Caktimi i zgjedhjeve me 28 dhjetor, reagon Kurti

Kreu i LVV-së, Albin Kurti,ka reaguar pas vendimit të Presidentes së Kosovës, Vjosa Osmani-Sadriu, për caktimin e 28 dhjetorit si datën e zgjedhjeve të parakohshme parlamentare.

Kurti ka thënë se kjo datë është më e përshtatshmja për mbajtjen e zgjedhjeve.

“Dita e zgjedhjeve është festë e demokracisë. Ajo bëhet edhe më madhështore kur ka pjesëmarrje sa më të madhe të qytetarëve tanë me të drejtë vote. Në të njëjtën kohë, duhet të sigurohemi që institucionet shtetërore kanë kohën e mjaftueshme për të bërë të gjitha përgatitjet e nevojshme që procesi zgjedhor të jetë i rregullt, i drejtë dhe demokratik. Andaj, ne e mirëpresim caktimin e datës 28 dhjetor nga Presidentja e vendit, Vjosa Osmani-Sadriu, si datën më të përshtatshme për zgjedhjet e parakohshme që po na presim”, tha ai.

Zgjedhjet më 28 dhjetor, reagojnë nga PDK-ja

Deputetja e PDK-së, Blerta Deliu-Kodra ka thënë se vendimi i Presidentes në caktimin e zgjedhjeve më 28 dhjetor është i njëanshëm, shkruan Reporteri.net.

Ajo ka thënë se kjo datë “mbetet një mundësi historike për ta rikthyer institucionin te qytetari dhe te vullneti i shumicës”.

Reagimi:

Data e zgjedhjeve u përcaktua 28 Dhjetor. Le ta shndërrojmë këtë ditë në momentin e rikthimit të përgjegjësisë, maturisë dhe vizionit politik që i duhet Republikës sonë.

Edhe pse vendim i njëanshëm i Presidentes, kjo datë mbetet një mundësi historike për ta rikthyer institucionin te qytetari dhe te vullneti i shumicës.

Vendimmarrja nuk mund të jetë e plotë pa zërin e popullit, prandaj 28 Dhjetori është dita jonë.

Diasporën tonë e mirëpresim me zemër të hapur.

Vota juaj nuk është vetëm numër është forcë, është përgjegjësi dhe është pjesë e pandashme e rrugës sonë politike.
Bashkë për Kosovën!

A po i shkon Osmani në linjë dëshirave të Kurtit? Kjo është përgjigjja e Presidentes

Në konferencë për media, ku dhe shpalli 28 dhjetorin si datë zyrtare për mbajtjen e zgjedhjeve të jashtëzakonshme, Presidentja Vjosa Osmani ka folur edhe për akuzat e shumta në drejtim të saj se po i shkon në linjë dëshirave të Kryetarit të VV-së, Albin Kurtit, shkruan Reporteri.net.

Sipas Osmanit, diçka e tillë nuk qëndron, pasi ajo tha se në vitin 2021 kishte marrë si datë për zgjedhje lokale atë që kishte propozuar opozita atë kohë.

Ajo tha se edhe pse gjatë këtyre pesë viteve ka pasur qëndrime të kundërta me ato të qeverisë, siç tha Osmani sërish është akuzuar për diçka të tillë.

“Siç kanë thënë disa njerëz më të mençur se ne “nëse askush nuk të akuzon për asgjë, atëherë nuk ke qëndruar për asgjë. Në vitin 2021 kur partia në pushtet që kishte me shume se 50% të votave, kërkonin që unë ta shtyeja datën e zgjedhjeve lokale, dhe kishim opozitë më të vogël, une vendosa ne favor te opozitës, që mos te shtyhej data. Edhe pse e zgjodha datën e favorshme për opozitën u akuzova se po ia bëj qefin Kurtit. Ka dhjetëra raste përgjate këtyre pesë viteve, që përkundër faktit qe kam dalur me qëndrime të kundërta me ato të Qeverisë, përseri s’ju kam rënë taman, përsëri kanë akuzuar, përkundër këtyre akuzave që do të votojnë unë do të qendroj edhe shume gjatë duke mbrojtur interesin e qytetareve. ata qe akuzojne pa lexuar, pa analizuar dhe pa menduar gjate eshte mire te mendojne qe edhe pas zgjedhjeve do vine te une per te kerkuar mandatain. Është mire që gjuha qe perdoret të jetë brenda suazës së normales, opr detyrë është të sigurohem që kemi nje datë kur zgjedhjet mund te organizohen”, tha Osmani.

