Arbërie Nagavci nuk e di se sa kushtuan librat për këtë vit shkollor, por thotë se ishin “më shtrenjtë”

 Deputetja Arbërie Nagavci që këtë mandat e drejtori ministrinë e Arsimit nuk e di shifrën e saktë se sa kushtuar librat për këtë vit shkollorë.

Megjithatë, në një paraqitje të saj në “ATV”, ajo ka konfirmuar se ishin më shtrenjtë.

Këtë, ajo e arsyetoi me “mjete shkollore”, të cilat thotë se u subvencionuan përveç librave shkollorë.

Përgjigja e saj mbi këtë çështje:

Gazetari: A e di sa kanë kushtu për këtë vit librat?

Nagavci: Raportet kanë qënë publike, kemi pajisë prindërit me mjete…

Gazetari: A na kanë kushtu ma shtrenjtë a më lirë

Nagavci: Në raport me para 2-3 viteve?

Gazetari: Në raport me parvjet?

Nagavci: Po kanë kushtuar më shtrenjtë. Por janë mjete që ne i kemi dediku, duke pasë parasysh që kemi subvencionu prindërit edhe për mjete shkollore.

Për këtë arsye, vlera është më e madhe, se s’kemi blerë vetëm librat…E vërtetë që kemi dhënë më shumë të holla për prindërit, por ato kanë shkuar edhe për mjete të punës.

Mos dilni pa çadër, ky është parashikimi i motit për ditën e mërkurë

Ditën e mërkurë, ndërmjet vransirash të ndryshueshme do të ketë intervale me diell kohëpaskohe.

 

 

 

Nga orët e para të ditës paraqiten kushte për zhvillime rrebeshesh shiu dhe bubullima në pjesë të vendit. Nuk përjashtohet mundësia që lokalisht të ketë zhvillime të ndonjë stuhie më të ashpër me breshër dhe erëra. Frynë erë jugperëndimore e lehtë dhe mesatare 4-11m/s, ndërsa në mbrëmje mund të ndryshojë drejtimin në veriore. Temperaturat maksimale paksa më të ulëta shkojnë deri në 20C e 23C.

Vransira të ulëta mbulojnë vendin mëngjesin e së enjtes.

Ditën nuk mungojnë intervale me diell, e më vonë pasdite shfaqen kushte për zhvillime rrebeshesh shiu dhe bubullima. Frynë dhe erë më e fuqishme jugperëndimore me hove deri në 17m/s.

 

 

Nga dita e premte shtrihen më shumë vranësira, e të reshura përfshinë pjesë të vendit orëve të vona me kalimin në mëngjesin e ditës së shtunë. Të shtunën pasdite dhe gjatë ditës së diel do të ketë vranisra të ndryshueshme dhe intervale me diell, me më pak gjasa për të reshura.

Temperaturat maksimale në rënie graduale deri në 15C e 17C në fundjavë. Minimalet fillimisht luhaten ndërmjet 6C e 10C, e mëngjesin e së dieles mund të zbresin në 3C./mendimipërmotin/

Nga përkrahës në kritik: Dukagjin Gorani e quan Kurtin dhe VV-në “fëmijë” që nuk marrin vesh prej politike

Analisti Dukagjin Gorani e vlerësoi “korrekt” propozimin e kreut të LDK-së Lumir Abdixhiku drejtuar Kurtit për një qeveri tranzicionale.

Por sipas tij, deri tani askush nuk është në gjendje me analizu a është i dobishëm një propozim i tillë dhe a do të mund të funksiononte një qeveri gjithëpërfshirëse.

Ai tha se kjo gjeneratë nuk merr vesh prej politikës.

“Në kulturën tonë politike, sidomos qikjo gjeneratë që na ka fshi përpara, këta nuk marrin vesh send prej politikës – si përpjekje e ofrimit të ideve. Dhe reagimi i parë i eksponentëve të VV-së karshi letrës së Abdixhikut ke; ky s’ka të drejtë me propozu. Shihe ti”, tha Gorani duke qeshur.

“Jemi në duar të fëmijëvë, kalamajve, ishalla po pshtojmë”, tha ai.

Moti i ligë godet Serbinë – PAMJE

Instituti Hidrometeorologjik i Serbisë ka lëshuar një paralajmërim, për reshje të dendura shiu me bubullima dhe breshër në zona të ndryshme.

Nga erërat e forta janë dëmtuar shumë prona, kurse sasia e madhe e shiut që ka rënë ka bërë që shumë rrugë t’i ngjajnë lumenjve.

