E rëndë: Humb jetën një person, u godit nga një veturë teksa ishte në karrocë

Një ngjarje e rëndë ka ndodhur pasditen e djeshme në Banjë të Malishevës, ku një person në karrocë është goditur për vdekje nga një veturë, raporton Gazeta Sinjali.

Drejtuesi i makinës dyshohet se ka goditur karrocën e invalidit me të cilën ishte duke lëvizur në rrugë me zhavorr viktima.

Në vendin e ngjarjes, kanë dalë edhe njësitë përkatëse të Policisë, me ç’rast janë kryer ekzaminimet e nevojshme.

Lidhur me këtë, i dyshuari është arrestuar nga Policia dhe është dërguar në mbajtje, teksa rasti po hetohet.

Vdekjen e viktimës e ka konstatuar ekipi mjekësor në vendin e ngjarjes, ndërsa trupi është tërhequr për t’u dërguar në Institutin e Mjekësisë Ligjore për obduksion.

Këto janë vendet ku do të ketë reduktime të energjisë elektrike

Punime të domosdoshme për siguri të sistemit

1.

Nga TS 110/35/10[kV] Palaj do të ndërprehet:

LP 10kV J04 Obiliqi-(Qyteti ) (kodi: 18024002) nga ora 09:30 deri 10:30

Vendet: qyteti i Obiliq (një pjesë), Mazgit i Epërm dhe i Ulët, rr. Magjistrale Prishtinë-e Mitrovicë, Subotiqi dhe Kijaci.

Arsyeja: Ndërprerje për siguri, testimi i Scadas në stabiliment.

2.

Nga TS 35/10kV Mazgiti do të ndërprehet:

Dalja 10kV Lumi I madh-Prugovc (kodi: 15019008)  nga ora 14:30 deri 15:30

Vendet: Nici petroll, Te Bazeni-Halim Thaqi, Amazona, fsh. Stanovc i Ulët, Lumi i Madh-banesat, Stanofc i Epërm, Bujaria B.M,Bakshi, Prugovc, Milloshevë  te shkolla, Hamdi Aliu Qendra rekreative sportive afariste,”Barileva” Sh.P.K,

Arsyeja: Ndërprerje për siguri, testimi i Scadas në stabiliment.

3.

Nga TS 110/35/10[kV] Palaj do të ndërprehet:

LP 10kV J03 Palaj (kodi: 18024001) nga ora 11:30 deri 12:30

Vendet: Mulliri Palaj, Hade-Miniera, Hade, Hamidi,  Lajthishtë, Kulla Sibovc, Sibovc te Kangjelët, Sibovc te Kelmendët, Shipitullaë, Grabovci, Tr private te Mjekiqi, Bivolak te Saraqët, Plemetin-Xhemnicët dhe konsumatorët e fshatit Sibovc

Arsyeja: Ndërprerje për siguri, testimi i Scadas në stabiliment.

Pejë:

Punime të domosdoshme për siguri të sistemit

1.

Nga NS 35/10kV Peja II do të ndërprehet:

Dalja 10 [kV] Rugova (kodi: 50051006) prej orës 09:00 deri 12:00

Vendet: Rugova: Llazi, Shtupeqi i Madh, Llotove, Pepaj, Koshutan, Shkrel, Bogë, Stankaj, Hagjaj, Kuqisht 1, Drelaj 2 dhe Bregu Kuqishtë.

Arsyeja: Ndërprerje për siguri, testimi i Scadas në stabiliment.

2.

Nga NS 110/35/10[kV] Peja 1 do të ndërprehet:

LP 10kV J05 Radavci (kodi: 50000004) nga ora 15:30 deri 16:30

Vendet: Vitomiricë, Brestovik, një pjesë e Novosellës, Jabllanicë e Vogël, Jabllanicë e Madhe  dhe BRRE-Hidrocentrali Radavci.

Arsyeja: Ndërprerje për siguri, testimi i Scadas në stabiliment.

Vërejtje! Dalja ka BRRE

3.

