Gazetarja prek me dedikimin prekës pas humbjes së babait “Kom me lyp sa t’jom gjall…”

Gazetarja e njohur Erjona Gjikolli, e cila punon për ‘Kiks Kosova’, ka ndarë një mesazh të thellë dhe prekës pas humbjes së babait të saj, duke shprehur ndjenjat e saj të dhimbjes dhe mirënjohjes.

Në një postim të saj në rrjetet sociale, ajo ka reflektuar mbi momentet e vështira që po kalon, duke treguar se humbja e babait ka lënë një boshllëk të madh në jetën e saj. Ajo ka falenderuar të gjithë ata që e kanë mbështetur në këtë periudhë të vështirë.x

Erjona ka shprehur mirënjohjen e saj për ata që kanë gjetur kohë për ta ngushëlluar, duke theksuar se ky akt i vogël ka pasur një rëndësi të madhe për të dhe familjen e saj. Ajo ka përmendur se shumë njerëz kanë ndarë momente të veçanta me babain e saj, duke e bërë atë të ndjehet e mbështetur.

“Kur babai thoshte se kishte shumë miq, unë e merrja si një shaka, por tani e kuptoj se sa e vërtetë ishte,” ka shkruar ajo, duke reflektuar mbi fjalët e tij të mençura. Kjo ka qenë një periudhë e vështirë, por gjithashtu një mundësi për të kujtuar dashurinë dhe mbështetje që ai ka ofruar gjatë gjithë jetës së tij.

Erjona ka ndarë se shumë njerëz kanë ndjerë dhimbjen e saj dhe se shumë prej tyre kanë pasur mundësi të flasin me babain e saj për herë të fundit. Kjo ka qenë një dëshmi e dashurisë dhe respektit që ai ka marrë nga të tjerët, duke e bërë atë një figurë të dashur në komunitet.

“Fjalët tuaja janë kthyer në krenarinë tonë!” ka shkruar ajo, duke theksuar se falë mbështetjes së të tjerëve, ajo tani e njeh babain e saj në një dimesion tjetër. Kjo është një mënyrë për të nderuar kujtimin e tij dhe për të vazhduar trashëgiminë e tij pozitive.

Erjona ka premtuar se do të vazhdojë të flasë për babain e saj, duke e ndarë historinë e tij me nipërit dhe mbesat e tij. Ajo dëshiron që ata të dinë se gjyshi i tyre ishte një njeri i jashtëzakonshëm, i cili, edhe në momentet më të vështira, ka gjetur forcën për të qeshur dhe për të sjellë gëzim.

“Ai kishte ideale dhe parime, por gjithçka kishte rëndësi më shumë kur ishte në pyetje familja,” ka përfunduar ajo, duke shprehur se babai i saj është ndarë me qetësi, duke e ditur se pas tij ka lënë një trashëgimi të fortë dhe një dashuri të pakushtëzuar për të gjithë ata që e kanë njohur.

Qeveria serbe ia përfundoi mandatin Popoviqit, qeveria Kurti ia shkatërroi karrierën

Qeveria e Serbisë ka bërë të ditur se ia ka përfunduar mandatin Igor Popoviqit, i cili mbante pozitën e ndihmësdrejtorit të Zyrës për Kosovën. Vendimi duket se është i vlefshëm prej 13 gushtit, por aty nuk janë ofruar më shumë arsyetime.

Popoviq ishte i angazhuar në sektorin për mbrojtje juridike në Zyrën për Kosovën në Qeverinë e Serbisë.

Ky vendim është marrë disa ditë pasi ai e ka pranuar fajësinë në Gjykatën Themelore në Prishtinë për nxitje të përçarjes dhe mosdurimit. Dënimi prej gjashtë muajsh burgim, i marrë më 8 gusht, i është zëvendësuar me gjobë prej 3.000 eurosh, dhe ndalim të hyrjes në Kosovë për dy vjet.

