disa kontakte për qytetarët që mund t’iu duhet ndihmë.

Postimi i plotë:

Njoftim për qytetarët

Gjatë ditëve në vijim pritet përkeqësim i kushteve atmosferike, me temperatura të ulëta, ngrica dhe reshje bore. Ju lutemi për kujdes të shtuar gjatë qarkullimit. Rekomandohet:

• të kufizoni lëvizjet vetëm në raste të domosdoshme,

• të përdorni pajisjet e detyrueshme të dimrit,

• të shmangni shpejtësinë e lartë dhe të respektoni sinjalistikën në terren.

Transporti Publik Urban

Si pasojë e kushteve atmosferike, mund të ketë vonesa në disa linja. Në zonat ku vlerësohet rrezik për qarkullim të sigurt, transporti publik do të pezullohet përkohësisht deri në normalizimin e kushteve; për çdo rast të tillë, qytetarët do të njoftohen me kohë.

Qendra e Thirrjeve

Për çdo pengesë në qarkullim apo situatë që kërkon ndërhyrje, qytetarët mund të kontaktojnë në:

0800 122 33 ose 0800 122 44