Të akuzuarit për sulmin në Banjskë shfaqen në Beograd – ruajnë Presidencën e Serbisë gjatë protestës masive

Një protestë masive është mbajtur dje në Beograd, ku sipas të dhënave preliminare të Arkivit të Tubimeve Publike, janë mbledhur 140.000 persona.

Ministria e Brendshme serbe i ka minimizuar ato duke thënë se në protestë kanë marrë pjesë 36.000 persona.

Presidenti i Serbisë, Aleksandar Vuçiq i ka akuzuar të dielën studentët protestues se kanë bërë “thirrje të drejtpërdrejtë për konflikt civil dhe sulme ndaj policisë”, si referencë për zhvillimet në fund të një proteste të mbajtur në sheshin Sllavija të Beogradit më 28 qershor.

Në një konferencë të përbashkët me ministrin e Brendshëm serb, Ivica Daçiq, ai ka kërkuar nga zyrat kompetente të prokurorisë që “të bëjnë punën e tyre” dhe “të mos sillen si të paaftë dhe naivë.

Por, Vuçiq si duket përveç organeve shtetërore është kujdesur edhe për “sigurim” tjetër.

Për ta siguruar Presidencën e Serbisë janë angazhuar edhe persona të angazhuar në sulmin e 24 shtatorit në Banjskë.

Sipas fotografive të siguruara për t’i ofruar siguri Vuçiqit janë angazguar Milorad Jevtic, me nofkën “Micko, Zarko Cvetkovic (që shihet me radio-lidhje), Vladimir Vucetic dhe Vukasin Jaredic, vëlla i Ugljesa Jaredic

Milorad Jevtic (Micko) është ”anëtar i organizates terroriste “Mbrojtja Civile” dhe pjesëmarrës në sulmin terrorist në fshatin Banjskë të Zveçanit.

Letërnjoftimi i tij është sekuestruar nga Policia e Kosovës dhe një automjet i përdorur gjatë sulmit terrorist, ka qenë i regjistruar në emër të tij.

Në fotografi ai shihet i kamufluar si punonjës i “Kryqit të kuq”.

Tragjedi në Durrës: Një pushues gjendet i vdekur në det

Një ngjarje tragjike ka ndodhur mesditën e sotme në Durrës, ku një pushues është gjetur i vdekur në det, shkruan Gazeta Sinjali.

Ngjarja u regjistrua në plazhin e Sektorit Rinia, pak minuta më parë. Shkaqet e vdekjes ende nuk janë konfirmuar zyrtarisht, por dyshohet për atak kardiak ose mbytje në ujë.

Autoritetet janë duke hetuar rastin.

Përleshja fizike mes shqiptarëve e serbëve në veri, Policia: Një i lënduar, dy të tjerë po intervistohen

Një person ka pësuar lëndime pas përleshjes fizike që pasoi sot në veri të Mitrovicës.

Mbi rastin ka konfirmuar zëvendësdrejtori i policisë për veriun, Veton Elshani, i cili tha se dy persona janë dërguar në stacion për intervistim.

Derisa i lënduari, sipas Elshanit, është duke pranuar trajtim mjekësor si pasojë e lëndimeve.

Përleshje mes shqiptarëve e serbëve në veri të Mitrovicës

Ishte për pushime me familjen, 23-vjeçari nga Kosova vdes në Lezhë

Një 23-vjeçar nga Kosova ka humbur jetën këtë të shtunë në Lezhë, teksa ndodhej me pushime me familjen.

Sipas policisë atje, rreth orës 09:00 të datës 28.06.2025, Drejtoria Vendore e Policisë Lezhë është njoftuar nga Urgjenca e Spitalit Rajonal se ka mbërritur pa shenja jete shtetasi G. S., 23 vjeç, banues në Ferizaj, Kosovë.

