Lajmi i Fundit
Serbia në prag të humnerës, ja çka paralajmëroi Vuçiq
Ish-anëtari i LVV-së: Gabimi më i madh në jetë që isha pjesë e asaj partie
Beogradi merr vendim për ish-ushtarin e UÇK-së
Adriana Matoshi i kthehet Lushtakut pasi e ofendoi rëndë, duke quajtur “shtëpi publike”
Kusari: Sami Lushtaku e quajti prostitutë Adriana Matoshin që ia përmendi tokat publike, turp
Specialja merr një vendim për Thaçin
Sami Lushtaku: Adriana Matoshi është si me dalë prej një shtëpie publike, e jo që është deputete
Sami Lushtaku: Unë mendimin nuk e ndryshoj, për mua Lladrovci nuk është kurrë më PDK
Trafiku Urban me njoftim të rëndëishëm
Policia po e kërkon këtë person për vjedhje, ia publikon foton
Shala: Kurti e Peci në burg
Gazeta Imazhi LAJME
Shala: Kurti e Peci në burg

Analisti politik, Azdren Shala ka deklaruar se kryetari i VV-së, Albin Kurti, dhe kryetari i zgjedhur i Mitrovicës, Faton Peci duhet të arrestohen e të burgosen, në qoftë se verifikohen dyshimet për vjedhje të votave në këtë komunë.

Në “Rubikon” të Klan Kosovës, Shala po ashtu deklaroi se VV-ja ka “poshtuar” Mitrovicën e Jugut, transmeton Klankosova.tv.

“Nëse kjo akuzë vërtetohet, duhet me shku në burg akterët e krimit, Albin Kurti e Faton Peci. Nuk durohen kështu këta”, deklaroi Shala.

Gjatë ditës së hënë, në Qendrën Komunale të Numërimit në Mitrovicë, është ndalur numërimi i votave, pasi Policia dhe Prokuroria u futën brenda kësaj qendre, megjithëse prokurori Shpëtim Peci ka dhënë urdhrin për vazhdim të numërimit.

Lidhur me këtë, Shala tha se nëse procesi i numërimit të votave të shkojë në rregull, sipas tij, duhet të ndërrohet prokurori.

Dyshimet për parregullsi në Mitrovicë, KQZ: Disa prej fletvotimeve janë shtypur me gabim teknik
Gazeta Imazhi LAJME
Dyshimet për parregullsi në Mitrovicë, KQZ: Disa prej fletvotimeve janë shtypur me gabim teknik

Komisioni Qendror i Zgjedhjeve (KQZ) ka reaguar pas ndërprerjes së numërimit të votave në Mitrovicë të Jugut, duke sqaruar se në disa prej dengjeve të fletëvotimeve është vërejtur një gabim teknik gjatë shtypjes së njërit prej elementeve të fletëvotimit – konkretisht në kodin e vendvotimit.

Në komunikatën për media, KQZ ka bërë të ditur se kjo çështje është konstatuar pas informacioneve të pranuara nga Komisionet Komunale të Zgjedhjeve në Gjakovë dhe Mitrovicë të Jugut.

Sipas njoftimit, KQZ ka komunikuar me kompaninë përgjegjëse për shtypjen e fletëvotimeve, e cila ka pranuar mundësinë që gabimi të ketë ndodhur në printerin mekanik që vulos të dhënat variabile. Kompania ka konfirmuar se në ditët në vijim do të përgatisë një sqarim zyrtar lidhur me këtë rast.

“Është me rëndësi të theksohet se numri i përgjithshëm i fletëvotimeve të shtypura është evidentuar saktë. Për më tepër, për secilin vendvotim, fletëvotimet e shtypura kanë numra serikë të shënuar në pjesët amë të fletëvotimeve, të cilët përputhen plotësisht me numrin e fletëvotimeve të pranuara dhe të verifikuara deri më tani në Qendrën Komunale të Mitrovicës së Jugut dhe Gjakovës,” thuhet në njoftimin e KQZ-së.

Po ashtu, KQZ ka siguruar publikun, votuesit dhe të gjithë akterët e përfshirë në procesin zgjedhor se ky gabim teknik nuk ndikon në integritetin e procesit të votimit apo të numërimit të votave.

“Fletëvotimet përmbajnë elemente të shumta sigurie që garantojnë se ato nuk mund të falsifikohen apo kopjohen,” përfundon komunikata.

Dyshimet për blerje votash në Mitrovicë, flet Prokurori
Gazeta Imazhi LAJME
Dyshimet për blerje votash në Mitrovicë, flet Prokurori

Prokurori i Prokurorisë Themelore të Mitrovicës, Shpëtim Peci, ka konfirmuar se është ndërprerë numërimi i votave në Mitrovicë, derisa KQZ të bëjë verifikimin e nevojshëm.