“Mos harroni që cilindo president do ta kishte zgjedhur një datë kur parashishet pjesëmarrje më e madhe, siç e kërkon demokracia. Nuk kerkon demokracia kur kemi pjesëmarrje me të vogël e kemi probleme për organizimin e tyre”, tha tutje Osmani.

“Një president i pëergjegjshëm zgjedh datën më të mirë pavaresisht dëshirave qe mund të shprehen, kështu që akuzat vazhdojnë”, tha Presidnetja Osmani në konferencë.

Osmani cakton datën e zgjedhjeve

Presidentja e vendit ka caktuar datën 28 dhjetor për zgjedhjet e përgjithshme.

“Thirrja ime për partitë është të bëni fushatë dinjitoze. Pas dekretit për shpërndarje i vjen rendi diskutimit për datën e zgjedhjeve. 21 dhe 28 dhjetor mund të bëhen zgjedhjet. Pas konsultimit me partitë dhe KQZ-në, data e vetme e mundshme është 28 dhjetor”, tha Osmani, përcjell Insajderi.

Osmani sot mbajti një takim me liderët partiakë për të caktuar datën e zgjedhjeve të jashtëzakonshme pasi Lëvizja Vetëvendosje dështoi për të dytën herë të formojë qeverinë pas zgjedhjeve të rregullta të 9 shkurtit.

Më herët Presidenca njoftoi për shpërndarjen e Kuvendit.

“Në përputhje me Kushtetutën e Republikës së Kosovës dhe legjislacionin në fuqi, si dhe pas pranimit sot të vendimit të Kuvendit të Kosovës lidhur me dështimin e krijimit të Qeverisë edhe nga mandatari i dytë, Presidentja e Republikës së Kosovës ka shpërndarë sot Legjislaturën e nëntë të Republikës së Kosovës”.

Fillojnë aderimet: Ish-drejtori i RTK-së i bashkohet LDK-së

Ish-drejtori i Televizionit në RTK dhe gazetari Festim Kabashi, ka aderuar në LDK.

Lajmin e ka bërë të ditur kryetari i partisë, Lumir Abdixhiku.

Postimi:

Mirë se vjen, Festim!

Festim Kabashi, një prej emrave më të njohur e spikatur të gazetarisë, dokumentarëve dhe menaxhimit strategjik në mediat kosovare, nga sot i bashkohet Lidhjes Demokratike të Kosovës.

Me mbi dy dekada përvojë në Radiotelevizionin e Kosovës, nga gazetar terreni, tek moderatori, redaktori, producenti, deri te drejtuesi i kanaleve kryesore televizive, Festimi ka dëshmuar profesionalizëm, integritet dhe përkushtim të rrallë në informimin e publikut dhe ndërtimin e mediave kredibile në vend.

I diplomuar në Shkenca Politike dhe Administratë Publike, ai ka ndërtuar një profil të fuqishëm profesional duke udhëhequr me dinjitet. Si autor e producent dokumentarësh, Festimi ka trajtuar temat më të ndjeshme sociale, politike dhe njerëzore, nga varfëria, të drejtat e fëmijëve, e deri te barazia gjinore dhe të drejtat e gruas për trashëgimi. Për punën e tij është vlerësuar me çmime prestigjioze nga UNKT, KOMF dhe organizata ndërkombëtare si BE dhe BIRN.

Festimi sot nisë një etapë të re në karrierën e tij politike. Angazhimin fisnik për Republikën. LDK sot e fiton një kuadër të ri, që beson në vlerat tona, rrugëtimin tonë e ekipin që kemi.

Ardhja e tij, dhe të tjerëve pas tij, le të shihet si një tregues dhe njëkohësisht thirrje për përbashkim të secilit i cili nuk ndjenë komfort me situatën e tanishme politke; që do ndryshim e që angazhohet për këtë ndryshim.

Dyert e tona janë të hapura.

Festimi është i martuar me Blerta Foniqi Kabashi dhe kanë dy fëmijë, Klean 18 vjeçe dhe Oson 14 vjeç.

Mirë se vjen Festim Kabashi!

Paç shëndet e përkushtim në këtë rrugëtim të ri.

Presidentja Osmani ndërrmer këtë veprim pasi shpërndau Kuvendin

Presidentja Vjosa Osmani do të dalë në konferencë për media, pas dekretit që nënshkroi për shpërndarjen e Kuvendit.

Këshilltari i Osmanit, Bekim Kupina, e ka konfirmuar për Reporteri.net se konferenca do të mbahet në orën 13:00.

