E dhimbshme: Ky është veterani i UÇK-së, Bashkim Nitaj që vdiq tragjikisht në Prishtinë pasi e zuri betoni teksa po punonte

Një ngjarje tragjike ka ndodhur dje rreth orës 17:00 në rrugën “Faruk Rama” në Prishtinë, pasi një person humbi jetën tragjikisht teksa një tjetër mbeti i lënduar, raporton GazetaDemos.

Lajmin e konfirmoi Policia e Kosovës, të cilët bënë me dije se viktima e këtij rasti vdiq si pasojë e lëndimeve të marra gjatë kohës që ishte duke punuar, teksa u raportua se gjatë momentit kritik mbi të njëjtin kishte rënë betoni.

GazetaDemos merr vesh nga burimet e veta se viktima e kësaj ngjarje është veterani i UÇK-së, Bashkim Nitaj nga Dranoci i Deçanit.

Derisa, personi tjetër që mbeti i lënduar është dërguar për tretman mjekësor.

“Rreth orës 17:00 kemi pranuar informatën se dy persona janë lënduar derisa ishin duke punuar, në rrugën Faruk Rama në Prishtinë. Si pasojë e lëndimeve, njëri nga personat ka ndërruar jetë. Vdekja e tij është konstatuar nga ekipi i mjekëve emergjent në vendin e ngjarjes, ndërkohë që personi tjetër i lënduar është dërguar për tretman mjekësor”, thuhet nga Policia

Arbnor Spahiu lirohet nga burgu në Serbi

Ish-polici Arbnor Spahiu është liruar nga burgu në Serbi të premten, kanë konfirmuar familjarët e tij.

Familjari Shkëlzen Spahiu ka shkruar në Facebook se Arbnori ka hyrë në Kosovë gjatë mbrëmjes së sotme.

“Arbnor Spahiu sapo ka shkelur tokën e Republikës së Kosovës. Ju falënderojmë në emër të familjes për përkrahjen që na keni dhënë në këto ditë të vështira. Arbnori është mirë me shëndet. Urojmë që ky të jetë rasti i fundit për shtetasit tanë”, ka shkruar ai.

Spahiu u arrestua në qershor të këtij viti nga autoritetet serbe në pikën kufitare ndërmjet Hungarisë dhe Serbisë dhe akuzohet nga autoritetet serbe për kryerjen e veprës penale “vrasje e rëndë”, në fshatin Banjskë të Zveçanit.

Ishin mbajtur protesta me kërkesë për lirimin e tij.

Ministrja e Jashtme në detyrë, Donika Gërvalla, e kishte përmendur arrestimin e Spahiut edhe në fjalimin e saj në Këshillin e Sigurimit të Kombeve të Bashkuara.

Prelvukaj: Me 28 dhjetor i themi lamtumirë vitit 2025 dhe pushtetit të Albin Kurtit.

Ish-kandidati për deputet nga PDK, Genc Prelvukaj ka folur rreth zgjedhjeve të 28 dhjetorit.

”Me Bedri Hamzën dhe Partinë Demokratike të Kosovës. Për ta kthyer vendin në binarë. Për një të ardhme të sigurtë.

Me 28 dhjetor i themi lamtumirë vitit 2025 dhe pushtetit të Albin Kurtit.”, shkroi ai

U raportua i zhdukur në Mitrovicë, shtetasi i Kosovës gjendet i vdekur në Serbi

Shtetasi i Kosovës, Selim Voca ishte raportuar i zhdukur dy ditë më parë nga bashkëshortja e tij në Mitrovicë të Jugut.

Këtë të premte, Ministria e Punëve të Jashtme dhe Diasporës njoftoi se ka pranuar raportimet zyrtare lidhur me vdekjen e shtetasit të Kosovës, Selim Voca, i cili ka ndërruar jetë pas një aksidenti me tren në qytetin Aleksinac, në Serbi.

MPJD thotë se trupi i pajetë i të ndjerit aktualisht ndodhet në Spitalin e Nishit.

