Qeveria mban mbledhje elektronike, merr këto vendime

Qeveria e Republikës së Kosovës ka mbajtur mbledhje elektronike, e 224-ta me radhë, në të cilën ka miratuar:

-Rritjen e shumës së përfitimit të skemave Pensionale të financuara nga shteti duke filluar nga muaji tetor 2024, për skemat dhe nën-programet si në vijim:

1.1. Pensionet bazike – sociale, nga shuma aktuale prej njëqind euro (100.00€) në shumën prej njëqind e njëzetë euro (120.00€).

1.2. Pensioni kontributdhënës I – nga shuma aktuale prej njëqind e tetëdhjetë e dy euro (182.00€) në shumën prej dyqind e tetëmbëdhjetë euro e dyzetë cent (218.40€).

1.3. Pensioni kontributdhënës II – nga shuma aktuale prej njëqind e nëntëdhjetë e tetë euro (198.00€) në shumën prej dyqind e tridhjetë e shtatë euro e gjashtëdhjetë cent (237.60€).

1.4. Pensioni kontributdhënës III – nga shuma aktuale prej dyqind e katërmbëdhjetë euro (214.00€) në shumën prej dyqind e pesëdhjetë e gjashtë euro e tetëdhjetë cent (256.80€).

1.5. Pensioni kontributdhënës IV – nga shuma aktuale prej dyqind e gjashtëdhjetë e pesë euro (265€) në shumën prej treqind e tetëmbëdhjetë euro (318€).

1.6. Skema e fëmijëve me aftësi të kufizuar 1-18 – nga shuma aktuale prej njëqind euro (100€) në shumën prej njëqind e njëzetë euro (120€).

1.7. Pensionet e aftësisë së kufizuar – nga shuma aktuale prej njëqind euro (100€) në shumën prej njëqind e njëzetë euro (120€).

1.8. Pensioni për personat e verbër I – nga shuma aktuale prej njëqind e njëzetë e pesë plus njëqind e njëzetë e pesë euro (125+125€) në shumën prej njëqind e pesëdhjetë plus njëqind e pesëdhjetë euro (150+150€).

1.9. Pensioni për personat e verbër II – nga shuma aktuale prej njëqind e njëzetë e pesë euro (125€) në shumën prej njëqind e pesëdhjetë euro (150€).

1.10. Pensioni për personat paraplegjikë dhe tetraplegjikë I – nga shuma aktuale prej njëqind e pesëdhjetë plus njëqind e pesëdhjetë euro (150+150€) në shumën prej njëqind e tetëdhjetë plus njëqind e tetëdhjetë euro (180+180€).

1.11. Pensioni për personat paraplegjikë dhe tetraplegjikë II – nga shuma aktuale prej njëqind e pesëdhjetë euro (150€) në shumën prej njëqind e tetëdhjetë euro (180€).

1.12. Pensioni familjar – nga shuma aktuale prej njëqind euro (100€) në shumën prej njëqind e njëzetë euro (120€);

1.13. Pensioni invalidor i punës – nga shuma aktuale prej njëqind euro (100€) në shumën prej njëqind e njëzetë euro (120€).

1.14. Pensioni i parakohshëm për Trepçën – nga shuma aktuale prej njëqind e njëzetë e gjashtë euro (126€) në shumën prej njëqind e pesëdhjetë e një euro e njëzetë cent (151.20€).

– Emëruar Komisionin Ad hoc për Vlerësimin Profesional për Pranim për Pozitën e Lartë të Kategorisë Drejtuese: Sekretar i Përgjithshëm në Ministrinë e Ekonomisë, në këtë përbërje:

Qeveria ndan 200 mijë euro për vërshimet në Bosnje

Qeveria e Republikës së Kosovës sot ka miratuar vendim për ndarjen e mjeteve buxhetore, pas vërshimeve në Bosnje e Hercegovinë.

Në mbledhjen e sotme elektronike, Qeveria vendosi të ndajë 200 mijë euro ndihmë për rimëkëmbje nga fatkeqësia natyrore, shkruan IndeksOnline.

Kërkesa për të ndarë këto mjete ishte parashtruar nga ministrja e Punëve të Jashtme dhe Diasporës, Donika Gërvalla, në mbledhjen e Qeverisë të mërkurën.

“Kërkesë si MPJD për solidarizim me Bosnjën në një situatë që vërshimet kanë shkaktuar dëme shumë të mëdha, do të kërkoja solidarizmin me një shumë prej 200 mijë euro. Nëse nuk ka kundërshtim këtu, atëherë kryeministër do të dërgonim kërkesën zyrtare” deklaroi Gërvalla.

