Ky është personi që u gjet i vdekur në detin e Sarandës

Shtetasi portugez i raportuar i zhdukur një ditë më parë në detin e Sarandës, është gjetur i pajetë këtë të diel nga Policia Kufitare.

Sipas njoftimit zyrtar të Policisë, trupi i pajetë i 57-vjeçarit A. G., u gjet në vendin e quajtur “Buka e Vivarit”, pranë lagunës ku ai ishte parë për herë të fundit.

Trupi do të transportohet në Institutin e Mjekësisë Ligjore për kryerjen e autopsisë, me qëllim përcaktimin e saktë të shkakut të vdekjes.

Dyshimet paraprake tregojnë se bëhet fjalë për mbytje në det.

Grupi hetimor vijon punën për zbardhjen e plotë të rrethanave të ngjarjes dhe dokumentimin ligjor.

Fitorja e “252 mijë Eurove”, eskalon në studion e RTK’së, kapet me gazetaren se e pyeti për dajën e vëllain

Deputetja e LVV-së, Fitore Pacolli, është përfolur vazhdimisht në media për disa subvencione të përfituara nga familjarët e saj, së fundmi edhe për burrin e saj.

E ftuar në RTK për të folur rreth kësaj çështjeje, si dhe për raportimet për subvencionet e ndara nga Ministria e Bujqësisë për dajën dhe vëllain e saj, ajo është kapur keq me gazetaren e RTK-së, duke e pyetur se pse nuk e ka ftuar më herët në emision.

“Ju si gazetare kur unë jom sulmu kaq shumë për këto dy tema ish dashtë me m’thirrë atëherë me diskutu. Jo, jo, jo, jo, jo, jo. Intervistën e vetme e kam dhanë te emisioni te Fidani. Nëse të intereson me i ditë detajet mundesh me shku me këqyr aty”, tha deputetja.

Gazetarja e RTK-së këmbënguli që Pacolli të tregojë nëse vëllai dhe daja kanë marrë subvencione.

“Sikur t’kish interesu ty kjo çështje… ke prit 1 vit me m’sulmu kaq shumë.”, iu kap gazetares deputetja e VV-së.

“Pse s’ma ke dhanë hapësirën atëherë”, vazhdoi Pacolli.

Së fundmi, bashkëshorti i Fitore Pacollit u raportua se ka përfituar 52 mijë euro nga Ministria e Kulturës. Sipas raportimeve, paratë i ishin ndarë atij përmes një organizate joqeveritare.

Më herët, ishte konfirmuar edhe nga ministri në detyrë, Faton Peci se Ministria e Bujqësisë kishte ndarë nga 100 mijë euro në formën e subvencioneve edhe për vëllain dhe dajën e deputetes.

Moment i sikletshëm në televizion: Një i zhveshur ia ndërpret intervistën avokatit në Klan Kosova

Një situatë e pazakontë dhe mjaft e sikletshme ka ndodhur sot gjatë një transmetimi të drejtpërdrejtë, ku po fliste avokati Gent Gjini.

Teksa ai po jepte deklaratë për Klan Kosova, duke folur rreth dorëzimit të një kallëzimi penal ndaj deputetes Fitore Pacolli nga ana e Agim Pllashnikut, papritur në sfond është shfaqur një person i zhveshur nga beli e lart, duke hyrë në kuadër të kamerës.

Avokati Gjini, i vetëdijshëm për situatën, shihet qartë në video duke u përpjekur me mimikë ta paralajmërojë personin që të mos kalojë, por përpjekja e tij rezulton e pasuksesshme.

Më pas ndërhynë moderatorja e cila thotë: “Mirë po kalojmë në studio”.

 

Rasti i Agon Zejnullahut, avokati Besnik Berisha: Liria për pesë policët është më e pakta që meritojnë

Avokati i njohur, Besnik Berisha, ka reaguar ashpër ndaj vendimit për mbajtjen në paraburgim të pesë zyrtarëve policorë, duke e cilësuar situatën si një padrejtësi që po zëvendëson drejtësinë e mirëfilltë.

“Nuk po flasim për prova që dëshmojnë krim – por për një ‘klimë tensioni’ me palën tjetër. Kjo nuk është drejtësi, është frikë e veshur me petkun e ligjit”, shkruan Berisha në Facebook.

