Dhunimi i 13-vjeçares, jo vetëm një i dyshuar: Mesazhet zbulojnë përfshirje të disa burrave

Pas arrestimit të T.Prekaj, hetuesia ka zgjeruar skemën e dhunimit të vajzës së mitur në Istog.

Janë zbuluar në mesazhet e të miturës mesazhe që involvojnë edhe persona të tjerë të rritur që kanë komunikuar me 13 vjeçaren dhe të cilës i kanë ofruar shuma të ndryshme parash në këmbim të shërbimeve seksuale.

Në këtë listë janë burra të moshave të ndryshme në Istog të cilët e shfrytëzonin vajzën në forma të ndryshme.

Lokacioni ku zakonisht e merrnin atë me vetura ishte para disa qendrave tregtare në Istog ku ajo kryesisht qëndronte gjatë ditës.

Prandaj për dhunuesit s’do të ketë gjumë të rehatshëm ditëve në vijim.

Raportimi për prishje koalicioni LVV-LDK në Mitrovicë, deklarohet Peci

Lidhja Demokratike e Kosovës (LDK) mund ta rishqyrtojë bashkëpunimin qeverisës me Lëvizjen Vetëvendosje në Komunën e Mitrovicës së Jugut, duke hapur mundësinë e prishjes së koalicionit lokal. E gjithë kjo pasi raportohet se raportet mes LVV-së e LDK-së janë përkeqësuar kohëve të fundit për shkak të emërimit të drejtorëve komunalë.

Lëvizja Vetëvendosje, e cila e ka pushtetin në Komunën e Mitrovicës së Jugut, ka emëruar drejtorë pa u dakorduar me partnerin e koalicionit. Kryetari i Komunës së Mitrovicës së Jugut, Faton Peci, ka mohuar se ka pranuar ndonjë njoftim zyrtar apo jozyrtar nga LDK për ndërprerjen e bashkëpunimit.

“Takime kam çdo ditë me qytetarë, partnerë e aktorë të ndryshëm. Sa i përket qëndrimeve dhe planeve të LDK-së, besoj se ata i ndajnë vetë për hir të transparencës. Nga LDK unë nuk kam asnjë njoftim, as formal e as joformal, për shkëputje të bashkëpunimit të dakorduar,” ka deklaruar Peci. Ai ka theksuar se mbetet i hapur për bashkëpunim me të gjithë partnerët politikë dhe se tashmë janë diskutuar proceset kryesore që lidhen me qeverisjen lokale.

“Jam i gatshëm të bashkëpunoj me të gjithë partnerët, siç kam qenë gjithmonë, për çdo çështje që është në të mirë të qytetarëve,” ka shtuar kryetari i Mitrovicës së Jugut./telegrafi/

Situata e energjisë, Janina Ymeri: Janë t’u na vjedhë, 700 mijë euro në ditë

Janina Ymeri nga Lidhja Demokratike e Kosovës (LDK), ka thënë në “Pressing” të T7, se në Kosovë vjedhet gati në çdo sektor, por energjia thotë se është më profitabile.

Ajo ka thënë se 700 mijë euro është fitimi në ditë, duke thënë se askush nuk ka fitim më të madh në Kosovë

Ajo tha se është absurde të paguash më shumë rrymë, pse një kompani merr më shumë punëtorë.

“Ne duhet me të pagu ty pse ti ke marrë më shumë punëtorë. Kjo është absurd. Kjo është vjedhje. Këta vjedhin në shëndetësi, libra shkollorë, por sistemi energjetik është më profitabili. 700 mijë euro në ditë, aty korruptohet dikush, aty dikush”, ka thënë ajo.

Leposaviq: Hiqen tabelat serbisht, vendosen ato në gjuhën shqipe

Në hyrje-daljen e Komunës së Leposaviqit janë vendosur tabelat në gjuhën shqipe.

Ato në gjuhën serbe dhe me shkrimin cirilik janë zëvendësuar me tabelat në shqip me shkronja të mëdha.

Poshtë tyre janë tekstet në gjuhën angleze dhe serbe, rëndom si në komunat tjera, raporton IndeksOnline.