E dhimbshme: Ky është punëtori që vdiq në vendin e punës

Gjatë ditës së sotme ka ndodhur një ngjarje e rëndë në Mitrovicë, përkatësisht në parkun industrial ‘Trepça’, pasi një person humbi, raporton Sinjali.

Sinjali mëson se bëhet fjalë për Miftar Fejza i cili humbi jetën në vendin e punës, ku punonte si roje.

Viktima u dërgua në spital mëngjesin e sotëm pa shenja jete, ku dhe u konstatua vdekja.

Me urdhër te prokurorit, trupi është dërguar në IML për obduksion dhe rasti është iniciuar si “Vdekje e dyshimte”.

Meka goditet nga një stuhi e tmerrshme, uji bart pemë dhe makina

Meka, qyteti i shenjtë është përmbytur nga shirat që kanë rënë pandërprerë ditëve të fundit. Meka është qytet me rreth 1.4 milionë banorë në pjesën perëndimore të Arabisë Saudite.

Qendra Kombëtare e Meteorologjisë ngriti në të kuqe nivelin e paralajmërimit për zonat e Mekës, Al-Baha dhe Asir për shkak të reshjeve të dendura të shiut të shoqëruar me bubullima dhe vërshime, të cilat priten të vazhdojnë deri në orët e mbrëmjes.

“Ministri Maqendonci i ka dorëzuar dorëheqjen te Kurti“

Ganimete Musliu, deputete e Partisë Demokratike të Kosovës (PDK), ka thënë se ka marrë informacione të pavërtetuara që ministri i Mbrojtjes, Ejup Maqedonci, ka dorëzuar dorëheqjen e tij te kryeministri Albin Kurti, në lidhje me zhvillimet e fundit në këtë ministri.

Musliu ishte duke komentuar raportimet e fundit në lidhje me mungesën e ushqimit për ushtarët e Forcës së Sigurisë së Kosovës (FSK), gjë për të ciën edhe komandanti i FSK-së, gjenerallejtënant Bashkim Jashari, ka dërguar një letër Ministrit të Mbrojtjes, Ejup Maqedoncit, duke shprehur shqetësimet për vështirësitë në furnizimin me ushqim.

Musliu theksoi se ende nuk ka një konfirmim nga Kurti për këtë dorëheqje.

“Kam informacione të pavërtetuara që Maqedonci e ka dorëzuar dorëheqjen te Kurti. Po ende nuk e ka konfirmuar Kurti.

Kështu që ata njerëz që kanë kontribuuar me dekada në forcimin e shtetit, në forcimin e ushtrisë së Kosovës, unë jam shumë e bindur nuk pranojnë të poshtërohen në këtë mënyrë nga Albin Kurti dhe njerëz parazitë që janë rreth Albin Kurtit”, ka thënë deputetja e PDK-së në FIVE të Dukagjinit.

Këtë informacion e kanë mohuar nga Ministria e Mbrojtjes.

“Jo, nuk është e vërtetë”, ka thënë zëdhënësja e ministrisë së Mbrojtjes, Liridona Gashi.

“Albin Kurti bënë hajgare me ushtrinë e Republikës sonë dhe i lënë pa bukë”

Deputetja e PDK-së Ariana Musliu Shoshi, tha se kryeministri Kurti duhet të mbajë duart larg ngaUshtria e Kosovës

Ajo tha se ndodhitë e fundit me ushqimin e FSK-së janë të pafalshme.

“Albin larg duart nga Ushtria e Kosovës!Nuk të lejojmë ta shkatërrosh!Shteti agresor nga i cili jemi çliru me luftë e me sakrificë blenë nga Franca avionë luftarak, ndërsa Albin Kurti bënë hajgare me ushtrinë e Republikës sonë dhe i lënë pa bukë! E pafalshme! E turpshme!”, tha ajo.

Insajderi ka publikuar ekskluzivisht letrën e Komandanti të Forcës së Sigurisë së Kosovës (FSK), Bashkim Jashari i cili i është drejtuar me një kërkesë ministrit të Mbrojtjes, Ejup Maqedonicit që të bëjë zgjidhje konkrete sa i përket ushqimit të ushtarëve, në të kundërtën do të detyrohen të marrin masa.