Ndonëse ai e ka pranuar fajësinë në gjykatë duke thënë se nuk i është ushtruar presion, Ministria e Drejtësisë e Serbisë ka thënë të nesërmen se Popoviq e ka nënshkruar marrëveshjen me prokurorët në Kosovë “nën presion dhe pa vullnetin e tij”.

Autoritetet e Kosovës e kanë hedhur poshtë këtë pretendim.

Ai është ndaluar nga autoritetet e Kosovës më 18 korrik, pas një fjalimi që ka mbajtur në Hoçë të Madhe të Rahovecit, përgjatë së cilit e ka përshkruar Ushtrinë Çlirimtare të Kosovës si “organizatë terroriste”.

Zyrtarët në Kosovë kanë thënë se nuk do të tolerojnë që të fyhet dhe përdhoset historia dhe lufta e udhëhequr nga UÇK-ja.

Lidhur me kētë ka reaguar edhebdeputeti i VV’së, Mefail Bajqinovci. Ai ka shpëndarë lajmin ku thuhet që qeveria serbe ia përfubdoi mandatin Popoviqit, duke shënuar:

“Kurse Qeveria e Kosovës ia përfundon karrierën”

Asnjë marrëveshje në Alaskë, por Putini sërish largohet me disa fitore të mëdha

Nick Paton Walsh | CNN

Ukraina mund të kishte kaluar një natë edhe më të keqe. Nuk u përgatit asnjë marrëveshje pa pjesëmarrjen e saj.

Presidenti amerikan Donald Trump dukej i mërzitur dhe i lodhur. Ndoshta sepse presidenti rus Vladimir Putin u shfaq i patrembur, duke folur ende për “shkaqet themelore” të luftës dhe duke tingëlluar i pandryshuar.

Në atë që tingëlloi si një kërcënim, ai madje paralajmëroi Kievin dhe aleatët e tij evropianë që të mos ndërhyjnë në çfarëdo procesi të vazhdueshëm ku ai beson se ka futur Trump-in.

“Ne presim që Kievi dhe kryeqytetet evropiane ta perceptojnë gjithë këtë në mënyrë konstruktive dhe të mos krijojnë pengesa, të mos bëjnë përpjekje për të prishur progresin që po shfaqet përmes provokimeve dhe makinacioneve prapa skenave”, tha Putini.

Thirrja e Trump-it drejtuar Kievit dhe aleatëve të NATO-s mund të paraqesë një lloj kornize që Putini e konsideroi si një “marrëveshje”, por në fytyrën e Trump-it dhe në fjalët e tij ishte e qartë se ai nuk arriti ndonjë marrëveshje të rëndësishme që mendon se do të pranohet. Dy liderët as nuk darkuan bashkë dhe Putini u nis menjëherë me avionin e tij.

Pjesët më të vështira të negociatave janë ato që mbeten për t’u rënë dakord në fund. Dhe deklarata e Trump-it se mbetën disa gjëra “të mëdha” të pazgjidhura tregon lëvizje të vogël mbi çështje si territori që kërkon Putini dhe një armëpushim.

Por ka dy fitore të mëdha për Putinin këtu. Së pari, pamja e jashtëzakonshme e një mikpritjeje me tapet të kuq në Shtetet e Bashkuara dhe një udhëtim me “Bishën” (makina e Donald Trump) — që të dyja paraqiten si një formë e jashtëzakonshme rehabilitimi të reputacionit për një kriminel lufte të akuzuar. Ishte një pamje e tmerrshme për shumë ukrainas; e hidhëruar edhe më shumë nga fakti që kreu i Kremlinit e quajti Ukrainën një “komb vëllazëror”, pavarësisht se ka vrarë civilët e saj për tre vjet e gjysmë.