Ai thekson se rasti i Agon Zejnullahut, që ka prekur thellë opinionin publik, meriton një hetim të plotë dhe transparent, e jo masa simbolike që, sipas tij, kanë për qëllim vetëm qetësimin e përkohshëm të reagimeve publike.

“Sot janë pesë. Nesër mund të jetë cilido që vesh uniformën dhe mban përgjegjësi. Drejtësia nuk është privilegj, është themel i shoqërisë së lirë”, shton avokati.

Berisha përfundon thirrjen e tij me një apel të qartë: “Liria për pesë policët është më e pakta që meritojnë. Veproni!”

Zëvendësja e Kurtit kapet në kamera në “skuta” të Kuvendit duke biseduar fshehurazi me Simiqin

Zëvendëskryeministrja në detyrë, Emilja Rexhepi, deputete nga radhët e komunitetit boshnjak, e cila ka thënë se ka votë vetëm për Vetëvendosjen dhe askënd tjetër, është kapur nga kamera nëpër “skuta” të Kuvendit të Kosovës natën e shterrimit të afatit kushtetues duke biseduar me Igor Simiqin e Listës Serbe.

Rexhepi është kapur nga kamerat buke biseduar gjatë me Simiqin në fund të sallës, siç i ka publikuar pamjet “Interaktiv Talks”.

Në seancën e parë konstitutive deputetit nga radhët e komunitetit egjiptian, Elbert Krasniqit, mediat i kapën mesazhe telefonike me A.K (supozohet, Albin Kurtin) ku i thotë se Lista Serbe do t’ua ofrojë katër vota për formim të qeverisë.

Murati jep lajmin: Nga ky muaj rriten pagat për këtë kategori

Ministri në detyre i Financave, Hekuran Murati ka njoftuar se nga ky muaj e tutje shërbyesit publik që punojnë në organizata buxhetore do të marrin pagën me rritje prej 55 euro shtesë.

Murati në Facebook ka shkruar se rritja e këtij muaji e kompleton rritjen e paraparë sivjet prej 110 eurove për secilin punonjës, e cila zbatohet në dy faza nga 55 euro-faza e parë nga janari 2025 dhe faza e dytë nga korriku 2025.

Policia dhe BIA serbe arrestojnë një serb të Shtërpcës, e akuzojnë si spiun të shqiptarëve

Pjesëtarë të agjencisë serbe të inteligjencës (BIA) në bashkëpunim me MUP-in (Ministrinë e Brendshme) të Serbisë, në një shou të përgatitur me kamera, e kanë arrestuar mëngjesin e sotëm në pikëkalimin kufitar Kosovë-Serbi në Merdarë Sasha Gjorgjeviqin nga Shtërpca.

Mediumi serb në Kosovë “Kosovo Online” shkruan se ai “ka qenë bashkëpunëtor i Shërbimit Informativ të Shqipërisë, përmes Agjencisë së Kosovës për Inteligjencë”, ndërsa ka publikuar një video të arrestimit.

Gjorgjeviq shkruhet se është i punësuar në Qendrën e Mjekësisë Familjare në Shtërpcë.

Siç pretendon mediumi serb, ai “për një periudhë të gjatë ka qenë bashkëpunëtor i Shërbimit Informativ të Shqipërisë – Shërbimit Informativ Shtetëror (SHISh) përmes Agjencisë së Inteligjencës së Kosovës (AKI), sipas detyrave të së cilës ka ndërmarrë veprime të drejtuara kundër interesave të komunitetit serb në Kosovë dhe të Serbisë në atë rajon, si dhe në drejtim të mbledhjes së të dhënave për pjesëtarët e strukturave të sigurisë serbe”.

Për këto shërbime që pretendohet se i ka kryer ai, “Kosovo Online” shkruan se “ka marrë para nga shqiptarët”.

Shërbimet serbe “kanë konstatuar se Gjorgjeviq ka qenë në kontakt me një pjesëtar të AKI-së nga Ferizaj, ish-pjesëtar të UÇK-së”.

Atij i është caktuar masa e ndalimit prej 48 orësh, pas së cilës ai pritet t’i dorëzohet prokurorisë kompetente me kallëzim penal, për shkak të ekzistimit të dyshimit të bazuar se ka kryer veprën penale të spiunazhit.

