James Rubin: Tmerrohem nëse e dënojnë Thaçin

Ish-diplomati amerikan, James Rubin, ka komentuar zhvillimet e fundit në Gjykatën Speciale në Hagë dhe procesin gjyqësor ndaj ish-presidentit të Kosovës, Hashim Thaçi.

Rubin, i cili këtë javë dëshmoi në seancën gjyqësore në Hagë, tha se do të ishte i tmerruar nëse gjykata do ta shpallte Thaçin fajtor.

“Mendoj se gjykata do të bënte vetë një dëm shumë të madh ndaj të drejtës ndërkombëtare sepse kur punoja për Madeleine Albright, kur e kishim  themeluar Tribunalin për krime të luftës, në vitin 1993, të parin, ideja ishte që të caktohej faji individual, E jo të fajësohej bashkërisht njëra palë ose tjetra”, tha ai në një intervistë në Klan Kosova.

“Kjo është tash ajo që po ndodhë, të fajësohen Hashim Thaçi dhe liderët e tjerë të UÇK për gjërat që nuk kanë ditur dhe nuk mund të ishin përgjegjës, do të ishte fajësim kolektiv i shqiptarëve, kështu do të rritej dhuna. Andaj, duhet gjetur kryesit dhe të dënohen ata, ky është edhe qëllimi i sundimit të ligjit dhe këtyre tribunaleve”, tha Rubin.

Ai mes tjerash deklaroi se kjo është edhe arsyeja që beson se ish-krerët e UÇK-së që po mbahen në Hagë, sipas tij të mos dënohen.

Një tjetër shtet i fuqishëm njeh Palestinën

Ministrja e Jashtme e Autoritetit Palestinez, Varsen Aghabekian, ka bërë të ditur se Britania është duke u përgatitur për një “hap të guximshëm në një kohë shumë të vështirë” me njohjen zyrtare të Palestinës. Ajo beson se ky vendim që pritet të shpallet në ditët në vijim do të frymëzojë shtetet e tjera të ndjekin shembullin.

Aghabekian tha që masa britanike ishte “më mirë vonë sesa kurrë” dhe theksoi:

“Britania, me peshën e saj, mund të ndikojë te vendet e tjera që të dalin përpara dhe ta njohin, sepse kjo është gjëja e duhur për t’u bërë”.

Ajo gjithashtu shprehu zemërim ndaj Shtëpisë së Bardhë për “mbështetjen e palëkundur” të saj për Izraelin, duke theksuar se njohja e Palestinës nuk duhet parë si shpërblim për terrorizëm, por si një hap drejt drejtësisë, raporton Skynews.

Ministrja tha se mosnjohja ndaj Palestinës edhe mund të perceptohet si “shpërblim për ekstremistët” dhe se nëse pret derisa Izraeli të jetë i gatshëm për negociata, ajo beson se kjo mund të mos ndodhë asnjëherë.

Aktualisht, Palestina është njohur nga rreth tre të katërtat e vendeve të Kombeve të Bashkuara dhe përfshin territoret e Bregut Perëndimor, Jeruzalemin Lindor dhe Rripin e Gazës.

 

Raporte ‘jo të mira’ edhe me Shqipërinë: Kurti ‘me një veprim’ të papritur ndaj Ramës

Kryeministri i Shqipërisë, Edi Rama, dje ka marrë mandati e tij të katërt si kryeministër i shqiptarëve. Pas miratimit të programit të qeverisë dhe këshillit të ministrave në Kuvend, Rama ka filluar të marrë urime për mandatin e tij nga shumë liderë të Evropës. Por, një të tillë nuk e ka marrë ende nga kryeministri në detyrë i Kosovës, Albin Kurti.

Ndonëse kanë kaluar më shumë se 24 orë që Rama ka marrë mandatin e ri, kryeministri Kurti ende nuk e ka bërë asnjë urim në profilin e tij në “Facebook”.

Kurti sot ka mbajtur edhe një mbledhje të kabinetit qeveritar. Por, as në adresimin e tij para ministrave në detyrë nuk e ka përmendur fare çështjen e urimit të Ramës për mandatin e ri.

Ndër liderët e parë që e ka uruar kryeministrin shqiptar për mandatin e ri është presidenti i Ukrainës Vlodimir Zelensky.

Në një postim në platformën X, Zelensky është shprehur se pret me padurim të vazhdojë bashkëpunimin dhe dialogun me Ramën për të arritur paqe dhe siguri të qëndrueshme për gjithë Evropën.

“I uroj kryeministrit Rama çdo sukses në zbatimin e planeve të tij ambicioze për Shqipërinë, përfshirë edhe në rrugën e saj drejt anëtarësimit në BE”, ka shkruar ai, duke folur për vlerat e përbashkëta të të dy vendeve.

“Së bashku, do të përparojmë në vlerat tona të përbashkëta dhe një të ardhme të sigurt dhe të begatë për kombet tona në Evropë, e cila është e fortë dhe e bashkuar”, ka shkruar Zelensky.

Ndryshe nga Kurti ka vepruar kryetari i ri i Kuvendit të Kosovës, Dimala Basha.