Vendosja e tabelave mirëseardhëse dhe që sinjalizojnë territorin e Komunës së Leposaviqit është bërë nga Ministria e Mjedisit, Planifikimit Hapësinor dhe Infrastrukturës.

Të premtën protestë kundër shtrenjtimit të ri të rrymës

Një grup aktivistësh/esh, Kolektivi Feminist dhe Përpjekja, kanë bërë thirrje për protestë kundër paralajmërimeve për rritje të çmimit të energjisë elektrike.

Sipas njoftimit, protesta do të mbahet këtë të premte, duke nisur nga ora 13:00 pranë ndërtesës së KEDS-it, për të vazhduar më pas drejt Qeverisë së Kosovës.

KESCO ka bërë kërkesë tek Zyra e Rregullatorit për Energji për rritjen e tarifave për 21 për qind. ZRRE, është në proces të shqyrtimit të këtij aplikacioni.

Organizatorët kanë kritikuar KEDS-in dhe Zyrën e Rregullatorit për Energji (ZRrE), duke i akuzuar për shtrenjtim të vazhdueshëm të faturave të energjisë në kurriz të qytetarëve. Ata theksojnë se që nga viti 2022, çmimi i energjisë elektrike është rritur çdo vit, ndërsa për këtë vit paralajmërohet një rritje e re rreth 20 për qind, pas shtrenjtimit prej 16.1 për qind të vitit të kaluar.

Sipas deklaratës së tyre, qytetarët nuk po paguajnë vetëm koston e energjisë, por edhe humbjet dhe keqmenaxhimin e KEDS-it, ndërkohë që përballen me ndërprerje të shpeshta të rrymës dhe rritje të përgjithshme të kostos së jetesës.

Aktivistët kërkojnë refuzimin e kërkesës së KEDS-it për rritje të çmimeve, nisjen e procesit për rikthimin e KEDS-it në pronësi publike, si dhe përmbushjen e kërkesave të sindikatës.

Ata kanë ftuar të gjithë qytetarët e Kosovës që t’u bashkohen në protestë, duke theksuar se kundërshtimi i shtrenjtimit të energjisë është i domosdoshëm për mbrojtjen e mirëqenies së qytetarëve.

Rizgjedhja e Abdixhikut në krye të LDK-së, vjen reagimi i parë nga Avdullah Hoti

Deputeti i LDK-së Avdullah Hoti, ka bërë reagimin e tij të parë katër ditë pas mbajtjes së Kuvendit zgjedhor të Lidhjes Demokratike të Kosovës në të cilin Lumir Abdixhiku u rizgjodh kryetar i partisë.

Hoti, i cili para Kuvendit kishte shprehur gatishmërinë për të marrë drejtimin e LDK-së, nuk e shpalli kandidaturën e tij gjatë punimeve të Kuvendit, raporton IndeksOnline.

Pak çaste me parë, Hoti ka publikuar një fotografi në rrjete sociale me logon e LDK-së, ku shihet duke ngritur dy gishta, simbol i kësaj partie.

Ky veprim i tij mund të interpretohet si mesazh mbështetjeje dhe përkatësie ndaj Lidhjes Demokratike të Kosovës.

Mbetet për tu parë në ditët në vazhim se cila do të jetë pozicioni i Avdullah Hotit në LDK.

Kur pritet të thirret seanca e Kuvendit?

Vullnet Bugaqku nga KDI ka deklaruar se thirrja e seancës konstituive të Kuvendit varet nga afatet ligjore pas vendimit të PZAP-it.

Ai tha se duhet pritur 48 orë për të parë nëse do të ketë ankesa në Gjykatën Supreme ndaj këtyre vendimeve.

Nëse nuk parashtrohen ankesa, KQZ duhet të mblidhet për certifikimin e rezultateve zgjedhore, pas së cilës Presidentja hap rrugën për caktimin e seancës konstituive të Kuvendit, e cila duhet të mbahet brenda 30 ditëve nga certifikimi i zgjedhjeve.

