Shqetësusese: Dronët serbë përshkojnë qiellin e Kosovës pothuajse çdo ditë e natë

Eksperti i sigurisë, Esad Çollaku në emisionin “Kosova Today” ka thënë se dronët serbë përshkojnë qiellin e Kosovës pothuajse çdo ditë e çdo natë.

Ai shton se është shqetësuese që institucionet përkatëse të Kosovës, kanë heshtur deri më tani, transmeton Klankosova.tv.

“Këto fluturime që po përmenden tani me dronë, të them të drejtën ndodhin gati thuajse çdo ditë e çdo natë”, tha ndër të tjera Çollaku.

Ky deklarim i Çollakut vjen pasi ministri në detyrë i Punëve të Brendshme, Xhelal Sveçla ka pohuar se hapësira ajrore e Kosovës është shkelur nga dronë serbë.

”Shiheni, në vazhdimësi ne kërcënohemi nga Serbia. Tash kohën e fundit po besoj që tashmë e dini që ka një lëvizje të paautorizuar apo shkeljes së hapësirës sonë ajrore përmes dronëve të cilët kohë pas kohe qarkullojnë apo shkelin hapësirën tonë ajrore”, deklaroi ai në 60 minuta në KTV.

Nga ana tjetër, eksperti i sigurisë, Bedri Elezi thotë se këta dronë dyshohet se kanë filmuar burgun e sigurisë së lartë, dhe kazerëm e Forcës së Sigurisë së Kosovës.

“Nuk e di pse deri tani institucionet tona kanë pritur ta konfirmojnë një gjë të tillë, ndoshta për shkak të koordinimit që e kanë me KFOR-in”, u shpreh Elezi në emisionin “Kosova Today”.

Elezi thotë se mbetet shqetësim mosndërmarrja e veprimeve nga institucionet e Kosovës, për sigurinë ajrore.

Profesori Muhamet Kelmendi, thotë se Serbia është duke deklaruar publikisht se ka për qëllim të ripushtojë Kosovën.

“Vuçiqi tha se Kosova është pjesë e pandashme e Serbisë në OKB”, tha tutje Kelmendi.

Ndryshe, Klankosova.tv ka dërguar pyetje në KFOR për të marrë detaje lidhur me këtë çështje, megjithëse është ende në pritje të përgjigjeve.

“Sot publikohet një nga skandalet më të mëdha të pasluftës, personazh është Faton Peci dhe kllika e tij”

Gazetari Lirim Mehmetaj ka paralajmëruar një publikim të bujshëm në mediumin VOX Kosova, për të cilin thotë se përbën një nga skandalet më të mëdha të pasluftës në Kosovë.

Në një postim të bërë nga vetë Mehmetaj, ai thekson se personazh kryesor i këtij krimi makabër është Faton Peci dhe kllika e tij, duke shtuar se bëhet fjalë për dosjen më të kompletuar që ai ka pasur ndonjëherë gjatë karrierës së tij si gazetar.

“Sot në VOX Kosova do ta publikojmë një kronikë që unë besoj se përbën një nga skandalet më të mëdha të pasluftës në Kosovë. Personazh i këtij krimi makabër është Faton Peci dhe kllika e tij. Njëherit kjo është dosja më e kompletuar që kam pasur unë personalisht prejse merrem me gazetari. Publikimi i sotëm është vetëm fillimi i një sage që do të vazhdojë për gjatë kësaj jave e asaj që vjen”, ka shkruar Mehmetaj.

Sondazhi amerikan: 56% e kosovarëve besojnë se Kosova nuk është në rrugën e duhur

Mbi gjysma e qytetarëve të Kosovës besojnë se vendi po ecën në drejtim të gabuar.

Sipas një sondazhi të Institutit Ndërkombëtar Republikan (IRI), i realizuar mes majit dhe korrikut të vitit 2025, 56 për qind e të anketuarve shprehen se Kosova nuk është në rrugën e duhur. Kjo është rritje e dukshme e pakënaqësisë, krahasuar me vitin e kaluar.

Çmimet e larta dhe papunësia janë identifikuar si problemet më të mëdha që po preokupojnë qytetarët. Nga kampioni prej 1,164 të rriturish të intervistuar mes 13 majit dhe 25 qershorit, 45 për qind e tyre e kanë cilësuar koston e jetesës si sfidën kryesore për vendin, ndërsa 19 për qind kanë përmendur papunësinë dhe 6 për qind korrupsionin.

Edhe pse korrupsioni është përmendur nga një përqindje më e vogël e qytetarëve si “problemi kryesor”, ai vazhdon të renditet mes tri sfidave kryesore me të cilat përballet Kosova, sipas gjetjeve të IRI-së.

