Njohja e Kosovës nga Spanja, vjen lajmi i fundit

Ish-këshilltari i Partisë Laburiste në Mbretërinë e Bashkuar, Reg Pula, i ka kërkuar kryeministrit të Spanjës, Pedro Sanchez, që Madridi ta njohë Kosovën, ashtu siç bëri me Palestinën.

Ai në një shkrim në X, ku Sanchez mirëpriti njohjen e Palestinës nga Mbretëria e Bashkuar, Kanadaja dhe Australia, komentoi duke shkruar se njohja e Palestinës nga Spanja ua hapi rrugën shteteve të tjera.

“Megjithatë, mosnjohja nga e Kosovës nga Spanja forcon paqëndrueshmërinë në një pjesë tashmë të paqëndrueshme të Europës”.

“Nëse siguria e Europës do të jetë qendrore për strategjinë e Mbretërisë së Bashkuar, ajo duhet të kërkojë ta përfshijë Spanjën në këtë çështje”, shkroi Pula i cili është edhe drejtor i Rud Petersen, trupit evropian të komunikimeve strategjike.

“Ata duhet t’i ngrehim zvarrë nëpër rrugët e Prishtinës”, Supremja merr vendim për ankesën e VV-së ndaj Sami Lushtakut

Gjykata Supreme ka marrë vendim lidhur me ankesën e Lëvizjes Vetëvendosje ndaj kandidatit të PDK-së për kryetar të Skenderajt, Sami Lushtaku, pas deklaratave të tij të bëra në një paraqitje televizive, shkruan Insajderi.

Supremja ka konstatuar se “ankesa e subjektit politik Lëvizja Vetëvendosje është e pa themeltë”.

Në aktvendim thuhet se Paneli Zgjedhor për Ankesa dhe Parashtresa (PZAP), më 15 shtator 2025 kishte pranuar ankesën e Vetëvendosjes, e cila pretendonte se Sami Lushtaku gjatë pjesëmarrjes në emisionin “Jehona Politike” në Klan Kosova më 13 shtator, kishte bërë thirrje të hapura për dhunë.

Lushtakut deklaronte: “Unë mendojë që qytetarët e këtij vendi duhet me dalë në rrugë dhe me dalë në protestë, dhe duhet me kërkuar që ata që nuk e respektojnë Kushtetutën, nuk i respektojnë ligjet e Kosovës, nuk respektojnë Prokurorinë, unë mendojë që ata duhet t’i ngrehim zvarrë nëpër rrugët e Prishtinës”.

Vetëvendosje kishte pretenduar se kjo shkel nenin 34, par.1, pika 1.11 të Ligjit për Zgjedhjet e Përgjithshme.

Nga ana tjetër, PDK në përgjigjen e saj kishte theksuar se pretendimet e Vetëvendosjes nuk qëndrojnë, duke argumentuar se partia ka shpërndarë udhëzime të qarta për të gjithë anëtarët që të respektojnë ligjin dhe të përmbahen nga gjuha fyese apo kërcënuese.

Sipas PDK-së, deklarata e Lushtakut nuk ishte nxitje për dhunë, por thirrje për reagim qytetar ndaj atyre që shkelin Kushtetutën dhe ligjet e Kosovës, duke e interpretuar si një apel për përgjegjësi dhe drejtësi, e jo si nxitje për veprime të jashtëligjshme.

VENDIMI

Skandaloze: Hoxha shqiptar krah Vuçiqit në paradën e ushtrisë serbe në Beograd

Të shtunën në Beograd u mbajt parada ushtarake, të cilën presidenti serb, Aleksandar Vuçiq e prezantoi si një dëshmitë të forcës.

Por vëmendje mori prezenca e Nexhmedin Saqipit, hoxhës nga Tërnoci i Madh.

Kjo pjesëmarrje ishte befasuese për ekspertin e sigurisë, Bedri Elezin.

“Ishte befasuese pjesëmarrja e hoxhës në këtë aktivitet, i cili për qëllim kishte pikërisht kanosjen e sovranitetin të vendeve ballkanike, sidomos nga pozicioni i cili ka shkuar”, tha Elezi në “Kosova Today”.