Vendimi për shpërndarjen e Kuvendit, pas të cilit pritet data e shpalljes së zgjedhjeve të reja, erdhi pas dështimit edhe të mandatarit të dytë për formimin e Qeverisë, në seancën e djeshme.

Sot Osmani mblodhi liderët e partive e pastaj nënshkroi dekretin për shpërndarje të Kuvendit.

Siç merr vesh Gazeta Online Reporteri.net, gjatë takimit me Presidenten, kreu i VV’së, Albin Kurti dhe ai i partisë “Guxo”, Faton Peci, kanë propozuar si datë për mbajtjen e zgjedhjeve 28 dhjetorin.

Kreu i PDK’së, Bedri Hamza, ai i LDK’së, Lumir Abdixhiku dhe ai i AAK’së kanë anuar ka 21 dhjetori.

Ai i Nismës Socialdemokrate, Fatmir Limaj, e ka përmendur si datë 21 dhjetorin ose 11 janarin, teksa ka thënë se zgjedhjet s’mund mbahen më 4 janar apo 28 dhjetor, shkaku i festave të fundvitit.

Presidenca: Ky është dekreti me të cilin shpërndau Kuvendi

Presidenca ka publikuar dekretin me të cilin Presidentja Vjosa Osmani shpërndau Kuvendin e Kosovës.

Vendimi i Osmanit erdhi pas dështimit edhe të mandatarit të dytë për votimin e Qeverisë së re.

“Në përputhje me Kushtetutën e Republikës së Kosovës dhe legjislacionin në fuqi, si dhe pas pranimit sot të vendimit të Kuvendit të Kosovës lidhur me dështimin e krijimit të Qeverisë edhe nga mandatari i dytë, Presidentja e Republikës së Kosovës ka shpërndarë sot Legjislaturën e nëntë të Republikës së Kosovës”, thuhet në njoftim.

Zgjedhjet nacionale, Haradinaj thotë se do të garojë e vetme

Kryetari i Aleancës për Ardhmërinë e Kosovës (AAK), Ramush Haradinaj, ka njoftuar se sot është nënshkruar dekreti për shpërndarjen e Kuvendit të Kosovës.

Sipas tij, datat e propozuara për zgjedhje janë 21 dhe 28 dhjetor.

“Duke qenë se është humbur shumë kohë, duke qenë se ka shumë akumulime të temave buxhetore, kemi propozuar që dita e zgjedhjeve të jetë 21 dhjetor. Mendojmë se në këtë mënyrë do ta fitojmë një javë kohë për vazhdimet buxhetore. Qeveria e Kosovës mund të marrë vendime për të përmbushur disa detyrime buxhetore që i ka si ndaj RTK-së edhe ndaj palëve tjera. Periudha e para vitit të ri, sepse pushteti po kërkon 28 dhjetorin, kjo periudhë është për familjen dhe është një arrogancë nga politika që me u shpall zgjedhjet më 28 dhjetor”, ka thënë ai.

Haradinaj ka shtuar se AAK do të shkojë e vetme në zgjedhje dhe se janë të gatshme për to.

Ai gjithashtu theksoi se nuk do të ketë tolerancë për askënd që pengon krijimin e institucioneve.

Vjosa Osmani shpërndan Kuvendin, vendi shkon në zgjedhje

Presidentja Vjosa Osmani ka marrë vendim për ta shpërndarë Kuvendin e Kosovës.

Kjo u bë e ditur nga kreu i Aleancës për Ardhmërinë e Kosovës, Ramush Haradinaj pas takimit që patën sot te e para e shtetit për caktimin e datës së zgjedhjeve të jashtëzakonshme.

Eskalon Spahiu: E paralelizon Xhakën me Millosheviqin, thotë se edhe ai kishte origjinë shqiptare

Analisti politik, Nexhmedin Spahiu ka dhënë mendimin e tij rreth vërshëllimave që futbollisti Granit Xhaka i mori në Prishtinë nga tifozët e Kosovës në ndeshjen Kosova – Zvicra, e vlefshme për kualifikimet për Kampionatin Botëror.

Në një koment, Spahiu e krahasoi Xhakën me Millosheviqin, për të fundit që tha se është stërnip shqiptari.

“O Arsim Lani, a je në vete more po çfarë shqiptari i madh mundet me qenë dikush që luan kundër Kosovës e aq më tepër që ofendon kombëtaren e Kosovës. Përkatësia etnike e suksesi profesional nuk të bëjnë shqiptar të madh. Edhe Sllobodan Millosheviqi është stërnip shqiptari, po çka u ka bë shqiptarëve se”, ishte komenti i tij.