“Më vjen keq për familjen…”, deklarohet Top Kolshi i dyshuari për vrasjen e Enver Bajraktarit

Top Kolshi është i dyshuari kryesor për vrasjen e më pas groposjen e Enver Bajraktarit.

Ai në Gjykatë ka thënë se është penduar, dhe ka pretenduar se Enver Bajraktari e ka sulmuar.

E përkrahu fjalën e avokatit tim dhe shtoj se me vjen keq për familjen e të ndjerit dhe të ndjerin, nuk kam pas arsye dhe as qëllim që ta mbys dhe jam penduar. Ka qenë në pronën time dhe më ka sulmuar në pronën time”, citohet të ketë deklaruar Kolshi, raporton “Betimi për Drejtësi”.

Avokati i Kolshit ka kërkuar ekzaminim psikiatrik për klientin e tij.

Daut Haradinaj: Trendi i shkatërrimit të planifikuar të Kosovës nga Kurti po vazhdon

Daut Haradinaj, ka kritikuar ashpër kryeministrin Albin Kurti, duke e akuzuar atë për “shkatërrim të planifikuar të Kosovës”.

Në një reagim publik, Haradinaj përmend disa çështje ku, sipas tij, Kurti ka dëmtuar rëndë vendin.

“Trendi i shkatërrimit të planifikuar të Kosovës nga Kurti po vazhdon.
Në javën e parë të qeverisjes së tij ai anuloi projektin më vital për energji, termocentralin e ri që pritej të përfundonte në 2023-2024. Plani i kostos së megavatit ishte rreth 82 euro, sot operatorëve ju kushton nga 198 deri në 220 euro. Kostoja që do paguajnë shkon tek 360 milionë euro në vit. S’ka qytetar që nuk do e vuajë peshën e kësaj rritjeje astronomike (mafioze). Jo rastësisht energjia hyn në sektorin e sigurisë globale dhe jo rastësisht blerja e kësaj rryme bëhet nëpërmes lidhjeve të shkurtra të Kurtit. Kush e cenon sigurinë kombëtare ndëshkohet herët a vonë. Mos i mbyllni sytë, po reagoni në çfarëdo forme, se e nesërmja mund të jetë vonë. Ky “patrioti“ nuk e ka në vendim shkyçjen e elektro serverit serb.
Populli po paguan këtë krim, krim të organizuar shqiptaro-serb. Milionat në Beograd nga xhepi i varfër i Kosovës, nëpërmes blerjes së rrymës”, shkruan Haradinaj në reagim.

Kadri Kryeziu ofendon rëndë ambasadorin gjerman Jorn Rohde, e quan “matuf”

Profesori Kadri Kryeziu, ish-nënkryetar i Gjykatës Kushtetuese të Kosovës, ka bërë koment skandaloz ndaj ambasadorit të Gjermanisë në Kosovë, Jorn Rohde.

Kryeziu me një koment në Facebook në statusin e analistit, Ermal Sadiku, ka ofenduar rëndë ambasadorin gjerman.

Ai e ka quajtur “matuf”.

“Ambasadori Rohde është një matuf para pensionit që e di që mund të dërdëllit çfarë të dojë sepse ska kush i bën gjë. Sa më herët që shkon aq më mirë.” – ka komentuar Kryeziu në statusin e Sadikut i cili kërkon që të respektohet Gjermania për shkak të investimeve të saja në Kosovë.

Ky koment vjen pasi ambasadori Rohde kërkoi nga Qeveria që të përfundojë punët e projektet më me rëndësi si dhe të çojë në Gjykatën Kushtetuese draftin e Asociacionit.

“E kemi thënë: sapo të bëhet ky hap i parë, duke ia dërguar gjykatës suaj (Gjykatës Kushtetuese) për shqyrtim, ne 100 për qind do të respektojmë vendimin e Gjykatës. Ne do të kemi një takim të jashtëzakonshëm në Këshillin e Evropës dhe do të shtyjmë për anëtarësim, dhe jam i bindur se Kosova do të kalojë,” u shpreh Rohde.

Vjehrri rrah nusen, e bën për spital, shkak pronësia e një veture

Gjatë ditës së djeshme, një grua 32-vjeçare ka deklaruar në policinë e Ferizajt se në shtëpinë e saj ishte keqtrajtuar fizikisht nga vjehrri 62-vjeçar dhe vajza e tij 20-vjeçare, pas një mosmarrëveshjeje lidhur me pronësinë e një veture.

Si pasojë, viktimës i janë shkaktuar lëndime të lehta trupore dhe ajo ka pranuar trajtim mjekësor.

Policia bën të ditur se njësiti i hetimeve ka dalë në vendin e ngjarjes dhe gjatë kontrollit në shtëpinë e tyre është gjetur dhe sekuestruar një armë zjarri – pushkë automatike me dy karikatorë.