Në disa pjesë ka pasur breshër me madhësi të topit të ping pongut, kurse diku tjetër janë shkulur drunjtë me rrënjë nga erërat e forta.

Mediat serbe raportojnë edhe për çatitë e dëmtuara të shtëpive, si dhe tulla që kanë rënë nëpër rrugë që janë shkulur nga objektet e ndryshme.

Fotografi të shumta të publikuara në rrjetet e ndryshme sociale, tregojnë gjendjen reale që po mbretëron në pjesë të ndryshme të Serbisë. /Telegrafi/

Babai vrau vajzën 15 vjeçe në Prizren, dalin detaje të rënda – fqinji dëgjoi zhurma…

Një ngjarje tragjike ka tronditur Prizrenin mëngjesin e sotëm, ku një shtetas turk ka sulmuar me thikë dy vajzat dhe bashkëshorten e tij, për pasojë njëra vajza 15 vjeçare e autorit, ka humbur jetën.

Autori, 43-vjeçari Mehmet Gorenc është arrestuar.

Për të folur më tepër rreth kësaj ngjarje ishte në një lidhje direkte për “People” në Euronews Albania, gazetari Nuhi Salihu.

Ai tha se ngjarjen e rëndë e ka lajmëruar fqinji i familjes, i cili rreth orës 5:30 minuta të mëngjesit, kishte dëgjuar zhumra dhe kishte thirrur shërbimin e urgjencës.

“Sapo ka arritur ekipi në banesën e kësaj familje, ata kanë parë një pamje të keqe të bashkëshortes së autorit të dyshuar, ndërsa autori mbante në dorë një mjet prerës. Të frikësuar ata kanë njoftuar menjëherë policinë. Më pas janë dërguar në spital, autori i dyshuar i krimit, bashkëshortja e tij, vajza 10-vjeçare e cila kishte dëmtime në qafë, ndërsa vajza 15 vjeçare kishte ndërruar jetë në vendngjarje”,-tha gazetari.Ai shtoi se kjo familje prej 6 muajsh ishte zhvendosur në këtë lagje dhe nuk njihej nga banorët e zonës, ndaj ende nuk ka informacione se çfarë mund ta ketë shkaktuar ngjarjen tragjike.

Vuçiq ‘ngec në ajër’ – edhe një vend tjetër i mbyll hapësirën ajrore

Pas Lituanisë, autoritetet letoneze kanë ndaluar gjithashtu fluturimin e një aeroplani serb për në Moskë, që transportonte presidentin serb Aleksandar Vuçiq.

Autoritetet letoneze ia ndaluan aeroplanit serb të fluturonte mbi vend për shkak, siç deklarojnë ata, të “ndjeshmërisë politike të qëllimit të fluturimit”.

Ndryshe, autoritetet lituaneze më parë e ndaluan fluturimin për shkak të “ndjeshmërisë teknike dhe diplomatike”.

Ndihmësi i udhëheqësit rus, Yuri Ushakov, tha më herët sot se Presidenti rus Vladimir Putin do të zhvillojë bisedime dypalëshe me presidentin serb Aleksandar Vuçiq më 9 maj.

Pasi u “përzu në tokë” nga SHBA, Vuçiqit tani i ndalohet edhe fluturimi për në Moskë nga këto dy shtete

Autoritetet lituaneze kanë ndaluar zyrtarisht fluturimin e aeroplanit serb që transportonte presidentin Aleksandar Vuçiq për në Moskë, duke e ndaluar fluturimin mbi hapësirën ajrore të shtetit, shkruan Gazeta Sinjali.

Sipas raporteve nga mediumi serb Novosti, autoritetet lituaneze kanë shpjeguar se ky veprim është ndërmarrë për shkak të “ndjeshmërisë teknike dhe diplomatike” të qëllimit të fluturimit.

Për më tepër, pas veprimit të Lituanisë, autoritetet letoneze kanë marrë një hap të ngjashëm duke ndaluar fluturimin e aeroplanit serb për në Moskë, që transportonte presidentin Vuçiq. Autoritetet letoneze kanë theksuar se ndalimi është bërë për shkak të “ndjeshmërisë politike të qëllimit të fluturimit”. 

Kjo masë ka ngritur pyetje mbi sfidat që lidhen me lëvizjet diplomatike dhe politike ndërkombëtare, të cilat kanë ndikim të drejtpërdrejtë mbi marrëdhëniet ndërmjet shteteve të ndryshme.

Ndihmësi i udhëheqësit rus, Yuri Ushakov, ka njoftuar më herët se presidenti rus Vladimir Putin do të zhvillojë bisedime dypalëshe me presidentin serb Aleksandar Vuçiq më 9 maj, duke theksuar rëndësinë e këtij takimi në kuadër të politikës ndërkombëtare dhe marrëdhënieve mes dy shteteve. 

