Aktivizohet Erdogan: Netanyahu duhet të ndalet

Presidenti turk, Tayyip Erdogan, i ka thënë princit të kurorës së Arabisë Saudite, Mohammed bin Salman, se sulmi i Izraelit ndaj Iranit tregoi se kërcënimi i Benjamin Netanyahut ishte kërcënimi më i madh për stabilitetin rajonal, sipas zyrës së Erdoganit.

Në një telefonatë të shtunën, Erdogan i tha bin Salmanit se Izraeli duhet të ndalet, të ulen tensionet dhe se mosmarrëveshja bërthamore mund të zgjidhet vetëm përmes negociatave.

Një luftë potencialisht shkatërruese mund të krijojë valë migrimi të parregullt në të gjitha vendet e rajonit, tha gjithashtu Erdogan, sipas deklaratës.

Irani gjuan me raketa Izraelin

Ushtria izraelite (IDF) ka konfirmuar se Irani ka kryer sulme me raketa drejt territorit të Izraelit, shkruan Gazeta Sinjali.

Sistemet e mbrojtjes ajrore po punojnë për të neutralizuar kërcënimin, ndërsa qytetarët janë udhëzuar të hyjnë menjëherë në zonat e mbrojtura dhe të qëndrojnë aty deri në njoftim të mëtejshëm.

Dalja nga këto zona lejohet vetëm me udhëzime të qarta nga Komanda e Mbrojtjes Civile.

Gjithashtu, IDF kërkon minimizimin e lëvizjeve në hapësira publike dhe shmangien e tubimeve.

Një tjetër shtet lëshon sirenat në Lindjen e Mesme

Ushtria e Izraelit ka njoftuar të shtunën në mbrëmje se një valë e re sulmesh mes saj dhe Iranit ka nisur.

“Forcat e Mbrojtjes së Izraelit kanë identifikuar se Irani ka lëshuar raketa në drejtim të territorit të shtetit të Izraelit. Sistemet e mbrojtjes janë duke punuar për të ndalur kërcënimin. Hyni në zona të mbrojtura sapo të merrni alarmin dhe rrini deri në njoftimin e ardhshëm”, thuhet në lajmërimin e fundit të Ushtrisë së Izraelit.

E televizioni publik iranian ka njoftuar se vala e re përfshin 100 raketa që tashmë janë nisur në drejtim të Izraelit.

Haifa dhe Tel-Avivi janë caqet kryesore, ka bërë të ditur televizioni iranian. E sipas raportimeve, tashmë shpërthime janë dëgjuar në Izraelin verior.

Ndërkohë, vetë Ushtria e Izraelit ka thënë se përderisa po merret me mbrojtjen nga raketat e lëshuara nga Irani, po vazhdon sulmet ajrore në caqet ushtarake në Teheran.

Ndërkohë, sirena janë dëgjuar edhe në Amman, kryeqytet të Jordanisë. Jordania ka vendosur ta mbyllë hapësirën e vet ajrore.

Nushin e PSD-së e bën të “qaj” fjalimi i Sveçlës për një sakrificë të Kurtit

Në 20-vjetorin e themelimit të Lëvizjes Vetëvendosje, ministri në detyrë i Punëve të Brendshme, Xhelal Sveçla, “mallëngjeu” qytetarët duke treguar një, siç e quajti ai, sakrificë të Albin Kurtit.

Ai tha: Dua me ju kallxu një sakrificë të vetë Albinit, i cili është jo duhanxhi, madje antiduhanxhi. Ai duronte me orë të tëra derisa ne pinim duhan njëri pas tjetrit në atë dhomën ku i mbanim takimet.

Në përgjigje ndaj kësaj deklarate, ish-aktivisti i VV-së dhe tash anëtar i PSD-së, Nol Nushi, u shpreh me ironi: M’kujtohet kur e kishim atë zyrën në Pejton. Ishte zyrë e vogël dhe kam bërë një sakrificë të madhe. I mbanim mbledhjet në një sallë të ngushtë dhe më binte me nejt 4-5 orë me Xhelalin e Hysenin. Është zor me i bo këto sakrifica. E patëm caktu me pauzu pak prej Xhelalit e Hysenit, me bo pauza çdo një orë. Dilshim jashtë, rrishim pak, e i lejshim ata mrena.

