“Mbështetja për pensionistët nuk përfundon këtu”, çfarë po paralajmëron Kurti

Kryeministri i Kosovës, Albin Kurti, ka folur sërish për rritjen e pensioneve prej 20 për qind që u bë në fillim të javës.

Në mbledhjen e 223 të Qeverisë, ai ka theksuar se rritja fillon të zbatohet qysh nga ky muaj, ndërsa nga janari 2025 pritet të rriten pensionet e përcaktuara me Ligjin për Kategoritë e Luftës.

 “Kjo javë nisi me një lajm të mirë për pensionistët. Duke filluar nga ky muaj do të zbatohet rritja prej 20 për qind për pensionin bazik të moshës, atë kontributpagues, të plotë dhe parcial, pensionin e aftësisë së kufizuar për fëmijë dhe të rritur, për të verbër, për punëtorët e Trepçës. Ndërsa nga janari 2025 do të rriten edhe pensionet të përcaktuara me Ligjin për kategoritë e luftës, familjet e dëshmorëve, invalidëve, dëshmorëve, veteranëve, pjesëtarëve të UÇK-së, viktimave të dhunës seksuale, civile dhe familjeve të tyre”, ka thënë Kurti.

Ai ka sqaruar edhe rritjen për këtë kategori se si funksionon.

“Ata që kanë më shumë se një familjar dëshmorë apo të zhdukur do të ndryshojë formula e llogaritjes për anëtarët e tjerë. Nga 20 për qind sa është, shtesa do të llogaritet si 50 për qind e bazës për secilin anëtar tjetër dëshmorë apo të zhdukur”, është shprehur kreu i Qeverisë.

Kurti po ashtu ka bërë të ditur se mbështetja ndaj pensionistëve nuk do të përfundojë me kaq.

“Puna jonë për rritjen e mbështetjes së pensionistëve nuk përfundon me kaq, vazhdon edhe më tej. Me punën tonë drejt finalizimit drejt reformës pensionale, e cila do të sigurojë se ata që kontribuan më shumë për këtë vend të kenë edhe trajtimin përkatës e të dinjitetshëm. Kur kemi hyrë në 6 mujorit e fundit, pensionet, ai bazik është rritur nga 90 në 120, në anën tjetër, katër herë kemi pasur mbështetje financiare nga 100 euro”.

“Prandaj të gjitha këto rritje janë bërë për të zbatuar programin tonë, që ata të cilët kanë nevojë t’ju ndihmojmë më shumë, dhe gjithashtu nuk paraqet reformën pensionale ende të cilën do ta bëjmë në një të ardhme të afërt”, ka potencuar ai.

E dhimbshme: Sot do ti jepet lamtumira e fundit vogëlushit nga Mitrovica

Dje ka ndërruar jetë vogëlushi nga Mitrovica, Korab Sheremeti, duke lënë pas një dhimbje të madhe te familja dhe miqtë e tij.

Lajmin e trishtë për ndarjen nga jeta të tij e ka bërë të ditur familja Sheremeti, e cila ka njoftuar se varrimi i Korabit do të bëhet sot, më 9 tetor, në varrezat e qytetit në Shipol.

Ky lajm ka prekur thellë komunitetin e Mitrovicës, pasi Korabi ishte një fëmijë i dashur dhe i njohur mes bashkëmoshatarëve të tij.

Ai ishte nxënës i shkollës fillore “Fazli Graiçevci” në Shipol, ku kishte ndërtuar miqësi të forta me shokët dhe shoqet e klasës. Mësuesit dhe nxënësit e shkollës janë të tronditur nga lajmi për humbjen e tij të parakohshme, ndërsa kujtojnë Korabin si një djalë energjik, i sjellshëm dhe i përkushtuar në mësime.

Familja Sheremeti ka pranuar ngushëllime të shumta nga të afërmit, fqinjët dhe miqtë e tyre, të cilët janë solidarizuar me dhimbjen e madhe që po përjetojnë. Ata e përshkruajnë Korabin si një fëmijë me zemër të madhe, i cili gjithmonë kishte buzëqeshje në fytyrë dhe sillte gëzim në ambientet ku ndodhej.

Varrimi i tij do të mbahet sot, dhe qyteti i Mitrovicës pritet të bashkohet në një ceremoni të ndjerë për t’i dhënë lamtumirën e fundit këtij vogëlushi të dashur.

Kujtimi i tij do të mbetet i paharrueshëm në zemrat e të gjithë atyre që e kanë njohur.

Momenti kur Vuçiq nervozohet me gazetarin malazez që iu referua Kosovës si Republikë – VIDEO

Gjatë ditës së djeshme presidenti i Serbisë, Aleksandër Vuçiq, foli para gazetarëve në Mal të Zi, aty ku po merrte pjesë në samitin e liderëve të procesit Bërdo-Brione që u mbajt në Tivat

Një gazetar i televizionit të Podgoricës e pyeti Vuçiqin për situatën me Kosovën duke përdorur termin “Republika e Kosovës”, duke i renditur atij se çfarë kishte ndodhur që nga ardhja e SNS në pushtet.

