„Drama“ në fund: Vuçiqi ka pretenduar se gati e vranë në Bosnje dhe Hercegovinë

Për të mbrojtur atë që nuk mund ta mbrojë, pra kryetarin e enklavës serbe në BeH, të quajtur Republika Serbe, Millorad Dodikun, nga vendimi i Gjykatës së Bosnjë dhe Hercegovinës, Aleksandar Vuçiqi u rikthye te një ngjarje e ndodhur dhjetë vjet më parë, shkruan portali boshnjak “Oslobodjenje.ba”.

Presidenti i Serbisë, Aleksandar Vuçiq, iu drejtua publikut pas mbledhjes së Këshillit për Siguri Kombëtare, e cila u mbajt të shtunën, transmeton Paparaci.

Presidenti serb e thirri urgjentisht këtë mbledhje pasi të premten u konfirmua aktgjykimi i shkallës së parë ndaj kryetarit të Republikës Serbe, Milorad Dodik.

Pas mbledhjes së të shtunës, Vuçiqi ka shprehur një sërë pretendimesh të pabazuara, të rreme dhe të rrezikshme në adresë të Bosnje dhe Hercegovinës, çka shkaktoi reagime nga shumë zyrtarë të Bosnjës dhe Hercegovinës.

Tronditëse: 64-vjeçari gjendet i varur në oborrin e shtëpisë nga nëna e tij

Një ngjarje e rëndë është regjistruar mëngjesin e sotëm në fshatin Cernicë, komuna e Gjilanit, ku një burrë është gjetur pa shenja jete në rrethana tragjike.

Sinjali mëson ekskluzivisht se më 04 gusht 2025, rreth orës 08:00, A.V, nëna e viktimës, ka njoftuar Policinë se ka gjetur të biri, B.V. rreth 64-vjeçar, të varur në litar në oborrin e shtëpisë në rrugën “Fevzi Hoxha”.

Menjëherë në vendin e ngjarjes kanë dalë njësitë policore dhe ekipi i ndihmës së shpejtë, të cilët kanë konstatuar vdekjen e 64-vjeçarit.

Në vendin e ngjarjes kanë ndërhyrë hetuesit e Njësisë për Hetimin e Krimeve të Rënda (NJHP/SRH-së) si dhe krim-teknikët rajonalë, të cilët nën autorizimin dhe praninë e Prokurorit të Shtetit kanë ndërmarrë veprimet e para hetimore.

Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për obduksion, ndërsa hetimet lidhur me rrethanat e vdekjes po vazhdojnë intensivisht.

Rrethanat që çuan në këtë ngjarje të rëndë janë ende të paqarta.

“Sveçla i ka shpenzuar 3,300 litra naftë për 40 ditë pune, 55 mijë kilometra”

Xhelal Sveçla i ka shpenzuar 3,300 litra naftë për 40 ditë pune. 55 mijë kilometra. Kështu ka deklaruar Egzon Pacolli nga radhët e Lidhjes Demokratike të Kosovës (LDK).

Pacolli me anë të një shkrimi në ‘Facebook’ tha se Ministria e Punëve të Brendshme e dha këtë informacion pas kërkesës në qasje të dokumenteve publike vetëm pas paralajmërimit të Agjencisë për Informim dhe Privatësi për gjobë, shkruan Insajderi.

“3300 litra naftë. 40 ditë pune. 55 mijë kilometra. Ky është Xhelal Sveçla, Kampioni i Shpenzimeve të Naftës.  Ka shpenzuar sikur të ketë bërë 12 herë rrugën deri në Londër dhe të është kthyer prapë. Me pare të popullit. E kur u kërkua llogaria nga ana ime,  e mbajti msheftë. Jo një ditë. Jo një javë. Por dy muaj!”, ka shkruar Pacolli.

“Vetëm kur Agjencia për Informim dhe Privatësi e obligoj me paralajmërim për gjobë, e nxori raportin. Me zor. Me vonesë. Me inat 3300 litra për 40 ditë nuk shpjegohen. Nuk justifikohen. Nuk arsyetohen”, përfundon shkrimi i tij.

Lajm i hidhur: Ndahet nga jeta veterani i UÇK-së

Ka ndërruar jetë veterani i Ushtrisë Çlirimtare të Kosovës, Hysni Ferizi.

Lajmin për vdekjen e tij e ka bërë të ditur kryetari i Komunës së Drenasit, Ramiz Lladrovci, i cili përmes një postimi ka shprehur ngushëllimet për familjen dhe ka vlerësuar kontributin e Ferizit për atdheun.