Nga TS 110/10(20)kV Peja 2 do të ndërprehet:

LP 10kV J20 Kastrati (kodi: 51000007)  nga ora 13:30 deri 14:30

Vendet: Lagjja Dardania, Llozhani, Zllopeku, Poqesta, Belinca, Doberdoli, Babiqi, Pistoni dhe Sedefi.

Arsyeja: Ndërprerje për siguri, testimi i Scadas ne stabiliment.

Prizren:

Punime në projekte investive

1.

Nga NS 35/10kV Pirana do të ndërprehet:

LP 10kV Hasi 2  (kodi: 30034003)  nga ora 08:30  deri 17:30

Vendet: Fshatrat: Bregu i Drinit, Dedaj, Kabash i Hasit, Krajk (një pjesë), Kushnin, Lubizhdë e Hasit, Lukinaj (një pjesë) dhe Romajë.

Arsyeja: Projekte investive, energjizimi i rrjetit, zhvendosja e TS me gjithë elementet përcjellëse si dhe pune të tjera elektrike në kuadër të LOT14, Hasi 2 Krusha e Madhe.

Mitrovicë:

Punime në projekte investive

1.

Nga NS 110/10(20)kV Skenderaj do të ndërprehet:

LP 10kV Likovci me (kodi: 74000001) nga ora 09:00 deri 14:00

Vendet: fshatrat: Arbëri e Epërme, Arbëri e Poshtme, Likovcë, Makërmal, Morinë, Plluzhinë, Pozhullë, Murg, Obri e Ulët, Obri e Epërme, Rrezallë, Shtuticë, Ticë, Tushil dhe një pjesë e Skenderajt.

Arsyeja: Projekte investive, ndërrimit te përçuesit të ri, i cili është dëmtuar nga kulmi i zhvendosur

Zgjedhjet në Gjeorgji, kush e deklaroj fitoren?

Në Gjeorgji, partia që qeveris vendin si dhe ato në opozitë pretenduan fitoren në zgjedhjet parlamentare të së shtunës. Procesi shihen si vendimtar lidhur me të ardhmen e vendit, nëse ish-republika sovjetike do të vazhdojë rrugën drejt Perëndimit apo do të anojë nga Rusia.

Sondazhet e kryera menjëherë pas përfundimit të procesit të votimit ofruan parashikime të ndryshme mbi rezultatin e zgjedhjeve.

Sipas një sondazhi të kryer nga kanali televiziv ‘Imedi’ që mbështet Ëndrrën Gjeorgjiane, partia në pushtet ka fituar zgjedhjet duke siguruar 56% të votave.

Por sondazhet e kryera nga kanalet pro-opozitës ‘Formula’ dhe ‘Mtavari Arkhi’ treguan se partitë opozitare pro-perëndimore, kishin fituar mbështetje të madhe, duke siguruar sëbashku 83 vende në parlamentin me 150 deputetë.

Por katër blloqet kryesore opozitare janë thellësisht të përçara dhe është e paqartë nëse ata do të jenë në gjendje të bashkëpunojnë me njëra-tjetrën.

Bidzina Ivanishvili, themeluesi miliarder i partisë në pushtet, pretendoi fitoren.

“Është një rast i rrallë në botë që e njëjta parti të arrijë një sukses të tillë në një situatë kaq të vështirë – ky është një tregues i mirë i talentit të popullit gjeorgjian”, tha ai vetëm pak minuta pas mbylljes së qendrave të votimit.

“U siguroj se vendi ynë do të arrijë sukses të madh në katër vitet e ardhshme”, shtoi Ivanishvili.

Në dy vitet e fundit Ëndrra Gjeorgjiane, që qëndron në pushtet që nga viti 2012, i ka dhënë zë retorikës pro-ruse, duke nxitur zemërimin e aleatëve të saj perëndimorë, rreth asaj që ata e konsiderojnë si prirje gjithnjë e më autoritare.

