I FUNDIT: PDK-ja afër një marrëveshje koalicioni me VV-në

Qytetarët e komunës së Dragashit do t’i drejtohen sërish kutive të votmit më 9 nëntor në balotazhin që do të zhvillohet mes Behgjet Xheladinit të LDK-së dhe Shaban Shabanit të PDK-së.

Nga dega e PDK-së në Dragash shprehen të bindur se do ta përmbysin rezultatin dhe do të dalin fitues.

Kryetari i PDK-së në Dragash, Vehbi Nazifi ka thënë se janë afër arritjes së marrëveshjes me Vetëvendosjen, Koalicionin Vakat dhe kandidatin e pavarur, Nedzmedin Sejdilar.

Në një prononcim për IndeksOnline, ai ka thënë se pasi t’i arrijnë këto koalicione fitorën e Shaban Shabanit nuk mund ta ndalë askush.

Në zgjedhjet e 9 tetorit, kandidati i LDK-së për kryetar të Dragashit ka fituar 6 mijë e 616 vota.

Ndërsa kandidati i PDK-së, ka fituar 4 mijë e 46 vota pëfshirë votat e diasporës.

Përfundon numërimi i votave në Prishtinë, ja kandidatët më të votuar në të gjitha partitë

Ka përfunduar numërimi i të gjitha votave të Prishtinës.

Në garën për Kuvendin Komunal, LDK-ja ka dalë e para, PDK-ja e dyta, kurse Vetëvendosje e treta.

Por, kush janë kandidatët më të votuar nëpër të gjitha partitë politike?

LDK

Në LDK, bartësi i listës, Përparim Rama, ka marrë 28,740 vota. I dyti, Bujar Gashi, ka 1,304 vota, pas tij Bekim Gashi me 1,187 vota, Milazim Vitija i katërti me 1,166 vota, dhe Fadil Aliu me 936 vota. Lista vazhdon me:

Egzon Pacolli -920 vota

Sokol Havolli -902 vota

Dasmor Durmishi -848 vota

Etnik Mustafa -700 vota

PDK

Bartës i listës ka qenë kandidati për kryetar, Uran Ismaili, i cili ka marrë 22,198 vota. Kandidati më i votuar në PDK ndër asamblistë është:

Agron Canolli -1,112 vota

Leutrim Retkoceri -882 vota

Ilirik Musliu -857 vota

Besianë Musmurati -846 vota

Yll Muriqi -828 vota

Granit Geci -716 vota

Plator Gërgovci -660 vota

Florian Beka -659 vota

Trim Syla -585 vota

Vetëvendosje (VV)

Bartëse e listës ka qenë Mrika Limani Myrtaj, me 21,302 vota. Kandidati më i votuar është:

Gëzim Sveçla -1,534 vota

Jeta Bujari -1,175 vota

Berita Abazi Muhadri -782 vota

Egzon Azemi -716 vota

Feim Osmani -673 vota

Nora Kelmendi -652 vota

Besart Krasniqi -552 vota

Nexhmije Gjema – 479 vota

AAK

Bartës liste ka qenë kandidati për kryetar, Bekë Berisha, me 9,886 vota. Kandidati më i votuar nga asamblistët:

Kreshnik Smajljaj -773 vota

Endrit Gashi -681 vota

Yll Bogaj -628 vota

Bahri Gashi -488 vota

Kushtrim Mushica -454 vota

Burhan Pajaziti -443 vota

Lidhja për Prishtinën

Bartësi i listës, Fehmi Kupina, ka marrë 7,356 vota. Të tjerët:

Betim Abdullahu -383 vota

Kreshnik Sopi -381 vota

Liridon Restelica -344 vota

Nusret Stublla -308 vota

Arbenita Murseli Haxholli -287 vota

Besnik Bahtiri -283 vota

PSD

Bartëse e listës, Besa Shahini, ka marrë 2,614 vota. Kandidatët më të votuar:

Nexhmedin Bekteshi -365 vota

Rrezertor Meha -233 vota

Gëzon Kastrati -230 vota

Qëndrim Sahiti -230 vota

NISMA

Kandidati më i votuar është bartësi i listës, Endrit Zabërgja, me 2,281 vota. Pas tij:

Granit Shala -151 vota

Shkëlqim Mustafa -145 vota

GUXO

Bartësja e listës, deputetja Jeta Statovci, ka marrë 2,022 vota. Të tjerët:

Jeton Mehmeti -156 vota

Gykhan Troshupa -109 vota

Vdes regjisori i njohur shqiptar

Regjisori i njohur, Atdhe Gashi, vdiq të shtunën e 18 tetorit.

Kjo u bë e ditur nga Teatri Kombëtar i Kosovës, i cili përmes një njoftimi, tha se Gashi ishte bashkëpunëtor shumëvjeçar i institucionit.