Ky i fundit, e ka uruar menjëherë homologun e tij shqiptar Niko Peleshi sapo ka marr postin e kryetarit të Kuvendit të Shqipërisë.

Basha i ka uruar Peleshit punë të mbarë dhe suksese në detyrën e re.

Në urimin e tij kryetari Basha ka vlerësuar se të dy kuvendet kanë qenë dhe do të mbeten gjithmonë pranë njëri-tjetrit, duke forcuar bashkëpunimin institucional dhe duke ndërtuar ura vëllazërie për të mirën dhe mirëqenien e qytetarëve tanë.

“Mezi pres të takohemi e të bashkëpunojmë ngushtë për të thelluar lidhjet tona institucionale dhe vëllazërore, ashtu siç edhe presin dhe e meritojnë qytetarët tanë në të dy anët e kufirit“, ka thënë në urimin e kryeparlamenatrit Basha.

Kryeministri i Shqipërisë, Edi Rama, dhe ministrat e tij sot janë betuar para presidentit të Republikës, Bajram Begaj.

Pas ceremonisë së betimit në Presidencë, e cila ka zgjatur disa minuta, Rama dhe ministrat kanë bërë foton familjare.

Kuvendi i Shqipërisë dje ka miratuar programin e qeverisë dhe përbërjen e Këshillit të Ministrave.

Qeveria “Rama 4” në Kuvend ka marrë 82 vota pro, asnjë kundër dhe asnjë abstenim.

Behrami: Kurti sot imiton Serbinë dhe Vuçiqin, me vetëdije po jetëson një doktrinë serbe

Deputeti i PDK-së, Artan Behrami, thotë se kreu i Vetëvendosjes, Albin Kurti, për dy dekada ka krijuar narracion të rrejshëm për procesin e dialogut në Bruksel.

Ai përmes një postimi në Facebook ka shkruar se se në këtë narracion ai është munduar ta paraqes Serbinë si fituesve të këtij procesi.

Behrami tutje ka shkruar se Kurti tani është duke e imituar sjelljen e Serbisë.

Postimi i tij i plotë:

Tash e dy dekada, Kurti e ka krijuar narracionin e rrejshëm që përfituesja më e madhe e dialogut është Serbia.

Ai është i bindur se Serbia ka ‘përfituar’ në dialog duke qenë destruktive!

Në këtë mënyrë Kurti e ka skicuar rrugën që do ta rrahë.

Një rrugë pa aleatë, një rrugë ndryshe nga ajo që kemi ndjekur në dy dekadat e fundit, bashkërisht me aleatët tanë.

Kurti sot imiton Serbinë dhe Vuçiqin.

Ai me vetëdije sot po jetëson një doktrinë që fund e krye është doktrinë serbe!

Tension i madh në qiell: Avionët rusë hyjnë në Estoni – vjen paralajmërimi

Ministri i Jashtëm i Ukrainës, Andrii Sybiha, ka paralajmëruar se inkursioni 12-minutësh i avionëve ushtarakë rusë në hapësirën ajrore të Estonisë është një sinjal i qartë se Rusia është “e përgatitur për të përshkallëzuar më tej” veprimet e saj ushtarake në Evropë.

Në një deklaratë për Sky News, Sybiha u bëri thirrje vendeve të Evropës Lindore të bashkëpunojnë më ngushtë me Ukrainën, duke përfituar nga përvoja e saj unike në përballjen me sulmet ajrore ruse.

“Asnjë vend tjetër nuk ka ekspertizën për t’iu kundërvënë sulmeve të tilla ajrore të kombinuara në shkallë të gjerë. Ne jemi të përgatitur ta ndajmë atë me partnerët tanë që përballen me kërcënime në rritje ruse në hapësirën e tyre ajrore”, tha Sybiha.

Ministri gjithashtu theksoi rëndësinë e integrimit të sistemeve të mbrojtjes ajrore mes Ukrainës dhe aleatëve evropianë, si një strategji për të mbrojtur hapësirën ajrore të përbashkët.

“Gjithashtu ka kuptim të kombinohen sistemet e mbrojtjes ajrore ukrainase dhe aleate dhe të mbrohen së bashku qiejt evropianë mbi Ukrainën dhe vendet e tjera,” u shpreh ai.

 

Lajm i madh për Palestinën – shteti i fuqishëm e njeh zyrtarisht

Portugalia thotë se do të njohë shtetin palestinez të dielën, duke e bërë atë kombin e fundit perëndimor që përgatitet të ndryshojë politikën, ndërsa lufta në Rripin e Gazës nuk tregon shenja ndalimi.

Ministria e jashtme bëri njoftimin përpara Asamblesë së Përgjithshme të Kombeve të Bashkuara (UNGA) javën e ardhshme në Nju Jork, shkruan BBC.

Izraeli e ka dënuar këtë veprim, me kryeministrin Benjamin Netanyahu që tha se “shpërblen terrorin” pas sulmit të Hamasit më 7 tetor 2023 ndaj Izraelit.

Çitaku: Çka dallon punimi i Dimal Bashës kundër UÇK-së, nga deklarata e Kurtit ‘Hashim, shko në Hagë’?