Vëzhguesit e pavarur si dhe Presidentja e Gjeorgjisë Salome Zourabichvili – një aleate e dikurshme e partisë në pushtet, shndërruar tashmë në një nga kritiket më të ashpra të saj, akuzuan Ëndrrën Gjeorgjiane për blerje masive të votave si dhe forma të tjera të abuzimit me zgjedhjet.

Ëndrra Gjeorgjiane nuk i është përgjigjur kërkesave për koment lidhur me akuzat.

Opozita pretendoi fitoren dhe tha se ishte në rrugën e duhur për të fituar shumicën.

“Gjeorgjia evropiane po fiton me 52% të votave pavarësisht përpjekjeve për të manipuluar zgjedhjet dhe pa votat e diasporës”, shkruante zonja Zourabichvili në rrjetin social X./VOA

A do shtrenjtohet energjia elektrike në shqyrtimin e tarifave të reja në 2025?

Shqyrtimi i tarifave të reja për energjinë elektrike do bëhet në mars të vitit të ardhshëm, andaj duke parë kërkesat gjatë këtij viti nga KEDS dhe KESCO për shtrenjtim të këtyre tarifave mundësia mbetet të ndodh atëherë. ZRrE ka refuzuar herën e fundit të bëjë rishqyrtim të jashtëzakonshëm, e njohësit e fushës e shohin të mundshëm të ndodh në 2025 ani se thonë që momentalisht nuk ka arsye të mjaftueshme.

Shqyrtim të tarifave të energjisë elektrike nga ZRrE pritet të ketë më së largu deri më 31 mars të 2025-të.

Aty këta të fundit vendosin nëse do këtë nevojë për rritje të çmimit të energjisë elektrike ose jo.

E nga deklarime se do ketë shtrenjtim të energjisë elektrike ende pa ardhur koha për shqyrtim të tarifave ZRrE doli me reagim, qysh në fillim të këtij muaji duke demantuar lajme të tilla, duke thënë se duhet pritur afati ligjor.

Por, njohës të fushës konsiderojnë se KEDS e KESCO do të gjejnë arsyetime që në mars të 2025-s kjo të ndodh.

“Në këto periudha mblidhen akterët dhe shohin, aspektet e mirëmbajtjes, aspektet e investimeve, pastaj edhe në bursen energjetike, se si kanë lëvizë çmimet, dhe secili pretendon për favoret e veta nuk ka diskutim këtu”, ka thënë Vezir Rexhepi,  profesor universitar.

Kërkesën e KEDS dhe KESCO-së në muajt e parë të këtij viti për shqyrtim të jashtëzakonshëm të tarifave nuk e aprovoi ZRrE.

Andaj, Rexhepi thotë se edhe kërkesa të tilla përsëri nuk janë bindëse për shtrenjtim të energjisë.

“Duke pas parasysh edhe situatën, që KEDS dhe Kesco ashtu siç dihet edhe publikisht marrin 80% të energjisë nga centralet termike me një çmim shumë të volitshëm, atëherë mendoj se duhet parë këto gjana që eventualisht të mos ketë rritje të çmimit të energjisë elektrike”, ka thënë Vezir Rexhepi,  profesor universitar.

Dardan Abazi nga Instituti për Politika Zhvillimore, jep arsyet se pse çmimi aktual nuk mund të mbetet edhe gjatë, ani pse pajtohet që momentalisht nuk ka hapësirë për shtrenjtim.

“Nuk mund të themi ende se ka arsyeje të mjaftueshme të rritjes së çmimit të energjisë, por dihet se çmimi aktual nuk mund të mbahet si i tillë, procesi i transofrmimit energjetik të Kosovës do kërkoj investime shumë më të mëdha, edhe në rritjen e prodhimit, por edhe në transformimin gradual që normalisht do ketë kosotot e tij për rritjen e çmimit të energjisë”, ka thënë Dardan Abazi, INDEP.

E nëse kanë bërë vlerësimet për nevojën e ngritjes së çmimit të energjisë elektrike treguan nga ZRRE.