Dy të dyshuarit janë shoqëruar në stacionin policor dhe janë intervistuar nga hetuesit policorë. Me vendim të prokurorit të shtetit, ndaj tyre është iniciuar rast për veprat penale: “Lëndimi i lehtë trupor”, “Mbajtja në pronësi, kontroll ose posedim të paautorizuar të armëve”.

Të dyshuarit janë liruar në procedurë të rregullt.

Ekskluzive: “Ma kërkoi telefonin, nuk ia dhashë – më kapi për fyti dhe më goditi me grushte”, gruaja nga Istogu denoncon bashkëshortin për dhunë

Një tjetër rast i rëndë dhune në familje është raportuar në Istog, ku një grua ka kërkuar ndihmën e Policisë pasi u sulmua fizikisht nga bashkëshorti i saj për shkak të xhelozisë.

Ngjarja ka ndodhur më 17 gusht 2025, rreth orës 02:30, në fshatin Banjë të Istogut, ku viktima D.S. rreth 42-vjeçare ka deklaruar se teksa po flinte në shtëpinë e axhës së saj, bashkëshorti Sh.Q. rreth 43-vjeçar kishte hyrë brenda dhe i kishte kërkuar telefonin. Kur ajo kishte refuzuar, ai e kishte kapur për fyti dhe e kishte goditur disa herë me grushte.

Viktima ka pranuar trajtim mjekësor në QKMF Istog, ku sipas raportit të mjekut i janë vërejtur mavijosje në trup. Pas incidentit, ajo është larguar drejt Gjermanisë ku jeton përkohësisht.

I dyshuari është arrestuar nga Policia dhe pas intervistimit në stacionin policor të Istogut, me urdhër të Prokurorit të Shtetit, rasti është iniciuar si “Dhune në familje”. Megjithatë, ai është liruar për t’u proceduar në gjendje të lirë.

“Tre të dyshuarit për vrasjen e trefishtë në Gjilan mund të jenë në serbi”

Të dyshuarit për vrasjen e tre personave në Gjilan, Mefail Shkodra dhe djemtë e tij, ende nuk janë arrestuar nga Policia e Kosovës. Gjersa hetimet kanë hyrë në javën e dytë të tyre, njohës të këtyre çështjeve thonë se Shkodra i takon kategorisë së personave të përgatitur dhe mund të ketë gjetur një strehim në Serbi. Ata udhëzojnë që Policia e Kosovës të bashkëpunojë me EULEX-in.

Është bërë një javë qëkur në Gjilan ndodhi një vrasje e trefishtë pas disa gjuajtjeve me armë që dyshohen se erdhën si shkak i fajdeve.

Të dyshuarit kryesor për këtë rast, Mefail Shkodra dhe djemtë e tij, Engjulli dhe Edonisi nuk kanë arritur të lokalizohen ende nga Policia e Kosovës ani pse janë në kërkim tash e 7 ditë.

Të dielën, Drejtoria e Policisë në Gjilan ka deklaruar se po punohet intensivisht për kapjen e tyre.

Por, për njohës të çështjeve ku të përfshirë janë persona të kësaj natyre, lokalizimi i tyre s’është i lehtë.

“S’është e lehtë të gjendet persona të tillë sepse pas kryerjes së aktit, ata përgatitin terrenin dhe i shmangen komunikimit, jetojnë në situata tejet sekrete dhe për këtë paraqet vështirësi edhe tek organet e rendit. Me punë operative, me persona të caktuar zyrtar që nuk janë në uniformë punojnë në terren, komunikojnë për të ardhur deri te mundësia e gjetjes nëse janë brenda territorit”, ka thënë për Tv Dukagjinin Emrush Kastrati, ish-gjyqtar.

Me hetimet që po hyjnë në javën e dytë, Kastrati thotë se nuk duhet përjashtuar mundësia që të njëjtit të kenë kaluar në Serbi, për ç’ka, Policia e Kosovës, sipas tij, duhet të ndërmarrë veprime shtesë.

“Realisht dhe në formë potenciale ekziston mundësia që për shkak të pozitës gjeografike të Gjilanit dhe pjesës së Serbisë ku jeton komuniteti shqiptar, të njëjtit të kenë kaluar andej mirëpo, në rast se gjinden atje, mundësitë e bashkëpunimit me Serbinë janë të pamundshme sepse Serbia nuk bashkëpunon juridikisht me organet e Kosovës por mund të kryhet përmes EULEX për aq kohë sa ka vullnet edhe Serbia”, ka thënë Emrush Kastrati, ish-gjyqtar.

Për ish-hetues policorë, kërkimi i ndihmës nga EULEX-i mbetet mundësia e vetme.

“Meqenëse Policia e Kosovës dhe e Serbisë nuk kanë një bashkëpunim direkt dhe ky bashkëpunim bëhet përmes disa strukturave të Policisë së UMNIKU-t apo edhe Policisë së EULEX që të bahet një trysni përmes EULEX ose BE Serbisë, që t’i arrestojë dhe t’i ekstradojë në Kosovë. Përndryshe, mundësitë janë të kufizuara”, ka thënë Hilmi Canolli, ish-hetues në Policinë e Kosovës.