Me këtë deklaratë Nushi ka realizuar një video, në të cilën me humor bënë sikur është duke qarë me atë që po thoshte Sveçla.

Tjetër valë luftimesh Izrael – Iran

Ushtria e Izraelit ka njoftuar të shtunën në mbrëmje se një valë e re sulmesh mes saj dhe Iranit ka nisur.

“Forcat e Mbrojtjes së Izraelit kanë identifikuar se Irani ka lëshuar raketa në drejtim të territorit të shtetit të Izraelit. Sistemet e mbrojtjes janë duke punuar për të ndalur kërcënimin. Hyni në zona të mbrojtura sapo të merrni alarmin dhe rrini deri në njoftimin e ardhshëm”, thuhet në lajmërimin e fundit të Ushtrisë së Izraelit.

E televizioni publik iranian ka njoftuar se vala e re përfshin 100 raketa që tashmë janë nisur në drejtim të Izraelit.

Ndërkohë, vetë Ushtria e Izraelit ka thënë se përderisa po merret me mbrojtjen nga raketat e lëshuara nga Irani, po vazhdon sulmet ajrore në caqet ushtarake në Teheran.

Çfarë po ndodh? Pasi sulmoi Iranin, Netanyahu i drejtohet SHBA-ve

Kryeministri izraelit, Benjamin Netanyahu, ka publikuar një tjetër video-mesazh, këtë herë në gjuhën angleze, duke iu drejtuar qartë një audience amerikane.

Në fillim të videos, ai i uron ditëlindjen Presidentit amerikan, Donald Trump, dhe shpreh respektin për ushtarët amerikanë që, sipas tij, kanë mbrojtur lirinë për më shumë se 250 vjet.

Netanyahu tha se ushtria izraelite po lufton për të mbrojtur lirinë në Lindjen e Mesme kundër regjimit që ai e quan “tiranik” të Iranit.

“Armiku ynë është edhe armiku juaj. Ajo që po bëjmë tani është përballja me një kërcënim që, herët a vonë, do të prekë të gjithë,” thotë ai në video.

Ai pretendon, pa ofruar prova konkrete, se nëse Izraeli nuk do të kishte vepruar, Irani do të kishte armatosur aleatët e tij – si Hezbollah dhe Hamas – me armë bërthamore.

“Gjithçka që po bën Izraeli po e bën me mbështetjen e qartë të Presidentit të Shteteve të Bashkuara, Donald Trump, të popullit amerikan dhe të shumë të tjerëve në mbarë botën,” shton Netanyahu.

E vërteta pas fotos që bëri bujë në rrjet: Kush është personi i ngjashëm me Ibrahim Rugovën?

Adnan Merovci, bashkëpunëtori shumëvjeçar i Presidentit historik Ibrahim Rugova, ka tërhequr vëmendje të madhe në rrjetet sociale mëngjesin e sotëm, pas publikimit të një fotografie që ngjalli reagime të shumta dhe konfuzion në opinion.

Në imazh, Merovci shfaqet duke ecur përkrah një personi që ka një ngjashmëri të jashtëzakonshme me Presidentin Rugova. Një pamje që në shikim të parë bën të kthesh kokën dhe të pyesësh veten se çfarë po sheh vërtet.

Ai nuk shoqëroi fotografinë me ndonjë shpjegim, përveç mbishkrimit të shkurtër: “Pa koment”, duke lënë hapësirë për interpretim të lirë dhe të menjëhershëm nga ndjekësit.

Menjëherë nisën reagimet dhe teoritë: disa menduan se mund të ishte një fotografi arkivore, të tjerë nisën të pyesnin nëse ishte ndonjë krijim përmes inteligjencës artificiale. Por një sqarim i drejtpërdrejtë dhe i besueshëm erdhi nga vetë familja e Merovcit.

