Vdekja e foshnjës 9 muajshe, policia tregon shkakun

Një foshnje rreth 9-muajshe ka vdekur të premten në QKUK.

Foshnja dyshohet se më 29 qershor është dërguar në Emergjencën e Spitalit Rajonal të Prizrenit, derisa dyshohet se derisa ishte në gjumë, është ngulfatur nga lidhësja e djepit.

Foshnja, pasi ka pranuar trajtimin mjekësor në Spitalin Rajonal të Prizrenit, është transferuar në QKUK, Prishtinë, për trajtim të mëtutjeshëm.

Rastin për Klankosova.tv e konfirmoi edhe zëdhënësi i policisë për rajonin e Prizrenit, Shaqir Bytyqi.

“Më datë 29.06.2025, Policia e Kosovës është njoftuar se në Emergjencën e Spitalit Rajonal të Prizrenit është sjellë një foshnje 9 muajshe për trajtim mjekësor. Sipas informatave, foshnja H.M. (2024), nga fshati Gjinoc, Komuna e Suharekës, derisa ka qenë në djep (në gjumë), është ngulfatur nga lidhësja e djepit. Foshnja, pasi ka pranuar trajtimin mjekësor në Spitalin Rajonal të Prizrenit, është transferuar në QKUK, Prishtinë, për trajtim të mëtutjeshëm. Më datë 11.07.2025, Policia e Kosovës ka pranuar informacionin se foshnja e lartcekur ka ndërruar jetë. Lidhur me rastin është njoftuar Prokurori Publik, i cili ka urdhëruar që trupi i pajetë të dërgohet në Institutin e Mjekësisë Ligjore për autopsi”, tha Bytyqi.

Sakaq, hetimet rreth rastit janë duke vazhduar.

16 korriku ditë e madhe për Thaçin dhe të tjerët, ja çfarë pritet të ndodh

Trupi Gjykues në çështjen “Thaçi dhe të tjerët” ka caktuar datën 16 korrik 2025 për ta bërë publik vendimin e tyre në lidhje me Mocionin e përbashkët të ekipeve mbrojtëse për të rrëzuar pjesë të caktuara të Aktakuzës për krime lufte dhe krime kundër njerëzimit.

Mbrojtja e kishte dorëzuar këtë Mocion më 12 qershor ndërkaq kundërpërgjigja e Zyrës së Prokurorit të Specializuar ka shkuar në adresë të Gjykatës më 7 korrik.

Seanca për vendimin më të rëndësishëm pas përfundimit të paraqitjes së provave dhe dëshmitarëve nga Prokuroria, do të fillojë nga ora 9 e mëngjesit dhe pritet që gjatë ditës të vazhdohet tutje me procesin, përkatësisht dëgjimin e dëshmitarëve ekspertë të Zyrës së Mbrojtësit të Viktimave.

Gjyqtarët kanë urdhëruar MV-në t’i bëjë gati ekspertët pavarësisht vendimit për Mocionin, ngaqë sipas Charles Smith, natyra e këtij Mocioni kundërshtues është i limituar andaj gjykimi do të kalojë në fazën tjetër.

Më shumë detaje nga ky vendim dhe të rejat e fundit nga proceset gjyqësore në Dhomat e Specializuara mund t’i ndiqni sot në emisionin Info Magazine.

Opoja “pushtohet” nga veturat luksoze, nisen për ta marrë nuse Engjëllushën

Këngëtarja e njohur shqiptare, Engjëllusha Salihu, sot i jep fund beqarisë.

Shihen veturat luksoze në Bellobrad të Opojës.

Ata pritet të kurorëzojnë dashurinë me martesë.

Vajza e artistes së mirënjohur Shyhrete Behluli ka organizuar një ceremoni të veçantë familjare dhe festive, ku të ftuarit po e shënojnë këtë ditë të rëndësishme me shumë gëzim dhe emocione.

Një qytetar në Ferizaj i bën për spital dy policë, nuk i lejoi t’ia arrestonin djalin

Një person është arrestuar të premten në mbrëmje në Ferizaj, pasi i njëjti kishte sulmuar dy zyrtarë policorë.

Rasti ka ndodhur në rrugën Ejup Bajraktari.

I dyshuari thuhet se fillimisht i ka penguar policët për ta arrestuar djalin e tij, i cili dyshohej për narkotikë, ndërsa më pas edhe i ka sulmuar fizikisht.

