Udhëheqësit e Listës Serbe ankohen në Serbi për moscertifikimin në Kosovë

Udhëheqësit e Listës Serbe kanë zhvilluar një takim në Rashkë të Serbisë me Petar Petkoviqin, drejtor i Zyrës për Kosovën në Qeverinë e Serbisë, një ditë pas vendimit të Komisionit Qendror të Zgjedhjeve (KQZ) për të mos e certifikuar këtë parti për pjesëmarrje në zgjedhjet lokale të 12 tetorit.

Në një postim në X, Petkoviq ka thënë se gjatë takimit me liderët e partisë më të madhe serbe në Kosovë janë diskutuar çështjet politike, ekonomike dhe të sigurisë për komunitetin serb.

“Takim në Rashkë me liderët e Listës Serbe pas tentimit të Kurtit për t’i ndaluar nga pjesëmarrja në zgjedhjet lokale. Kemi diskutuar për situatën politike, të sigurisë dhe ekonomike në komunitetet serbe dhe për hapat e mëtejmë dhe mbështetjen për interesat e popullit serb në Kosovë”, ka shkruar ai.

Vendimi i KQZ-së për të mos certifikuar Listën Serbe u mor me dy vota për, dy kundër dhe shtatë abstenime, pasi anëtarët e Lëvizjes Vetëvendosje në KQZ publikuan dokumente që tregojnë se disa kandidatë të Listës Serbe për kryetarë komunash apo asamblistë mbajnë pozita në organet paralele të Serbisë në Kosovë. Të premten, partia njoftoi se do të parashtrojë ankesë në Panelin Zgjedhor për Ankesa dhe Parashtresa (PZAP)

Ky vendim ka shkaktuar reagime ndërkombëtare. Shtetet e QUINT-it dhe Bashkimi Evropian kanë shprehur shqetësim, duke e cilësuar pengimin e partive të komuniteteve pakicë nga pjesëmarrja në zgjedhjet lokale si një minim të parimeve të demokracisë.

“Çdo veprim i tillë për t’i përjashtuar disa komunitete minon parimet demokratike dhe dëmton besimin ndaj institucioneve të Kosovës”, thuhet në reagim.

QUINT ka theksuar se pret që Qeveria në largim dhe partitë tjera të përmbahen nga hapat e mëtejmë që pengojnë regjistrimin e partive, si dhe u ka bërë thirrje partive të prekura nga vendimet që të ankohen në Panelin Zgjedhor për Ankesa dhe Parashtresa.

Quni i përgjigjet Donika Gërvalles: Me të besu ty, është sikur t’i besoja një ushtari të dezertuar

Deputeti i LDK-së, Anton Quni, i është përgjigjur deputetes Donika Gërvalla, e cila e akuzoi atë dhe disa bashkëpartiakë të tij se u bënë bashkë me Listën Srpska dhe s’ia dhanë votën asaj për kryeparlamentare.

Quni tha se e ka “standard thelbësor” besnikërinë në politikë dhe tha se nuk mund t’ia besojë një post të rëndësishëm “një personi që ka ndryshuar anë dhe ka braktisur njësinë”.

“Kjo është njësoj sikur të avancosh në detyrë një ushtar që ka dezertuar një ditë më parë”, ka shkruar Quni në Facebook.

“Pse është e rëndësishme besnikëria në politikë? Për mua, besimi është themeli i çdo marrëdhënieje. Kjo vlen edhe për politikën. E dëgjova ankesën e deputetes Donika Gërvalla-Schëarz që nuk e votova për kryetare të Kuvendit. Kjo më bëri të reflektoj mbi një standard që unë e kam thelbësor: besnikërinë. Kam një parim të palëkundur, si në jetë, ashtu edhe në punë: nuk mund t’ia besoj një post të rëndësishëm një personi që ka ndryshuar anë dhe ka braktisur njësinë. Kjo është njësoj sikur të avancosh në detyrë një ushtar që ka dezertuar një ditë më parë. Unë besoj vetëm tek ata që qëndrojnë besnikë edhe kur gjërat vështirësohen. Është kjo besnikëri që ndërton besim dhe bën të mundur punën e vërtetë, atë që është në shërbim të qytetarëve”, ka thënë Quni.