“Ne përputhje me legjislacionin në fuqi, procesi i shqyrtimit tarifor ka disa hapa deri në marrjen e vendimeve finale (deri në fund të marsit 2025) nga Bordi i ZRRE-së për të hyra dhe tarifa si: aplikimi i të licencuarve të rregulluar për përshtatjet e rregullta vjetore të hyrave të lejuara maksimale, analiza e aplikacionit nga ZRRE dhe publikimi i raporteve për konsultim publik, pastaj në fund merren vendimet finale. Deri në përfundimin e këtij procesi është e vështirë të parashikohet se si do të jenë tarifat për vitin e ardhshëm”, ZRrE.

TV Dukagjini ka kërkuar përgjigje nga edhe nga KEDS dhe KESCO.

Megjithatë asnjëra deri në publikimin e kronikës nuk dhanë përgjigje nëse kanë bërë vlerësimet për nevojën e ngritjes së energjisë elektrike ose jo./Dukagjini/

Pse Gjermania po e kundërshton anëtarësimin e Ukrainës në NATO?

Kancelari gjerman Olaf Scholz ka kundërshtuar kërkesën e Ukrainës për t’iu bashkuar me shpejtësi NATO-s, duke hedhur poshtë një shtyllë kryesore të “Planit të fitores” të paraqitur nga Volodymyr Zelensky tek liderët perëndimorë në fillim të këtij muaji.

Në komentet që mediat e huaja raportojnë se kanë irrituar aleatët e NATO-s, Scholz përjashtoi troç mundësinë e anëtarësimit të Ukrainës në të ardhmen e afërt, duke këmbëngulur se asnjë vend nuk mund t’i bashkohet aleancës perëndimore ndërsa është në luftë.

Ai gjithashtu përsëriti refuzimin e tij për t’i siguruar Kievit raketat me rreze të gjatë veprimi të Gjermanisë Taurus dhe shprehu frikën se mbështetja më e madhe e Ukrainës rrezikonte ta tërhiqte vendin e tij në një konflikt të drejtpërdrejtë me Moskën, shkruan yahoonews, përcjell Telegrafi.

“Është e rëndësishme të kuptohet se një vend në luftë nuk mund të bëhet absolutisht anëtar i NATO-s. Të gjithë e dinë këtë, nuk ka mosmarrëveshje për këtë temë”, tha Scholz në kritikën e tij të parë publike të “planit të fitores” të presidentit ukrainas.

Bëhet e ditur se kritikat vijnë pasi Zelenksky nisi një vizitë diplomatike në Londër, Paris, Berlin dhe Romë në fillim të këtij muaji, duke paraqitur aspektet kryesore të planit të tij të fitores për udhëheqësit kombëtarë.

Plani iu prezantua edhe presidentit të SHBA-së, Joe Biden, në një takim në Shtëpinë e Bardhë në shtator.

Kuptohet se plani përfshin një kërkesë për NATO-n që t’i paraqesë Kievit një ftesë për t’u bashkuar me aleancën, si dhe një fund të kufizimeve në përdorimin e armëve perëndimore me rreze të gjatë, thellë brenda Rusisë.

Fushata presidenciale në SHBA/ Trump-it i ndodh e papritura, ndalon tubimin për urgjencë mjekësore dhe kërkon…

Ish-presidenti Donald Trump ndaloi për pak çastesh tubimin e tij në Michigan për shkak të një urgjence mjekësore, pasi filloi fjalimet e tij të planifikuara me tre orë vonesë.

“A duhet të dëgjojmë një këngë të bukur ndërsa presim?” tha ai, duke bërë thirrje që “Ave Maria” të luajë në altoparlantët ndërsa mjekët morën pjesë në këtë çështje, ndërprerja e dytë mjekësore gjatë fjalëve të tij.

Trump ndërpreu një tjetër tubim në Pensilvani javën e kaluar për një arsye të ngjashme.

Nesër ‘ndryshon’ ora, ja si do të lëvizin akrepat

Të dielën, akrepat e orës do të kthehen një orë mbrapa, çka do të thotë se do të flemë një orë më shumë.

Më 27 tetor, kur ora të shkojë 3 e mëngjesit, akrepat do të kthehen 1 orë pas, duke shënuar kështu orën 02:00.