Trump nga Skocia i përmend Kosovën dhe Serbinë: Po të mos isha këndejpari do të ndodhnin 6 luftëra në botë

Presidenti i SHBA’së, Donald Trump, sot është takuar me kryeministrin britanik Keir Starmer në Skoci.

Gjatë një paraqitjeje për gazetarët, Trump tha se ka shumë armëpushime në botë.

“Serbia dhe Kosova janë një tjetër. Kemi shumë pika të nxehta që ishin luftë”, ka thënë Trump.

Trump thotë se, nëse ai nuk do të ishte në detyrë, do të zhvilloheshin gjashtë luftëra.

“Nëse nuk do të isha unë këndejpari, do të ishin tani gjashtë luftëra të mëdha. India do të luftonte me Pakistanin”, shtoi ai.

Ai tha se ndërhyrja e tij çoi në një armëpushim mes Tajlandës dhe Kamboxhias. Trump përmendi edhe marrëveshjen e paqes midis Ruandës dhe Republikës Demokratike të Kongos.

Sulmohet Marko Gjuriq

Ministri i Jashtëm i Serbisë, Marko Gjuriq ka deklaruar se është sulmuar në rrugë, teksa po shëtiste me vajzat e tij.

Gazetarja nga Lugina, Ardita Behluli thotë se Gjuriq u sulmua nga një qytetar në Beograd, transmeton Klankosova.tv.

“E tërë kjo ka ndodhur si shkak i një dezinformate që është përhapur në opinionin publik, ku gjithmonë citojmë dhe referohemi na bazë të informacionit zyrtar që kanë dhënë institucionet përkatëse”, u shpreh Behluli në “Kosova Today”.

Ajo thotë se dezinformata ka të bëjë me pranimin e vendosjes së shtetasve të huaj në Serbi, marrëveshje kjo që thuhet se u sulmua ministri i jashtëm.

Behluli thotë se kjo tregon se Serbia është në një atmosferë të dezinformimit dhe urrejtjes që përhapet në publik.

Nga ana tjetër, eksperti i sigurisë, Bedri Elezi thotë se Gjuriqi shfaqi dy fytyra, pasi sipas tij ai edhe thoshte se nuk do ta paraqesë veten si viktimë, por nga ana tjetër, poston mesazhet kërcënuese.

Derisa ai thotë se në Serbi, nuk ka aspak transparencë, përkundrazi ka kontrollim të rreptë.

Ndërkohë, gazetari Arientin Abdyli thotë se presidenti serb, Aleksandar Vuçiq është në ofanzivë, derisa shton se në Serbi tanimë janë krijuar dy blloqe.

Ndërkaq, gazetari që jeton dhe vepron në Rusi, Misha Pumo, thotë se shteti rus nuk i beson më dhe aq shumë Serbisë.

Kurti e ekzagjeron, thotë se bashkëpunimi me Kusarin “mbase do të futet në manuale të shkencave politike”

Përgjatë ditës së djeshme është shënuar përvjetori i tetë i subjektit politik Alternativa, i cili udhëhiqet nga Mimoza Kusari-Lila. Albin Kurti, udhëheqësi i koalicionit me partinë në fjalë, e ka ekzagjeruar kur ka folur për bashkëpunimin katër-vjeçar me Kusari-Lilën.

Në një komunikatë të lëshuar nga Alternativa, citohet Kurti të ketë vlerësuar lart kreun e këtij subjekti politik. Të ketë thënë se bashkëpunimi i tij me Kusari-Lilën mund të futet në manualet e shkencave politike.

“Mimoza këto katër vite ju drejtoi ju por na drejtoi edhe ne si kryetare e Grupit Parlamentar. Ky bashkëpunim mbase do të futet në manualet e shkencave politike kur flitet për koalicionet dhe partneritetet”, citohet të ketë thënë Kurti pos tjerash.

Kurti ka thënë pos tjerash edhe se me “plot dinamikë” e ka drejtuar grupin parlamentar.

Në këtë ceremoni të Alternativës present ka qenë edhe Faton Peci, bashkëkryetari i ‘Listës Guxo’.