E dhimbshme: Ndahet nga jeta 25-vjeçari nga Kosova, ishte asamblist në Jokkmokk të Suedisë

Komuna e Drenasit ka bërë të ditur se ka ndërruar jetë Lirigzon Kataqica, 25-vjeçar nga fshati Gallanasellë, i cili jetonte në Suedi.

Kryetari i Drenasit, Ramiz Lladrovci, në faqen zyrtare të komunës në Facebook ka shprehur ngushëllimet e tij për familjen e të ndjerit.

“Largimi i parakohshëm i Lirigzonit është dhimbje e madhe për familjen dhe komunën tonë. Ngushëllime të sinqerta dhe lutemi që Zoti t’u japë forcë familjarëve për ta përballuar këtë humbje të papritur. Ngushëllime të sinqerta për familjen Karaqica”, ka thënë Lladrovci.

E dhimbshme: Vdes zyrtarja e Shërbimit të Gjendjes Civile në Pejë

Ka vdekur zyrtarja e Shërbimit të Gjendjes Civile në Komunën e Pejës, Luljeta Cena.

Lajmin e ka bërë të ditur Drejtoria për Administratë në këtë komunë, ku u tha se atë do ta kujtojnë gjithmonë për veprat e saj.

“Lule,ike e bekuar duke lënë pas një staf që te donin dhe i doje aq shumë,duke na lënë vepra të rralla për ne që gjithmonë do t’i mbajmë në mendjet dhe zemrat tona”, thuhet në reagimin e Drejtorisë për Administratë.

Nuk është bërë e ditur nëse zyrtarja e Shërbimit Civil ishte duke vuajtur nga ndonjë sëmundje.

Vetëaksidenti me fatalitet në Pejë, ky dyshohet se ishte shkaktari

Sot në orët e hershme të mëngjesit në Pejë ka ndodhur një vetëaksident me fatalitet.

Policia e Kosovës për rajonin e Pejës në një njoftim për media ka dhënë detaje të aksidentit.

“Ju informojmë se sot, më datën 22 gusht 2025, në orën 05:20, Policia është informuar për një aksident trafiku i cili ka ndodhur në rrugën ‘Konferenca e Bujanit’ në Pejë. Deri te vetaksidenti dyshohet se ka ardhur derisa drejtuesi i veturës ishte duke qarkulluar nga Vitomirica nё drejtim tё Pejёs dhe me tё arritur në rrugёn e lartpërmendur, duke mos iu përshtatur shpejtësisë dhe kushteve tё rrugës, humb kontrollin mbi automjet dhe godet një shtyllë elektrike tё ndriçimit rrugor”, thuhet në njoftim.

Si pasojё e kёtij vetaksidenti ngasёsi i veturёs ka pёsuar lëndime trupore, i njëjti ёshtё dёrguar me autoambulancё nё spitalin rajonal nё Pejё, aty nga ekipi mjekësor ёshtё konstatuar vdekja e viktimës.

Me urdhër të Prokurorit të shtetit trupi i pajetë i viktimës dërgohet në Institutin e Mjekësisë Ligjore në Prishtinë, për obduksion.

Gërvalla: Kur kam kontribuar unë për luftën, disa të tjerë kanë qenë duke pirë qumësht

Deputetja e Lëvizjes Vetëvendosje, Donika Gërvalla nga radhët e Listës Guxo është deklaruar sot lidhur me raportimet e mëhershme në media se është dëshmitare në Hagë.

Ajo theksoi se është fushatë që bëhet për denigrimin dhe baltosjen e personalitetit të saj.

“…Nuk jam dëshmitare e Hagës…Pyetni avokatët e të akuzuarve në Hagë se ku figuron emri im, në cilën dëshmi figuron emri im… Është keq kur fushatën kundër një ministri e bazon në gënjeshtra… Sot e tutje do të marr hapa ligjor kundër secilit që pretendon publikisht se unë kam dërguar dëshmi në Hagë ose jam dëshmitare…Ndoshta nuk e kanë ditur në fillim të procesit, por sot gjithkush e dinë sepse trajtimi i dëshmive nga ana e akuzës ka përfunduar”, tha Gërvalla.

