Policia kërkon ndihmë për kapjen e një të dyshuari

Policia e Kosovës ka kërkuar ndihmën e qytetarëve për identifikimin e një personi të dyshuar për “Vjedhje të rëndë”, raporton Gazeta Sinjali.

Në lidhje me këtë, në profilin zyrtar të Policisë në Facebook është publikuar fotografia e të dyshuarit.

Njoftimi i plotë:

Kërkesë për bashkëpunim – identifikim i personit të dyshuar

Njësiti i Hetimeve të Kryeqytetit, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin e personit që shihet në fotografi.

Personi i dyshuar kërkohet për përfshirje në veprën “Vjedhje e rëndë”.

Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: info@kosovopolice.com.

Si ndodhi aksidenti tragjik në Dollc të Klinës, ku humbi jetën një person dhe pesë u lënduan?

Policia e Pejës ka dhënë detaje për aksidentin e rëndë që ndodhi mëngjesin e sotëm në magjistralen Pejë–Prishtinë, në fshatin Dollc të Klinës, ku një person humbi jetën dhe pesë të tjerë mbetën të lënduar.

Sipas komunikatës së policisë, drejtuesi i veturës, i cili po lëvizte në drejtimin Prishtinë–Pejë, nuk i përshtati shpejtësinë me kushtet e rrugës.

Në momentin kur arriti në fshatin Dollc, ai humbi kontrollin mbi automjetin, kaloi në shiritin e kundërt të lëvizjes dhe u përplas ballor me autobusin.

Si pasojë e përplasjes, shoferi i veturës ndërroi jetë në vend, gjë që u konstatua nga ekipi mjekësor, ndërsa pesë persona të tjerë u dërguan në Spitalin Rajonal të Pejës për trajtim mjekësor.

Ishte djalë hasreti, ky është i riu që vdiq në aksidentin e sotëm në Dollc

Viktima është Sadik Muslija.

“Me urdhër të prokurorit të Shtetit, i cili po ashtu ishte në vendin e ngjarjes trupi i pajetë i viktimës dërgohet në Institutin e Mjekësisë Ligjore në Prishtinë, për obduksion.”, thuhet mes të tjerash në njoftim.

Ishte djalë hasreti, ky është i riu që vdiq në aksidentin e sotëm në Dollc

Një aksident i rëndë komunikacioni i ka marrë jetën një të riu sot në Dollc të Klinës. Viktima është Sadik Muslija, 23 vjeçari nga fshati Dujakë i Gjakovës. Sadiku ishte djali i vetëm i familjes Muslija.

Nё kёtё aksident ishin tё përfshira njё autobus dhe njё veturё me targa vendore.

Deri te ky aksident dyshohet se ka ardhur derisa drejtuesi i veturës ishte duke qarkulluar nё drejtimin Prishtinё–Pejё, ku me tё arritur në fshatin Dollc, duke mos iu pёrshtatur shpejtёsisё dhe kushteve tё rrugёs, humb kontrollin mbi automjet dhe kalon nё shiritin pёr lëvizje nga ana e kundёrt dhe godet autobusin nё pjesёn ballore

Fyerjet e militantëve të VV-së ndaj Selimit, reagon hoxhë Musliu: Kur Shqipja luftoi në moshë të re, ju pinit kafe me jugosllavë në Prishtinë

Fyerjet e disa militantëve të VV-së ndaj deputetes Shqipe Selimi-Mehmeti, pse kjo e fundit nuk e ka votuar Donika Gërvallën për kryetare të Kuvendit, i kanë penguar hoxhës së njohur nga Drenasi Osman Musliu.

Musliu ua ka rikujtuar atyre se çfarë luftëtare ka qenë dikur Shqipe Selimi, bashkëshortja e Rexhep Selimit.

Duke ju përgjigjur fyerjeve të shumta në statusin e Shqipe Selimit, Musliu ka shkruar se deputetja e VV-së në moshë të ri kishte lftuar kundër forcave serbe.

Në komentin e tij, ai ka shkruar se kur Selimi kishte kapur pushkën, ata që po e fyejnë sot pinin kafe në Prishtinë.

“Repekt per Shqipe Mehmeti Selimi. O ju “njerez “a e dini se se njeriu ka te drejt te mendoj ndryshe,te votoj sipas bindjes personale dhe kjo nuk ka diq te keqe. P.s Ju qe po ofendoni mos me ju kthy me ate gjuhen se si e meritoni kujdes sepse kur Shqipja ne mosh te re luftonte krah me babin dhe ushtaret e UÇK-së ne Likofc e rrethin ju ndoshta ishit tuj pi kafe neper Prishtinë e ndoshta edhe me naj Juvosllav … spo tham shkavell…”,ka kometuar Hoxhë Musliu, të cilit në darkë i kishte shkura dikur edhe lideri i VV-së, Albin Kurti.

Lirohen vëllezërit Emini nga mbajtja në Serbi

Vëllezërit Bashkim dhe Xhemajli Emini janë liruar nga mbajtja e padrejtë në Serbi. Ata janë shëndoshë e mirë dhe janë duke u kthyer në Gjermani te familjarët.