Fitorja e dytë është koha. Putini fitoi më shumë kohë për forcat e tij që të avancojnë në vijën e frontit. Nuk është e qartë nëse Trump-i është mjaftueshëm i nxehur që të vendosë sanksione dytësore në ditët në vijim. Por Putini nuk dha përshtypjen se kishte nxitim, duke sugjeruar takime të mëtejshme dhe punë të vazhdueshme. Koha ka rëndësi pasi ofensiva e tij verore është afër kthimit të përfitimeve të vogla në fitore strategjike.

Në fund, Ukraina do të zgjohet me një botë të pandryshuar. Një botë të tmerrshme, por pa ndonjë afrim të papritur SHBA–Rusi ose një marrëveshje për t’u gëlltitur.

Eskalon protesta në serbi, përleshje mes protestuesve dhe policisë

Protesta antiqeveritare në Serbi u mbajtën edhe të premten mbrëma në disa qytete serbe. Gjatë protestave janë shënuar incidente.

Në qendër të Beogradit, xhandarmëria u përplas me demonstruesit antiqeveritarë, ndërsa përleshje pati edhe në Bulevardin e Mbretit Aleksandër.

Protestuesit hodhën mjete piroteknike dhe dogjën kontejnerë. Policia u përgjigj me gaz lotsjellës dhe i shpërndau demonstruesit me automjete të blinduara.

Gjatë protestave raportohet se ka të lënduar.

Në protestat e organizuara ditëve të kaluara ka pasur përplasje të ashpra mes demonstruesve antiqeveritarë dhe aktivistëve të SNS-së, të cilët i kanë goditur protestuesit me mjete piroteknike.

Protestat antiqeveritare të udhëhequra nga studentët kanë vazhduar në Serbi për më shumë se nëntë muaj. Protestuesit kërkojnë që autoritetet të mbajnë përgjegjësi për vdekjen e 16 nga shembja e një strehe betoni në stacionin e trenit në Novi Sad, më 1 nëntor 2024.

Në Novi Sad, protesta përfundoi zyrtarisht rreth orës 22:30 dhe tubimi kaloi i qetë.

Protestat antiqeveritare u organizuan si reagim ndaj sulmeve të mbështetësve të Partisë Progresive Serbe (SNS) ndaj kundërshtarëve të pushtetit në dy qytete të Vojvodinës – në Vërbas dhe Baçka Palankë – më 12 gusht.

Qeveria serbe mohon përgjegjësinë për aksidentin dhe refuzon të shpallë zgjedhje të parakohshme, një nga kërkesat e fundit të organizatorëve të protestave masive. /REL

Vendet që do të mbesin pa rrymë nesër për disa orë

Kompania për Distribuimin e Energjisë Elektrike në Kosovë (KEDS) bën të ditur se të shtunën, më 16.08.2025, do të kryhen punime të domosdoshme për siguri të sistemit energjetik.

Si rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtinë

Punime në projekte investive

1.

Nga TS 110/10(20) kV Prishtina 7 do të ndërprehet:

 

 

Dalja 10kV J13 Fabrika e kasetave (kodi: 19000039) prej orës 09:00 deri në ora 18:00

Vendet: Fabrika e Kasetave, Hajvali Vorret dhe Busia Petroll.

Arsyeja: Punimi i TrafoMoblies tek TS Zylfiu 19000039088.

Ferizaj

 

 

Punime në projekte investive

1.

Nga TS 35/10kV Ferizaj III do të ndërprehet:

Dalja 10kV Ylli 3 (kodi: 40042017) prej orës 09:00 deri në ora 18:00

 

 

Vendet: rr.Sejdi Sejdiu, rr.Ramadan Salihu, rr.Skënderbeu, rr.Naim Beka, rr.Sharrit, rr.Sadik Bega, rr.Zenel Hajdin, rr.Ejup Statovci dhe rr.Enver Topalli.

Arsyeja: Ndërrimi i pajisjeve në TS Halil Haxhidema, TS MBTS Kulla dhe TS 14 Kulla.

2.