“Faleminderit që e bëtë këtë. Po të mos e kishit bërë, shumë do të dyshonin në fjalët e mia. Kështu u bindën të gjithë se sa të drejtë kam unë. Nuk ka Republikë të Kosovës, nuk ekziston sipas të drejtës publike ndërkombëtare”.

“Nuk ekziston sipas Kartës së Kombeve të Bashkuara, nuk ekziston sipas Rezolutës 1244. Nuk më shqetëson fakti që ju gëzoheni dhe doni të provokoni qëllimisht duke thënë Republika e Kosovës, imagjinoni që po flas për “Republika e Gusinjes” apo “Republika e Pljevljes” nuk do të flas kështu sepse nuk ekziston”, tha Vuçiq dhe shtoi se Kosova është pjesë e territorit të Serbisë.

Gazetari filloi t’i përgjigjej dhe më pas Vuçiq filloi të tundte gishtin.

“Mos më ndërprisni, hej, ngrihuni pak, ngrihuni pak dhe mos më ndërprisni, se unë dëgjova me kujdes gjithçka. Pra, ne kemi vërtetuar se ju nuk e mbështesni rezolutën 1244 dhe Kartën e OKB-së. Ne kanë vërtetuar se ju përkrahni ndarjen e Republikës së Serbisë dhe lëvizjet separatiste në territorin e Serbisë. Nuk do të ketë ndryshim qëndrimi. Sa për kartat e identitetit dhe gjithçka tjetër, unë jam i kënaqur për të gjitha. Ne kemi qenë gjithmonë për tregtinë e lirë, fluksin e mallrave, kapitalit, shërbimeve, gjithçka. Nuk ka të bëjë me statusin shtetëror-juridik”, tha Vuçiq.

Shikojeni këtë pjesë në videon e mëposhtme nga minuta 20:15.

Apeli vendos për herë të dytë: Shaban Gogaj dënohet me 6 vjet e 6 muaj burgim për vřasjeñ e Agonis Tetajt

Gjykata e Apelit ka aprovuar ankesën e mbrojtësit së të akuzuarit Shaban Gogaj, ashtu që ka ndryshuar aktgjykimin e Gjykatës Themelore në Pejë lidhur me veprën penale mbajtja në pronësi, kontroll apo posedim të paautorizuar të armëve, përkitazi me vendimin për dënimin me burgim, duke i shqiptuar të njëjtit dënim unik me burgim në kohëzgjatje prej gjashtë 6 vite e 6 muaj.

Ndërsa, ka refuzuar si të pabazuara ankesat e Prokurorisë Themelore në Gjilan, të përfaqësuesve të autorizuar të palëve të dëmtuara, si dhe mbrojtësit së të akuzuarit Shaban Gogaj, për pikën I të dispozitivit të aktgjykimit.

“Gjykata Themelore në Pejë – Departamenti për Krime të Rënda, me aktgjykimin PKR.nr.50/2023, të dt.16.05.2024, ka shpallur fajtor të akuzuarit, Sh.G., për veprat penale, vrasje nga pakujdesia nga neni 181 të KPK dhe mbajtja në pronësi, kontroll apo posedim të paautorizuar të armëve nga neni 374 paragrafi 1 të KPK, dhe I.C., për veprën penale mbajtja në pronësi, kontroll apo posedim të paautorizuar të armëve nga neni 374 paragrafi 1 të KPK, duke i shqiptuar të akuzuarit Sh.G., dënim unik me burgim në kohëzgjatje prej shtatë (7) vite e gjashtë (6) muaj, ndërsa të akuzuarit I.C., dënim me gjobë në shumën prej dymijë euro (2.000€)”.

Në arsyetim të aktgjykimit gjykata e shkallës së dytë, ka vlerësuar se aktgjykimi i ankimuar nuk përshihet në shkelje esenciale të dispozitave të procedurës penale, pasi që gjykata e shkallës së parë në mënyrë të qartë dhe të plotë ka vlerësuar saktësinë e të gjitha provave nga shkresat e lëndës.

Arrestohet zëvendësministri i Qeverisë Kurti, në gjendje të dehur goditi motoçiklistin

Ali Tafarshiku, Zëvendësministri i Zhvillimit Rajonal, është arrestuar pas një incidenti të rëndë në Gjakovë, ku dyshohet se ka goditur një person që ishte duke udhëtuar me motoçikletë, ndërsa ishte në gjendje të dehur.

