Kandidati i Listës Serbe për kryetar të Zubin Potokut dyshohet për përfshirje në sulmin e Banjskës

Garës për zgjedhje lokale i është futur edhe partia më e madhe e serbëve në Kosovë, Lista Serbe.

Një ndër garuesit e kësaj partie është edhe Millosh Peroviq, i cili po garon për karrigen e kryetarit të Zubin Potokut.

Tëvë1 mëson ekskluzivisht se kandidati për kryetar të Zubin Potokut, Peroviq dyshohet se ka qenë pjesë e grupit terrorist të Millan Radojçiq më 24-shtator gjatë sulmit ndaj Policisë së Kosovës në Banjskë të Zveçanit.

Televizioni ka siguruar edhe këtë fotografi nga pamjet e dronit të Policisë së Kosovës, e që dyshohet se është Peroviq, i maskuar dhe armatosur rëndë, në oborrin e manastirit të Banjskës.

Se Millos Peroviq ka afërsi me Millan Radojiçiq, e dëshmon edhe kjo fotografi e realizuar në vitin 2023, në Beograd.

Tëvë1 ka dërguar pyetje në partinë, Lista Serbe për të marrë një qëndrim nga ana e tyre, por të njëjtit deri në publikim e kësaj kronike, nuk kanë kthyer përgjigje.

Kryetari aktual i Zubin Potokut, Izmir Zeqiri ka konfirmuar për Tëvë1 se Millosh Peroviq është person i afërt i Millan Radojiciq, dhe njeri kryesor në Listën Serbe.

“Millosh Peroviq është një sejmen të themi i atyre linjave të kryeterroristit të Radojiciqit sepse edhe më përpara kanë qenë në një linjë si bashkëpunëtorë. Unë e shoh si një njeri të komprometuar  në afera të ndryshme korruptive, të keqbërjes ndaj qytetarëve, megjithatë, kjo është çështje e organeve të drejtësisë që të merren me të. Mirëpo si përfaqësues i Lista Serbe nuk ka ndonjë ndryshim pozitiv, qasja e Listes Serbe është në kundërshtim me të gjitha  normal ligjore edhe procedurale të ligjeve të Republikës së Kosovës”, deklaroi Zeqiri.

Zeqiri për Tëvë1 shtoi se edhe lista për asamblist të Listës Serbe, janë persona të afërt të Millan Radojiciq.

“Ky ka qenë edhe në parlament nga radhët e Listes Serbe nga komuna e Zubin Potokut ka qenë bashkëpunëtor i gjithë asaj linje të Radojiciqit të siemenëve të tyre kur e shoh edhe listën për asamble që e kanë në krye me bartësin e Listes Serbe Sergjan Vulloviq janë të njëjtit janë linja e njëjtë”, tha ai.

Televizioni gjithashtu ka dërguar pyetje në Policinë e Kosovës nëse të njëjtit janë duke u marrë me rastin, por deri në publikimin e stories, nuk kanë kthyer përgjigje.

Vdekja e vëllait të Gjestit, ja si ndodhi aksidenti

Policia e Kosovës, ka dalë me një komunikatë për aksidentin e rëndë që ndodhi në Pejë, si pasojë e të cilit mbeti i vdekur një person. Në komunikatë bëhet e ditur se policia për këtë aksident është informuar rreth orës 14:05.

Në komunikatë bëhet e ditur edhe se, deri te aksidenti dyshohet se ka ardhur, deri sa drejtuesi i motoçikletës pasi humb kontrollin në një kthesë gjatë përball kalimit kalon në shiritin e kundërt të rrugës me ç’rast e  godet veturën  e cila ishte duke lëvizur në drejtim të kundërt.

Tutje, nga Policia e Kosovës shtohet edhe se përveç personi që ka vdekur, edhe një person tjetër është lënduar i cili është dërguar me autoambulancë nё spitalin rajonal nё Pejё, ku është duke u trajtuar.

Njoftimi:

Humb jetën një person dhe lëndohet rendë një tjetër në aksident trafiku

Pejë, 26 shtator 2025

Ju informojmë se me datë 26 shtator 2025, rreth orës 14:05, Policia është informuar për një aksident trafiku i cili ka ndodhur në fshatin Treboviq-Pejё.

Nё vendin e ngjarjёs kanё dalё njёsitet kompetente tё Njesitit Rajonal tё Komunikacionit Rrugor (NJRKRR).

 

 

Në këtë aksident ishin të përfshira një vetur dhe një motoçiklet.