Lajmin e ka konfirmuar nipi i familjes, Ervin Hoxha.

Një javë më parë ata ishin arrestuar në kufirin Serbi – Hungari, me pretendimin e pabazuar të autoriteteve serbe që XH.E. dhe B.E. kishin rrëmbyer një serb më 1999.

Reagimi i plotë:

Mosvotimi i Gërvallës: Bashkëshortja e Ejup Maqedoncit i del në mbrojtje Shqipe Selimit: Respekt, Shqipe

Arbërie Veliu-Maqedonci, bashkëshortja e deputetit të VV-së, Ejup Maqedonci, ka dal në mbrojtje deputetes Shqipe Selimi-Mehmeti, e cili dje nuk ka votuar për kryeparlamentare Donika Gërvalllën.

Derisa udhëheqësit e VV-së kanë heshtur ndaj fyerjeve që deputetja Selimi ka marrë nga komentuesit e shumtë në rrjetet sociale, Arbërie Veliu-Maqedonci e ka duartrokitur veprimin e bashkëshortes së Rexhep Selimit për mosvotimin e Donika Gërvallës, e cila vazhdimisht ka fyer ish-krerët e UÇK-së.

Në statusin e deputetes Selimi, ku ajo tregon arsyet e mosvotimit të Gërvallës, Veliu-Maqedonci ka komentuar, duke shprehur respekt për ish-ushtaren e UÇK-së.

Edhe Arbërie Veliu-Maqedonci ka qenë ushtare e UÇK-së. Madje, ajo gjatë luftës është njohur me bashkëshortin Ejup Maqeodnci, i cili aktualisht është ministër në detyrë i Mbrojtjes dhe në zgjedhjet e 9 shkurtit është zgjedhur deputet i VV-së.

Aksidenti i rëndë në Klinë mes një veture dhe autobusi, një i vdekur dhe pesë të lënduar

Një aksident tragjik ka ndodhur mëngjesin e sotëm në fshatin Gjurgjevik i Madh të Klinës, ku një person ka humbur jetën, ndërsa pesë të tjerë kanë mbetur të lënduar.

Lajmin për Sinjalin e ka konfirmuar zëdhënësi i Policisë për rajonin e Pejës, Fadil Gashi.

“Në aksident janë të përfshira një autobus i udhëtarëve dhe një veturë, gjashtë persona janë dërguar për tretman mjekësor në emergjencë të Spitalit Rajonal të Pejës, por njëri nga të lënduarit nga mjeku kujdestar e ka konstatu vdekjen. Për rastin është njoftuar Prokurori i Shtetit.”, tha ai.

Për këtë ka shkruar edhe Spitali i Përgjithshëm i Pejës përmes një njoftimi.

“Spitali i Përgjithshëm në Pejë njofton opinionin publik se, si pasojë e një aksidenti trafiku të ndodhur në fshatin Dollc të Klinës, në Emergjencën e Spitalit është sjellë një person pa shenja jete. Gjithashtu, deri më tani kemi pranuar 5 persona të lënduar nga ky aksident, të cilët po trajtohen dhe po marrin kujdesin e nevojshëm nga ekipet tona shëndetësore”, thuhet në njoftim.

Spitali i Pejës ka shtuar se për çdo informacion shtesë lidhur me gjendjen e pacientëve, do të informojë opinionin publik me kohë.

Vazhdon ngritja e çmimeve, ankohen qytetarët

Ngritja e çmimeve të shumë produkteve është shqetësim për qytetarët. Edhe evidencat e Agjencisë së Statistikave, krahasuar me periudhën e njëjtë kohore, pasqyrojnë rritje të çmimeve në shumë produkte bazë për jetesë. Ndërkohë, njohës të ekonomisë vënë në pah se për standardin e jetesës në Kosovë, çmimet aktualisht janë të larta, duke paralajmëruar valë të re të shtrenjtimit.

Çmimet e një pjese të produkteve ushqimore, veshjeve, të veglave e pajisjeve shtëpiake, si dhe të shumë mallrave të tjera, gjatë muajve të fundit kanë shënuar rritje.

“Nuk po mundemi t’i vërejmë se dita-ditës po ngrihen çmimet”, tha një qytetar.

“Shtrenjtë janë gjërat në krahasim me rrogat që i kemi, sidomos me të ardhurat e pensionistëve, por po na ndihmojnë fëmijët tanë, se ndryshe gjysma e pensionit na shkon për terapi”, shtoi një tjetër qytetar.

Sipas Agjencisë së Statistikave të Kosovës, krahasuar me korrikun e vitit të kaluar, sivjet çmimi i kafesë dhe çajit është rritur për 16,9%, i mishit për 12,7%, i pemëve 12,3%, i perimeve për 10,7%, ndërsa ai i vajrave dhe yndyrave për 9.9%.

Ngritje kanë pësuar edhe çmimet e produkteve të tjera si qumështi, djathi, vezët, lëngjet e pijet alkoolike.