“Njoftim për ndarje nga jeta dhe kujtim përjetë për nipin tonë, veteranin e UÇK-së, Hysni Ferizi. Sot, me dhembje të thellë dhe zemër të thyer, do t’i japim lamtumirën e fundit një njeriu të rrallë – nipit tonë të dashur, Hysni Ferizi – një jetë të tërë në shërbim të atdheut, një jetë për kauzën e shenjtë të lirisë së Kosovës”.

Matoshi: Poshtërimi i shqiptarëve në Maqedoninë e Veriut, nën pushtetin e VLEN, me bekimin e Albin Kurtit

Analisti Halil Matoshi ka reaguar pas thirrjeve raciste ndaj shqiptarëve në një ndeshje basketbolli në Kumanovë të Maqedonisë Veriore.

Ai ka thënë se shqiptarët u poshtëruan nën pushtetin e VLEN-it dhe me bekim të Albin Kurtit.

Shkrimi i tij:

Poshtnimi i shqiptarëve në Maqedoninë e Veriut, nën pushtetin e VLEN, me bekimin e Albin Kurtit!

1.

Thirrjet fashiste të maqedonëve sllavë kundër shqiptarëve në nji lojë sportive në Kumanovë, janë vula e fshehun e klerofashizmit të VMROsë dhe Mickovskit, i pranishëm personalisht në këtë shfaqje fashiste!

Janë nënvetëdija e zâshme e tyne!

Frika që ata kanë mbjellun për tjetrin/tjetren (shqiptarët) âsht e përmasave fashiste.

2.

Shqiptarët, shtetas të Maqedonisë së Veriut, e kanë mbrojtë shtetin e ri nga shpërbamja, tue mbështetë Marrëveshjen historike të Ohrit e tue e bâ shtetin e përbashkët pjesë të NATOs, megjithithë idetë shtetomdhaja bullgare, greke e serbe për coptimin e FYROM.

3.

Porse, faktori politik shqiptar i detronizuem nga Albin Kurti (që vet, âsht në thelb kundër shteteve të reja shumëetnike e shumëkulturore në Ballkanin Perëndimor!?) âsht tue u përplitin si pula pa kry, derisa “Lideri Suprem” Kurti nuk po bâhet i gjallë, ngase fuqia e tij politike âsht në ramje të lirë edhe në Kosovë!

Shqiptarët albinista fodull, në Maqedoninë e Veriut që shajnë e pështyjnë shqiptarët e Kosovës që kundërshtojnë autoritarizmin dhe paligjësinë e Kurtit, nuk po guxojnë as me u reagu maqedonëve sllavë, sepse druejn se u kthen shpinën “Baba Albin”, i katandusun në projektet avetine nacionaliste të shekullit 19 dhe i arratisun në izolim ndërkombëtar!

4.

Çfar trishtimi kur sheh gojëkyçunin Kurti se si nuk guxon me i bâ ciu Muckovskit!?

Athue për arsy të pazareve me “strujë” apo instruksioneve dhe agjendave konspirative!?

Çfarë mjerimi kur sheh shqiptarë të poshtnuem që i udhëheq Dejona Mihali, të ciles i interesojnë aleancat antiamerikane dhe ato energjetike parasecilit interes të shqiptarëve!?

Sa për Albin Kurtin ai âsht i humbun në konspiracion antikapitalist dhe abtiamerikan, ai nuk ka mâ asnji qëllim final, ai nuk di ku po e çon anijen që e drejton e cila, ia ka lshu ujin!

Ai po lufton për mbijetesën e vet politike jo për ide të mëdha shqiptare!

Kërkohet ndihma e qytetarëve për gjetjen e Enver Bajraktarit nga Lipjani

Familjarët e Enver Bajraktarit, i njohur edhe si Veli, nga fshati Baicë i Komunës së Lipjanit, po kërkojnë ndihmën e qytetarëve për ta gjetur atë, pasi ai është zhdukur që nga dita e djeshme rreth orës 16:00.

Apelohet që kushdo që ka parë Enverin ose ka ndonjë informacion për vendndodhjen e tij, të njoftojë menjëherë familjen apo të kontaktojë Policinë e Kosovës.

Numrat kontaktues janë:
📞 045 874 106
📞 045 220 350

Çdo informacion është i mirëpritur dhe i rëndësishëm për gjetjen e tij.

E pranoi fajësinë, me kaq vite burgim dënohet serbi që sulmoi KFOR-in në Zveçan

Millosh Antoviq, i njohur me nofkën “Xhaja”, është dënuar me 5 vjet burgim dhe gjobë prej 30 mijë eurosh për sulmet në Zveçan të kryera dy vite më parë ndaj ushtarëve të KFOR-it.

