Vendimi i Kushtetuesës, Heki reagon i dëshpruar: Kjo s’është drejtësi, vendimi i Kushtetueses është politik

Deputeti i Vetëvendosjes Hekuran Murati ka reaguar pas aktgjykimit të shpallur sot nga Kushtetuesja, ku thotë se deputetët e Kuvendit të Kosovës duhet të zgjedhin kreun e ri të organit ligjvënës përmes votimit të hapur.

Murati ka thënë se vendimet e kësaj Gjykate nuk bazohen në Kushtetutë, por bazohen në atë se cila parti është në pyetje.

“Kjo nuk është drejtësi. Ky është arbitraritet klientelist, që synim ka t’ua sigurojë gardës së vjetër në tavolinë, atë çfarë nuk ua dha populli me votë.  E provuan më 2020, kur thanë se populli nuk vendos se kush e udhëheq qeverinë, dhe populli ua dha përgjigjen më 14 shkurt 2021.  Po dëshirojnë ta provojnë përsëri më 2025, dhe përsëri populli do t’ua japë përgjigjen”, ka thënë ai.

.

Postimi I olotë I Muratit:

Në vitin 2014, për ta mbajtur PDK-në me çdo kusht në pushtet, Gjykata Kushtetuese ishte bërë vegël e PDK-së dhe kishte vendosur që:

1. Qeveria nuk mund të formohej pa fituesin e zgjedhjeve, pra PDK-në. Nëse nuk ishte PDK-ja në Qeveri, vendi duhej të shkonte në zgjedhje.

2. Pozita e Kryetarit të Kuvendit i takonte fituesit të zgjedhjeve, pra PDK-së, dhe deputetët s’kishin rrugë tjetër pos ta realizonin këtë, qoftë me votim të hapur, të fshehur, apo çfarëdo forme tjetër.

Në vitin 2020, Gjykata Kushtetuese bëri kthesë dhe e ndryshoi pikën 1, kur i dha të drejtë Presidentit asokohe që të mandatonte një qeveri pa fituesin brenda, sepse fituesi ishte Lëvizja Vetëvendosje.

Në vitin 2025, kësaj radhe në disa akte, Gjykata Kushtetuese përsëri bëri kthesë edhe për pikën e dytë, ku tash e thotë se vetëm votimi i hapur është i vlefshëm, dhe madje vendos edhe kufizim në vetëm 3 tentime, sepse fituesi është Lëvizja Vetëvendosje.

Kjo e fakton padyshim se vendimet e kësaj Gjykate nuk bazohen në Kushtetutë, por bazohen në atë se cila parti është në pyetje.

Kjo nuk është drejtësi. Ky është arbitraritet klientelist, që synim ka t’ua sigurojë gardës së vjetër në tavolinë, atë çfarë nuk ua dha populli me votë.

E provuan më 2020, kur thanë se populli nuk vendos se kush e udhëheq qeverinë, dhe populli ua dha përgjigjen më 14 shkurt 2021.

Po dëshirojnë ta provojnë përsëri më 2025, dhe përsëri populli do t’ua japë përgjigjen.

Vendos Gjykata Kushtetuese: VV-ja shkeli Kushtetutën

Gjykata Kushtetuese ka marrë vendim lidhur me ngërçin, ku ka vendosur se deputetët duhet të zgjedhin Kryetarin e Kuvendit përmes votimit të hapur, teksa seancat e mbajtura deri tash janë shpallur të pavlefshme.

Sipas Kushtetueses, kryesuesi i seancës, Avni Dehari, nuk ka vepruar në bazë të aktgjykimit të mëhershëm të kësaj gjykate të 26 qershorit. Kushtetuesja e ka publikuar vetëm njoftimin, teksa Aktgjykimin ka paralajmëruar se do ta publikojë së shpejti dhe se deri atëherë vazhdon masa e përkohshme.

Njoftimi i plotë

Gjykata Kushtetuese e Republikës së Kosovës, më 7 gusht 2025 vendosi lidhur me kërkesat KO193/25 dhe KO196/25, në lidhje me vlerësimin e kushtetutshmërisë së “Vendimit të Kuvendit për votimin e Komisionit për votim të fshehtë, në kuadër të vazhdimit të seancës konstituive të Legjislaturës IX të Kuvendit, të mbajtur sipas transkriptit të datës 29 qershor 2025.”, të parashtruar nga KO193/25, Memli Krasniqi dhe 12 (dymbëdhjetë) deputetë të tjerë të Kuvendit të Republikës së Kosovës dhe KO196/25, Hykmete Bajrami dhe 10 (dhjetë) deputetë të tjerë të Kuvendit të Republikës së Kosovës, bazuar në paragrafin 5 të nenit 113 [Jurisdiksioni dhe Palët e Autorizuara] të Kushtetutës së Republikës së Kosovës.