Teatri Kombëtar shprehu ngushëllimet më të sinqerta familjes dhe të gjithë komunitetit artistik për humbjen e Gashit.

Derisa detajet e mbledhjes komemorative dhe ceremonisë mortore nuk janë bërë ende të ditura.

Abazi paralajmëron: Është fundi i Kurtit, kushdo që e mbështet do të paguajë faturën politike

I pyetur rreth mundësisë që kryeministri në detyrë, Albin Kurti të rikthehet në krye të qeverisë, Haki Abazi nga AAK tha se kjo duket e pamundur dhe se vendi nuk mund të ketë më Kurti normal në një qeveri normale.

Ai në studion e emisionit “Info Nata” në Tëvë1 tha se beson që LDK-ja nuk do të bënte koalicion me LVV-në.

“Mund të ketë Kurti jonormal brenda një qeverie jonormale, por kjo nuk sjell asnjë lloj stabiliteti politik në Kosovë. Nuk besoj se LDK do të pranonte që t’i superdinohej një njeriu dhe një koncepti që ka dhënë rezultate negative për vendin,” tha Abazi.

Ai shtoi se kushdo që do të përpiqet të mbështesë Kurtin në këtë situatë do të bëhet bashkëfajtor dhe do të paguajë faturën politike për pasojat që do të vinin në muajt në vijim.

“Unë e shoh të pamundur. Nuk mund të ketë më Kurt normal, në një qeveri normale. Mund të ketë Kurti jonormal brenda një qeverie jonormale. Por, ky nuk paralajmëron asnjë lloj stabiliteti politik në Kosovë. Nuk besoj në asnjë formë që LDK do të pranonte t’i superdinohej një njeriu e një koncepti që ka treguar rezultate negative për vendin. Nëse donë me iu fateru dështimit të pesë viteve të fundit, cilësdo parti atëherë do të pranonte që të hynte në koalicion. Është fundi i Kurtit, kushdo që ia vazhdon ose ia vazhdon këtë fund Kurtit, do të jetë bashkëfajtore e do të paguaj faturën politike për atë se çfarë do të ndodhë në muajt në vazhdim”, deklaroi ai.

Ushtria izraelite sulmon Gazën

Ushtria izraelite ka nisur një sulm në Gaza.

Trupat izraelite u sulmuan me armë zjarri në Rafah të Gazës jugore, duke bërë që Forcat Mbrojtëse të Izraelit (IDF) të hakmerren me sulme ajrore, raporton The Times Of Israel.

IDF ende nuk ka komentuar mbi sulmet.

Ndryshe, si Izraeli ashtu edhe Hamasi kanë akuzuar njëri-tjetrin për shkelje të armëpushimit.

Së fundmi Departamenti amerikan i Shtetit ka paralajmëruar se Hamasi po planifikon një sulm “të menjëhershëm” ndaj civilëve në Gaza që do të shkelte marrëveshjen e armëpushimit.

Ai tha se nëse Hamasi vazhdon me sulmin, “do të merren masa për të mbrojtur popullin e Gazës dhe për të ruajtur integritetin e armëpushimit” të arritur nga Donald Trump për t’i dhënë fund luftës dyvjeçare midis Izraelit dhe Hamasit.

Gruaja rrah rëndë bashkëshortin, e bën për spital

Një rast dhune në familje është raportuar të shtunën në Prishtinë, ku një person dyshohet të jetë sulmuar fizikisht nga bashkëshortja e tij.

Viktima thuhet se ka marrë trajtim mjekësor pas incidentit, ndërsa e dyshuara është intervistuar nga autoritetet dhe, pas përfundimit të procedurave hetimore, është liruar me vendim të prokurorit.

“Dyshohet se viktima mashkull kosovar (m/k), është sulmuar fizikisht nga e dyshuara femër kosovar (f/k)-bashkëshortja e tij. Viktima ka pranuar tretman mjekësor. Lidhur me rastin është intervistuar e dyshuara dhe pas përfundimit të procedurave me vendim të prokurorit lirohet në procedurë të rregullt”, thuhet në raportin 24-orësh të PK-së.

Operacioni policor në veri, arrestohet serbi me nofkën “Buba”

Prokuroria Speciale e Kosovës është duke zhvilluar një operacion policor në nëntë lokacione në Komunën e Zubin Potokut dhe Zveçanit, nën dyshimin për kryerjen e disa veprave penale.

Sipas burimeve të Tëvë1, një person i komunitetit serb, i njohur me nofkën “Buba”, dyshohet se është arrestuar.

Ai dyshohet për sulm ndaj personit zyrtar dhe kryerje të veprave të ndryshme kriminale.

Kjo është gruaja më e votuar në Podujevë

Adelina Stublla nga radhët e Vetëvendosjes, me anë të një statusi publik ka thënë se zyrtarisht është gruaja më e votuar në nivel vendi në zgjedhjet e 12 tetorit, duke siguruar 1063 vota, një rezultat që ajo e cilëson si “nderin më të madh që mund të marrë një grua që punon me dashuri për qytetin e vet”.