Nga TS 35/10kV Ferizaj II do të ndërprehet:

 

 

Dalja 10kV J12 Banka 1&2 (kodi: 40041039) prej orës 09:00 deri në ora 18:00

Vendet: MBTS Banka, TS Fatmir Rashani, TS Halil Haxhidema, TS TMK Ndërtesa, TS Koncorzium Komuna (përballë Spitalit).

Arsyeja: Ndërrimi i pajisjeve ne TS Halil Haxhidema, TS MBTS Kulla dhe TS 14 Kulla.

Mitrovicë

 

 

Punime nga pala e tretë

1.

Në TS 110/10 kV Vushtrria 2

Nga dalja 10 kV Maxhunaj do të ndërprehet TS-i:

 

 

TS 10/04kV Naim Haradinaj (kodi: 73000011058) prej orës 14:00 deri në ora 17:00.

Vendet: Maxhunaj.

Arsyeja: Punime sipas pëlqimit elektro-energjetik dhe projektit te aprovuar

Gjakovë

 

 

Punime të domosdoshme për siguri të sistemit

1.

Nga TS 35/10 kV Gjakova I do të ndërprehet:

Dalja 10kV Beci (kodi: 80080010) prej orës 10:00 deri në ora 14:00

 

 

Vendet: Fshatrat: Bec, Janosh, Lugbunar, Rr.Mark Malota, Novosellë e Epërme, Novosellë e Poshtme, Osek Pashë, Palabardhë, Qerim, Sopot, Trakaniq.

Arsyeja: Ndërrimi i dy shtyllave të tensionit të mesëm në degëzimin Novosellë e Ulët, Novosellë e Epërme, evitim i rrezikut.

* * *

Punime në projekte investive

 

1.

 

Nga TS 110/35/10 kV Rahoveci  do të ndërprehet:

Dalja 10kV Pataqani (kodi: 82000001) prej orës 08:00-09:00 dhe nga ora 16:30-17:30

Vendet: fshatrat: Bratotin, Drenoc, Nushpal, Pastasellë, Pataçan i Epërm,  Pataçan i Poshtërm, Senoc, Varjak dhe Zatriq.

Arsyeja: Krijimi i kushteve të punës pa tension, manipulim me ndarësit e tensionit të mesëm.

2.

Në TS 110/35/10 kV Rahoveci

Nga Dalja 10 kV Pataqani do të ndërprehen trafostacionet:

TS 10/04kV Pasteli I (kodi: 82000001021) prej orës 08:00 deri në ora 17:30

TS 10/04kV Pasteli II (kodi: 82000001022) prej orës 08:00 deri në ora 17:30

TS 10/04kV Pompa e ujit Pasteli (kodi: 82000001026) prej orës 08:00 deri në ora 17:30

Vendet: Pastel.

Arsyeja: Ngritja e shtyllave nen tension, montimi i konzollave, montimi i izolatorëve, shtrirja e përçuesit me gjitha elementet përcjellëse si dhe punime tjetra elektrike në kuadër të Lot 12-Pataqani.

Bekë Berisha: Jam katunar, por problemet e Prishtinës do i ndreqi

Kandidati i AAK-së për kryetar të Prishtinës, Bekë Berisha, ka thënë se kandidatura e tij ka qenë kërkesë e partisë dhe aktivistëve të kësaj në Prishtinë.

Berisha tha se për Prishtinën do të dalin me një projekt shumë praktik për t’i zgjidhura disa probleme pasi sipas tij, për një kohë të gjatë Prishtina nuk ka ndryshuar kurrgjë.

“E kemi bërë një program të mirë për qytetarët e Prishtinës se si duam praktikisht t’i kryejmë punët me afate. Së pari populli dhe kryeqyteti apo qyteti sepse nuk kemi mundur t’ia japim Prishtinës atë ngjyrimin si kryeqytet, nuk duhet të anohet nga partia politike edhe me dëmin që Prishtina të mos bëhet kryeqytet”.

