Aktor dhe regjisor shqiptar Enver Petrovci ka ndërruar jetë.
Lajmi është bërë i ditur nga një familjar i aktorit.
“Me dhimbje dhe pikëllim të madh njoftojmë ndarjen nga jeta të aktorit tonë të dashur, Enver Petrovci. Kjo është një humbje e madhe për familjen tonë dhe për mbarë artin shqiptar. Ai do të kujtohet gjithmonë për shpirtin e tij fisnik dhe veprën e jashtëzakonshme që la pas”, thuhet në publikim.
Ai vdiq në moshën 71-vjeçare.
Kryetari i Organizatës së Veteranëve të Luftës së Ushtrisë Çlirimtare të Kosovës, Hysni Gucati, ka folur për deklaratën e ministrit në detyrë të Financave nga Vetëvendosje, Hekuran Murati, që e quajti Gjykatën Speciale të padrejtë.
Gucati tha se Vetëvendosje e ka në majë të gjuhës UÇK-në, por nuk e ka në zemër, sepse sipas tij, janë të njëjtit që i kanë thënë ish-presidentit Hashim Thaçi “shko në Hagë”.
Gucati tha se Murati po tenton ta pastrojë veten nga ajo që më herët kishte thënë, se “më lirë do t’i kushtonin Kosovës mercenarët”.
“Hekuran Murati po mundohet ta pastrojë veten, unë kështu po mendoj. Ai para disa viteve ka thënë se më mirë do të ishte të paguanim mercenarë sesa sot t’i paguanim veteranët e UÇK-së, që po marrin pensione që na takojnë, sepse janë fituar me djersë e gjak. Ne e dimë sa kanë ata dëshirë të lirohet Hashim Thaçi, ne e dimë sa kanë ata dëshirë të mos ekzistojë Gjykata Speciale. Ata thonë se nuk e kanë votuar Gjykatën Speciale”.
“Po gënjejnë, sepse po të ishin kundër gjykatës, atë ditë kishin qëndruar në Parlament dhe kishin votuar kundër. Kjo është një gënjeshtër e tyre, sepse ata kanë dalë jashtë sallës së Kuvendit atë kohë dhe nuk kanë qëndruar për të votuar kundër. As nuk kanë votuar kundër, as nuk kanë abstenuar, ata në fakt janë pajtuar me atë. Kështu që Hekuran Murati ka dalë sa për sy e faqe me atë deklaratë për një grusht vota. Nuk e ka bërë me zemër Hekuran Murati atë deklaratë”, ka thënë Gucati.
Gucati ka thënë se Vetëvendosje e ka UÇK-në në majë të gjuhës, por jo me zemër.
“Unë e kam thënë se Vetëvendosje në majë të gjuhës e kanë UÇK-në, por nuk e kanë me zemër, sepse e fyejnë, e shajnë. Për kohën kur ka thënë Hekuran Murati të paguheshin mercenarë, kanë qenë gjallë edhe Adem Jashari, Zahir Pajaziti, Luani e Shkëlzen Haradinaj e shumë e shumë të tjerë – edhe ata mercenarë a?”, ka thënë Gucati.
Në Gjykatën Themelore në Prishtinë po vazhdon seanca për rastin e vrasjës së Liridona Ademaj, ku i akuzuari kryesor është Naim Murseli.
Derisa ish- drejtori i Psikiatrisë Forenzike në QKUK, Shpend Haxhibeqiri ka shpalosur detaje për raportin psikiatrik, Murseli ka listuar disa pyetje kundrejt tij, transmeton IndeksOnline.
Murseli: A e kam pranu ndonjëherë që unë e kam kryer veprën për të cilën akuzohem, qysh doli raporti në media, prej juve a prej gjykatës”?
Duket, se Murseli përgjatë këtyre muajve kishte hallin se si raporti psikiatrik u publikua në media, e i cili nxori në pah të vërtetën se ai nuk kishte as edhe një problem psikiatrik.
Në Dhomat e Specializuara në Hagë ka vazhduar dëshmia e John Stewart Duncan, ish-këshilltari i gjeneralit amerikan Wesley Clark, i cili është thirrur nga mbrojtja e ish-presidentit të Kosovës, Hashim Thaçi.
Duke folur për periudhën e luftës në Kosovë, Duncan tha se burimet për informimin e gjeneralit Clark ishin të shumta dhe të larmishme.