Ora diellore do të qëndrojë në fuqi deri më 31 mars 2025, kur si gjithmonë në orën 03:00 të mëngjesit do të hyjë në fuqi ora verore.

Tahiri akuzon Qeverinë Kurti: Kosovën e keni zhytur në rrugë pa krye drejt BE-së, Vuçiqi po përfiton

Shefi i Grupit Parlamentar të AAK-së, Besnik Tahiri, ka shkruar se Qeveria e Kosovës e ka zhytur Kosovën në një rrugë pa krye dhe me perspektivë zero drejt rrugës evropiane.

Sipas Tahirit, Qeveria Kurti i ka krijuar terren Vuçiqit që të flasë në sy të Von Der Leyen se si regjimi i tij në Serbi ka arritur të sfidojë 27 shtetet e BE-së lidhur me qëndrimi Pro-Rusisë dhe Kinës, ndërkohë që e ka perspektivën e garantuar evropiane.

Reagimi i plotë i Tahirit:

Nga një vend i goditur nga sulme të sponsorizuara terroriste nga regjimi i Vuçiqit, dhe i cili publikisht ka hequr dorë nga obligimet e caktuara nga dialogu dhe marrëveshja, diplomacia e dështuar e kësaj qeverie jo vetëm që nuk ka arritur të bëjë të qartë se kush përfaqëson pro-evropianizmin dhe pro postulatet e NATO-s për siguri kolektive, por e ka zhytur Republikën e Kosovës në një rrugë pa krye dhe me perspektivë zero evropiane.

Për më tepër, kjo qeveri i ka krijuar një terren të hapur Vuçiqit, i cili, në një konferencë për shtyp me Ursula von der Leyen në Beograd, u shfaq deri aty sa në prezencë dhe miratim të heshtur nga ana e saj, të flasë se si gjatë viteve regjimi i tij ka sfiduar 27 liderë të vendeve të BE-së lidhur me qasjen e dyfishtë të Serbisë pro Rusisë dhe Kinës dhe me perspektivën e garantuar evropiane. Kjo përbën një skandal dhe një dëm historik që po e paguajmë shtrenjtë çdo ditë!

Për të parë dhe u vërtetuar se çfarë ishin mesazhet e Presidentes së Bashkimit Evropian për përspektiven evropinane, duhet t’i dëgjoni fund e krye konferencat për media në Tiranë dhe Beograd, e tani e shihni se sa i është rrezikuar Kosovës përspektiva integriese.

Ja kur pritet të ketë reshje të borës në Kosovë

Sipas trendeve të fundit, javën e ardhshme në përgjithësi po mbetet mot stabil. Pas vransirave që përfshinë vendin në mes të javës, nga dita e premte sërish paraqiten kushte për më shumë diell, megjithëse ultësirave janë të mundshme mjegullat orëve të mëngjesit, që mund të qëndrojnë paksa më gjatë ditën.

Temperaturat, edhepse mbi mesatare pësojnë një rënie në 15C e 18C, duke kaluar në ditët e para të nëntorit.

Më shumë vransira mund të përfshinë vendin nga e diela e ardhshme, përgjatë javës së parë të nëntorit, nga datat 3 e 4. Prite periudha me të reshura, kryesisht shiu, mirëpo në disa modele shfaqen sinjale bore.

Sulmi fizik ndaj Muhaxherit, reagon ministri i Kurtit

Ministri i MAPL-së, Elbert Krasniqi, ka reaguar për sulmin fizik ndaj kryetarit të komunës së Pejës, Gazmend Muhaxheri.

Krasniqi, përmes një postimi në facebook është shprehur se ky akt i sulmit është i papranueshëm.

Ndërsa ka shtuar se veprime të tilla nuk duhet të tolerohen.

“Sulmi ndaj Kryetarit Gazmend Muhaxheri, është akt i ulët dhe i papranueshëm. Drejtësia, duhet të vihet sa më shpejt në vend dhe veprime të tilla nuk duhet të tolerohen”, ka shkruar Krasniqi.