Stublla ka shprehur mirënjohjen për mbështetjen e madhe që ka marrë nga qytetarët llapjanë, duke theksuar se ky sukses është fryt i përkushtimit dhe i punës së vazhdueshme me komunitetin.

Ky është postimi i saj i plotë:

1063 zemra, 1063 falënderime!

Faleminderit nga zemra secilit prej jush që më dhatë besimin dhe përkrahjen tuaj!

Me 1063 vota, jam gruaja më e votuar në Podujevë dhe kjo për mua është nderi më i madh që mund të marrë një grua që punon me dashuri për qytetin e vet.

Ky rezultat është dëshmi e besimit tuaj në punën, sinqeritetin dhe përkushtimin që kemi treguar bashkë.

Çdo derë që u hapa, çdo bisedë, çdo takim e çdo përpjekje gjatë këtyre viteve, sot më japin forcë të vazhdoj edhe më shumë për të mirën e Podujevës dhe qytetarëve tanë.

Ju jam thellësisht mirënjohëse për çdo votë, fjalë të mirë e mbështetje që më keni dhënë.

Kjo fitore është e juaja, e grave, e të rinjve, dhe e çdo qytetari që beson në punë e në ndryshim!

Ju dua me

Shkëlzen Gashi: Kurti po e pengon pIanin e Ramës dhe Vuçiçit për ndarje të Kosovës

Analisti Shkëlzen Gashi ka akuzuar kryeministrin shqiptar Edi Rama dhe presidentin serb Aleksandar Vuçiç se kanë dashur ta ndajnë Kosovën, duke marrë dy të tretat Shqipëria dhe një të tretën Serbia. Sipas tij, Rama ka përdorur ish-presidentin Hashim Thaçi për realizimin e këtij plani, ndërsa ky i fundit ka pranuar me shpresën se do t’i shpëtonte Gjykatës Speciale.

Gashi shton se Rama e urren kryeministrin Albin Kurti “patologjikisht”, pasi Kurti po e pengon këtë projekt. Ai gjithashtu thekson se Rama po e përdor UÇK-në dhe figurat e saj për qëllime politike, duke ironizuar se “Edi Rama e don UÇK-në sa e don Fatmir Sheholli”.

Postimi i plotë:

edi rama me aleksandar vučić-in kanë dashtë me e nda kosovën: 2/3 me i marrë edi rama e 1/3 me e marrë aleksandar vučić-i 🙁

edi rama ka dashtë me e portretu vetën në historinë e shqiptarëve si ismail qemaili i ditëve tona, prandaj edhe mjekrën pat fillu me e rregullu si të ismail qemailit 😃

për me realizu këtë plan kundër kosovës, edi rama e pat përdorë hashim thaçin, të cilin ai e sheh si isa boletini i ditëve tona, që do të thotë si malok 🙁

hashim thaçi ka pranu me u përdorë në këtë projekt kundër kosovës sepse ka shpresu që shpëton nga gjykata speciale.

edi rama po vazhdon me e përdorë uçk-në dhe hashim thaçin me shpresën se një ditë ka me e zbatu projektin për me e nda kosoven në mes të shqipërisë e sërbisë e vet me hy në histori si ismail qemaili i ditëve tona 🙁

albin kurti po e pengon këtë projekt, prandaj edi rama po e urren albin kurtin patologjikisht 🙂

edi ramës bash palla s’i ha për uçk-në, sikurse që s’u ha as këtyre matrapazëve politikë e ekonomikë që po e përdorin uçk-në për qëllime politike e ekonomike.

edi rama e don uçk-në qaq sa e don fatmir sheholli 😃

Vdes një person në QKUK

Një person ka ndërruar jetë të shtunën në Qendrën Klinike Universitare të Kosovës (QKUK), ku po trajtohej si pasojë e plagëve të rënda të marra në vendin e punës.

Në raportin 24-orësh të Policisë bëhet e ditur se, më 3 tetor, viktima ishte rrëzuar nga një lartësi teksa po punonte në një kompani ndërtimore në komunën e Shtimes.

Me vendim të prokurorit, trupi i pajetë është dërguar në Institutin e Mjekësisë Ligjore për obduksion, ndërkohë që policia ka nisur hetimet për rastin.

“Raportohet se në QKUK ka ndërruar jetë viktima m/k, i cili kishte qenë duke u trajtuar si pasojë e plagëve të pësuar pasi më 03.10.2025 ishte rrëzuar nga një lartësi derisa ishte duke punuar në një kompani ndërtimore. Me vendim të prokurorit trupi i pajetë i viktimës është dërguar në IML për obduksion”, thuhet në raportin e Policisë.