“Informoja gjeneralin Clark në mëngjes. Zgjohesha, kam hyrë në internet për të parë zhvillimet e fundit se çfarë po ndodhte në Kosovë, dëgjoja lajmet e 24 orëve të fundit, në veturë dëgjoja edhe BBC-në, lexoja të gjitha shërbimet. Përmes videolidhjeve informonim komandantët në terren”, deklaroi ai.
Duncan theksoi se angazhimi i tij kishte për qëllim të krijonte një pasqyrë të qartë ditore të zhvillimeve në Kosovë:
“Përpiqesha të krijoja një panoramë se çfarë kishte ndodhur çdo 24 orë në Kosovë”, shtoi ai.
Ish-diplomati nuk iu përgjigj pyetjes nëse kishte burime nga persona të brendshëm, por vuri në dukje se kultura shqiptare kishte luajtur rol të rëndësishëm në kuptimin e Ushtrisë Çlirimtare të Kosovës.
Ai përmendi edhe ndikimin e familjes Jasharaj gjatë vitit 1998.“Kur bëja hulumtime, dilte emri i Jasharajve çdo kund. Kishin rëndësi të madhe”, tha Duncan.
Kandidati i pavarur për Kuvendin Komunal të Ferizajt, Bashkim Fazliu ka trazuar rrjetin me një nga premtimet e tij në zgjedhjet e 12 tetorit.
Një Ferizaj pa burka [mbulesa e grave, ku mund të mbulohet edhe fytyra] po kërkon dhe po premton Fazliu.
“E kam vërejt një dukuri të tillë, është goxha në rritje i sheh në qytet, pastaj i sheh edhe nëpër shkolla, ajo është kulmi. Unë e kam përmend shumë herë, është çështje ekskluzive e sigurisë publike. Ma së pari është mbulim, se këtu njerëzit e ka pa që ka dhezë“, deklaroi ai në Klan Kosova.
“Nëse e keni pa, ky është mbulim i plotë i fytyrës. Unë jam për ndalimin e mbulimit të ftyrës, pjesën për me u identifiku. Ku e di ti se kush fshihet prapa. Ku e di ti nesër në oborr të shkollës, mundet me qenë naj hajn… Çka nëse këta janë “sleeping agents”? Çka nëse këta e marrin nesër një urdhër. Në momentin që hy në Kuvend, jam kompetent“.
“A e din ku ju ka djeg më së shumti këtyre? E kam fjalën për grupe radikale. Ju ka djeg se është hera e parë që ata janë gjet para një muri të pakalueshëm, që është Kushtetuta e Republikës së Kosovës, e ka bazën ligjore. Kushtetuta, neni 38, paragrafi 4, lejon kufizimet me ligj kur është siguria publike. Unë e kam shpjegu elementin e sigurisë publike. Këtu është një rrjet që është dikush prapa. Organet e sigurisë duhet me i hetu këto“.
Në Gjykatën Themelore në Prishtinë ka nisur seanca e radhës në rastin e vrasjes së Lirdona Ademajt, ku i akuzuari kryesor për këtë rast është bashkëshorti i të ndjerës, Naim Murseli dhe dy të tjerë, Granit Plava dhe Kushtrim Kokalla.
Në këtë seancë po dëshmojnë zyrtarë të Psikiatrisë Forenzike për ekzaminimin e gjendjes së Naim Murseli.
Ish- drejtori i Klinikës së Psikiatrisë Forenzike, Shpend Haxhibeqiri, ka nisur dëshminë e tij në seancës për rastin e Liridona Ademaj.
Haxhibiqiri në dëshminë e tij u shpreh se nuk është konstatuar asnjë çrregullim mendor tek i akuzuari.
Por Naim Murseli pati një pyetje rreth raportit për ekspertizën psikiatrike që i është bërë atij.
“Ne media kam parë tituj që ekzaminimi im thotë që Naim Murseli ishte në gjendje të aftësisë në momentin kur vrau gruan e tij. Pyetja ime është kjo. A e thotë raporti që unë e kam vrarë gruan time”, tha Murseli në seancë.
Shpend Haxhibeqiri ish- drejtor i Psikiatrisë Forenzike në QKUK po vazhdon dëshminë e tij, sa i përket raportit psikiatrik për Naim Murselin, i akuzuar për vrasjen e Liridona Ademaj.