Ajo po ashtu foli edhe për kontributin e saj në luftën çlirimtare.

“Edhe diçka të gjithë ata që më sulmojnë në publik si anti-UÇK duhet të maten fort mirë, sepse mund t’ju dalë që historia të tregojë se kur unë kam kontribuar në luftën çlirimtare si person dhe strukturë disa të tjerë ende kanë qenë duke pirë qumësht”, shtoi Gërvalla.

Hajrulla Çeku për Ramën: Mungesë e seriozitetit dhe dashnisë për kryeqytetin

Kandidati i Lëvizjes Vetëvendosje për kryetar të Prishtinës, Hajrulla Çeku, tha se qeverisjen e Përparim Ramës në kryeqytet e ka karakterizu “një lloj papërgjegjësie, mungesë serioziteti dhe mungesë e dashnisë për qytetin”.

Sipas tij, Rama po e di që “i ka mbaru mandati”, por po e bën me “pak humor”.

“Bllokuesi i vërtetë i Prishtinës është ky (Përparim Rama). Kush e ka blloku këtë kryetar mi rregullu çështjet bazike të kryeqytetit, si mbeturinat, ndërtimet paleje, qentë endacakë dhe krejt problemet që ballafaqohemi si të dalim prej shtëpisë”, tha Çeku në Pressing.

“Edhe ky e din që është i marrum, mendoj që e pat puna e tij”, tha Çeku për Ramën.

Gërvalla me akuza të rënda: LDK-ja u bënë bashkë me Listen serbe kundër meje

Deputetja e Grupit Parlamentar të Vetëvendosjes, Donika Gërvalla, ka përmendur disa deputetë të LDK-së se u bënë bashkë me Listën Serbe për të votuar kundër saj.

Kur u pyet se edhe deputetja e Vetëvendosjes, Shqipe Selimi, s’votoi për të, Gërvalla iu drejtua gazetarëve me “mos përzieni kot”.

“Edhe Shqipe Selimi…”, i reaguan gazetarët.

“Ajo nuk ka votuar. Mos përzieni kot. Mos i ngatërroni. Shqipe Selimi nuk është bërë bashkë me Listën Serbe për të votuar kundër meje. Besian Mustafa, Armend Zemaj, Anton Quni, Fadil Hadërgjonaj kanë pasë më shumë se një arsye për të votuar dje për propozimin tonë. S’ka person në skenën publike të Kosovës, i cili është angazhuar qe 20 e diçka vjet më hapur, më qartë dhe me një kosto të lartë politike për zbardhjen e krimeve të pasluftës”.

Gjykata Supreme merr një vendim për rastin e Dardan Krivaqës e Arbër Sejdiut

Gjykata Supreme ia ka kthyer për përmirësim Gjykatës së Apelit rastin ndaj Dardan Krivaqës dhe Arbër Sejdiut.

Kështu konfirmoi për “Betimi për Drejtësi“, zëdhënësja e Supremes, Antigona Lutfiu-Uka.

“Lidhur me kerkesen tuaj, ju njoftoj se lënda PML.nr.348/2025, ku të akuzuar janë Dardan Krivaça dhe Arëbër Sejdiu, nuk është vendosur në Gjykatën Supreme, pasi që rasti penal i është kthyer Gjykatës së Apelit për përmirësim”, thuhet në përgjigjen e Lutfiu-Ukës.

Gjykata e Apelit kishte vërtetuar aktgjykimin e shkallës së parë i marrë nga Gjykata Themelore e Ferizajt më 29 korrik 2024, duke konfirmuar se Dardan Krivaqa i akuzuar për vrasjen e Marigona Osmanit, do të vuaj dënimin me burgim të përjetshëm. Gjithashtu, Apeli kishte vërtetuar dënimin prej 15 vitesh edhe ndaj Arbër Sejdiu, i akuzuar për ndihmë në vrasjen e rëndë në bashkëkryerje.