“Mua menjëherë janë lajmëruar të më tregojnë se unë jam katunar dhe unë s’po e lë kurrë asnjë mundësi më të voglën që të mendoj dikush se jam qytetar, po iu tregoj se jam katunar. Jam katunar, por këto problemet e Prishtinës, të prindërve, fëmijëve në shkolla, sigurisë, shtyllave elektrike, do të ua ndreq ky katunari”, tha Berisha në “DPT te Fidani” në Klan Kosova.

“Deklaratat e Kurtit ia ndaluan Thaçit vizitat nga vëllezërit”

Nasim Haradinaj, ka akuzuar kryeministrin Albin Kurti se është fajtor për vendimin e Zyrës së Prokurorit të Specializuar që t’u ndalohen vizitat vëllezërve të Hashim Thaçit në Hagë.

Sipas tij, kjo situatë erdhi pas deklaratave të Kurtit ku tha se ish-krerët e UÇK-së në Hagë po vizitohen nga deputetë të PDK-së për të marrë instruksione politike.

“Qikjo vrejtja e Albin Kurtit e dha edhe ky një vrejtje që Thaçit po i jepet informacion, po bohen instruksione, dhe ZPS-ja u përgjigj me këtë, edhe ia ndaloi Thaçit vizitat për të afërmit dhe për vëllezërit. Ai haptaz e tha në media. Unë të garantoj mbi 60% ka pesh këtu,” tha Haradinaj.

Pas ndarjes, Teuta Krasniqi e gjen përsëri dashurinë: Publikon foto e përqafuar me partnerin e ri!

Kohët e fundit, jeta e aktores së njohur Teuta Krasniqi ka marrë një kthesë të papritur, duke e çuar atë në një kapitull të ri dashurie pas ndarjes nga i fejuari.

Ajo ka ndarë një fotografi në rrjetet sociale që ka ndezur kureshtjen e ndjekësve, duke treguar se ndjenjat e saj janë rikthyer.

Pas një lidhjeje të gjatë dhe të qëndrueshme, ndarja e Teutës ka lënë pas një gjurmë të thellë në jetën e saj. Marrëdhënia e saj me ish-të fejuarin, një person që preferonte të qëndronte larg vëmendjes mediatike, kishte qenë një nga më të njohurat në publik. Tani, aktorja duket se është gati për një fillim të ri.

Fotografia e postuar nga Teuta tregon një peizazh të bukur, por ajo që ka tërhequr vëmendjen është një dorë mashkulli që shfaqet pranë saj. Ky detaj i vogël ka bërë që ndjekësit të spekulojnë për identitetin e tij dhe për marrëdhënien e re që ajo ka krijuar. Ajo duket se po shijon çdo moment të kësaj periudhe të re në jetën e saj.

Teuta ka zgjedhur të mbajë misterin rreth identitetit të partnerit të saj të ri, duke e lënë publikun të spekulojë.

Kjo strategji ka sjellë një rritje të interesit për jetën e saj personale, duke e bërë atë një temë të nxehtë në mediat sociale. Një imazh i vetëm ka mjaftuar për të ndezur kureshtjen e fansave të saj.

Me këtë postim, Teuta ka treguar se ndonjëherë një fotografi flet më shumë se fjalët. Ajo ka arritur të komunikojë ndjenjat e saj pa zbuluar shumë detaje, duke e lënë publikun të imagjinojë se çfarë ndodh në jetën e saj. Kjo qasje e saj është një shembull i shkëlqyer i menaxhimit të imazhit publik.

Ndërsa fansat e saj presin me padurim të dinë më shumë rreth këtij personi misterioz, Teuta duket se është e lumtur në këtë fazë të re të jetës së saj. Ajo po shijon çdo moment dhe duket se është gati të përballojë çdo sfidë që mund të vijë. Kjo energji e re është evidente në postimet e saj, duke reflektuar një atmosferë pozitive.