Haxhibeqiri, gjatë seancës tha se Murseli gjatë qëndrimit në klinikë, ka refuzuar tabletat “Psikopharmak”, që rekomandohen për personat me çrregullime mendore, transmeton IndeksOnline.
“Psikopharmak” rekomandohen për trajtimin e simptomave e çrregullimeve mendore, si depresioni, ankthi, skizofrenia, çrregullimet bipolare, çrregullimet e panikut, obsesive-kompulsive, e të tjera.
Ish- drejtori i Klinikës së Psikiatrisë Forenzike, Shpend Haxhibeqiri, ka nisur dëshminë e tij në seancës për rastin e Liridona Ademaj.
Naim Murselit, i akuzuar për vrasjen e Liridona Ademaj, i ishte bërë ekzaminimi psikiatrit javë më parë në Klinikën e Psikiatrisë Forenzike.
Sipas raportit nuk është konstatuar asnjë çrregullim mendor tek i akuzuari.
Haxhibiqiri në dëshminë e tij u shpreh se në çregullimin afatgjatë prej fëmijë e deri tani nuk është shfaqur asnjë element që do ta mundësojë ndonjë problem dhe afatshkurtër është pjesa prej momentit të arrestimit deri tek ekzaminimit.
“Natyrisht ekzaminimi psikiatrit kryhet me biseda, vrojtim të sjelljeve, të folurit e të tjera dhe këto merren për bazë. Ne pikën 3 e kemi shpjeguar se kjo është bazuar në sjelljen e tij para gjatë edhe pas veprës”, ka thënë Haxhibeqiri, transmeton IndeksOnline.
“Qëndrimi i Murselit ka qenë koherent karshi gjendjes e situatës në të cilën ndodhej. Gjendja koherente do të thotë me e marrë për bazë të gjitha çështjet. Murseli ka qëndruar pa ndonjë telashe gjatë ekzaminimit edhe pse në momente për arsye të ngjarjes ka pasur ndërprerje dhe shqetesime”, ka shtuar tutje ai.
Programi ekonomik “Rama 4” ka në fokus rritjen e qëndrueshme, vit pas viti të ekonomisë, si dhe rritjen e pagave dhe pensioneve për qytetarët.
Premtimi është që, në janar të vitit 2026 paga minimale arrin në 500 euro/muaj.
Delina Ibrahimaj, ministre e Ekonomisë dhe Inovacionit, tha se ky nivel i ri vjen në përputhje me zhvillimet e sektorëve ekonomikë, ndërsa shpjegoi se biznesi në 18 muaj nuk do të paguajë kosto shtesë si pasojë e kësaj rritje.
“Paga 500 euro është një shifër që është e përballueshme për të gjithë sektorët e ekonomisë. Ndaj studimet tona kanë treguar se ky nivel page është i arritshëm. Mbi të gjitha pjesë e programit tonë është që më rritjen e pagës minimale në 500 euro bruto, sipërmarrja private nuk do të ketë kosto shtesë, pra biznesi nuk do të paguajë më shumë kontribute shoqërore apo shëndetësore për 18 muajt e parë të zbatimit”, sqaroi Ibrahimaj në Vizion Plus.
Paralelisht është parashikuar që brenda katër viteve në vazhdim paga mesatare në shkallë vendi të arrijë në 1.000 euro, nga 830 euro që është aktualisht.
Administrata publike do të vijë të ketë një rritje të mëtejshme të pagës, çka mendohet se gradualisht paga mesatare në shtet të arrijë në 1.200 euro në fund të mandatit.
Në Gjykatën Themelore në Prishtinë po mbahet seanca e radhës për rastin e vrasjes së Liridona Ademajt, ku i akuzuari kryesor është bashkëshorti i saj, Naim Murseli.
Përveç Murselit, në sallën e gjyqit janë të pranishëm edhe bashkëpunëtorët e tij të dyshuar, Kushtrim Kokalla dhe Granit Plava.
Në këtë seancë pritet të dëshmojnë ekspertët e psikiatrisë Shpend Haxhibeqiri, Blerina Hoxha dhe Ajet Bunjaku, të cilët kanë ekzaminuar Naim Murselin dhe Granit Plavën.
Në sallë gjenden gjithashtu edhe mbrojtësit e të pandehurve: Teuta Zhinipotoku për Murselin, Skënder Gojani për Plavën, si dhe Ndrec Dodaj për Kokallën.
Ndërkohë, mungon në këtë seancë eksperti mjeko-ligjor Naim Uka./Insajderi