Pamjet me dron zbulojnë shkallën e përmbytjeve në Florida

SHBA- Pamjet me dron zbulojnë shkallën e përmbytjeve në Siesta Key, Florida, ku shtëpitë janë përfshirë nga uji. Uragani “Milton” zbarkoi në Siesta Key, rreth 112 kilometra në jug të Tampas, të mërkurën vonë.Banorët e evakuuar tani po kthehen në shtëpitë e tyre për të vlerësuar shkallën e dëmit që u ka shkaktuar Milton dhe për të zbuluar nëse shtëpitë e tyre janë shkatërruar tërësisht apo i kanë shpëtuar stuhisë, shkruan skynews.

Midis Siesta Key dhe Fort Myers Beach, nivelet maksimale të ujit arritën 1 deri në 3 metra mbi nivelin e tokës, sipas një analize paraprake të postuar nga Qendra Kombëtare e Uraganeve. Autoritetet kanë paralajmëruar se niveli i ujit mund të rritet për disa ditë.

Sakaq, përveç dëmeve materiale, nga uragani kanë mbetur të vdekur 16 njerëz. Ndërsa “Milton” nuk shkaktoi valën katastrofike për të cilën kishte frikë Florida, operacioni i pastrimit të shtetit mund të zgjasë me javë ose muaj për disa njerëz.

Ish-Kryeministri Boris Johnson në librin e ri përmend Thaçin: Kosova në periudhë të vështirë, ai u detyrua…

Ish-kryeministri i Britanisë së Madhe, Boris Johnson, ditë më parë ka botuar një libër me memoaret e karrierës së tij si kryeministër britanik. Në librin që mban titullin “Unleashed”, Johnson ka përmendur shumë burrështetas botërorë.

Johnson aty shkruan edhe për marrëdhëniet e tij shumë të mira me ish-presidentin e Kosovës, Hashim Thaçin.

Ai shkruan se me presidentin Thaçi ruan kujtime shumë të mirë në takimet e shumta që kanë zhvilluar.

“Unë pata një pritje shumë të ngrohtë nga presidenti Hashim Thaçi dhe kam mbajtur gjithmonë marrëdhëniet më miqësore me të”, shkruan ish-kryeministri britanik në librin e tij.

Në librin “Unleashed” që ka dalë në shitje në fillim të kësaj jave, Johnson flet për një periudhë shumë të vështirë që gjendet Kosova, pasi Thaçi u detyrua që të jepte dorëheqje si President i Kosovës.

Ish-presidenti Hashim Thaçi kishte zhvilluar shumë takime me ish-kryeministrin britanik Johnson në Londër, New York dhe në vende të tjera të botës.

 

 

“Erdogani miliona investime në Serbi, e shqiptarëve po u ndërton xhami”

Profesori universitar dhe analisti politik, Blerim Latifi, ka komentuar lidhur me përurimin e një xhamie të re që është bërë dje në Tiranë e ku ka marrë pjesë edhe presidenti turk, Recep Tayip Erdogan.

Latifi ka thënë se Erdogan po investon në Serbi miliona euro, ndërkohë që shqiptarëve po u ndërton xhami të stilit otoman.

“N’Beograd Erdogani paska thanë se “marrëdhëniet e Turqisë me Serbinë janë në një epokë të artë”. Sigurisht, ky është termi më i saktë për të përshkruar faktin për miliarda investime që shteti turk ka bërë në Serbi, ndërsa marrëveshjet dypalëshe përfshijnë të gjitha fushat, përfshi edhe industrinë e armatimeve. Ndërkaq, shqiptarëve u ndërton xhami dhe investime në restaurime të objekteve të periudhës otomane. Një aforizmë e moçme thotë : Budallës mos i zbrit as teposhtë!|”, ka shkruar Latifi.

Momenti kur kamioni del nga rruga dhe godet veturat në Veternik – VIDEO

Një aksident trafiku ka ndodhur sot në Veternik, ku janë përfshirë 11 vetura dhe një kamion, e si pasojë e të cilit 11 persona kanë mbetur të lënduar.

Lajmin e ka konfirmuar zëdhënësja e Policisë për rajonin e Prishtinës, Flora Ahmeti.

“Sot rreth orës 14:30 kemi pranuar informatën se në Veternik ka ndodhë një aksident trafiku. Në këtë aksident kanë qenë të përfshirë një kamion dhe 11 automjete. Bazuar në të dhënat e deritanishme, si pasojë e aksidentit lëndime  trupore kanë pësuar 11 persona”, ka thënë ajo për Sinjalin.

Në media është publikuar edhe momenti i aksidentit, ku kamioni del nga korsia kryesore dhe godet veturat duke shkaktuar një aksident zinxhiror.