Gjykata, vendosi:

TË DEKLAROJË, njëzëri, kërkesën të pranueshme;

TË KONSTATOJË, njëzëri, që deputetët e zgjedhur të Kuvendit të Republikës së Kosovës nuk kanë zbatuar Aktgjykimin e 26 qershorit 2025, të Gjykatës Kushtetuese të Republikës së Kosovës në rastin KO124/25, dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme;

TË KONSTATOJË, njëzëri, që Kryesuesi i Seancës Konstituive të Kuvendit të Republikës së Kosovës, nuk ka vepruar në pajtueshmëri me Aktgjykimin e Gjykatës Kushtetuese të Republikës së Kosovës në rastin KO124/25, të 26 qershorit 2025 dhe rrjedhimisht veprimet e tij janë në papajtueshmëri me paragrafin 1 të nenit 116 [Efekti Juridik i Vendimeve] të Kushtetutës së Republikës së Kosovës;

TË URDHËROJË, me 6 (gjashtë) vota për dhe 1 (një) kundër, Kryesuesin e Seancës Konstituive të Kuvendit të Republikës së Kosovës të vazhdojë me pikën 3 të rendit të ditës së Seancës Konstituive, të miratuar më 8 prill 2025, dhe në pajtim me paragrafin 2 të nenit 67 [Zgjedhja e Kryetarit dhe Nënkryetarëve] të Kushtetutësë Republikës së Kosovës, të ftojë përfaqësuesin e grupit më të madh parlamentar për të propozuar kandidatin/en për Kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në 3 (tre) herë për kandidatin/en e njëjtë;

TË URDHËROJË, njëzëri të gjithë deputetët e zgjedhur të Kuvendit të Republikës së Kosovës, që në pajtim me nenin 4 [Forma e Qeverisjes dhe Ndarja e Pushtetit], nenin 7 [Vlerat] dhe nenin 74 [Ushtrimi i Funksionit] të Kushtetutës së Republikës së Kosovës gjatë procedurës së zgjedhjes së Kryetarit/es dhe nënkryetarëve të Kuvendit të Republikës së Kosovës të jenë të pranishëm dhe të votojnë;

TË URDHËROJË, me 6 (gjashtë) vota për dhe 1 (një) kundër deputetët e zgjedhur të Kuvendit të Republikës së Kosovës, në pajtim me paragrafët 2, 3 dhe 4 të nenit 67 [Zgjedhja e Kryetarit dhe Nënkryetarëve] të Kushtetutës së Republikës së Kosovës të zgjedhin Kryetarin/en dhe nënkryetarët e Kuvendit të Republikës së Kosovës sipas pikave 3 dhe 4 të rendit të ditës të Seancës Konstituive brenda 30 (tridhjetë) ditëve nga dita e hyrjes në fuqi të këtij Aktgjykimi;

TË VAZHDOJË, njëzëri, masën e përkohshme të vendosur më 24 korrik 2025 deri në hyrjen në fuqi të këtij Aktgjykimi;

T’UA KUMTOJË këtë Aktgjykim palëve;

TA PUBLIKOJË këtë Aktgjykim në Gazetën Zyrtare të Republikës së Kosovës, në pajtim me paragrafin 4 të nenit 20 (Vendimet) të Ligjit Nr. 03/L-121 për Gjykatën Kushtetuese të Republikës së Kosovës;

TË KONSTATOJË që ky Aktgjykim hyn në fuqi në ditën e publikimit të tij nga Gjykata Kushtetuese e Republikës së Kosovës dhe njoftimit të palëve.

Gjykata Kushtetuese e urdhëron Vetëvendosjen: Albulena Haxhiu mund të jetë kandidate vetëm tri herë!

Gjykata Kushtetuese e Kosovës tha se deputetët e Kuvendit të Kosovës duhet të zgjedhin kreun e ri të organit ligjvënës përmes votimit të hapur.

Në aktgjykimin e shpallur më 8 gusht, Kushtetuesja tha se kryesuesi i seancës, Avni Dehari, nuk ka vepruar në bazë të aktgjykimit të mëhershëm të kësaj gjykate të 26 qershorit, duke shtuar se të gjitha seancat e mbajtura nga 27 qershori deri më 6 korrik “të shpallen të pavlefshme”.

Gjykata Kushtetuese e Kosovës ka urdhëruar kryesuesin e seancës konstituive të Kuvendit të Republikës së Kosovës të vazhdojë me pikën 3 të rendit të ditës së seancës konstituive, të miratuar më 8 prill 2025, dhe të ftojë përfaqësuesin e grupit më të madh parlamentar për të propozuar kandidatin/en për kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në 3 (tre) herë për kandidatin/en e njëjtë.