Antoviq ka pranuar fajësinë për sulm ndaj personit zyrtar, pjesëmarrje në turmën që kryen vepra penale dhe huliganizëm.

Ndaj tij u ngrit aktakuza më 30 mars të këtij viti

Ndaj Antoviqit, i njohur me nofkën “Xhaja”, u ngrit aktakuzë më 30 korrik të këtij viti. Ai gjendet në paraburgim që nga 15 prilli.

Lëndohen 11 futbollistë në Serbi, i goditi rrufeja

Gjatë një ndeshje futbolli në qytetin Klupci, pranë Loznicës në perëndim të Beogradit, rrufeja goditi fushën në mes të stuhisë.

Siç raporton A2CNN, ndeshja po zhvillohej midis ekipit Radnicki nga Klupci dhe Cerit nga Petkovica. Si pasojë e goditjes së rrufesë, 11 lojtarë u lënduan, transmeton Klankosova.tv.

Ngjarje të ngjashme janë raportuar edhe në vende të tjera. Të shtunën në Republikën Çeke, në qytetin Opava, rrufeja goditi gjatë një stërvitjeje futbolli për fëmijë. Një fëmijë u shtrua në spital në gjendje të rëndë, ndërsa shtatë fëmijë të tjerë dhe një i rritur pësuan lëndime të lehta.

Burri në fotografi po kërkohet nga policia, kjo është arsyeja

Burri  të cilin po e shihni në fotografi po kërkohet për përfshirje në veprën “Vjedhje”.

Policia po kërkon ndihmën e qytetarëve në ofrimin e informatave të cilat do të ndihmonin në identifikimin e të dyshuarit, transmeton Klankosova.tv.

“Të nderuar, për çdo informatë që mund të çojë në identifikimin e tij, ju lusim të kontaktoni policinë në numrin e telefonit: 192 ose përmes emailit: info@kosovopolice.com”, thuhet në njoftimin e policisë në Facebook.

Gjashtë të vdekur nga uria në Gaza në 24 orët e fundit

Gjashtë persona të tjerë kanë vdekur në Rripin e Gazës nga uria dhe kequshqyerja në 24 orët e fundit, njoftoi të dielën ministria e shëndetësisë e enklavës palestineze.

Vdekjet e reja sipas ministrisë e çuan numrin e të vdekurve në 175, përfshirë 93 fëmijë. Televizioni egjiptian Al Kahira News raportoi më parë se dy kamionë që transportonin 107 ton karburant do të hynin në Gaza. Ministria e Shëndetësisë e Gazës paralajmëron se mungesa e karburantit ka kompromentuar ndjeshëm funksionimin e spitaleve, që do të thotë se mjekët mund të trajtojnë vetëm të sëmurët rëndë dhe të plagosurit.

Furnizimet me karburant në enklavë kanë qenë të rralla që nga marsi, kur Izraeli kufizoi aksesin në mallra dhe ndihmë humanitare, duke pretenduar se po ushtronte presion mbi militantët e Hamasit për të liruar pengjet e mbetura izraelite që i rrëmbyen më 7 tetor 2023.

Izraeli fajëson Hamasin për vuajtjet në Gaza, por pas presionit në rritje nga bashkësia ndërkombëtare, njoftoi hapa javën e kaluar për të dërguar ndihma për popullsinë e enklavës, duke përfshirë ndërprerjen e luftimeve në disa pjesë të Rripit të Gazës, autorizimin e dërgimit të ndihmës nga ajri dhe mbrojtjen e disa rrugëve për konvojet humanitare.

Kombet e Bashkuara paralajmërojnë se dërgimi i ndihmës nga ajri nuk është i mjaftueshëm dhe se Izraeli duhet të lejojë akses shumë më të madh nga toka.

Zyra e medias e qeverisë në Gaza njoftoi të dielën se që nga lehtësimi i kufizimeve në korrik, gati 1,600 kamionë me ndihma kanë hyrë në enklavë.

Dëshmitarët dhe burimet e Hamasit pohojnë se shumë prej tyre u plaçkitën nga bandat e armatosura dhe banorët e uritur.

Autoritetet palestineze thonë se të paktën 40 persona u vranë në sulmet ajrore në të gjithë enklavën të dielën. Midis të vrarëve ishin edhe njerëz që përpiqeshin të arrinin në qendrat e shpërndarjes së ndihmave, thanë autoritetet shëndetësore.

Një punonjës i Gjysmëhënës së Kuqe Palestineze u vra gjithashtu. Organizata humanitare njoftoi se kati i parë i selisë së saj në Khan Yunis u vu në flakë në një sulm ajror.