“MPJD bën të ditur se, në koordinim me institucionet relevante të Republikës së Kosovës, është angazhuar për të mundësuar kthimin sa më të shpejtë të trupit të të ndjerit në Kosovë. Zyra Ndërlidhëse e Republikës së Kosovës në Serbi është në komunikim të vazhdueshëm me familjarët e viktimës dhe me autoritetet përkatëse, me qëllim të ofrimit të asistencës së nevojshme në kuadër të kompetencave të saja dhe të lehtësimit të të gjitha procedurave të kërkuara”, thuhet në njoftimin e ministrisë.

Këtu mund të shihni nëse jeni përfitues i subvencionit

Subvencionimi i rrymës: Ja cilat familje përfitojnë

E rëndë – Publikohen pamjet: Ky është vendi ku vdiq puntori

Një punëtor ka vdekur teksa po punonte në një lagje të Prishtinës.

Nga Policia konfirmuan për ”Demos” se viktimën e ka zënë betoni dhe ekipi i emergjencës e ka konstatuar vdekjen në vendngjarje.

Ndërkaq, një tjetër punëtor është lënduar.

Në media janë publikuar edhe panje nga vendi i ngjarjes:

Suvencionimi i faturave të rrymës, ja kush mund të përfitoj

Subvebcionimi i faturave të rrymës, Hekuran Murati del me njoftim të rëndësishëm

Qeveria e Kosovës ka fiIIuar sibvencionimin e faturave të rrymës.

Ministri në detyrë i Financave, Hekuran Murati përmes një postimi në facebook ka treguar cilat janë fsmiljet pëefituese dhe ku mund ti shohin subvevcionet.

Postimi i plotë:

Nga kjo javë ka filluar subvencionimi i faturave të energjisë elektrike për muajin tetor, për të gjitha familjet e cënueshme me të ardhura të ulëta.

Familjet përfituese mund ta shohin vlerën e subvencionit si në aplikacionin elektronik, ashtu edhe në faturat fizike që shpërndahen në ditët në vijim.

Kjo mbështetje nga Qeveria do të vazhdojë për gjashtë muaj deri në përfundim të stinës së dimrit, njësoj sikurse viti paraprak.

Raportimet se u përfshi në vrasjet e civilëve me snajperë në Sarajevë, reagon Vuçiq

Presidenti serb Aleksandar Vuçiq, ka mohuar se kishte ndonjë lidhje me atë që po quhet “safari snajperësh” –  vrasjet e dyshuara të civilëve gjatë rrethimit të Sarajevës nga të huaj të pasur që shkuan atje për të gjuajtur me snajperë ndaj civilëve.

Ai tha se nuk kishte mbajtur kurrë pushkë snajperi dhe nuk kishte dëgjuar kurrë për një “safari”.

Vuçiq tha se do të ngrejë padi kundër gazetave që e publikuan këtë për të

Ai shtoi se e dërguan në Pale si dikë që mund të fliste një gjuhë të huaj.

“E shihni se si Bild u distancua me një pikëpyetje. Të gjithë të tjerët bënë të njëjtën gjë. Telegraf madje publikoi një pjesë të redaktuar të përgjigjes së Suzanës. Ata ndoshta menduan se kur të ndodhte diçka e tillë, unë kisha diçka për të fshehur, se do ta mbuloja. Kjo tregon se sa shumë nuk më njohin dhe sa shumë nuk duan ta njohin të vërtetën”, tha Vuçiq, siç raporton RTS.

Ai shtoi gjithashtu se kundërshtarët e tij kishin, siç tha ai, akuza shumë më të shëmtuara kundër tij.

Akuzat ndaj Vuçiqit janë ngritur nga gazetari investigativ kroat, Domagoj Margetiq, i cili ka paraqitur një kallëzim në prokurorinë italiane. Autoritetet në Milano tashmë kanë hapur një hetim për përfshirjen e qytetarëve italianë, rusë dhe amerikanë në këto aktivitete të dyshuara kriminale.

Margetiq thotë se Vuçiq, në atë kohë i ri dhe pjesë e një njësie paraushtarake të lidhur me Partinë Radikale Serbe, ka qenë i pranishëm në pozicionet e snajperëve në varrezat hebraike të Sarajevës — një prej pikave më të njohura nga ku forcat serbe qëllonin qytetin.

Këtë lajm e publikoi edhe mediumi britanik “The Telegraph”.