Sipas deklarimeve të familjarëve, i riu kishte probleme shëndetësore që në fëmijëri. Nga të dhënat paraprake, dyshohet se vdekja ka ardhur nga shkaqe natyrale, raporton Top Channel

Përleshje mes shqiptarëve e serbëve në veri të Mitrovicës

Një incident me përleshje fizike ka ndodhur të dielën në veri të Mitrovicës, ku janë përfshirë disa të rinj shqiptarë dhe serbë. Ngjarja, e cila ndodhi në një nga rrugicat e këtij qyteti të ndjeshëm etnikisht, ka rritur tensionet në zonë, shkruan Gazeta Sinjali.

Sipas pamjeve të publikuara nga portali “Jepi Zë”, incidenti nisi pasi një i ri që po udhëtonte me një automjet me targa të Republikës së Kosovës u konfrontua me një tjetër person që po e incizonte me telefon gjatë lëvizjes së tij.

Arianit Koci i del kundër Kurtit: Tashmë s’ka dilemë, Albin Kurti është fajtori kryesor për ngërçin politik

Pas takimit të thirrur nga deputeti i Lëvizjes Vetëvendosje, Albin Kurti, me liderët e partive opozitare – takim ky që përfundoi pa ndonjë rezultat konkret – ka reaguar me tone të ashpra avokati i njohur Arianit Koci.

Përmes një postimi në Facebook, Koci e ka kritikuar ashpër Kurtin, duke e quajtur atë si përgjegjësin kryesor për ngërçin aktual politik në vend.

Reagimi:

Turp për Albin Kurtin.

E thërret takimin – dhe del pa reflektim.

Mendon që mundet me na hedhë të gjithëve me truqe të lira.

Kjo nuk është më bindje politike.

Është lojë me Kosovën.

Lojë me popullin. Lojë me durimin.

Tashmë nuk ka dilemë: ai është fajtori kryesor për ngërçin politik.

Një Kosovë e tërë – po don me ia pa sherrin.

Ky është 28-vjeçari që vdiq sot në aksidentin në Ferizaj

Një aksident i rëndë ka ndodhur në orët e para të së dielës në magjistralen Ferizaj-Prishtinë, ku një person ka humbur jetën.

Burimet e IndeksOnline mësojnë se i ndjeri është R.Kashtanjeva, 28 vjeçar.

Rastin për IndeksOnline e ka konfirmuar zëdhënësi i policisë për rajonin e Ferizajt, Kanun Veseli.

Ku ka thënë se sipas hetimeve fillestare, shkaku i aksidentit dyshohet të jetë mospërshtatja e shpejtësisë me kushtet e rrugës.

”Më 29.06.2025, rreth orës 03:00, në rrugën magjistrale Ferizaj – Prishtinë, në fshatin Muhovc të Ferizajt, është raportuar për një aksident me pasoja fatale.

Në aksident është përfshirë një veturë e tipit Fiat me targa vendore, që drejtohej nga një person , mashkull, 28 vjeç. Sipas hetimeve fillestare, shkak i aksidentit dyshohet të ketë qenë mospërshtatja e shpejtësisë me kushtet e rrugës, me ç’rast vetura ka humbur kontrollin dhe ka dalë jashtë rrugës.

Në vendin e ngjarjes kanë dalë njësitë e trafikut rajonal të Ferizajt, autoambulanca dhe zjarrfikësit. Ekipi mjekësor në vendngjarje ka konstatuar vdekjen e drejtuesit të automjetit. Për të gjitha veprimet policore është njoftuar prokurori i shtetit.” ka thënë Veseli për IndeksOnline.

Arrestohet gazetari Valon Syla – Dyshohet për dhunë ndaj bashkëshortes së tij

Një ngjarje e rëndë është regjistruar në mbrëmjen e 27 qershorit në Prishtinë, ku sipas burimeve të Sinjalit, është arrestuar gazetari Valon Syla, nën dyshimin për dhunë në familje dhe lëndim të lehtë trupor ndaj bashkëjetueses së tij.