Me këtë histori të re dashurie, Teuta ka treguar se jeta vazhdon dhe se gjithmonë ka hapësirë për dashuri të re. Ajo na kujton se ndarja nuk është fundi, por një mundësi për të filluar përsëri. Si do të vazhdojë kjo histori? Ndjekësit e saj presin me padurim për të zbuluar më shumë detaje rreth kësaj marrëdhënie të re.

Protestohet në Gjilan pas vrasjes së trefishtë – Tahiri: Adresa para se cilës duhet të protestohet është Lëvizja Vetëvendosje

Sot në qytetin e Gjilanit është organizuar një protestë qytetare para objektit të Gjykatës Themelore, në shenjë reagimi ndaj vrasjeve të fundit që kanë tronditur qytetin.

Ngjarja e rëndë që ndodhi para pesë ditësh, ku një fajdexhi dyshohet se vrau tre persona, ka nxitur reagime të ashpra si nga qytetarët ashtu edhe nga përfaqësues të partive politike

Ndër reagimet më të ashpra ishte ai i deputetit të PDK-së, Abelard Tahiri, i cili tha se qytetarët me të drejtë kanë thirrur protestë, ndërsa akuzoi qeverinë në detyrë për heshtje dhe neglizhencë.

“Pesë ditë heshtje nga Sveçla e Kurti për mos arrestimin e fajdexhiut që vrau tre qytetarë të pafajshëm! Jo vetëm heshtje – por edhe mbrojtje të hapur. Në ditën e tragjedisë, në vend që qyteti të ‘blindohej’ në çdo hyrje e dalje derisa autori të kapej, atij iu hap rruga për t’u arratisur. Adresa para së cilës duhet të protestohet është Lëvizja Vetëvendosje – aty buron krimi dhe tmerri që po e terrorizon Gjilanin,” ka shkruar Tahiri.

Protesta në Gjilan vjen si shenjë pakënaqësie për mungesën e reagimit institucional dhe kërkon drejtësi për viktimat e rastit të rëndë.

Lladrovci: Memli Krasniqi s’më do, më tha lëshoje pozitën se kam shumë presion

Kryetari aktual i Drenasit, Ramiz Lladrovci, ka folur për presionet që ka marrë nga PDK-ja për të lënë pozitën e kryetarit.

Lladrovci në Teve1 ka treguar se disa anëtarë të PDK-së nuk e duan në kryesi, duke e ndikuar edhe qëndrimin e kryetarit të partisë, Memli Krasniqi.

“Unë nuk besoj që PDK-së i pengon me pas një kryetar shembull, por një grup i caktuar të kryesisë në PDK nuk e dojnë që punojnë me duart të pastërta”, ka thënë Lladrovci.

Ai shtoi se nuk është çështje personale vetëm me kryesinë, por me strukturat më të gjera të partisë:
“Mu ka disa që nuk më dojën në PDK, por po i bie që nuk më do kryetari i Partisë Demokratike, sepse unë kam thënë edhe në emisione të tjera: bonu lider, dil e thuaj, ‘nuk e dua më Lladrovcin në qeverisje’, e jo të shpërndaj përgjegjësinë tek 43 anëtarët e PDK-së”, ka shtuar ai.

Lladrovci gjithashtu ka përshkruar kërkesën direkte nga Memli Krasniqi:
“Kryetari u dashtë me ardh edhe me më thanë a po vazhdon dhe për një mandat, se na jemi të kënaqur me punën tënde, e jo me ardh me thanë a po e lëshon se kom shumë presion për Drenasin. Ai u ndiku edhe nga eksponentë të komunave të tjera”, ka treguar Lladrovci.

Deklaratat e tij vijnë pas vendimit të kryesisë së PDK-së për ta përjashtuar nga lista e kandidatëve për kryetar të Drenasit dhe pas krijimit të subjektit të tij politik “Për Drenasin Kampion me Ramiz Lladrovcin”, që do të marrë pjesë në zgjedhjet lokale të 12 tetorit.