Gjykata Kushtetuese e Kosovës ka konstatuar se kryesuesi i seancës konstituive të kuvendit “nuk ka vepruar në pajtueshmëri me aktgjykimin e Gjykatës Kushtetuese të Republikës së Kosovës në rastin KO124/25, të 26 qershorit 2025 dhe rrjedhimisht veprimet e tij janë në papajtueshmëri me paragrafin 1 të nenit 116 [efekti juridik i vendimeve] të Kushtetutës së Republikës së Kosovës”.

Gjykata Kushtetuse merr vendim për bllokadën në Kuvend

Gjykata Kushtetuese e Kosovës ka vendosur që deputetët e Kuvendit të Kosovës duhet të zgjedhin kreun e ri të organit ligjvënës përmes votimit të hapur dhe brenda 30 ditëve.

Në vendimin e Kushtetueses konstatohet se deputetët e zgjedhur të Kuvendit të Republikës së Kosovës nuk kanë zbatuar Aktgjykimin e 26 qershorit 2025, të Gjykatës Kushtetuese të Republikës së Kosovës, dhe rrjedhimisht të gjitha seancat e mbajtura nga data 27 qershor deri më 26 korrik 2025 shpallen të pavlefshme.

Po ashtu, se Kryesuesi i Seancës Konstituive të Kuvendit, nuk ka vepruar në pajtueshmëri me  Aktgjykimin e Gjykatës Kushtetuese të Republikës së Kosovës të 26 qershorit 2025 dhe rrjedhimisht veprimet e tij janë në papajtueshmëri me Kushtetutën e Kosovës. Gjykata ka urdhëruar kryesuesin që nga seanca e radhës të vazhdojë me pikën 3 të rendit të ditës – procedimi i votimit të kryeparlamentarit.

“TË URDHËROJË, me 6 (gjashtë) vota për dhe 1 (një) kundër, Kryesuesin e Seancës Konstituive të Kuvendit të Republikës së Kosovës të vazhdojë me pikën 3 të rendit të ditës së Seancës Konstituive, të miratuar më 8 prill 2025, dhe në pajtim  me paragrafin 2 të nenit 67 [Zgjedhja e Kryetarit dhe Nënkryetarëve] të Kushtetutësë Republikës së Kosovës, të ftojë përfaqësuesin e grupit më të madh parlamentar për të propozuar kandidatin/en për Kryetar/e të Kuvendit të Republikës së Kosovës, i/e cili/cila zgjedhet përmes votimit të hapur, votimi i cili mund të realizohet vetëm deri në 3 (tre) herë për kandidatin/en e njëjtë”, thuhet në vendim.

Gjykata ka urdhëruar të gjithë deputetët që të marrin pjesë në seancën e ardhshme konstituive, ashtu si edhe në votim.

Policia në kërkim të serbit

Policia e Kosovës në raportin 24 orësh ka njoftuar se është në kërkim të të dënuarit që u arratis dje nga Qendra Korrektuese në veri të Mitrovicës.

Policia njofton se në lidhje me këtë rast janë intervistuar zyrtarët korrektues.

“Mitrovicë Veri  07.08.2025 – 13:30. Raportohet se nga Qendra Korrektuese në Mitrovicë Veri ka ikur i dyshuari mashkull kosovar, i cili ka qenë duke vuajtur dënimin në këtë qendër. Njësitë policore janë në kërkim të të dyshuarit. Lidhur me rastin janë intervistuar zyrtarët korrektues dhe është njoftuar prokurori”, thuhet në raportin 24 orësh të Policisë së Kosovës.

Siç u raportua mbrëmë, Gjorgje Radomiroviq, është serbi që u arratis nga Qendra e Paraburgimit në Mitrovicë. Ai  ishte i dënuar me 14 vjet e 6 muaj heqje lirie për një vrasje.

Atij i kishin mbetur edhe 3 vjet e 7 muaj në vuajtje të dënimit.

“I burgosuri ishte i dënuar me 14 vjet e 6 muaj burgim, nga të cilat i kishin mbetur edhe 3 vjet e 7 muaj. Ai ishte i kategorizuar si i avancuar dhe, në momentin e arratisjes, ishte duke punuar në hapësirat e punëtorisë së institucionit.”, ka njoftuar  Shërbimi Korrektues i Kosovës.

Gjithashtu, ai ishte në listën e të dënuarve që mund të përfitonin lirimin me kusht.