Nga ana tjetër, Hoxhë Ladi tha se hoxhë Nexhmedin Saqipi ka mundur të jetë i detyruar të marrë pjesë në këtë aktivitet.

“Serbia është armiku jonë, madje është armik i përbetuar, dhe miku që e bën armikun mik, nuk ka justifikim”, u shpreh hoxhë Ladi.

Ndahet nga jeta infermierja e njohur

Spitali i Përgjithshëm i Gjilanit ka njoftuar me pikëllim të thellë për ndarjen nga jeta të infermieres shumëvjeçare Rejane Haziri, një prej punëtoreve më të përkushtuara të këtij institucioni shëndetësor.

Në njoftimin zyrtar të publikuar nga spitali thuhet:
“Me pikëllim të thellë sot morëm lajmin e ndarjes nga jeta të bashkëpunëtores tonë shumëvjeçare, punëtore e devotshëme, Infermiere Rejane Haziri. Infermierja Rejane Haziri punoi në shërbimin e Emergjencës, ajo do të mbahet në mend për përkushtimin e saj në ndihmë pacientëve dhe për kolegialitetin e saj në raport me pacientët dhe personelin e Spitalit në përgjithësi.”

Menaxhmenti i Spitalit, në emër të gjithë stafit mjekësor dhe administrativ, ka shprehur ngushëllimet më të sinqerta për familjen Haziri-Murati, si dhe për miqtë dhe të afërmit e saj.

“Qoftë i përjetshëm kujtimi për Infermieren-Rejane Haziri. U prehtë në paqe shpirti i saj,” përfundon njoftimi.

Dëshmia e Rubinit dhe e të tjerëve në Hagë, deklarohet Kurti

Kryeministri në detyrë, Albin Kurti, ka thënë se e ka përcjell pjesërisht gjykimin në Hagë. Ai ka thënë se Mbrojtja është përcaktuar për një orientim të veçantë dhe se roli i tyre është i kufizuar.

“E kam përcjell pjesërisht, me aq sa kam mbërritur për shkak të angazhimeve dhe aktiviteteve të shumta. Mbrojtja është përcaktuar për një orientim të veçantë, roli ynë është i kufizuar. Ne kemi dhënë mbështetje financiare në mënyrë të pandërprerë dhe shpresojmë për më të mirën. Por, në anën tjetër, qëndrimi im për Gjykatën Speciale është i njëjti prej fillimit”, ka thënë ai për T7.

I pyetur se si e komenton faktin që Demaçi po përmendet si kryesori, e ai ka qenë bashkëpunëtor i ngushtë me të, Kurti tha se do të presë ecurinë e këtij procesi pa dhënë vlerësime politike.

“Faleminderit. Unë besoj që duhet të presim ecjen e këtij procesi pa dhënë ne vlerësime politike. Edhe njëherë po e theksoj që qëndrimi im për Gjykatën Speciale nuk ka ndryshuar asnjëherë”.

Kurti nuk u përgjigj nëse beson që ish-krerët e UÇK-së do të shpallen të pafajshëm.

“Faleminderit shumë”, tha ai pa shtuar asgjë tjetër.

FSK hap konkurs për 60 ushtarë të rinj nga komunitetet jo shumicë

Forca e Sigurisë së Kosovës (FSK) ka shpallur një konkurs të ri për rekrutimin e 60 ushtarëve aktivë nga rradhët e komuniteteve jo shumicë, duke u dhënë mundësi të rinjve dhe të rejave për t’i shërbyer atdheut të tyre.

Kjo iniciativë vjen në kuadër të përpjekjeve të vazhdueshme për forcimin e kapaciteteve të FSK-së dhe për të siguruar përfaqësimin e të gjitha komuniteteve në strukturat e sigurisë së vendit.

Të gjithë kandidatët e interesuar janë të ftuar të informohen rreth kushteve të konkursit dhe procedurës së aplikimit përmes faqes zyrtare të Ministrisë së Mbrojtjes.

 

 

Vrasja e Liridona Ademajt – me këtë datë pritet të dëshmojë edhe babai i Naim Murselit

Sot në Gjykatën Themelore në Prishtinë ka vazhduar gjykimi për vrasjen e Liridona Ademajt, ku i dyshuari kryesor është bashkëshorti i saj, Naim Murseli.