Ndryshe, fillimisht Gjykata Themelore e Ferizajt më 4 gusht 2023 e ka dënuar me burgim të përjetshëm Dardan Krivaqën për vrasje e Marigona Osmanit. Ndërsa ishte liruar nga akuza për dhunim. Arbër Sejdiu ishte dënuar me 15 vite burgim për ndihmë në vrasjen e rëndë në bashkëkryerje. Sejdiu ishte liruar nga vepra penale e ndihmës në dhunim.

Por, Gjykata e Apelit me aprovimin e ankesës së Prokurorisë Themelore në Ferizaj dhe mbrojtjes së dy të akuzuarve, e ka kthyer çështjen në rigjykim.

Më 29 korrik 2024, Themelorja edhe në rigjykim e shpallur fajtor Krivaqën, duke e dënuar sërish me burgim të përjetshëm. Këtë vendim, e vërtetoi Apeli.

18 vjeçarja Marigona Osmani u vra më 22 gusht të vitit 2021 në banesën e të akuzuarit kryesor, Dardan Krivaqa, në qytetin e Ferizajt.

Sipas aktakuzës, Dardan Krivaqa thuhet se më 21 gusht 2021, rreth orës 10:14, në banesën e tij, pa pëlqimin e tani të ndjerës Marigona Osmani, e kishte detyruar atë të kryente marrëdhënie seksuale dhe e kishte abuzuar e maltretuar në forma të ndryshme.

Një ditë më pas, më 22 gusht 2021, Krivaqa dhe Sejdiu akuzohen se kanë privuar nga jeta Marigona Osmanin, në përpjekje për të fshehur veprën penale të dhunimit.

Më 14 korrik 2022, ishte mbajtur seanca fillestare ku Dardan Krivaqa ka shfrytëzuar të drejtën të mbrohet në heshtje, kurse Arbër Sejdiu, është deklaruar i pafajshëm.

Krivaqën, Prokuroria e ngarkon me veprën penale vrasje e rëndë dhe dhunim, kurse Sejdiu po akuzohet për veprën penale vrasje e rëndë dhe ndihmë në kryerjen e dhunimit.

Sipas aktakuzës, i pandehuri  Dardan Krivaqa më 21 gusht 2021, rreth orës 10:14, në banesën e tij në rrugën “Ramadan Rexhepi”, në Ferizaj, pa pëlqimin e tani të ndjerës Marigona Osmani, e kishte detyruar të njëjtën për të kryer marrëdhënie seksuale, e cila siç thuhet në aktakuzë përcillet me tortura.

Gjithnjë sipas aktakuzës, aty thuhet se i pandehuri Krivaqa fillimisht pa dëshirën e tani të ndjerës ka kryer marrëdhënie seksuale në sallon, pas kryerjes së aktit seksual të njëjtën të zhveshur e kishte dërguar në banjo, nga aty me dhunë e kishte dërguar në dhomën e gjumit, mirëpo me kalimin e kohës për shkak të gjendjes së rëndë shëndetësore tani e ndjera Marigona Osmani si pasojë e dhunës së ushtruar kishte humbur aftësinë për të rezistuar, e ku në dy raste në mbrëmje kishin kryer marrëdhënie seksuale, pastaj i pandehuri Dardan të zhveshur e kishte dërguar në banjë, e ku i vërehen edhe lëndimet në trup.

Me këtë, akuzohet se ka kryer veprën penale “Dhunimi” nga neni 227, par. 4, nënpar 4.1, lidhur me par.1 të Kodit Penal.

Sipas dispozitivit të dytë të kësaj aktakuze, i pandehuri Arbër Sejdiu më 21 gusht 2021, në banesën e të pandehurit të parë në rrugën “Ramadan Rexhepi”, në Ferizaj, me dashje i kishte ndihmuar të pandehurit Dardan Krivaqa në kryerjen e veprës penale të dhunimit.

