Ekskluzive: Lirohet nga burgu Shaban Gogaj, i dënuari për vrasjen e Agonis Tetajt

Dy javë më parë, Gjykata e Apelit ndryshoi aktgjykimin e Gjykatës Themelore në Prishtinë ndaj të akuzuarit Shaban Gogaj, sa i përket veprës penale “Mbajtja në pronësi, kontroll ose posedim i paautorizuar i armëve”, duke e dënuar me dy vjet burgim.

Ndaj Gogajt, u shqiptua dënim unik me 6 vjet e 6 muaj burgim.

Mirëpo, burime të IndeksOnline pohojnë se i njëjti është liruar dje nga burgu.

Më 15 mars 2024, Themelorja e kishte dënuar Gogajn me 7 vjet e 6 muaj burgim për vrasje nga pakujdesia

Në vendimin e Apelit, i cili është marrë, më 3 tetor 2024, thuhet se është aprovuar ankesa e mbrojtësit të Gogajt, avokatit Besnik Berisha përkitazi me vendimin mbi dënimin me burgim për pikën II të dispozitivit të aktakuzës, ndërsa aktgjykimi i Themelores u ndryshua sa i përket kësaj pike.

Agonis Tetaj u vra më 23 shtator të 2018-tës, në vendin e punës në Deçan.

Parandaloni këtë sëmundje me vetëm dy filxhanë kafe në ditë

Janë bërë të paktën 19 studime për rolin që mund të luajë kafeja në sëmundjen e parkinsonit dhe në përgjithësi, konsumimi i saj ul gati një të tretën e rrezikut. Përbërësi kyç është kafeina, duke qenë se edhe çaji ka veti mbrojtëse, ndërsa kafeja pa kafeinë jo.

 

 

 

Ashtu si fitoushqyesit e frutave të pyllit, edhe kafeina ka treguar se ka veti mbrojtëse ndaj qelizave nervore njerëzore, nga vrasja e pesticideve dhe neurotoksinave të tjera.

Por si ndikon kafja në trajtimin e parkinsonit?

Në një eksperiment rastësor të kontrolluar, pacientëve me parkinson u dhanë kafeinë ekuivalente me 2 filxhanë kafeje në ditë (ose përafërsisht 4 filxhanë çaji të zi ose 8 filxhanë çaji jeshil) dhe brenda tri javësh, u vunë re përmirësime të ndjeshme.

 

 

Natyrisht, një filxhan kafeje nuk kushton shumë, kështu që kompanitë farmaceutike janë munduar ta përshtatin kafeinën në ilaçe të reja eksperimentale, të tilla si preladenanti dhe istradefilina, shkruan noa.al. Por ato nuk funksionojnë më mirë se kafeja, e cila është shumë më e lirë dhe e sigurt.

“A po e shihni këtë gjyks, hajdeni”: Gani Geci kërkon ballafaqim me ata që vizatuan grafite kundër vëllait të tij

Gani Geci ka kërkuar ballafaqim me ata të cilët kanë vendosur grafite fyese kundër vëllait të tij Fadil Gecit, i cili ditë më parë dha dëshminë e tij në Hagë, në gjykimin kundër ish-krerëve të UÇK-së Hashim Thaçit, Kadri Veseli, Rexhep Selimi e Jakup Krasniqi.

“Këto grafitë denigruese mendoj se janë të iniciuara nga një organizatë Liria ka Emër, e nëse liria e ka emrin Hashime, po iu boj be që këto Hashimet kam qejf me i punu. Unë jam këtu para juve ditën, ata që më kanë vra shokët natën, kam thënë para 23 vjete, s’ko me lanë gur pa rrotullu për me i zbulu dhe tash iu ka ardh fundi, atyne iu ka kallë pak bishti, po iu duket qe u kall krejt dyjeja (bota)”, u shpreh ai.

Geci tutje tha se ata që i kanë vizatuar grafitet këtë e bëjnë vetëm natën, pasi sipas tij e kanë të qartë se ditën do përballeshin me ballafaqimin e tij.

“Atyne Facebookave fals që shkruajnë natën a? Për qato e shkruajnë natën, se e dinë ça ju boj me i nxon ditën, jau bëjë sikurse qasaj Hashimes. Për qato e shkruajnë natën. A po e shihni këtë gjyks hajdeni, Gani Geci është këtu”, u shpreh ai, ndërsa zhveshi edhe këmishën aq sa për të iu dukur pjesa e gjoksit.

Ish-pjesëtari i UÇK-së mes tjerash pretendoi se deklarata e vëllait të ish-presidentit Hashim Thaçit, Gani Thaçit u bë shkak të vritet familja Jashari.

“Vëllai i tij (i ish-presidentit Hashim Thaçit) Gani Thaçi ka qenë në UDB, pasha Zotin deklarata e Gani Thaçit e ka rrethuar familjen Jashari. Pasha Zotin, deklarata e Gani Thaçit e ka vra familjen Jashari. Mas një kohe ka me u marr vesh kjo”.