“Duhet pritur nëse brenda 48 orëve të ardhshme do të ketë ankesa në Gjykatën Supreme ndaj këtyre vendimeve të PZAP-it nga palët e pakënaqura. Nëse nuk ka ankesa në Supreme pas 48 orësh, KQZ duhet të mblidhet dhe t’i certifikojë zgjedhjet. Nga momenti i certifikimit të rezultateve hapet rruga që Presidentja të caktojë seancën e konstituimit të Kuvendit, e cila duhet të mbahet dhe të përfundojë brenda 30 ditëve nga dita e certifikimit të zgjedhjeve”, tha ai për GazetaBlic.

Specialja del me një njoftim të rëndësishëm për Thaçin

Gjykata Speciale ka publikuar një video përmbledhese të procesit të gjykimit në Hagë të Hashim Thaçit, Kadri Veselit, Jakup Krasniqit e Rexhep Selimit, duke shpjeguar atë se çfarë ka ndodhur që nga konfirmimi i aktakuzës e deri tek paraqitja e dëshmitarëve.

Specialja ka njoftuar se deklarimet përmbyllëse nga mbrojtja do të bëhen nga data 9 shkurt, dhe më pas gjyqtarët do të fillojnë vlerësimet e tyre konfidenciale.

“Fjalët përfundimtare në gjyqin Thaçi etj. do të fillojnë më 9 shkurt”, ka njoftuar Specialja.

Sipas njoftimit të Gjykatës, do të vlerësohet pesha dhe besueshmëria e secilit prej dëshmitarëve dhe secila pjesë e provave që janë ofruar.

POSTIMI:

U përpoq ta ndalonte, motoçiklisti godet policin në Prishtinë

Gjatë ditës së sotme, ka ndodhur një aksident trafiku me lëndime në rrugën ‘Garibaldi’ në Prishtinë. Në aksident janë përfshirë një motoçikletë dhe një zyrtar policor.

Zëdhënësi i policisë për Kryeqytetin, Enis Pllana, tha se gjatë përpjekjes së policit për ta ndaluar, motoçiklisti e ka goditur atë dhe më pas është larguar nga vendi i ngjarjes.

Si pasojë, zyrtari policor ka pësuar lëndime trupore dhe ka pranuar tretman mjekësor.

Isa Mustafa flet pas rizgjedhjes së Lumir Abdixhikut kryetar i LDK-së

Ish-kryetari i Lidhjes Demokratike të Kosovës, Isa Mustafa, ka hedhur poshtë pretendimet se ka qenë i përfshirë në ndonjë plan apo përpjekje për ta minuar pozitën e Lumir Abdixhikut si kryetar i LDK-së, duke i quajtur këto akuza si narrative të ulëta dhe pa bazë.

Mustafa ka deklaruar se prej dorëheqjes së tij në vitin 2021 nga të gjitha funksionet partiake, nuk ka marrë pjesë në asnjë takim apo aktivitet të LDK-së dhe se zhvillimet brenda partisë i ka përcjellë vetëm përmes mediave.

Ai ka theksuar se nuk ka as interes dhe as motiv për t’u përfshirë në çështjet e udhëheqjes së partisë, duke shtuar se humbja zgjedhore është pranuar publikisht nga vetë Abdixhiku dhe se proceset e mëtejme janë zhvilluar në mënyrë të hapur.

Sipas Mustafës, ai nuk ka asnjë grup brenda LDK-së dhe nuk ka punuar kundër asnjë drejtuesi të partisë. Ai ka shtuar se është i interesuar vetëm për forcimin dhe suksesin e LDK-së në të ardhmen, ndërsa ka kritikuar ata që, sipas tij, përhapin spekulime dhe përçarje brenda partisë.
Mustafa ka rikujtuar gjithashtu se ka qenë ai që e ka sjellë Abdixhikun në LDK në vitin 2017, duke theksuar se garat për udhëheqje brenda partisë duhet të jenë rezultat i vullnetit individual dhe proceseve demokratike.

Në fund, ai ka nënvizuar se interesat e LDK-së duhet të jenë mbi interesat personale të individëve, pavarësisht emrave apo funksioneve që mbajnë.