Kurti ‘e qan’ serbishten, i fton të interesuarit të aplikojnë për 121 vende pune në komunat veriore

Kryeministri në detyrë i Kosovës, Albin Kurti, në gjuhën serbe i është drejtuar serbëve të Kosovës për të aplikuar në konkursin e shpallur për Ujësjellësin Rajonal “Mitrovica”.

Kurti ka thënë se konkursi mbyllet këtë premte, 9 gusht – dhe për 53 vende tjera pune mbyllet me 19 gusht. Në total janë 121 vende pune.

“|Ujësjellësi Rajonal “Mitrovica” ka formuar njësitë punuese dhe ka shpallur konkurse për 121 vende pune në komunat: Leposaviq, Mitrovicë e veriut, Zubin Potok dhe Zveçan. Konkursi për 68 vende pune mbyllet këtë të premte, me 8 gusht, ndërsa për 53 vendet e tjera mbyllet me 19 gusht”, ka shkruar Kurti.

Lajm i hidhur: Ndërron jetë në moshë mjaft të re haxhi Ylberi

I riu haxhi Ylberi ka ndërruar jetë në moshë të re, pas një beteje me sëmundjen, ndërsa ishte duke u trajtuar në Francë.

Lajmin e ka bërë të ditur aktivisti mitrovicas Liridon Kurti, i cili shkroi:

“Përkundër vullnetit për ta luftuar sëmundjen dhe dashurisë për jetën, mbrëmë ndërroi jetë vëllau jonë Ylberi. E lusim Zotin ta shpërblejë në ahiret, ashtu siç ishte shembull për devotshmëri në këtë botë.”

Ishte raportuar i zhdukur, gjendet i groposur – krejt çka dihet deri tani për vrasjen e dyshuar në Baincë të Lipjanit

Një ngjarje e rëndë ka ndodhur dje në fshatin Baincë të komunës së Lipjanit, ku është gjetur i vdekur dhe i groposur një burrë, i cili më parë ishte raportuar si person i zhdukur.

Lajmin e ka konfirmuar zëdhënësja e Policisë për rajonin e Prishtinës, Flora Ahmeti, e cila njoftoi se rasti po trajtohet si vrasje e rëndë.

“Dje rreth orës 12:00, në fshatin Baicë të Lipjanit, është gjetur i groposur një trup i pajetë (ende i paidentifikuar). Hetuesit policorë, në koordinim me prokurorinë, kanë nisur veprimet procedurale, ndërsa trupi është dërguar në Institutin e Mjekësisë Ligjore për autopsi dhe identifikim,” deklaroi Ahmeti.

Sipas informacioneve fillestare, trupi i pajetë është zbuluar nga familjarët e viktimës, i cili ishte shpallur i zhdukur pak ditë më parë.

Dyshohet se viktima është Enver Bajraktari, për zhdukjen e të cilit familja kishte ngritur alarmin dhe kishte kërkuar ndihmë për ta gjetur.

Dyshimet për vrasjen tragjike të Enver Bajraktarit, flasin familjarët

Detyrim e shmangie nga tatimi, Nexhmi Krasniqi u kap duke marrë 30 mijë euro

Koloneli Nexhmi Krasniqi, i cili aktualisht ushtron detyrën e Drejtorit të Policisë Kufitare për Rajonin e Prizrenit është arrestuar për detyrim e shmangie nga tatimi.

Lajmin e ka konfirmuar për Insajderin kryeprokurori i Prokurorisë Themelore në Prizren, Petrit Kryeziu.
Insajderi merr vesh qe Nexhmi Krasniqi me tre persona të tjerë në formë detyrimi, nga viktima kanë marr 30 mijë euro.

Arrestimi i tij ka rrjedhur pas një aksioni që ka zhvilur Inspektorati Policor i Kosovës bashkë me Prokurorinë e Prizrenit.

Aaksioni ka përfunduar me bastisjen e katër lokacioneve dhe arrestimin e katër personave të dyshuar.

Detajet nga komunikata:

Ky operacion është rezultat i një hetimi disa mujor, i cili është zhvilluar me profesionalizëm dhe përkushtim nga hetuesit e IPK-së në koordinim me Prokurorinë Themelore në Prizren.

Ndër të arrestuarit është edhe një zyrtar i lartë i Policisë së Kosovës me gradën kolonel. Sipas IPK-së, ndaj të dyshuarve ekziston dyshimi i arsyeshëm për përfshirje në veprat penale të detyrimit dhe shmangies nga tatimi, të cilat janë të sanksionuara me Kodin Penal të Republikës së Kosovës.

Aktualisht, hetuesit janë duke vazhduar veprimet hetimore në terren për të siguruar prova shtesë dhe për të zbardhur tërësisht rastin.

Si pjesë e procedurës administrative, IPK ka rekomanduar suspendimin e kolonelit policor.