Geci tutje tha se vëllai i tij në Hagë ka folur veç kundër Thaçit, raporton Klankosova.tv.

“Gjithë ushtarët e Ushtrisë Çlirimtare të Kosovës ka thënë që janë të mirë, pos Hashimja s’po ju del bash e mirë. S’ka fol për Jakup Krasniqin kurrgjë, ka thënë Jakup Krasniqi ka shkru libra, ai ka thënë rren është kjo, kaq”.

Ai tha se dëshmitarët serbë e kanë vendin në Serbi, ndërsa tha se ata i ka ndjekur vetë, gjë që sipas tij se ka bërë Thaçi.

“Dëshmitarët serbë e kanë vendin në Serbi, i kam ndjek prej Kosovës në vitin 1999, jo Hashimja. Na jemi këtu, unë nuk iki prej Kosovës prej Hashimes”.

Geci tha se është i gatshëm të jap dëshminë e tij para Hagës, ndërsa theksoi se nëse do të ftohej, biletën do ta paguante vet.

“Biletën ko me pagu vet (për të dëshmuar), sepse tani thoni ke marrë pare. Edhe hotelin ko me pagu vet, veç nëse nuk më thirrin”.

Gjithë këto reagime të Gani Gecit, erdhën pasi në Prishtinë janë vendosur grafite fyese për villain e tij Fadil Gecin, i cili të martën, dhe të mërkurën dëshmoi në procesin gjyqësor ndaj ish-krerëve të UÇK-së.

“Shk* i biri i shk*nës”, shkruhet në grafit, njëri prej të cilëve është vendosur në pllakën përkujtimore të ushtarëve të KFOR-it e cila gjendet në sheshin “Nëna Terezë”, në Prishtinë. Mbi këtë shkrim është vendosur edhe një fotografi e Gecit, ku ai shihet duke dëshmuar në Hagë.

Grafitet kundër vëllait të tij, Gani Geci flet i mllefosur

Grafite ofenduese janë vendosur në Prishtinë ndaj ish-deputetit Fadil Geci.

Këto grafite vijnë disa ditë pasi ky i fundit dëshmoi në procesin gjyqësor ndaj ish-krerëve të Ushtrisë Çlirimtare të Kosovës (UÇK) në Hagë, Hashim Thaçi, Kadri Veseli, Rexhep Selimi e Jakup Krasniqi.

Lidhur me këto grafite rastin e hapi në polici vëllai i Fadilit, Ganiu i cili shtoi se Gjykata Speciale është e Republikës së Kosovës.

Më tej ai ka thënë se deklarata e Gani Thaçit e ka vrarë familjen Jashari. Ish- deputeti i LDK-së ka hedhur po ashtu akuza ndaj Hashim Thaçit.

Haxhi Avdyli: Dejona Mihali grua shumë e mirë, kur të flet të përqafon

Deputeti, Haxhi Avdyli, në një intervitsë për Gazetën Insajderi, ka vlerësuar lartë kryeministrin Kurti.

Ai quajti atë edhe si “enciklopedi që ecë”.

“Albin Kurti është njeri më inteligjent që kam taku ndonjëherë, është një enciklopedi që ecë. Momentin që takona me të mësoj shumë. Është fat i madh që e kemi atë njeri në dialog”, ka thënë ai.

 

 

Ndërsa, për Dejona Mihalin tha se është grua shumë e mirë, e hapur dhe e dashur.

“Me të vërtetë janë mundu me satanizu, por ajo është një gru shumë e mirë. Për shembull Dejona Mihali është një gru shumë e hapur, shumë e dashur. Për shembull kur të flet ajo nuk ka me të fol kështu si je doktor, por ka me të marrë e me të përqafu. Ajo tregon një afërsi si me qenë anëtar i familjes”, ka thënë Avdyli.

Nga 1 nëntori nuk do të jetë e lehtë të futeni në Francë

Turistët në Francë mund të përballen me kaos pasi vendi u bë anëtari i fundit i BE-së që forcoi kontrollet kufitare të Shengenit.

Franca filloi të ndjekë hapat e gjashtë anëtarëve të tjerë të BE-së, si Gjermania, e cila vendosi kontrolle të ngjashme dhe arsyeja për to është shqetësimi për migrimet në rritje.

Qeveria franceze tha se kontrollet do të futeshin për shkak të “kërcënimeve serioze ndaj politikës publike, rendit publik dhe sigurisë së brendshme të paraqitura nga aktivitetet terroriste të nivelit të lartë”. Ata theksojnë se rregullorja e re nuk do të prekë të gjithë pasagjerët dhe se kontrollet do të bëhen në kufi.