Dy zyrtarët policorë kanë pranuar tretman mjekësor, kurse i dyshuari është arrestuar dhe me vendim të prokurorit është dërguar në mbajtje.

“Raportohet se gjatë arrestimit të një personi të dyshuar për narkotik, babai i tij ka penguar dhe sulmuar fizikisht zyrtarët policorë. Dy zyrtarë policorë kanë pranuar tretman mjekësor. I dyshuari është arrestuar dhe me vendim të prokurorit dërgohet në mbajtje”, thuhet në raport.

Vëlla e motër rrihen në Malishevë, kjo e fundit ia thyen xhamin e veturës

Në Malishevë raportohet se motër e vëlla janë rrahur ndërmjet vete pas një mosmarrëveshjeje.

Sipas policisë, motra edhe ia ka thyer xhamin e veturës vëllait, e më pas është larguar në drejtim të panjohur, transmeton Klankosova.tv.

Ndryshe, me vendim të prokurorit i dyshuari është intervistuar dhe më pas është liruar në procedurë të rregullt.

Netanyahu paralajmëron Trumpin: Izraeli do ta sulmojë Iranin sërish

Gjatë takimit të Shtëpisë së Bardhë, Netanyahu i ka bërë të ditur Trumpit, se Izraeli do ta godasë sërish Iranin nëse ky i fundit rifillon aktivitetin bërthamor.

Nga ana e tij Trump favorizon diplomacinë, por nuk kundërshton, pasi zyrtarët paralajmërojnë se Teherani mbetet kërcënim pavarësisht se sulmet SHBA-Izrael e kanë vonuar programin e tij për dy vjet.

Sipas një raporti të botuar nga Wall Street Journal, zyrtarët e lartë të të dyja vendeve theksuan se Trump shprehu preferencën për një zgjidhje diplomatike, por nuk kundërshtoi plotësisht paralajmërimin e Netanyahut.

Sipas Wall Street Journal komentet e Netanyahut nënvizojnë llogaritjet e ndryshme midis Izraelit, Shteteve të Bashkuara dhe Iranit për fushën e dëmtimit të shkaktuar në programin bërthamor të Iranit në operacionet e fundit të përbashkëta ushtarake.

Ndërsa Trump ende synon të negociojë një marrëveshje që do ta detyronte Iranin të braktisë ambiciet e tij bërthamore, zyrtarët izraelitë janë skeptikë se diplomacia mund të parandalojë Teheranin të përparojë me fshehtësi programin e tij bërthamor.

Ndërkohë, Irani raportohet se ka kërkuar garanci se nuk do të sulmohet përsëri si parakusht për t’u rikthyer në bisedime me Uashingtonin.

Një zyrtar i lartë izraelit i tha Wall Street Journal se Izraeli nuk do të kërkonte domosdoshmërisht miratimin e qartë të ShBA-së para se të fillonte sulme të tjera, por pranoi se Netanyahu mund të përballet me kundërshtimin nga Trump nëse aktiviteti iranian nuk konsiderohet aq domethënës sa të justifikonte braktisjen e diplomacisë.

Raporti gjithashtu vuri në dukje se Irani përballet me rrezik të konsiderueshëm nëse udhëheqësit e tij vazhdojnë të refuzojnë kërkesat e Trump për të ndaluar pasurimin e uraniumit dhe rifillimin e zhvillimit bërthamor.

Vdes në QKUK foshnja 9 muajshe

Policia e Kosovës ka njoftuar se ka vdekure një foshnje 9 muajshe nga fshati Gjinoc i Suharekës.

Foshnja fillimisht ishte dërguar në Spitalin e Prizrenit, e më pas në QKUK në Prishtinë.

“Me datë 29.06.2025 në Emergjencën e Spitalit Rajonal Prizren, ishte sjell një fëmijë 9 muajsh. Me datë 11.07.2025 viktima (fëmijë) kishte ndërruar jetë në QKUK-Prishtinë. Me vendim të prokurorit trupi i pa jetë dërgohet në IML për obduksion”, thuhet në raportin e policisë.

Gjesti thyen heshtjen: Jam i martuar, jo me Eglin, por…!

Gjesti, fituesi i sezonit të katërt të Big Brother VIP Albania, është rikthyer pas një periudhe të gjatë heshtjeje mediatike, duke zgjedhur të komunikohet më afër me ndjekësit e tij përmes rrjeteve sociale. Ai ka realizuar një transmetim direkt në TikTok, ku iu përgjigj 15 pyetjeve nga fansat, duke ndarë mendime dhe plane të ardhshme artistike.