Megjithatë, këto ndërhyrje në fluturimet diplomatike nga Lituania dhe Letonia kanë tërhequr vëmendjen e opinionit ndërkombëtar mbi ndikimin e politikave ajrore dhe të sigurisë në marrëdhëniet mes shteteve të ndryshme, veçanërisht kur bëhet fjalë për udhëheqësit e lartë dhe takimet ndërkombëtare.

Trump: Nuk dua të bëhem Papë, nuk do mund të martohesha

Presidenti i SHBA-së Donald Trump ka hedhur poshtë shqetësimet se një imazh i tij i krijuar nga Al si Papa i ardhshëm është fyes për katolikët.

Imazhi i diskutueshëm u postua në profilin e Truth Social të Trumpit.

Nuk dihet nëse është postuar nga vetë Trump apo një nga bashkëpunëtorët e t

Por ka shkaktuar reagime të ndryshme.

Ish-kryeministri italian Matteo Renzi tha se ishte “një imazh që fyen besimtarët, fyen institucionet dhe tregon se lideri i së djathtës globale kënaqet duke qenë një klloun”.

Timothy Dolan, kryepeshkopi i New Yorkut, të cilin Trump e rekomandoi për Papë javën e kaluar, dhe Konferenca Katolike e Shtetit të New Yorkut shprehën gjithashtu pakënaqësi.

Kur u pyet për reagimin negativ të katolikëve ndaj imazhit, Trump u përgjigj: “Mos mendoni për katolikët, mendoni për mediat e lajmeve të rreme. Katolikët e duan atë”.

Trump tha se nuk e kishte parë imazhin deri të dielën mbrëma.

“Nuk e kam idenë se nga erdhi. Mund të ketë qenë Al. Por nuk di asgjë për të. Sapo e pashë mbrëmë. Në fakt, gruaja ime mendoi se ishte e bukur”, tha presidenti amerikan.

Ndryshe, pasi bëri shaka javën e kaluar se do të donte të bëhej Papa i ri, ai tani tha se pozita nuk është në planet e tij në fund të fundit.

“Unë në fakt nuk do të mund të martohesha. Me sa di unë, papët nuk janë adhurues të mëdhenj të dasmave, apo jo? Jo, me sa dimë, nuk janë”, theksoi ai.

Hyseni ‘hap thesin’ për maturantët e Gjilanit – i shpërblen me ekskursion falas në Shqipëri

Kryetari i Gjilanit, Alban Hyseni ka nënshkruar një kontratë në të mirë të maturantëve të Gjilanit ditën e sotme.

Hyseni i ka shpërblyer maturantët, duke ua paguar shpenzimet e ekskursionit në Shqipëri.

”Lajm FANTASTIK Kontrata u nënshkrua – Ekskursioni i maturës në Shqipëri, shpërblim i veçantë për çdo maturant të Gjilanit.” ka shkruar ai në Facebook.

Postimi:

Kryeministri Kurti flet për fitime, Prokuroria për hetime – Krimet e Rënda në Telekom

Vetëm një ditë pasi kryeministri në detyrë, Albin Kurti deklaroi se Telekomi i Kosovës është kthyer nga një ndërmarrje me 50 milionë euro borxhe në një kompani me 15 milionë euro fitim, hetuesit e Krimeve të Rënda intervistuan ish-zyrtarë të lartë të Telekomit në kuadër të një procedure hetimore të Prokurorisë Speciale. Kjo përkon me pretendimet për një “hov të ri” zhvillimi në Telekom, ndërsa institucionet e drejtësisë po hetojnë për keqpërdorime të mundshme në të kaluarën. 

Siç merr vesh Gazeta Imazhi, ditën e djeshme janë intervistuar nga krimet e rënda ish kryesuesi i bordit Shpëtim Dobra dhe kryeshefja Burbuqe Hana.

Lidhur me këtë rast, Gazeta Imazhi ka kontaktuar me Telekomin, dhe pas publikimin të këtij teksti thanë se nuk janë në dijeni për ndonjë aksion të krimeve ekonomike.

“Nuk jemi në dijeni për asnjë zbarkim në Telekom”, thuhet në përgjigje.

Lidhur me këtë, Dobra është deklaruar për Insajderin ku ka thënë se është intervistuar në cilësinë e dëshmitarit.

“Për sqarim, unë kam qenë e ftuar në cilësinë e dëshmitarit në kuadër të një procedure hetimore, dhe jo si person nën hetim”, ka thënë ai.