Inspektorati Policor i Kosovës rithekson përkushtimin e institucioneve të zbatimit të ligjit për bashkëpunim ndërinstitucional dhe luftën kundër çdo forme të krimit, përfshirë atë të kryer nga zyrtarë publik.

Dyshimet për vrasjen tragjike të Enver Bajraktarit, flasin familjarët

Vdekja e Enver Bajraktarit nga fshati Baicë i Lipjanit ka tronditur familjen e tij dhe opinionin publik. Ai ishte raportuar i zhdukur nga familja një ditë më parë, ndërsa më pas u gjet pa shenja jete dhe i varrosur dy metra në thellësi.

Kushëriri i viktimës, Avni Bajraktari në “Edicionin Special” në Klan Kosova tha se Enveri i kishte çuar lopën për kullotë në ara, para se të zhdukej.

Derisa bëhet e ditur se të shtunën ai kishte shkuar me autobus në Tiranë për t’i pritur djemtë e tij që kishin ardhur nga Franca dhe Italia.

“Unë si fillim jam kanë në një lokal ku shkojmë çdo mëngjes për kafe, kam taku një kojshi dhe më tha e e gjetët Velin, tha jo Veli s’o. E kam thirr kushëririn tjetër, Besartin, i cili tha se u zhduk prej djeshit. Kanë thirrë dronin policia. Kemi dal krejt teposhtë, rend komplet. Unë isha me një vëlla temin dhe një kojshi tjetër, kur shkum pak si poshtë, në dalje prej kollomoqit, tha diçka paska shku qisajd. Dhe për qatë gjurmë jena shku dhe e gjetëm venin. Nonstop me ne kanë qenë njësite policore”, tha Avni Bajraktari.

Familjarët e tij kanë deklaruar se Enveri nuk kishte probleme apo konflikte me ndonjë person të caktuar.

Policia dhe Prokuroria e Shtetit kanë nisur hetimet për të zbuluar rrethanat e kësaj vdekjeje të dyshimtë. Sipas informacioneve të siguruara nga Klan Kosova, viktima është gjetur nga familjarët, i groposur disa metra nën tokë në një arë të mbjellë me misër.  Grupi që po kërkonte Enverin arriti ta gjente vendin ku ishte varrosur, duke ndjekur shenjat që tregonin se ai ishte tërhequr zvarrë deri aty.

Policia e Kosovës e ka konfirmuar rastin, duke e cilësuar si dyshim për vrasje të rëndë. Zëdhënësja e Policisë për Rajonin e Prishtinës, Florie Ahmeti, ka bërë të ditur se rreth orës 12:00 është gjetur një trup i pajetë i groposur.

“Sot rreth orës 12:00, në fshatin Baicë të Lipjanit, është gjetur i groposur një trup i pajetë (ende i paidentifikuar). Hetuesit policor në koordinim me prokurorinë kanë nisur veprimet procedurale, ndërsa trupi është dërguar në Institutin e Mjekësisë Ligjore për autopsi dhe identifikim. Bazuar në rrethanat fillestare, dyshohet për vrasje të rëndë. Aktualisht hetuesit janë duke punuar për zbardhjen e plotë të ngjarjes dhe identifikimin e viktimës”, tha Ahmeti

“U gjet i groposur disa metra… i mbuluar me dërrasa” Detaje tronditëse nga gjetja e trupit të pajetë të Enver Bajraktarit

Një ditë pas raportimit për zhdukjen e tij, policia në Lipjan ka zbuluar trupin e pajetë të 45-vjeçarit Enver Bajraktari, i varrosur në një arë pranë fshatit Baicë.

Trupi i viktimës u gjet i groposur disa metra nën sipërfaqe dhe i mbuluar me disa dërrasa. Policia konfirmoi se ka nisur hetimet për qartësimin e rrethanave që çuan në vdekjen e tij.

Sipas burimeve të Klan Kosovës, grupi që po e kërkonte Bajraktarin ndoqi gjurmët, të cilat treguan se trupi ishte tërhequr me forcë drejt një gropë të improvizuar në një arë të mbjellë me misër disa metra nën sipërfaqe, ku ishin vendosur edhe disa dërrasa për ta kamufluar vendin e varrimit.

Sipas dëshmive të familjarëve, Enver Bajraktari nuk kishte pasur asnjë konflikt të mëparshëm, as mosmarrëveshje me persona të tjerë.

Flora Ahmeti, zëdhënëse e Drejtorisë Rajonale të Policisë në Prishtinë, konfirmoi se trupi, ndonëse ende i paidentifikuar, u gjet rreth orës 12:00 nga patrulla policore në bashkëpunim me Prokurorinë e Shtetit.

“Sot rreth orës 12:00, më fshatin Baicë të Lipjanit, është gjetur i groposur një trup i pajetë (ende i paidentifikuar).”