Një nga pyetjet që tërhoqi vëmendjen lidhej me një video virale nga një koncert, ku ai dëgjohej të thoshte “jam i martuar”.

Për këtë, Gjesti ka shpjeguar me humor: “Jam i martuar me muzikën.” – Kjo përgjigje ka qartësuar situatën dhe ka hedhur poshtë thashethemet lidhur me një lidhje romantike me Eglin, duke i dhënë fund spekulimeve të shumta që kishin qarkulluar në media.

Gjesti zbuloi gjithashtu se është duke punuar për këngën e tij të re, e cila do të jetë një projekt solo. Megjithatë, ai nuk e ka përjashtuar mundësinë e bashkëpunimeve në të ardhmen.

“Kish dasht me pas një bashkëpunim… Dhuratën kam kështu që më pëlqen shumë, e ka një stil të veçantë edhe ka bërë shumë hite të mëdha. Dhurata Dora të don Kingi,” shpjegoi ai.

I pyetur edhe për jetën e tij private, ai foli për familjen, një temë që zakonisht e ruan për veten.

Gjesti pranoi se orari i ngarkuar nuk i lejonte shumë kohë për të kaluar me të afërmit, por premtoi se pas verës do t’i kushtojë më shumë kohë atyre dhe do ta festojë me ta fitoren e Big Brother.

“Do të gjej më shumë kohë për ta edhe për ta festuar fitoren e Big Brother,” tha ai.

Aktori Naser Rafuna i drejtohet Albin Kurtit dhe Hajrulla Çekut: Kemi shpresu në drejtësi dhe jo në “trashje të kapjes”

Aktori dhe skenaristi Naser Rafuna ka reaguar publikisht ndaj Qendrës Kinematografike të Kosovës (QKK), duke e akuzuar për padrejtësi dhe mungesë transparence në ndarjen e fondeve për filma.

Ai tregon se, ndonëse ka aplikuar disa herë me projekte të rëndësishme dhe bashkëpunime ndërkombëtare, asnjëherë nuk ka fituar, duke e konsideruar të paracaktuar rezultatin e konkurseve.

Sipas Rafunës, edhe me ardhjen e qeverisë së re nuk ka pasur ndryshim, përkundrazi, kapja e institucioneve është trashur.

SHKRIMI I PLOTË:

Në këtë javë që po e lëmë , aplikova në QKK -Qendrën Kinematografike të Kosovës me dy skenare për film të metrazhit të gjatë . Kam aplikuar në të kaluarën edhe me skenar të fituesit të Oscar’s , kam aplikuar edhe me regjisor të huaj që ka fituar në Cannes…sivjet në muajin janar , aplikova me dy skenare tjera për film artistik të metrazhit të gjatë por nuk fitova, në fakt skam fituar asnjëherë, ndërsa në këtë javë në konkursin e QKK-së ,prapë aplikova me dy skenare tjerë me skenar të filmit artistik të metrazhit të gjatë dhe e di se nuk do të fitoj.

S’mundësh me fitu në një konkurs që i shtyhet afati për arsye se, ata që janë përcaktuar të fitojnë , nuk kishin gati dokumentacionin me kohë, nuk ishin gati producentët që duhet të fitojnë dy herë brenda një viti, apo edhe për ata që dikur ishin pjesë e QKK-së, shtyhet afati edhe për aplikuesit -bashkëpunëtorët e anëtarëve të jurisë e kështu me rradhë e me rradhë.

Kam pasë një ndjenjë , që me ardhjen e Albinit

me shokët e VV-së ,pra me ardhjen e erërave të reja politike ,do të sqarohej mjegulla e korrupsionit, do të digjeshin urat e klaneve kulturore. Por realiteti është si një rrëfim i ndalur mes dy kapitujsh: faqe të bardha shprese që presin ngjyrat e ndryshimit, por ngjyrat mbeten në kapak, të pandryshuara në një pikturë të njëjtë.

Është për lakmi, gjë që se kemi parë te pararendësit e tij, ku për çdo pjesëmarrje të ngjarjeve kulturore ,si një kompozitor i fjalëve, kryeministri ynë di të orkestrojë fjalët me të njëjtin virtuozitet që Rembranti fton dritën në pikturë, Bergmani ngadalëson kohën në film, apo Rahmaninovi ndez simfoninë e shpirtit.

