Një burrë nga Klina ka ushtruar dhunë të madhe fizike ndaj gruas së tij.
Në vendin e ngjarjes kanë dalë njësit policore si edhe ekipi mjekësor ku ata e kanë transportuar viktimën në spitalin rajonal në Pejë për trajtim mjekësor.
I dyshuari është arrestuar dhe ai pas intervistimit me vendim të prokurorit është dërguar në Repartin e Psikiatrisë për trajtim mjekësor.
Një zyrtar policor ka raportuar se është sulmuar nga tre persona të dyshuar, derisa ndodhej jashtë detyrës zyrtare, në rrugën “Ukshin Kovaqica” në Mitrovicë, më 27 korrik 2025 rreth orës 17:00.
Burimet e Sinjalit bëjnë me dije se zyrtari policor, me detyrë në pikën kufitare të Jarinjës, është ofenduar verbalisht nga tre persona të cilët ndodheshin në një veturë. Pas fyerjeve, të dyshuarit kanë zbritur nga vetura dhe e kanë shtyrë dhe kapur për duarsh zyrtarin, të cilit nuk i është dhënë mundësia të prezantojë ID-në policore, për shkak të pengesës fizike nga ana e të dyshuarve.
Personi i parë i dyshuar, Rron Smakolli rreth 18-vjeçar, është ndaluar nga Policia, por gjatë arrestimit ka ofenduar zyrtarët policorë dhe nuk i ka zbatuar urdhrat. Gjatë kontrollit fizik, atij i është gjetur një thikë në xhep.
I dyshuari i dytë, Dastin Xhemajli rreth 20-vjeçar, është paraqitur në stacion policor pas kontaktit telefonik, ndërsa i treti, Lorik (i datëlindjes ende të pacaktuar), nuk është paraqitur dhe është shpallur në kërkim nga Policia.
Pas intervistimit nga hetuesit policorë dhe në konsultim me prokurorin e shtetit, ndaj të dyshuarve është iniciuar rasti “Sulm”, ndërsa të dy janë liruar në procedurë të rregullt.
Ndaj të dyshuarit të parë, përveç kallëzimit penal, është shqiptuar edhe kundërvajtje për moszbatim të urdhrit të policisë dhe për ngasje të automjetit pa patentë shofer.
Policia po vazhdon hetimet për lokalizimin dhe arrestimin e personit të tretë të përfshirë në këtë incident.
Platforma eKosova ka njoftuar se ka lëshuar dy shërbime të reja digjitale në bashkëpunim me Agjencinë për Regjistrimin e Bizneseve, të cilat janë tashmë të qasshme në kategorinë “Biznesi”.
“Në bashkëpunim me Agjencinë e Regjistrimit të Bizneseve, në platformën eKosova janë lansuar dy (2) shërbime të reja në kuadër të kategorisë “Biznesi”:
1. Shkarko vërtetimin individual;
ekosova.rks-gov.net/671
2. Shkarko vërtetimin biznesor;
ekosova.rks-gov.net/672
Vëmendje: Për të përdorur këtë shërbim, sigurohuni që llogaria juaj në eKosova të jetë e verifikuar (niveli i dytë i identifikimit)”, thuhet në njoftim./IndeksOnline/
Agim Pllashniku, qytetari që u konfrontua të premten e kaluar me deputeten e LVV-së, Fitore Pacolli, ka bërë kallëzim penal ndaj saj.
Siç u tha në dokumentin e kallëzimit penal, për të cilin raportoi Insajderi, “më datën 25 korrik, 2025, pranë një kafiterie te Komuna e Prishtinës, këtu Fitore Pacolli dhe asistenti i saj sulmojnë fizikisht qytetarin këtu palën e dëmtuar Agim Plashniku, ku ngjarja ka rrjedhur në momentin kur Agim Plashniku pasi që i afrohet deputetes Fitore Pacolli në mënyrë të qetë dhe të kulturuar (video-incizimi), qytetari Agim Plashniku në gjet simbolik për të shprehur indinjatën me rrethanat politike të vendit dhe korrupsionin e madh që po mbretëron në vend, i afrohet deputetes dhe i thotë ‘a po ma paguan edhe mua faturën’”.
Vajza e Agimit, Sonila Pllashniku, dhe avokati i tij, Gent Gjini, ishin të ftuar për të debatuar rreth kësaj çështje në Klan Kosova.
“Nuk ka qenë e lehtë prej momentit kur u bë mediatike video, dhe kur u pa që Fitore Pacollit nuk po i shiten më rrenat e saja. Nuk ka qenë e lehtë për familjen, por ne jemi mësuar pak apo shumë, dhe e dimë se kjo qeveri, deputetët e VV-së, dhe në këtë rast Fitore Pacolli, kush janë e çka bëjnë. Përderisa Fitore Pacolli s’e ka problem me vjedh shtetin, ajo nuk e ka problem as me sulmu qytetarin, e as mandej me i bë përndjekje publike familjes së një qytetari, i cili thjesht kërkon llogari se çfarë është duke ndodhur me taksat e mija, dhe taksat e qytetarëve të tjerë”, u shpreh vajza e Agimit.