Sipas të dhënave policore, viktima E.N. ka deklaruar se është sulmuar fizikisht dhe ofenduar rëndë nga i dyshuari, për çka ka pranuar trajtim mjekësor dhe është fotografuar për dëshmitë e lëndimeve.

Ngjarja ka ndodhur në rrugën “Lidhja e Pejës” në kryeqytet.

Në deklarimin e saj të dytë, viktima ka konfirmuar pretendimet fillestare, ndërsa dëshmitarja, motra e saj E.N., 24 vjeçare, ka dorëzuar video-incizime të momentit të incidentit, të cilat do të përdoren si provë në rastin penal.

Valon Syla është intervistuar në prezencë të avokatit të tij, ndërsa me urdhër të Prokurorisë, është ndaluar për 48 orë në qendrën e mbajtjes, në pritje të procedimeve të mëtejshme ligjore.

Rasti është cilësuar si “Lëndim i lehtë trupor” dhe “Dhuna në familje”, ndërkohë hetimet vazhdojnë nga njësitë kompetente të Policisë së Kosovës.

Sinjali – aty ku e vërteta flet para lajmit!

Shënim: Personat e apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.

Kërcënimi rus, Gjermani marrin një vendim urgjent

Qeveria gjermane synon të përshpejtojë procesin e blerjes së armëve dhe pajisjeve mbrojtëse për Bundeswehr-in, në mënyrë që të jetë më e gatshme për t’u përballur me çdo kërcënim nga Rusia, shkruan Gazeta Sinjali.

Sipas një projektligji të parë nga agjencia DPA dhe raportuar nga Handelsblatt, synohet thjeshtimi i prokurimeve duke eliminuar nevojën për tendera në nivel evropian për kontrata urgjente, duke i kaluar ato në nivel kombëtar për të kursyer kohë.

Ndryshimet përfshijnë edhe mundësinë e dhënies së kontratave pas tenderëve, pavarësisht nga ankesat ligjore të ofertuesve të pasuksesshëm, si dhe reduktimin e dokumentacionit për të zvogëluar barrët burokratike.

Gjithashtu, ligjvënësit mund të nisin procedura prokurimi edhe pa financim të siguruar paraprakisht.

Si pasojë e luftës në Ukrainë, Gjermania po rrit ndjeshëm investimet për modernizimin e ushtrisë dhe përforcimin e rezervave, duke e bërë buxhetin vjetor për Bundeswehr-in pjesërisht të përjashtuar nga rregullat kushtetuese për borxhin dhe duke synuar që shpenzimet të arrijnë 5% të Prodhimit të Brendshëm Bruto, në përputhje me marrëveshjet e NATO-s.

Vidovdani: Policia e Kosovës raportohet se ka arrestuar një person në Graçanicë

Policia e Kosovës ka arrestuar V.P., organizatorin e një udhëtimi pelegrinazhi nga Beogradi.

Grupi që ishte i udhëhequr prej tij, kishte të veshur bluza me mesazhe politike “Serbia e Bashkuar”, dhe me ngjyrat kuq, kaltër dhe bardhë.

Ndalimi i V.P. u bë në prani të pjesëtarëve të KFOR-it dhe të Inspektoratit Policor, raporton Kossev.

Komandanti i stacionit policor në Graçanicë, Bratislav Trajkoviq, nuk deshi të japë sqarime për mediat lidhur me arsyet e ndalimit të V.P.-së. Ai i referoi të gjithë gazetarët tek zyra për media e Policisë së Kosovës.

Sipas raportimeve nga gazetarët e Radio Kim që ndodhen në vendngjarje, në terren janë të pranishme forca të shtuara të Policisë së Kosovës, si dhe pjesëtarë të KFOR-it të shpërndarë me disa automjete në pika të ndryshme të Graçanicës