Ajo shtoi se hetuesit policor kanë nisur veprimet procedurale dhe trupi është dërguar menjëherë në Institutin e Mjekësisë Ligjore për të kryer autopsinë dhe për të konfirmuar identitetin e viktimës.

“Hetuesit policor në koordinim me prokurorinë, kanë nisur veprimet procedurale, ndërsa trupi është dërguar në Institutin e Mjekësisë Ligjore për autopsi dhe identifikim.

Zëdhënsja gjithashtu bëri të ditur se hetimet janë duke u zhvilluar intensivisht për zbardhjen e plotë të ngjarjes dhe identifikimin e autorëve të mundshëm.

“Bazuar në rrethanat fillestare, dyshohet për vrasje të rëndë. Aktualisht hetiesit janë duke puniar për zbardhjen e plotë të ngjarjes dhe identifikimin e viktimës”.

Dyshohet se u arrestua në Serbi edhe një kosovar teksa vinte nga Gjermania

Serbia është duke e vazhduar sagën e arrestimeve të kosovarëve në kufi, ku zakonisht po e përdorë preteksin se të arrestuarit kanë qenë pjesë e UÇK-së.

Veriu.info ka marrë raportimeve nga banorë të Obiliqit, se mbrëmë në pikën kufitare Bajakovo që gjendet në mes të Serbisë dhe Kroacisë është arrestuar Behar Preniqi.

Dyshimet e para janë se ai është arrestuar për krime lufte, kinse ka qenë pjesë e UÇK-së, edhe pse në kohën e luftës ishte vetëm 16 vjeç.

Mësohet se Behar Preniqi në momentin e arrestimit ka qenë duke ardhur nga Gjermania për në Kosovë.

Netanyahu nuk ndalet, merr vendim për pushtimin e plotë të Gazës

Kryeministri Benjamin Netanyahu konfirmoi se është marrë një vendim për pushtimin e plotë të Rripit të Gazës, duke përfshirë operacionet në zonat ku mbahen pengje.

Zyra e Kryeministrit i përcolli mesazhin Shefit të Shtabit: “Nëse kjo nuk ju përshtatet, atëherë duhet të jepni dorëheqjen.”

Njoftimi vjen pas muajsh bisedimesh në Doha midis Hamasit, Izraelit dhe ndërmjetësve për të arritur një marrëveshje armëpushimi dhe pengmarrjeje, shkruan euronews.

Hamasi kërkoi që qindra kamionë me ndihma do të duhej të hynin në Rripin e Gazës që grupi terrorist të rikthehej në negociata, pavarësisht përpjekjeve të shtuara ndërkombëtare për të ofruar burime në enklavën palestineze.

Hamasi publikoi gjithashtu video gjatë fundjavës, duke treguar pengje të dobësuar dhe duke pretenduar se ata po vdisnin urie si pasojë e urisë së përhapur në Rripin e Gazës.

Policia e konfirmon: Një burrë në Lipjan u gjet i groposur, dyshohet për vrasje të rëndë

Në fshatin Baincë të Lipjanit, është gjetur i vdekur dhe i groposur një burrë. Dyshohet për vrasje të rëndë, ka konfirmuar për Express zëdhënësja e policisë për rajonin e Prishtinës, Flora Ahmeti.

Trupi i viktimës është dërguar për obduksion në IML, tha Ahmeti.

Gazeta Express raportoi se trupi i viktimës është gjetur nga familjarët, ndërsa i njëjti fillimisht ishte raportuar si person i zhdukur.

Konfirmimi i saj i plotë:

Sot rreth orës 12:00,  më fshatin Baicë të Lipjanit, është gjetur i groposur një trup i pajetë (ende i paidentifikuar).Hetuesit policor në koordinim me prokurorinë, kanë nisur veprimet procedurale, ndërsa trupi është dërguar në Institutin e Mjekësisë Ligjore për autopsi dhe identifikim.

Bazuar në rrethanat fillestare, dyshohet për vrasje të rëndë.

Aktualisht hetuesit janë duke punuar për zbardhjen e plotë të ngjarjes dhe identifikimin e viktimës.

Tronditëse, një burrë i zhdukur në Lipjan u gjet i vdekur dhe i varrosur

Për më tepër se katër orë, prokurori i shtetit po qëndron në vendin e ngjarjes, aty ku është gjetur i vdekur dhe i varrosur një burrë i raportuar si i zhdukur, ditë më parë.

Gazeta Express mëson nga burimet e saj se viktima që ishte raportuar i zhdukur është gjetur i varrosur në komunën e Lipjanit, ditën e sotme. Trupin e kanë gjetur familjarët e tij.

Aktualisht po kryhen hetime dhe rasti ndodhet në fazën e mbledhjes së informatave, prandaj Gazeta Express nuk do të zbulojë më shumë detaje për këtë rast.

Rasti në fillim është cilësuar si “hetim mbi vdekjen”, teksa mjekësia ligjore pritet ta vërtetojë shkakun e vdekjes.