Çdo premierë, çdo koncert, çdo ekspozitë bëhet skenë madhështore , kur ai vlerëson vargje kritike e ‘celebrative’ që do t’ia kishte zili edhe Fernando Pesoa, ku në këto portrete artistike të madhërishëme, pikturon me pompozitet nëpër rrjetet e tija sociale,sa bukur. Pikturon bukur me fjalë , pa gabime drejtshkrimore, sikur një filolog që do të ia kishte lakmi edhe Çabej, por asnjëherë nuk skicoj një imazh të vërtetë të Ministrisë së Kulturës e shndërruar tash në fondacion të OJQ-ve apo rrugë furnizimi përmes institucioneve vartëse të kësaj ministrie për të afërm, të cekur si më lartë.

Nuk ka nevojë kryeministri ynë në detyrë për t’i studiuar definicionet e Zhak Derridas apo Zhille Deleuze’s që t’i kuptoj të saktë çka po ndodhë me kulturën në vend, apo si shkepen fondet për të , më saktësisht. Do të donin ta shihnin siç sheh ai, ç’pamje kap syri i tij, për lakmi… fort kishim dashur të ishte siç sheh …prapë fort kishim dashur të ishte. Por, …

Ky pushtet na premtuan rrugë drejt lirisë kulturore; por, në vend të kësaj, na udhëheq përmes një labirinti dhuratash të pangopura pa transparencë, pa drejtësi . E kapën QKK-në edhe këta përmes të deleguarës së vet, udhëheqëses së këtij institucioni, na premtuan se do ta ckapin shtetin, ua lanë në dorë atyre që e kishin kapur prej vitesh këtë institucion e përkundrazi, ua forcuan edhe më lidhjen. Kështu,besimi ynë që patëm në këtë udhëheqje, kthehet në tentativë të verbër për të gjetur dritën e vërtetë në mes hijeve të conveniencës politike , që as nuk e duam e as nuk na intereson. Na intereson vetëm kultura, arti, teatri, filmi posaqërisht tema e shkrimit – QKK-ja dhe asgjë tjetër.

Nuk fituam në këtë konkurs kur nuk ishit , krejt i dijmë padrejtësinë edhepse i heshti pushteti i ri, pushtet që ju sollëm për të vënë rregull, na e “ trashët zullumin”. Nuk kemi nevojë për mëshirë e as për lutje, përpos drejtësisë. E drejtësia do të rezultoj sipas asaj që është thënë më lartë: do të fitojnë ata, për cfarë është shtyer konkursi…

Kemi shpresu në drejtësi- jo në “trashje të kapjes” i nderuari Albin Kurti e Hajrulla Çeku me shokët dhe shoqen.

Gaza drejt katastrofës shëndetësore, spitali më i madh funksional ndalon pranimin e pacientëve

Gaza është pranë një katastrofe të re humanitare. Spitali më i madh funksional në rajon, kompleksi mjekësor “Nasser” në Khan Younis, është detyruar të ndalojë pranimin e pacientëve për shkak të mungesës kritike të karburantit dhe ofensivës tokësore izraelite që po zgjerohet në jug të qytetit.

Të enjten, dëshmitarët thanë se trupat dhe tanket izraelite kishin hyrë deri në një varrezë vetëm 200 metra nga spitali dhe kishin qëlluar drejt kampeve aty pranë, ku strehohen familje të zhvendosura. Sipas burimeve në terren, forcat izraelite u tërhoqën të premten, pasi kishin gërmuar disa zona.

Pavarësisht tërheqjes së përkohshme, situata në spital mbetet kritike. Dhjetëra pacientë në kujdes intensiv dhe stafi mjekësor janë ende brenda ndërtesës, ndërsa mungesa e karburantit kërcënon të paralizojë të gjitha shërbimet.

Dr. Saber al-Asmar, mjek urgjence në spitalin “Nasser”, tha për BBC se nuk kanë marrë asnjë njoftim paraprak nga ushtria izraelite lidhur me operacionin ushtarak apo ndonjë urdhër evakuimi.

Ushtria izraelite nuk ka komentuar direkt rreth zhvillimeve, por mëngjesin e së premtes konfirmoi se një brigadë e blinduar po vepron në Khan Younis, duke synuar “çmontimin e infrastrukturës terroriste” dhe konfiskimin e armëve. Ndërkohë, civilët pranë portave të spitalit janë lënduar nga plumbat, sipas dëshmitarëve.