Sipas aktit akuzues thuhet se fillimisht dy të pandehurit kishin kontaktuar përmes telefonit dhe ishin takuar në qytet, pastaj së bashku ishin kthyer në banesë, ku i pandehuri Arbër posa kishte arritur, duke qenë në dijeni se i pandehuri Dardan është duke e dhunuar tani të ndjerën Marigona Osmani, me dashje kishte marrë veprime me të cilat lehtësohet kryerja e dhunimit.

Tutje thuhet se dy të pandehurit së bashku kishin hyrë në dhomën ku kryhet dhunimi, e ku e ndjera ishte e zhveshur, e të cilin veprim gjatë qëndrimit në banesë e merr disa herë, po ashtu dhe gjatë asaj kohe kishte përcjellë gjendjen nëse ndonjë nga banorët është duke lëvizur aty pari.

Siç e përshkruan aktakuza, i pandehuri Arbër Sejdiu po ashtu edhe disa herë kishte dalë nga banesa për të blerë gjëra ushqimore, ndërsa gjatë gjithë kohës dy të pandehurit kishin biseduar mes vete, kështu tutje, të pandehurit Dardan Krivaqa i kishte dhënë telefonin për të thirrë kompaninë e cila menaxhon kamerën, që ishte e vendosur në korridorin e banesës me qëllim që të fshihen video-incizimet, gjegjësisht provat e veprës penale.

Me këtë, Sejdiu akuzohet se ka kryer veprën penale “Ndihmë në kryerjen e dhunimit” nga neni 227, par 4, nënpar. 4.1, lidhur me par. 1 dhe nenin 33 të Kodit Penal.

Kjo aktakuzë në dispozitivin e III-të, dy të pandehurit Dardan Krivaqa dhe Arbër Sejdiu i ngarkon për veprën penale të vrasjes së rëndë në bashkëkryerje.

Aty thuhet se më 22 gusht 2021, në banesën e të pandehurit Dardan Krivaqa, në rrugën “Ramadan “Rexhepi”, në Ferizaj, me dashje dhe në bashkëkryerje, me qëllim të fshehjes së veprës penale dhunimi e kanë privuar nga jeta tani të ndjerën Marigona Osmani, me të cilën i pandehuri i parë ishte në bashkësi jashtëmartesore.

Tutje, sipas aktakuzës, përshkruhet se në intervale kohore nga ora 10:56 deri në orën 14:43, i pandehuri i parë kishte marrë një shkop, e së bashku me të pandehurin e dytë kishin hyrë në dhomë dhe kishin filluar ta godasin tani të ndjerën në pjesë të ndryshme të trupit, me ç’rast të njëjtës i kanë shkaktuar dhimbje të mëdha fizike dhe psiqike, ku nga goditjet e njëjta ka pësuar politrauma-lëndime të shumëfishta, ku vdekja shkaktohet drejtpërdrejt nga asfiksia mekanike, si dhe shoku hemorragjik dhe traumatik, të cilat janë pasojë e gjakderdhjes së jashtme dhe gjakderdhjes së brendshme, nga thyerja e ashtit të nofullës së poshtme, thyerja e brinjëve, klavikulës së majtë, unazave të qafës, gjakderdhjes epidurale dhe subdurale në pjesën e pasme të trurit të madh dhe në trurin e vogël, këputje parciale të palcës së kurrit në qafë, të njëjtën e dërgojnë në Spitalin e Përgjithshëm – Qendrën Emergjente në Ferizaj dhe largohen nga aty.

Me këtë, akuzohen se në bashkëkryerje kanë kryer veprën penale “Vrasja e rëndë” nga neni 173, par. 1, nënpar. 1.3, 1.4 dhe 1.7, lidhur me nenin 31 të Kodit Penal.

Ky është personi që humbi jetën në aksidentin e hershëm sot në Pejë

Një aksident i hershëm ka ndodhur mëngjesin e sotëm në lagjen “Fidanishte” të Pejës.

Burime të Indeksonline bëjnë të ditur se viktima është Ilir Spahija nga Dubova e Pejës.

Aksidenti dyshohet se ka ardhur pasi shoferi nuk iu ka përshtatur kushteve atmosferike, duke drejtuar makinën në shpejtësi të madhe në mot me shi.