Deri te aksidenti  dyshohet se ka ardhur, deri sa  drejtuesi i motoçikletes pasi humb kontrollin në një kthesë ( i dyshuar) gjatë përball kalimit kalon në shiritin e kundërt të rrugës me ç’rast e  godet veturën   e cila ishte duke lëvizur në drejtim të kundërt.

Si pasojё e kёtij aksidenti njё person ka ndёrruar jetё nё vendin e ngjarjёs, vdekjen e sё cilit e ka konstatuar ekipi mjekёsor, ndёsa personi  i lënduar është  dёrguar mё autoambulancё nё spitalin rajonal nё Pejё, ku është duke u trajtuar.

Me urdhër të Prokurorit shtetit trupi i pa jetë i viktimës dërgohet  në Institutin e Mjekësisë Ligjore në Prishtinë, për Obduksion.

Tronditet Peja, vdes vëllai i Gjestit – pamje nga vendi i ngjarjes

Pse Vjosa Osmani harroi ta publikonte këtë fotografi?

Gazeta Nacionale sot ka raportuar se presidentja e Kosovës, Vjosa Osmani, ka qenë pjesë e takimit që emisari special i presidentit Trump për Misionet e Posaçme, Richard Grenell, ka zhvilluar me përfaqësuesit e rajonit.

Gazeta ka siguruar edhe fotografinë ku në takim shihet presidentja Osmani

Shefja e shtetit është e ulur pas përfaqësueseve të Shqipërisë dhe Maqedonisë së Veriut.

Në momentin kur është shkrepur fotografia ajo shihet duke mbajtur shënime.

Në këtë takim ka qenë i pranishëm edhe ministri i jashtëm i Serbisë, Marco Gjuriq.

Në fotografitë e këtij takimi që janë publikua sot paradite, Osmani nuk shihej fare.

Deri me tani Osmani e ka mbajtur të fshehur këtë fotografi, duke mos dhënë asnjë detaj për këtë takim.

Nga shkuarja në Nju-Jork për të marrë pjesë në punimet e Asamblesë së Përgjithshme të OKB-së, Osmani vazhdimisht ka njoftuar për takimet që i ka pasur atje.

Policia arreston tre persona në veri

Hetuesit policorë në Vushtrri, në kuadër të hetimeve për zbardhjen e veprave penale, kanë identifikuar dhe arrestuar tre persona të dyshuar për veprën penale “Vjedhje”.

Sipas njoftimit të Policisë së Kosovës, arrestimi i tre të dyshuarve (meshkuj/kosovarë) është kryer sot në Mitrovicën e Veriut, mbi dyshimet e bazuara se ata janë të përfshirë në një rast të raportuar më 19 shtator në Vushtrri, ku një qytetar kishte njoftuar për vjedhjen e një trotineti.

“Hetuesit policorë kanë arritur të gjejnë trotinetin e vjedhur, i cili pas procedurave të nevojshme i është kthyer pronarit”, u tha në njoftimin e Policisë.

Me urdhër të prokurorit, tre të dyshuarit janë liruar në procedurë të rregullt, ndërsa ndaj tyre janë iniciuar raste penale për: Vjedhje, Ndihmë në kryerje të veprës penale, Blerje, pranim ose fshehje e sendit të përfituar me kryerje të veprës penale.

Hetimet ndaj tyre do të vazhdojnë në koordinim me Prokurorinë kompetente.

Skandali me krimbat, reagon për herë të parë AUV

Agjencia e Ushqimit dhe Veterinarisë (AUV) ka bërë të qartë se sasia e peshqve të prekur me krimba është e bllokuar në depon e kompanisë importuese dhe se nuk është vënë në qarkullim në treg.

AUV ka reaguar të premten pas raportimeve në media për praninë e krimbave dhe parazitëve në peshkun e ngrirë që shitet në Kosovë.

Në një përgjigje për ‘Lajmi.net’, AUV ka potencuar se janë duke bërë përgatitjet e nevojshme për asgjësimin e e 35,170 kilogramëve të peshkut.

Agjencia ka bërë të qartë se janë duke vepruar konform vendimit të Gjykatës Komerciale.