Mefail Shkodra ishte i dënuar nga Gjykata e Gjilanit për armëmbajtje pa leje, vjedhje e shërbimeve komunale e për shkaktim të rrezikut të përgjithshëm.

I njëjti së bashku me djalin e tij, i kërkuar gjithashtu, ishin arrestuar e më pas liruar gjatë vitit të kaluar për veprën penale të fajdes e detyrimit, për shkak se kishin paguar dorëzani. /Dukagjini

Goditet nga traktori, vdes një burrë

Një person ka vdekur mëngjesin e së dielës në Lipjan, pasi është goditur nga traktori, shkruan Zeri.info.

Sipas raportit ditor të Policisë së Kosovës, viktima nga pakujdesia e ka ndezur traktorin në mënyrë të parregullt derisa ishte në shpejtësi dhe si pasojë traktori ka lëvizur në mënyrë të pakontrolluar, duke e goditur viktimën.

Raporti i plotë i Policisë, pa ndërhyrje:

Vdekje aksidentale

Lipjan / 17.08.2025 – 10:45. Është raportuar se viktima mashkull kosovar ka mbetur pa shenja jete, pasi dyshohet se nga pakujdesia e ka ndezur traktorin në mënyrë të parregullt derisa ishte në shpejtësi dhe si pasojë traktori ka lëvizur në mënyrë të pakontrolluar, duke e goditur viktimën mashkull kosovar. Lidhur me rastin vdekja e viktimës është konstatuar në Emergjencën e qytetit, ndërsa njësitet policore kanë dalë në vendin e ngjarjes. Me vendim të prokurorit, trupi i pajetë është dërguar në IML për obduksion. /Zëri

Ky është serbi i arrestuar në Merdar për krime lufte ndaj civilëve shqiptarë

Një zhvillim i rëndësishëm ka ndodhur sot në pikën kufitare Merdar, ku është arrestuar Sinisa Spasiq rreth 59-vjeçar, i dyshuar për krime lufte kundër popullsisë civile gjatë luftës së fundit në Kosovë.

Sipas njoftimit të përbashkët të Prokurorisë Speciale të Kosovës dhe Policisë së Kosovës, i dyshuari është ndaluar për 48 orë dhe po hetohet për krime të kryera më 6 prill 1999, në komunën e Vushtrrisë, rajoni i Mitrovicës. Hetimet tregojnë se krimet janë kryer në mënyrë të organizuar nga njësi të MUP-it serb, ku Spasiq shërbente si rezervist aktiv.

Arrestimi është bërë nga hetuesit e Drejtorisë për Hetimin e Krimeve të Luftës, të cilët në bashkëpunim me Prokurorinë Speciale janë duke ndërmarrë të gjitha veprimet e nevojshme ligjore. Brenda afatit ligjor, ndaj tij do të parashtrohet kërkesë për caktimin e masës së paraburgimit në Gjykatën Themelore të Prishtinës.

Spasiq ishte përfshirë në kallëzimin penal të dorëzuar më 22 qershor 2022 në Prokurorinë Speciale, ku figuron ndër të dyshuarit për masakrat ndaj shqiptarëve në Vushtrri.

Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Mot i ndryshueshëm javën e ardhshme, reshje shiu e diell

VIDEO/ Pamje të rënda, momenti kur njerëzit e Vuçiqit tërheqin zvarrë të riun dhe e godasin shkop

Brutaliteti i regjimit në Beograd ndaj protestuesve sa vjen e po rritet në kohën kur kreu i shtetit Aleksandar Vuçiq paralajmëron ndërhyrjen e ashpër të shtetit pas protestave në shumë qytete të Serbisë, të cilat po mbahen pas shembjes së një tende hekurudhore më 1 nëntor 2024 në Novi Sad, ku gjetën vdekjen 16 persona.

Një video nga Serbia është postuar në rrjetet sociale që tregon njerëz të afërt me shtetin serb  duke zvarritur një të ri, dhe më pas njëri prej tyre e godet me shkop në shpinë.

Rasti ka ndodhur në kryqëzimin e Resavska dhe Nemanjina në Beograd, gjatë një proteste të premten.

Rrahja ndodh jo shumë larg pjesëtarëve të policisë, dhe njerëzit që përdorën dhunë janë anëtarë të Njësisë së Sigurisë për Persona dhe Objekte të Caktuara (JZO). Njësia drejtohet nga komandanti Marko Kricak, i cili vetë është filmuar duke vrapuar pas qytetarëve me një shkop teleskopi në dorë ditët e fundit.

Që nga fillimi i protestave studentore në Serbi, anëtarët e JZO-së kanë qenë më shpesh në rrugë, ku arrestojnë dhe rrahin studentët, sipas mediave serbe.

Në muajt e fundit, anëtarët e kësaj njësie shpesh janë përballur me akuza se veprimet e tyre shkojnë përtej ligjit.

Video këtu!!