Megjithatë, ekspertët e udhëtimit paralajmërojnë se rreth 100 milionë turistë që vizitojnë Francën çdo vit mund të përballen me vonesa të mundshme në kufi.
Kontrollet e reja kufitare do të prekin rrugët tokësore, detare dhe ajrore të Francës me gjashtë anëtarët e saj fqinjë të Shengenit. Këto janë: Belgjika, Gjermania, Italia, Luksemburgu, Spanja dhe Zvicra.

Këto kufizime të reja duhet të hyjnë në fuqi, më 1 nëntor dhe të zgjasin deri më 1 prill të vitit të ardhshëm, por ekziston mundësia e një zgjatje shtesë.

Kjo është hera e parë që Franca ka nisur kontrolle të tilla që nga pandemia Covid-19.

Tre të vdekur në pak orë, zbardhen detajet

Sipas njoftimit të policisë, rreth orës 20:00, në tualetin e një hoteli në qendër të qytetit, është gjetur e pajetë shtetasja  M. A. 58 vjeçe, banuese në Malajzi, e cila dyshohet se ka pësuar arrest kardiak.

Ndërkohë, në territorin e fshatit Ducaj, në Njësinë administrative Shkrel, Mondi Makaj, 36 vjeç, dyshohet se duke prerë dru në mal, si pasojë e terrenit të vështirë është goditur nga gurë që bien nga mali. Për  pasojë 36 vjeçari ka humbur jetën.

Në vendin e quajtur Qafë Mugu, në Njësinë administrative Iballë, shtetasi B. K., 30 vjeç, dyshohet se ka  pësuar arrest kardiak dhe ka humbur jetën.

Ndërkohë grupi hetimor vijon punën për sqarimin e rrethana të këtyre rasteve.

Të shtëna me armë në Prishtinë

Dy persona të panjohur raportohet të kenë shtënë me armë zjarri në drejtim të një lokali dhe rrugën “Rrahim Beqiri” në Prishtinë.

Sipas raportit policor, të dyshuarit janë larguar në vendin e ngjarjes, mirëpo policia ka takuar dy viktimat të cilët kanë pësuar lëndime si pasojë e përleshjes fizike.

“Raportohet se dy të dyshuar të panjohur kanë shtënë me armë zjarri në drejtim të një lokali dhe janë larguar në drejtim të panjohur. Në vendin e ngjarjes kanë dal njësitë policore ku kanë takuar dy viktimat meshkuj kosovarë të cilët kanë pësuar lëndime trupore si pasojë e përleshjes fizike. Lidhur me rastin është njoftuar prokurori. Rasti nën hetime”, thotë më tej policia, shkruan Gazeta Imazhi.

Largohet kryqi që u vendos në Podujevë – PAMJE

Është larguar kryqi që u vendos gjatë ditës në Podujevë.

Llapi.info ka shkuar në vendngjarje në fshatin Bajqinë të Podujevë, ku ka konfirmuar se kryqi që u vendos në varreza të fshatit tashmë nuk gjendet aty.

Ai ishte vendosur gjatë ditës, gjë që ka shtyrë edhe reagimin e banorëve.

Ata e kanë cilësuar si provokim këtë veprim.

“Situata në veri e tensionuar, mund të përshkallzojë”

Sekretari i Përgjithshëm i Kombeve të Bashkuara, Antonio Guterres, ka vlerësuar se situata në veri të Kosovës është e tensionuar, me mundësi përshkallëzimi.

Në raportin e tij të rregullt, i cili do të diskutohet në Këshillin e Sigurimit të OKB-së më 30 tetor, ai ka deklaruar se veprimet e “njëanshme”, si mbyllja e institucioneve të financuara nga Beogradi, kufizimi i qarkullimit të mallrave dhe shpallja e hapjes së urës mbi Ibër, rrisin tensionet.

“Atmosfera në veri të Kosovës është ende e tensionuar, me mundësinë e përshkallëzimit ende të pranishme. U bëj thirrje të gjitha palëve që të përsërisin angazhimin e tyre për dialogun me ndërmjetësimin e Bashkimit Evropian dhe të zbatojnë plotësisht marrëveshjet ekzistuese”, tha Guterres në raportin e rregullt gjashtëmujor për gjendjen në Kosovë.

 

 

Ai paralajmëroi se këto lëvizje “ngrenë tensionet dhe zvogëlojnë besimin midis komuniteteve dhe minojnë komunitetet dhe institucionet”.

“Është e një rëndësie thelbësore që lëvizjet e liderëve politikë të jenë në përputhje me nevojat dhe të drejtat e të gjitha komuniteteve”, tha Guterres.

Guterres tha gjithashtu se “incidenti serioz i sigurisë në Banjskë më 23 shtator të vitit të kaluar është një tregues i nevojës që të gjitha palët të bashkëpunojnë në kërkimin e drejtësisë dhe se sqarimi i incidenteve të tilla është i një rëndësie kyçe për rivendosjen e besimit”.