“Në lidhje me këtë çështje, kemi edhe vendimin e Gjykatës Komerciale në Prishtinë – Dhoma e shkallës së dytë, sipas Aktvendimit Nr. të lëndës 2025:134825 me nr. dokumenti 07679680. Në përputhje me këtë vendim, Agjencia e Ushqimit dhe Veterinarisë (AUV), në bashkëpunim me kompaninë përkatëse, janë duke ndërmarrë përgatitjet për asgjësimin e 35,170 kilogramëve peshk, me qëllim garantimin e sigurisë shëndetësore të konsumatorëve dhe respektimin e standardeve ndërkombëtare. Ky proces është i domosdoshëm për mbrojtjen e shëndetit publik dhe ruajtjen e integritetit të tregut ushqimor në Kosovë. Gjithashtu, ju njoftojmë se sasia e lartëpërmendur e peshkut për asgjësim është aktualisht e bllokuar në depon e kompanisë dhe nuk është vënë në qarkullim në treg. Në momentin e asgjësimit AUV do të ju njoftoj.”, thuhet në përgjigjen e AUV-it.

‘Vox Kosova’ raportoi dje se prej vitesh qytetarët e Kosovës kishin konsumuar peshk të ngrirë të infektuar me krimba dhe parazitë.

Sipas këtij raportimi, institucionet shtetërore si Agjencia e Ushqimit dhe Veterinës dhe Ministria e Bujqësisë, megjithëse e kishin konstatuar këtë problem, nuk kishin marrë masa efektive për ta ndaluar këtë situatë.

Ganimete Musliut i pengon deklarata e Uran Ismailit: Kandidatët që thonë e ves apo s’e ves Sami Lushtakun s’kanë ide qysh me qeverisë- jeni bë bajat!

“Askush s’ka me mujt mu përzi në udhëheqjen e Prishtinës”, tha Uran Ismaili, kandidat i PDK-së për Prishtinën, në një debat televiziv, kur u pyet nëse do lejoj të ndërhyjë Sami Lushtaku nëse ai bëhet Kryetar i Prishtinës.

Por përmendja e emrit të Sami Lushtakut nga kandidatët, se nëse pyetet apo jo ku qeverisë PDK-ja, nuk i ka pëlqyer shumë deputetes së PDK-së, Ganimete Musliu.

“Kandidatët për kryetar komunash që s’kanë as program, as ide, as plan qysh me qeverisë, krejt çka dinë me thanë është: “këtu vetet Sami Lushtaku” ose “s’e ves Sami Lushtakun”, tha Musliu ndër të tjera në postimin e saj duke i thumbuar direkt kandidatët e PDK-së.

Tutje, ajo tha se kjo propagandë nuk pi më ujë.

“Grahni punës i keni edhe dy javë përpara deri me 12 tetor, se nuk ju nxjerr dot Sami Lushtaku as në njërin, as në tjetrin version. E keni shtrydhë emrin e tij në çdo mënyrë, nuk ju pin ujë më kjo propagandë. Jeni ba bajat!”, tha ajo.

E për këtë cështje se a e kontrollon apo jo PDK-në Sami Lushtaku është pyetur edhe kandidati i PDK-së për Drenas, Petrit Hajdari.

Ai tha se llogari i jep vetëm Zotit, qytetarëve, PDK-së dhe ligjit.

Postimi i plotë:

Disa thonë “për ty vetet Sami Lushtaku”, e disa tjerë “unë s’e ves Sami Lushtakun”.
Kandidatët për kryetar komunash që s’kanë as program, as ide, as plan qysh me qeverisë, krejt çka dinë me thanë është: “këtu vetet Sami Lushtaku” ose “s’e ves Sami Lushtakun”.
Po pse, për shembull, Agim Aliu kurrë s’e ka pas këtë problem?
Sepse ai ju ka grahë punëve, ka program, ka ide edhe vizion se qysh qeveriset një komunë!
Grahni punës i keni edhe dy javë përpara deri me 12 tetor, se nuk ju nxjerr dot Sami Lushtaku as në njërin, as në tjetrin version.
E keni shtrydhë emrin e tij në çdo mënyrë, nuk ju pin ujë më kjo propagandë.
Jeni ba bajat!/Lajmi.net

Ciklon i fuqishëm drejt Ballkanit – shi i dendur, paralajmërohet dhe reshje bore

Temperaturat kanë shënuar ulje dhe vranësira të dendura kanë përfshirë territoret tona. Në disa vise ka intervale kohore me diell, në veçanti në jug të Kosovës dhe disa rajone të Shqipërisë dhe Maqedonisë së veriut.

Temperaturat do të vazhdojnë të pësojnë ulje graduale edhe gjatë orëve të ardhshme dhe gjatë fundjavës ku herë pas here lokalisht do të ketë edhe periudha me shi vende-vende në formë të rrebesheve me vetëtima dhe bubullimë.