Sekretarja e Përgjithshme e PDK-së, Vlora Çitaku, ka folur për Dimal Bashën, kryetarin e ri të Kuvendit të Kosovës

Ajo ka pohuar se Basha është njeriu që përfaqëson më së miri Lëvizjen Vetëvendosje.

“Kryetar i Kuvendit ka qenë Jakup Krasniqi, ka qenë Kadri Veseli, ka qenë Nexhat Daci, mirëpo këtë degradim në Kuvendin e Kosovës e ka sjellë Lëvizja Vetëvendosje.”

“Dimal Basha është zgjedhja e tyre, ai është përfaqësuesi më tipik i Lëvizjes Vetëvendosje,” u shpreh Çitaku.

Teksa e njëjta gjithashtu shtoi se beson që mes kreut të VV-së, Albin Kurti dhe kreut të Kuvendit, Dimal Basha, nuk ka dallim sa i përket deklarimeve publike kundër UÇK-së.

“Çka dallon ajo (punimi shkencor i Dimal Bashës kundër UÇK-së) nga deklaratat që i ka bërë Albin Kurti nga foltorja e Kuvendi “‘Hashim, shko në Hagë’”, pyeti ajo në Klan.

Zbulohet emri i këngëtares se njohur që do të jetë pjesë e BBVK-së

E ftuar në “Weekend” në Klan Kosova, gazetarja Agnesa Smajli ka dhënë detaje lidhur me të rejat e fundit nga bota e shoubizit, me fokus të veçantë për VIP-at që pritet të jenë pjesë e “Big Brother VIp 4”.

Ajo tha se ka dëgjuar se pjesë e këtij edicioni të BBVK4 do të jenë vajzat e “Supernovës”, duke shtuar se duhet të presim që pjesëmarrës të jenë edhe disa influencerë.

Smajli tha se është përfolur gjithashtu se edhe këngëtarja Zanfina Ismjali do te jetë pjesë e këtij edicioni, por çdo gjë mbetet për t’u parë.

“Ky edicion po pritet me shumë padurim, por po mbetet më shumë sekret. Nuk po dihet kush ka me hy dhe kjo e bën më emocionues. Por do të ketë mix banorësh. Eidicioni i kaluar ka qenë një edicion që e mbajti edhe Big-un në Shqipëri”, tha gazetarja Agnesa Smajli.

Kandidati i VV-së për asamblist nga ura e Ibrit kërkon që Mitrovica të quhet Albin Kurti

Kandidati i Lëvizjes Vetëvendosje për këshilltar të Kuvendit Komunal, Avdyl Ferataj, ka marrë vëmendjen e rrjeteve sociale pas një propozimi të pazakontë. Në një video të publikuar në Facebook, ai u paraqit tek ura e re mbi lumin Ibër në Mitrovicë dhe kërkoi që qyteti të marrë emrin e kryeministrit të Kosovës, Albin Kurti.

Ferataj deklaroi:

“MITROVICËS I DUHET NJË EMËR I RI. KJO MITROVICË DUHET TË QUHET MITROVICA E ALBIN KURTIT.”

Pas lavdërimeve për liderin e Vetëvendosjes, në fund të videos ai iu drejtua Kurtit edhe në gjuhën gjermane duke i shprehur dashurinë e tij:

“RESPEKT PËR ALBIN KURTIN. ZOTI E RUAJT ALBIN KURTIN. TË DUA SHUMË. ICH LIEBE DICH.”

Ai e përmbylli mesazhin e tij duke bërë shenjën e shqiponjës dykrenare me duar – një gjest simbolik që e bëri videon të përhapet shpejt në rrjete sociale.

Statovci: Kur Sabri Fejzullahu këndoi për ujin e Llapit, sigurisht nuk e kishte menduar këtë ujë që shohim sot!

Jeta Statovci, bartëse e listës “Guxo” për Kuvendin Komunal të Prishtinës, ka ngritur shqetësimet e banorëve të Barilevës për mungesën e ujit të pijshëm, kanalizimit, ndriçimit publik dhe çerdhes në këtë fshat, duke e cilësuar këtë si realitet të papranueshëm për vitin 2025.

Ajo tha se nga Asambleja do të jetë zëri i qytetarëve për të përfshirë këto çështje në buxhet dhe investime, duke theksuar se fshatrat nuk duhet të mbesin të harruara.

“Ky realitet po i detyron shumë banorë të braktisin vendlindjen e tyre. Kjo nuk është vetëm padrejtësi, por edhe dështim i qeverisjes lokale.Nga Asambleja, ne do të jemi zëri i qytetarëve që çështja e çerdhes, kanalizimit, ndriçimit publik dhe qasjes në ujë të pijshëm të jenë të buxhetuara dhe të përfshira si investime të domosdoshme”, ka shkruar në postim.

Në takim ishin të pranishëm edhe kandidatët Isa Rexha dhe Gykhan Troshupa, të cilët shprehën zotimin për t’u kujdesur që fshatrat e Prishtinës të marrin vëmendjen që meritojnë./IndeksOnline/