Sipas raportimeve të Insajderit, gjendja e viktimës është e rëndë dhe është dërguar për trajtim mjekësor, përcjell “Jepi zé”

Ngjarja ka ndodhur mbrëmjen e kaluar, duke shkaktuar shqetësim të gjerë në komunitet. Tafarshiku është anëtar i partisë Alternativa, e cila drejtohet nga Mimoza Kusari.

Arrestimi i tij ka ngritur pyetje mbi përgjegjshmërinë e zyrtarëve publikë, veçanërisht në situata të tilla që përfshijnë shkelje të ligjit dhe rrezik për jetën e tjerëve.

Policia e Kosovës ka filluar një hetim të plotë mbi këtë rast. Kjo ngjarje vjen në një kohë kur tema e sigurisë në rrugë dhe ndjeshmëria ndaj alkoolit vazhdojnë të jenë çështje të rëndësishme në shoqërinë tonë./

Tre të arrestuarit për sulmin terrorist në Banjskë deklarohen të pafajshëm

Asnjëri nga tre të akuzuarit për sulmin terrorist në Banjskë të Zveçanit një vit më parë, nuk ka pranuar fajësinë.

Blagoje Spasojeviq, Vladimir Toliq dhe Dushan Maksimoviq kanë refuzuar të pranojnë se janë të fajshëm për akuzat ndaj tyre.

Me kaq ka përfunduar shqyrtimi fillestar dhe ka përfunduar seanca.

Blagoje Spasojeviq, Vladimir Toliq dhe Dushan Maksimoviq janë vetëm tre nga 45 personat që akuzohen për sulmin terrorist në Banjskë.

Kurti nis ditën në veri, pritet…

Kryeministri i vendit, Albin Kurti po qëndron në pjesën veriore të vendit.

Ai ka vizituar Komunën e Leposaviqit ku pritet që të zhvillojë takim me kryetarin e kësaj komune, Lulzim Hetemi.

Po ashtu gjatë ditës Kurtit do të marrë pjesë në hapjen e pikës më të re të Interex-it, në Leposaviq.

I pari i qeverisë edhe para disa javësh kishte vizituar veriun e Kosovës. Vizita e tij është përcjell nga forca të shtuara të sigurisë.

Reoni i vogël ka nevojë urgjente për ndihmën tuaj

Është vetëm një vjeçar, por jeta ka sjellë shumë vështirësi për shëndetin e tij. Reoni i vogël nga Prishtina, vuan nga një problem serioz në zemër.

Problemin, Reoni e ka pasur që nga lindja.

Nëna e Reonit, Ermira, ka bërë me dije se duhen më shumë se 32 mijë euro për trajtimin e djalit të saj jashtë Kosovës.

Nevoja për këtë rast, është urgjente. Andaj ndihma juaj, është jetike për jetën e Reonit të vogël.

Më poshtë të dhënat për ndihmë:

Numri i llogarisë për ndihmë është:

2014000209809435 TEB

IBAN XK052014000209809435

Swift code : TEBKXKPR

Emri i pranuesit Nëna : Ermirë Selimi – Prishtinë

Për çdo paqartësi dhe informata shtesë  mund të kontaktoni në numrat e telefonit: 043778738 dhe 049995155

E dhimbshme: Vdes vogëlushi nga Mitrovica

Një lajm i dhimbshëm ka prekur sot të gjithë mitrovicasit.

Familjarët kanë njoftuar se ka vdekur vogëlushi Korab Sheremeti, shkruan “Jepi zë”.

“Te Allahut jemi dhe te aj do te kthehemi .Sot me date 08.10.2024 ndrroj jet me i dashtuni djali i jone i vetum Korab Sheremeti. Varrimi me date 09.10.2024 me drek ne varrezat e qyetit ne Shipol”, thuhet në njoftim.

Ky është zyrtari i ministrisë së Liburnit i cili po kërkohet nga Prokuroria, thotë se “kam me u kthy pasnesër”

Naser Hafizi, drejtor i Autoritetit Rajonal të Pellgjeve Lumore në Ministrinë e Infrastrukturës, është duke u kërkuar nga Prokuroria Speciale për “keqpërdorim të detyrës apo autoritetit zyrtar”, “shpëlarje e parave” dhe “mosraportim apo raportim të rremë të pasurisë”.

Hafizi nuk është gjetur në vendbanimin e tij kur autoritetet e sigurisë e kërkuan atë.

Në një lidhje të drejtpërdrejtë në Debat Plus Hafizi tha se gjendet në një udhëtim jashtë vendit. Ai u zotua se do të rikthehet në Kosovë pas dy dite.

“Patjetër, patjetër, unë ketë çështje e kam kërku publikisht me u hetu deri në fund. Kam me u kthy pasnesër, e kam aeroplanin niset në mëngjes, diku ka ora 3-4”, tha ndër të tjera Hafizi.