Sot përfundon masa e Kushtetueses, Kurti: Gjykata s’i zgjidh mosmarrëveshjet, ne kemi bërë hapa pala tjetër jo

Kryeministri në detyrë Albin Kurti është prononcuar sot për media rreth çështjet se konstituimit të Kuvendit, duke thënë se Kushtetuesja ka thënë se marrëveshjet duhet të bëhen mes grupeve parlamentare, dhe se mosmarrëveshjet nuk i zgjidh gjykata, shkruan Gazeta Express.

Ai ka thënë se hapa për zgjidhjen e situatës aktuale janë bërë nga ta, porse pala tjetër, duke i kritikuar partitë e ish-opozitës nuk kanë bërë të njëjtën gjë.

‘‘Ne kemi ofruar dy kompromise, i pari ka qenë me rastin e votimit të fshehtë nëse nuk zgjidhet me të parën Haxhiu atëherë ne do të sjellim një emër tjetër, dhe kompromisi i dytë ka qenë që të merremi vesh për paketën  ku bën pjesë kryetari dhe nënkryetarët dhe më pastaj të kthemi të votimi i hapur, ne kemi bërë hapa nuk ka pasur hapa nga pala tjetër. Dhe mos harroni kur Kushtetuesja me aktgjykimin paraprak na patë me pikën e veçantë se marrëveshjet politike duhet të arrihet midis grupeve parlamentare se mosmarrëveshjet nuk i zgjidh gjykata, menjëherë dy partitë kryesore opozitare sërish dërguan lënë në Kushtetuese. Nëse gjykata thotë uluni e merruni vesh ti nuk shkon prapë në gjykatë me dërguar raste të tjera. Pra aktgjykimin ne e kemi respektuar, dhe jam unë që kam parashtruar letra për bashkëbiseduar, mirëpo deri tani siç e dini s’kemi pasur sukses’’, ka thënë ai.

Kurti ka thënë që, edhe pse i ka kompetencat e kufizuara ka punë aq sa ka pasur më herët e ndoshta edhe më shumë.

‘‘Ndërkohë unë i ka kompetencat e kufizuara, por përbesë nuk kam më pak punë se më herët, kam veçse më shumë punë. Kosova është stabile, Kosova po përparon por Kosova s’ka kuvend’’, ka thënë ai.

E rëndë: Në Bujanoc vritet 18-vjeçari, Arbenit Mujaj

Arbenit Mujaj është 18 vjeçari nga Bujanoci që ndërroi jetë pas një përleshje mes disa personave.

Ngjarja e rëndë ndodhi në qytetin e Bujanocit në mbrëmjen e ditës së Hënë. Gjithashtu raportohet se vëllau i tij është duke u trajtuar në spitalin rajonal të qytetit të Nishit dhe gjendja e tij është e rëndë.

Kryeprokurorja publike, Danijela Trajkoviq tha se ka ndodhur një konfrontim fizik midis disa personave, në të cilin A.M. (2006) ka pësuar lëndime të rënda kërcënuese për jetën nga plagë me thikë në gjoks dhe ka ndërruar jetë në spital.
Gjithashtu jozyrtarisht mësohet se i riu u mbyt nga një i mitur nga fshati Tërrnoc i komunës së Bujanocit.

Varrimi i të ndjerit bëhet sot në ora 18:00 në qytetin e Bujanocit.

Ngushllimet më të sinqerta familjes.

Aksident i rëndë në autostradë, një grua mbetet e lënduar

Një grua ka mbetur e lënduar në aksidentin e ndodhur ditën e sotme në autostradën “Ibrahim Rugova”.

Këtë e konfirmoi për klankosova.tv Ismajl Fejzullahu nga Njësiti i Autostradave.

Ai theksoi tutje se viktima se nuk është në rrezik për jetë.

Gruaja godet burrin shuplakë në fytyrë – Sapo erdhën për pushime në Kosovë

Del një video e re që tregon masivitetin e protestës së djeshme

Adil Behramaj, ish-këshilltar i ish-presidentit Hashim Thaci, ka postuar një video të re nga protesta e djeshme, e cila tregon numrin jashtëzakonisht të madh të qytetarëve që kundërshtuan padrjetësië ndaj ish-krerëve të UÇK-së.

Video që ka publikua ai në profilin e tij në Facebook ofron pamje nga droni.

Ai ka bërë me dije se sot protestat janë bërë domosdoshmëri.

“UÇK nuk ishte zgjedhje në vitet e 90-ta, por domosdoshmëri! Sot, domosdoshmëri janë bërë edhe protestat në Kosovë. Nuk duhet të lejojmë që historia të shkruhet nga ata që nuk e jetuan atë! Ky është zëri i UÇK-së! Ky është zëri i Kosovës që ngrihet për bijtë e saj!”, ka shkruar ai.