Gjatë kësaj seance janë dëgjuar ekspertët e neuropsikiatrisë, Shpend Haxhibeqiri për Naim Murselin dhe Bujar Betinca për Granit Plavën.

Në të dy rastet ka rezultuar se të dyshuarit për vrasjen e Ademajt janë në gjendje të mirë psikike.

Në këtë seancë ka munguar eksperti mjeko-ligjor, Naim Uka, i cili pritet të dëshmojë më 6 tetor.

Ndërkohë, më 10 tetor para trupit gjykues do të paraqitet edhe babai i Naim Murselit, Shaban Murseli.

Këto janë tabletat që Naim Murseli kishte refuzuar t’i merrte nga Psikiatria Forenzike

Murselit i “djeg” raporti psikiatrik, që e nxori “shnosh si molla”, befason me veprimin në seancë

E dhimbshme sa ska më: Ndërron jetë 7-vjeçarja

Shuhet ikona e aktrimit, Enver Petrovci

Aktor dhe regjisor shqiptar Enver Petrovci ka ndërruar jetë.

Lajmi është bërë i ditur nga një familjar i aktorit.

“Me dhimbje dhe pikëllim të madh njoftojmë ndarjen nga jeta të aktorit tonë të dashur, Enver Petrovci. Kjo është një humbje e madhe për familjen tonë dhe për mbarë artin shqiptar. Ai do të kujtohet gjithmonë për shpirtin e tij fisnik dhe veprën e jashtëzakonshme që la pas”, thuhet në publikim.

Ai vdiq në moshën 71-vjeçare.

Gucati: Vetëvendosje e ka UÇK-në në majë të gjuhës, por jo në zemër

Kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka folur për deklaratën e ministrit në detyrë të Financave nga Vetëvendosje, Hekuran Murati, që e quajti Gjykatën Speciale të padrejtë.

Gucati tha se Vetëvendosje e ka në majë të gjuhës UÇK-në, por nuk e ka në zemër, sepse sipas tij, janë të njëjtit që i kanë thënë ish-presidentit Hashim Thaçi “shko në Hagë”.

Gucati tha se Murati po tenton ta pastrojë veten nga ajo që më herët kishte thënë, se “më lirë do t’i kushtonin Kosovës mercenarët”.

“Hekuran Murati po mundohet ta pastrojë veten, unë kështu po mendoj. Ai para disa viteve ka thënë se më mirë do të ishte të paguanim mercenarë sesa sot t’i paguanim veteranët e UÇK-së, që po marrin pensione që na takojnë, sepse janë fituar me djersë e gjak. Ne e dimë sa kanë ata dëshirë të lirohet Hashim Thaçi, ne e dimë sa kanë ata dëshirë të mos ekzistojë Gjykata Speciale. Ata thonë se nuk e kanë votuar Gjykatën Speciale”.

“Po gënjejnë, sepse po të ishin kundër gjykatës, atë ditë kishin qëndruar në Parlament dhe kishin votuar kundër. Kjo është një gënjeshtër e tyre, sepse ata kanë dalë jashtë sallës së Kuvendit atë kohë dhe nuk kanë qëndruar për të votuar kundër. As nuk kanë votuar kundër, as nuk kanë abstenuar, ata në fakt janë pajtuar me atë. Kështu që Hekuran Murati ka dalë sa për sy e faqe me atë deklaratë për një grusht vota. Nuk e ka bërë me zemër Hekuran Murati atë deklaratë”, ka thënë Gucati.

Gucati ka thënë se Vetëvendosje e ka UÇK-në në majë të gjuhës, por jo me zemër.

“Unë e kam thënë se Vetëvendosje në majë të gjuhës e kanë UÇK-në, por nuk e kanë me zemër, sepse e fyejnë, e shajnë. Për kohën kur ka thënë Hekuran Murati të paguheshin mercenarë, kanë qenë gjallë edhe Adem Jashari, Zahir Pajaziti, Luani e Shkëlzen Haradinaj e shumë e shumë të tjerë – edhe ata mercenarë a?”, ka thënë Gucati.