Shteti nën “drejtimin” e Dimal Bashës- Osmani e Kurti udhëtuan për në Shtetet e Bashkuara të Amerikës

Kryeministri në detyrë, Albin Kurti ka udhëtuar dje për në Shtetet e Bashkuara të Amerikës.
Vizita e Kurtit do të jetë 10 ditore, e kësisoj përgjatë kësaj kohe ai parashihet t’i zhvillojë disa takime në Amerikë.

Por jo vetëm kaq.

Në Kosovë mungon edhe presidentja e vendit, Vjosa Osmani.

Osmani po ashtu ka udhëtuar drejt Shteteve të Bashkuara të Amerikës para disa ditëve, në kuadër të Asamblesë së kombeve të Bashkuara.

Edhe pse parashihet që në të shumtën e rasteve vizitat e tyre jashtë vendit të jenë të koordinuara e që vendi të mos mbetet pa drejtues, në Kosovë tani udhëheqësi më i lartë është kryetari i Kuvendit ë Kosovës, Dimal Basha.

Derisa në vend nuk janë as Osmani e as Kurti, Kosova mbetet nën udhëheqjen e Bashës.

Në rast të ndonjë situate të jashtëzakonshëm të krijuar, Dimal Basha do të duhej të merrej edhe me çështje që s’do të merrej në një gjendje normale si kryeparlamentar.

Edhe pse udhëtimi i Kurti dhe Osmanit në të njëjtën kohë nuk është në ndonjë normë të ndaluar, pro parashihet që ata të koordinohen në mënyrë që vendi të mos mbetet pa drejtues- por derisa në vend është kryeparlamentari situata është më e rregullt.

Komfort në Ligjin për Protokollin e shtetit (Ligji Nr. 03/L132) nenit 19 pika 4 e këtij neni në mënyrë decidive thotë ” protokolli i shtetit vihet në dijeni për çdo lëvizje të të personalitete kryesore, Presidentit, Kryetarit të kuvendit dhe Kryeministrit jashtë vendit. Vizitat bashkërendohen në mënyrë që të mos jenë të tre njëkohësisht jashtë vendit.

E hic më larg se dy vite më parë, presidentja Osmani, kryeministri Albin Kurti dhe kryetari i Kuvendit të Kosovës, Glauk Konjufca patën udhëtuar në të njëjtën kohë.

Presidenca e Kosovës përmes një njoftimit zyrtar pati njoftuar se Osmani me ftesë të Presidentit të Tunizisë, Kais Saied dhe Organizatës Ndërkombëtare të Frankofonisë, ka udhëtuar për në Djerba të Tunizisë, ku do ta përfaqësojë Kosovën në samitin e krerëve të shteteve të Organizatës Ndërkombëtare të Frankofonisë.

Kurse Kurti ka udhëtuar për në Estoni, ku ka takuar homologen e tij estoneze Kaja Kallas për një takim bilateral.

Ai gjithashtu zhvilloi një drekë pune me ministrin e Punëve të Jashtme të Estonisë, Urmas Reinsalu.

Nga ana tjetër kryetari i Kuvendit, Glauk Konjufca ka udhëtuar në Gjermani, ku ka mbajtur takim me bashkatdhetarët.

E tani për tani në udhëtime janë vetëm Kurti dhe Osmani, që i bie se në vend vazhdon të jetë kryeparlamentari Basha

” Ka hypë në veturë për me shku në shtëpi..”, Zhdukja misterioze e veteranit të UÇK-së, flasin familjarët

Kanë kaluar 8 muaj që nga zhdukja e veteranit të UÇK-së, Zylfi Tejeci nga fshati Gorozhup i Hasit, dhe familja ende nuk kanë asnjë gjurmë nga ai.

Sipas familjarëve, Tejeci është zhdukur më 23 janar të këtij viti.

“Babi im, Zylfi Tejeci është i zhdukur nga 23 janari, sot 8 muaj janë bërë dhe ende nuk kemi asnjë informacion për fatin e tij”.

Djali i të zhdukurit, Zylfi Tejecit, Ardian Tejecit, për Insajderin tha se rastin e kanë raportuar në polici, por deri më tani nuk dinë asgjë për të.

“Nuk kemi asnjë informacion, polica thotë vetëm hetimet vazhdojnë”.

Ardian Tejeci ka treguar edhe se si ka ndodhur zhdukja e babait të tij.

“Me datën 23 janar është pa për herë të fundit me një lokal në fshatin Planej të Hasit, pas atij momenti ka hypë në veturë për me shku në shtëpi dhe nga ai moment është zhdukur prej asaj date s’kemi asnjë informacion për të”, tha ai tutje.

Mbledhet qeveria: Në rendin e ditës është edhe vendimi për shkarkimin e…

Të gjithë ministrat e kabinetit Rama ndodhen në selinë e këshillit të ministrave duke nisur mbledhjen e qeverisë.