Gjendja sinoptike po ndryshon në favor të vjeshtës së vërtetë gradualisht, por ajo çfarë është interesante është gjendja sinoptike në fillim të Tetorit.

Fillimi i Tetorit

Në Skandinavi parashihet të krijohet një bllok i fuqishëm anticiklonik dhe kjo do të mundësojë që nga verilindja dhe lindja të depërtojnë masa mjaft të ftohta ajrore në drejtim të Ballkanit. Në anën tjetër kemi një potencial real që diku në jug të Italisë dhe Detin Jon të kemi krijimin e një cikloni mjaft të fuqishëm edhe sipërfaqësor që do të sjellë reshje të dendura atmosferike.

Pas reshjeve të herëpashershme, lokale që priten këto ditë, në fillim të muajit Tetor do të fillojnë reshje të reja shiu të cilat me uljen e ndjeshme të temperaturave do të shndërrohen në reshje bore në viset e larta malore. Sipas ecurive aktuale sinoptike gjasat janë rreth 60 për qind që kjo të realizohet nga tani.

Atmosferë e vërtet vjeshtore pritet të përfshijë gati të gjitha viset tona që nga e tërë Shqipëria, Kosova, Maqedonia Veriore dhe Lugina e Preshevës, ndërsa atmosferë e hershme dimërore mund të përfshijë viset e larta malore.

Pasi që kemi disa ditë përpara trajektorja e ciklonit ende mund të pësojë ndryshime, por kemi një sinjal mjaft të fortë, prandaj po e shkruajmë këtë artikull. Ndryshimi i trajektores së ciklonit mund të ndryshojë sasinë e reshjeve në të mirë dhe në të keq.

Pas një vere shumë të gjatë dhe të nxehtë, veshta ka filluar të shfaqet edhe faktikisht me ulje të temperaturave, reshje lokale dhe vranësira.

Sipas ecurive aktuale sinoptike reshje atmosferike më intensive priten në shumë vende të Ballkanit, madje ka disa gjasa që reshje bore të ketë edhe në disa zona të ulëta të Ballkanit dhe kjo mbetet mjaft interesante të ndjeket sepse jemi krejt në fillim të vjeshtës.

Kjo sigurisht se është një ekstrem dhe mund të ndodhë që modelet të zbusin pak situatën në përditësimet e tyre të ardhshme, por mbetet jashtëzakonisht interesante gjendja sinoptike në fillim të Tetorit në aspektin meteorologjik./MeteoBallkan

E dhimbshme: Ndërron jetë në moshë të re Flojera Sahiti

Ndahet nga jeta ish-ushtari i UÇK-së

Gjatë ditës së djeshme ka ndërruar jetë Ndue Deda, ish-ushtar i UÇK-së, në familjen e të cilit gjatë vitit 1999 ishte vendosur edhe spitali ushtarak i UÇK-së.

Ai ishte kujdesur me përkushtim për të plagosurit, duke u ndihmuar me ushqime dhe gjëra të tjera të nevojshme.

Varrimi i të ndjerit do të bëhet sot në orën 15:00 në varrezat e Qerimit.

Policia paralajmëron bllokime rrugësh, kjo është arsyeja

Policia e Kosovës ka njoftuar se për shkak të organizimit të maratonës ndërkombëtare “Prishtina 2025”, të dielën do të bllokohet qarkullimi në disa rrugë në Prishtinë.

Sipas Policisë, janë ndërmarrë të gjitha përgatitjet e nevojshme për të ofruar siguri për të gjithë pjesëmarrësit, si dhe masat për të përcaktuar lirimet, kufizimet, bllokimet e plota apo të pjesshme të segmenteve të caktuara rrugore.

Kjo bëhet me qëllim të rregullimit të qarkullimit rrugor dhe drejtimit të trafikut, në mënyrë që të krijohet rrjedhshmëri normale në trafik.

“Policia e Kosovës do të ndërpres qarkullimin e automjeteve rrugën Prishtinë – Fushë Kosovë në drejtim të Pejës dhe anasjelltas, deri te nyja (kyçja në autostradën Ibrahim Rugova). Plani do të fillojë të zbatohet të dielën (28.09.2025), duke filluar nga ora 09:00 deri në përfundim të maratonës,” thuhet në njoftim.

Për të përballuar sa më lehtë situatën në qarkullim, Policia ka kërkuar ndihmën dhe mirëkuptimin e gjithë qytetarëve dhe ka lutur që ata të ndjekin udhëzimet e saj.