Ajo shton se Pacolli nuk ka bërë kërcënim të drejtpërdrejt, por sipas saj, deputetja e VV-së ka bërë thirrje të hapur të urrejtjes përmes shkrimeve të saja, si dhe shton se ka bërë thirrje që nënën e saj ta largojnë nga puna që e ushtron.
Nga ana tjetër, avokati Gjini thotë se klienti i tij është shtyrë me forcë nga Pacolli si dhe nga asistenti i saj.
Po ashtu, avokati shton se Fitore Pacolli ka bërë denoncim të rrejshëm se kinse Agim Pllashniku ka pasur armë me vete.
Komentatori politik, Nexhmedin Spahiu, jo që s’pajtohet që s”ka dështime qeverisja e Kurtit por disa merita e ja numëron, transmeotn Gazeta Metro.
Pas dështimit të konstituimit të Kuvendit, Spahiu kritikoi liderin e Vetëvendosjes por në debat e sipër me panelistë nisi të argumentojë se arrtija e tij në veri të vendit është historike “më e rëndësishme se shpallja e pavarësisë” madje tha.
Kur u sfida për pasojat e asaj arritje – siç janë sanksionet – Spahiu megjithatë e zhvlerësoi vetë të arriturën e Kurtit kur tha “ajo pasi nuk e ka bë bash në mënyrën më të mirë të mundshmet”./gazetametro.net
I dërguari i posaçëm i ish-presidentit amerikan Donald Trump për dialogun Kosovë–Serbi, Richard Grenell, ka rikujtuar se arrestimi i ish-presidentit të Kosovës, Hashim Thaçi, ndodhi pikërisht në kohën kur SHBA-ja po përpiqej të arrinte një marrëveshje historike ndërmjet dy vendeve, shkruan Insajderi.
Në një postim në rrjetin social “X” (ish-Twitter), Grenell ka deklaruar e ishte prokurori Jack Smith, tashmë i njohur për hetimet kundër Donald Trump – ai që urdhëroi arrestimin e Thaçit në vitin 2020.
“Jack Smith (po, ai) e arrestoi Hashim Thaçin në vitin 2020, në kohën kur Donald Trump ishte duke punuar për marrëveshjen Kosovë–Serbi. Është e turpshme që ai ende gjendet në burg. Është një mashtrim. Haga është e rrënuar”,shkroi ai.
Ish-presidenti Hashim Thaçi u arrestua vetëm pak javë para nënshkrimit të marrëveshjes për normalizim ekonomik ndërmjet Kosovës dhe Serbisë në Shtëpinë e Bardhë, në shtator të vitit 2020.
Ai ndodhet në paraburgim në Hagë që nga ajo kohë, nën akuzat për krime lufte dhe krime kundër njerëzimit.
Gruaja e Ramiz Lladrovcit, Shemsije Lladrovci, ka reaguar pas vendimit të kryesisë së Partisë Demokratike të Kosovës (PDK), që Ramiz Lladrovci të lihet jashtë garës për kandidat për kryetar të Komunës së Drenasit. Në vend të tij, u zgjodh Petrit Hajdari.
Lladrovci me anë të një shkrimi në ‘Facebook’ ka thënë se bashkëshorti i saj nuk është “produkt i pazareve politike”, shkruan Insajderi.
“Ata që i dolën kundër, e dijnë mirë se Ramiz Lladrovci nuk është produkt i pazareve politike, por i sakrificës së vërtetë. Ai është vëllai i dëshmorit Femi Lladrovci, një emër që e mban peshën e gjakut të derdhur për këtë tokë. Dhe këtë peshë nuk mund ta mbajnë as ata që i dalin kundër sot, nga kolltuqet e rehatshme, e as ata që flasin për kombin vetëm kur u duhet për votë, dhe për ineresa përsonale”, thuhet në shkrim.
Reagimi i plotë:
Ramiz Lladrovci ,dëshmi e gjallë se atdhedashuria nuk është fjalë, por gjak, qëndresë dhe burrëri!
Ka njerëz që flasin për Atdheun, por Ramiz Lladrovci është prej atyre që ka jetuar dhe jeton për të. Ai nuk ka pasur nevojë të bërtasë për t’u dëgjuar, sepse veprat e tij flasin vetë, në ilegale, në luftë, në diplomaci, në politikë e në udhëheqje.