Priten disa projektvendime për t’u diskutuar, një prej tyre është edhe projektvendimi për shkarkimin e kryebashkiakut Erion Veliaj.

Pas vendimit të Këshillit Bashkiak, prefekti i Tiranës e dorëzoi në Këshillin e Ministrave. Nuk dihet ende se kush është duke e drejtuar këtë mbledhje, kryesocialisti Edi Rama apo zv.kryeministrja Belinda Balluku.

Pritet nëse në vendim do të thyhet që do të hyjë në fuqi menjëherë, apo pas publikimit në fletoren zyrtare.

Kurti udhëton në ShBA, zbulohet arsyeja

Kryeministri në detyrë i Republikës së Kosovës, Albin Kurti, ka udhëtuar për në New York të Shteteve të Bashkuara të Amerikës, ku do të zhvillojë takime bilaterale me liderë në kuadër të Javës së Nivelit të Lartë të Sesionit të 80-të të Asamblesë së Përgjithshme të Kombeve të Bashkuara.

Gjatë qëndrimit atje, gjithashtu do të takojë pjesëtarë të komunitetit shqiptar në SHBA dhe përfaqësues të shoqatave të diasporës.

Përmes pjesëmarrjes në Javën e Nivelit të Lartë dhe takimeve të parapara synohet thellimi i raporteve bilaterale me vende partnere, fuqizimi i mëtejmë i subjektivitetit ndërkombëtar të shtetit tonë në raport me vendet mosnjohëse dhe prezantimi i mundësive dhe përparësive që Republika e Kosovës ofron për investitorë të huaj.

E rëndë: Djali rrah nënën e tij

“Mbaje veten” – Tensione pas debatit, përplasen Bashkim Ramosaj dhe Natyra Kuqi

Pas përfundimit të debatit mes kandidatëve për kryetar të Komunës së Deçanit, nuk munguan as tensionet mes konkurrentëve politikë. Dy nga kandidatët, që gjatë fushatës kanë pasur përplasje të ashpra, u përballën edhe pas debatit.

Kryetari aktual i Deçanit, Bashkim Ramosaj, i zgjati dorën kundërkandidates nga PSD, Natyra Kuqi. Gjatë këtij momenti, ai i tha asaj: “Mbaje veten.”

Reagimi i Kuqit ishte i menjëhershëm dhe me ton të ngritur: “Mbaje veten ti!” – iu kthye ajo.

Momentin mund ta ndiqni në videon më poshtë:

Premtim i madh elektoral: 500 euro për çdo lehonë

Kandidati i Lidhjes Demokratike të Kosovës për kryetar të Rahovecit, Burim Krasniqi, ka shpalosur plan-programin e kësaj partie që synon marrjen e drejtimit në këtë komunë.

Krasniqi tha se plan-programi i LDK-së në Rahovec përbëhet nga 12 zotime kryesore që sipas tij, ka të bëjë me 12 sektorët kryesorë në këtë komunal.

“Plan-programin e kemi me 12 zotime kryesore që kanë të bëjnë me 12 sektorët kryesorë që kanë të bëjnë me agroturizëm, shëndetësi, e kemi qendrën e vjetër të qytetit, ridizajnimin e sheshit kryesor, subvencionimin e lehonave te pjesa e shëndetësisë”.

“Për arsimin ndër të tjera është edhe pjesa e inteligjencës artificiale e cila do të fillojë nga klasa e pestë. Te bujqësia, 24 orë ujë dhe kanalizim, që nuk do të jetë temë më që do të diskutohet më në zgjedhjet e tjera”, tha Krasniqi në Edicionin Special në Klan Kosova.

Për sa i përket shëndetësisë, Krasniqi premtoi ndërtimin e parkingut nëntokësor tek Qendra Kryesore e Mjekësisë Familjare në Rahovec, teksa shtoi se të gjitha ambulantat do të jetën funksionale.

“Tek pjesa e shëndetësisë, do të ketë parking nëntokësor tek QMF-ja. Të gjitha ambulantet do të jenë funksionale si dhe një sos-buton që do të jetë risi për t’i ardhur në ndihmë shpejt të moshuarve dhe atyre me sëmundje kronike”, tha ai, njofton Klankosova.tv.

Krasniqi më tej premtoi edhe ndarjen e nga 500 eurove për nënat lehonat por edhe rritje të sigurisë në shkolla.

“Nënat lehona do të kenë nga 500 euro kudo që lind dhe kudo që jeton në komunën e Rahovecit. Te shkollat do të ketë rritje të përgjegjësisë, siguri në shkolla, transport publik falas në mënyrë që prindërit të jenë të sigurt”, tha ai.