E bija e tij, Alba Merovci, prezantuese e njohur në televizionin publik ka sqaruar përmes një postimi detajet.

Ajo sqaruar se bëhet fjalë për një sozi të Presidentit Rugova, një qytetar me nacionalitet italian.

Fotografia e sotme, ndonëse shkaktoi zhurmë, na kujtoi edhe një herë ndikimin e pashlyeshëm që ka lënë Rugova në memorien kolektive dhe sa lehtë çdo shfaqje që lidhet me të zgjon emocione të forta në publik.

Izraeli vret këshilltarin më të lartë të udhëheqësit suprem iranian

Ali Shamkhani, një nga figurat më të rëndësishme të sigurisë kombëtare në Iran dhe këshilltar i lartë i udhëheqësit suprem, Ajatollah Ali Khamenei, ka ndërruar jetë në spital, një ditë pas nisjes së sulmeve ajrore izraelite në të gjithë territorin iranian, raportojnë mediat iraniane, shkruan Gazeta Sinjali.

Shamkhani, i cili për një dekadë kishte mbajtur postin e Sekretarit të Këshillit Suprem të Sigurisë Kombëtare të Iranit, ishte gjithashtu ndër negociatorët kryesorë në afrimin diplomatik me Arabinë Saudite, të ndërmjetësuar nga Kina. Ai kishte shërbyer më parë edhe si ministër i mbrojtjes nga viti 1997 deri më 2005 dhe mbeti për dekada një figurë kyçe në strukturat ushtarake dhe politike të Republikës Islamike.

Sipas mediave ndërkombëtare, Shamkhani është zyrtari më i fundit iranian që raportohet i vrarë nga sulmet ajrore të ndërmarra nga Izraeli që prej mëngjesit të së premtes, si pjesë e Operacionit “Rising Lion”.

Midis objektivave të tjerë të lartë që raportohet se janë eliminuar nga Izraeli, përfshihen Mohammad Bagheri, shefi i Shtabit të Përgjithshëm të Forcave të Armatosura të Iranit; Hossein Salami, komandant i përgjithshëm i Gardës Revolucionare; Gholam-Ali Rashid, komandant i Shtabit Qendror Khatam al-Anbia; dhe Amir Ali Hajizadeh, kreu i njësisë së Mbrojtjes Ajrore të IRGC-së.

18-vjeçari nga Podujeva që vdiq tragjikisht në Gjermani ishte futbollist

Sot, Gazeta Imazhi raportoi me dhimbje për ndarjen nga jeta të mërgimtarit dhe ish-futbollistit të ri, Ardian Osmani, vetëm 18 vjeç. Lajmi ka tronditur jo vetëm familjen dhe të afërmit, por edhe gjithë komunitetin sportiv që e ka njohur dhe vlerësuar për përkushtimin dhe sjelljen shembullore në fushën e blertë.

Ardiani ishte futbollist i klubit shqiptar FC Kosova Munchen, ku luante si mbrojtës i krahut të djathtë dhe ishte pjesë e skuadrës së juniorëve për dy sezone, duke treguar aftësi të larta teknike dhe një karakter të fortë sportiv.

Në një telegram ngushëllimi, klubi ku Ardiani kishte luajtur i shprehu respektin dhe dhimbjen për humbjen e një djaloshi të talentuar:

“Ardiani do të kujtohet gjithmonë për sjelljet shembullore, pasionin, përkushtimin dhe shpirtin e tij sportiv.”

– thuhet ndër të tjera në telegramin e shpërndarë nga kryesia e klubit.

Gazeta Imazhi shpreh ngushëllimet më të sinqerta familjes Osmani dhe gjithë atyre që ndihen të prekur nga kjo humbje.

Vdes profesori i njohur universitar

Dje, me 13 qershor ka vdekur Fikret Ahmedit (1943 – 2025), profesori i Fakultetit të Ndërtimtarisë dhe Arkitekturës të Universitetit të Prishtinës.