Ata që i dolën kundër, e dijnë mirë se Ramiz Lladrovci nuk është produkt i pazareve politike, por i sakrificës së vërtetë. Ai është vëllai i dëshmorit Femi Lladrovci, një emër që e mban peshën e gjakut të derdhur për këtë tokë. Dhe këtë peshë nuk mund ta mbajnë as ata që i dalin kundër sot, nga kolltuqet e rehatshme, e as ata që flasin për kombin vetëm kur u duhet për votë, dhe për ineresa përsonale.
Koha e ka vërtetuar, Ramiz Lladrovci ka qenë aty kur është dashur burrëri, jo thjesht zë. Ka qëndruar në vijën e parë, në ditët më të errëta të popullit tonë, dhe ka folur e vepruar me dinjitet dhe trimëri kur të tjerët kanë zgjedhur heshtjen ose servilizmin.
Sot, ata që i dolën kundër nuk e bëjnë sepse ai ka gabuar, por sepse ai nuk është i kapshëm. Nuk është i shitshëm. Nuk u përkulet atyre që duan t’i lyejnë historinë tonë me bojë të huaj. Ai i mbetet besnik vetëm një flamuri , dhe një ideali, lirisë së pastër për Kosovën dhe kombin shqiptar.
Ramiz Lladrovci është ballëlartë për gjithqka që ka bërë për vendin e tij. Ai është vetë përgjigja. Dhe historia do të jetë gjithmonë në anën e atyre që kanë dhënë, jo të atyre që vetëm kanë marrë. Ai është një shembull për brezat që vijnë, se si ndërtohet një jetë me dinjitet dhe përkushtim ndaj kombit.
Përherë krenare dhe ballëlartë krah teje burrë!
Anëtarja e Partisë Demokratike të Kosovës (PDK), Besa Ismaili, ka reaguar ashpër ndaj deklaratës së kryeministrit në detyrë Albin Kurti për kërkesën e tij për 500 mijë vota gjatë zgjedhjeve të fundit, duke e cilësuar këtë si kërkesë për “pushtet absolut” dhe jo për legjitimitet demokratik.
“Nuk është hera e parë që Kurti kërkon 500 mijë vota, dhe nuk do të jetë as e fundit,” tha Ismaili. “Por ajo që kërkon në të vërtetë nuk është besimi i qytetarëve – është dorëzimi i tyre. Është kërkesë për nënshtrim, për gojëmbyllje.”
Ismaili kritikoi ashpër arrestimin e qytetarëve për deklarime kundër pushtetit, duke thënë se “kur dikush arrestohet vetëm pse e quan një eksponente të qeverisë ‘hajn’, kjo nuk është demokraci, kjo është autokraci.”
Sipas saj, Kurti po tenton të ndërtojë një sistem ku kritika ndëshkohet dhe liria e fjalës shtypet. “Dikur ishte luftëtar për fjalën e lirë. Sot është ai që urdhëron pranga për ata që guxojnë të flasin,” tha Ismaili.
Kryesia e PDK-së nën drejtimin e kryetarit Memli Krasniqi sot ka mbajtur një mbledhje me rëndësi në kuadër të përgatitjeve për zgjedhjet lokale të 12 tetorit.
Në mesin e pikave të rendit të ditës, ka qenë edhe nominimi i kandidatit për kryetar të Drenasit nga radhët e kësaj partie, ku kanë qenë dy emra për votim, Ramiz Lladrovci dhe Petrit Hajdari.
Burime të Veriu.info nga PDK bëjnë të ditur se Kryesia e PDK-së më shumicë të votave ka nominuar Petrit Hajdarin për kryetar të Drenasit në zgjedhjet e tetorit.
Veriu.info mëson se nga 31 anëtarë të Kryesisë që kanë marrë pjesë në votim, 26 prej tyre kanë votuar për Petrit Hajdarin, ndërsa 6 vota kanë qenë për Ramiz Lladrovcin.
Një tragjedi ka ndodhur këtë të shtunë në Liqenin e Ujmanit, ku një mërgimtar 33-vjeçar ka humbur jetën pasi u hodh nga ura mbi liqen dhe nuk doli më në sipërfaqe.
Ngjarja ka tronditur opinionin publik dhe ka nxitur reagime të forta nga familjarët e viktimës, të cilët akuzojnë institucionet për neglizhencë, shkruan “Jepi zë”.
“Jemi zhgënjyer shumë. Ka kaluar një orë dhe as zhytësit, as Policia nuk kanë ardhur. Ne kemi pritur, kemi thirrë, por askush nuk ka reaguar me kohë”, ka deklaruar për “Jepi zë” njëri nga të afërmit e viktimës që ishte në vendngjarje.
Viktima, i cili ishte me pushime në Kosovë, dyshohet se ka kërcyer në ujë, por ende nuk janë të qarta rrethanat që çuan në këtë akt tragjik.
Policia e Kosovës dhe njësitë e kërkim-shpëtimit kanë dalë në vendin e ngjarjes, por kërkimet për gjetjen e trupit vazhdojnë edhe disa orë pas mbytjes së dyshuar.