Njohës të ekonomisë vënë në pah se për standardin e jetesës në Kosovë, çmimet aktualisht janë të larta.

“Ngritja e çmimeve rrezikon kategorinë e familjeve me asistencë sociale, të pensionistëve, por edhe ata që janë të punësuar në sektorin publik, por gjithashtu edhe në sektorin privat, sepse rritja e pagës ndodhë rrallë, ndërsa inflacioni rritet për çdo muaj, që për ekonominë e konsumatorëve në Kosovë është e papërballueshme”, tha Jakup Bellaqa, njohës i ekonomisë.

Sipas Bellaqës, muajt në vijim pritet një valë e re e rritje së çmimeve, kjo për shkak të daljes së bizneseve të mëdha në treg të lirë të energjisë.

“Pasojat do të jenë më të mëdha, sepse do të zvogëlohet rritja ekonomike, do të zvogëlohet brutoprodukti, që faktikisht do t’i kushtojë ekonomisë së Kosovës”, shtoi Bellaqa.

Shumë biznese të mëdha në vend kanë paralajmëruar ngritje të çmimeve të produkteve, duke e arsyetuar këtë me shpenzimet për energji elektrike, që vlerësohet se mund të rriten 100 për qind./rtk/

Rusia provokon sërish vendet e NATO-s, një dron ushtarak rus shpërthen në këtë shtet

Ministri i Jashtëm polak, Radosław Sikorski, ka reaguar ndaj incidentit të mbrëmshëm, kur një dron ushtarak u rrëzua në lindje të Polonisë, ndërsa ministri i Mbrojtjes pohon se bëhet fjalë për një dron me origjinë ruse.

Siç ka bërë të ditur ai në rrjetin social X, bëhet fjalë për “një tjetër shkelje të hapësirës sonë ajrore nga lindja”, gjë që sipas tij, konfirmon se misioni më i rëndësishëm i Polonisë brenda NATO-s është mbrojtja e territorit të saj.

Sikorski tha se do të dorëzohet një protestë zyrtare “kundër autorëve të incidentit”, pa përmendur shtetin që besohet të jetë përgjegjës për ngjarjen.

Ministri i Jashtëm polak, Radosław Sikorski, ka reaguar ndaj incidentit të mbrëmshëm, kur një dron ushtarak u rrëzua në lindje të Polonisë, ndërsa ministri i Mbrojtjes pohon se bëhet fjalë për një dron me origjinë ruse.

Siç ka bërë të ditur ai në rrjetin social X, bëhet fjalë për “një tjetër shkelje të hapësirës sonë ajrore nga lindja”, gjë që sipas tij, konfirmon se misioni më i rëndësishëm i Polonisë brenda NATO-s është mbrojtja e territorit të saj.

Sikorski tha se do të dorëzohet një protestë zyrtare “kundër autorëve të incidentit”, pa përmendur shtetin që besohet të jetë përgjegjës për ngjarjen.

Zëvendëskryeministri i Polonisë dhe ministri i Mbrojtjes, Władysław Kosiniak-Kamysz, beson se droni që shpërtheu gjatë natës në Poloni është me origjinë nga Rusia, raporton theguardian.

“Rusia po provokon përsëri vendet e NATO-s pas incidenteve me dronë që ndodhën në Rumani, Lituani dhe Letoni”, tha ai.

“Kjo po ndodh në një moment veçanërisht të rëndësishëm, ndërsa zhvillohen bisedimet për paqe. Po ndodh në një kohë kur ka shpresë se lufta e nisur nga Rusia – një luftë kundër shtetit ukrainas, por edhe një luftë që kërcënon sigurinë e vendeve të NATO-s – ka një mundësi të përfundojë”, pohoi ministri.

Kujtojmë se mbrëmë një objekt i paidentifikuar ra në një fushë misri në vendbanimin Osiny, në qarkun Łuków, në rajonin Lubelszczyzna të Polonisë, dhe policia gjeti në vendin e ngjarjes mbetje të djegura metalike dhe plastike.

VV-ja mori një votë më shumë se zakonisht, ky është deputeti që ndryshoi qëndrim

Propozimet e Lëvizjes Vetëvendosje për kryetar të Kuvendit të Kosovës nuk kanë kaluar as pas tentimit të 55-të për konsituimin e Kuvendit.

Në seancën e sotme, Vetëvendosje propozoi dy kandidate, Albulena Haxhiun dhe Donika Gërvallën. Por, asnjëra nga to nuk mori votat e mjaftueshme.

Haxhiu e Gërvalla morën nga 57 vota për dhe 56 kundër, ndërkaq tre deputetët e NISMA-s abstenuan.

Mirëpo, nga votimi i sotshëm u vërejt një ndryshim. Nga 56 vota “për” sa kishte zakonisht Lëvizja Vetëvendosje, sot VV-ja mori një votë më shumë.

Deputeti nga Partia Liberale Egjiptiane, Veton Berisha, ndryshoi qëndrimin e tij.