IPeci ka thënë në Pressing se “momentalisht nuk është duke vazhdu numërimi derisa ekspertët e KQZ të bëjnë verifikimin”.

Edhe Njësia Speciale vendoset tek Qendra e Numërimit në Mitrovicë
Gazeta Imazhi LAJME
Edhe Njësia Speciale vendoset tek Qendra e Numërimit në Mitrovicë

Edhe Njësia Speciale vendoset tek Qendra e Numërimit në Mitrovicë

Mediat lokale kanë publikuar pamje nga momenti.

Ndryshe, Shpëtim Peci, prokurori i ngarkuar me hetimi për dyshimet lidhur me vjedhjen e votave në Mitrovicë të Jugut ka folur lidhur me çështjen.

Ai thotë se po pritet ekipi i KQZ-së, të bëjë verifikimin e fletëvotimeve.

“Jemi duke e pritë ekipin e KQZ-së që me I sqaru çështjet teknike të fletëvotimeve. Aktualisht jemi në Qendrën Komunale të Numërimit, kështu që për rezultatet e mëvonshme të hetimeve do të flasim më vonë”, tha prokurori

Përditësimi i fundit të votave nga Mitrovica: Ky është rezultati
Gazeta Imazhi LAJME
Përditësimi i fundit të votave nga Mitrovica: Ky është rezultati

Numërimi i votave në Qendrën Komunale të Numërimit në Mitrovicë  për balotazhin mes Faton Pecit dhe Arian Tahirit për kryetar të komunës po vazhdon.

Pas raportimeve për dyshime, tashmë janë përditësuar të dhënat e 25 vendvotimeve që janë procesuar nga KQZ, raporton Klankosova.tv

Sipas këtij përditësimi, nga kjo përqindje, 4 mijë e 186 vota janë për Pecin, ndërsa 4 mijë e 154 për Tahirin.

Sipas Rregullores Zgjedhore të KQZ-së për Qendrat Komunale të Numërimit, në këto qendra bëhet verifikimi i rezutateve nga formularët që janë plotësuar në vendvotime, pas numërimit të fletëvotimeve. /Klankosova.tv

Paralajmërohet rivotim në Mitrovicë
Gazeta Imazhi LAJME
Paralajmërohet rivotim në Mitrovicë

Policia dhe Prokuroria kanë shkuar në qendrën e numërimit të votave për zgjedhjet në Mitrovicë.

Ismet Kryeziu nga KDI ka thënë se nëse është numër i madh i votave mund të shkohet në rivotim.

“Nëse është për pak vota nuk shkon. Por kur është numër i madh mund të shkojë”, ka thënë ai. /Gazeta Express

 

Katër policë të Podujevës pezullohen nga detyra – dyshohet për keqtrajtim të qytetarëve, njëri i mitur
Gazeta Imazhi LAJME
Katër policë të Podujevës pezullohen nga detyra – dyshohet për keqtrajtim të qytetarëve, njëri i mitur

Inspektorati Policor i Kosovës (IPK), përkatësisht Departamenti i Hetimeve, ka rekomanduar suspendimin e katër zyrtarëve policorë që shërbenin në Stacionin Policor të Podujevës, raporton Gazeta Sinjali.

Sipas njoftimit të IPK-së, informacionet e para për këtë rast janë pranuar nga Policia e Kosovës, ku dyshohej se zyrtarët policorë kishin tejkaluar autorizimet e tyre gjatë përdorimit të forcës.

“Bazuar në veprimet fillestare hetimore dyshohet se zyrtarët policorë gjatë ushtrimit të detyrës zyrtare dhe atë brenda zyrave të stacionit policor kanë keqtrajtuar dy qytetarë (njëri nga ta i mitur) që ndodheshin në ndalim”, thuhet në njoftim

Hetimet ndaj katër zyrtarëve policorë janë duke u zhvilluar në koordinim me Prokurorinë Themelore në Prishtinë, në procedurë të rregullt, me dyshimin për veprën penale “Keqtrajtim gjatë ushtrimit të detyrës zyrtare ose autorizimeve publike”.

Hetuesit e IPK-së, në konsultim të vazhdueshëm me prokurorinë, pritet të ndërmarrin edhe veprime të tjera hetimore për të sqaruar plotësisht rrethanat e rastit.

Ndalimi i rinumërimit të votave në Mitrovicë, Prokurori merr një vendim
Gazeta Imazhi LAJME
Ndalimi i rinumërimit të votave në Mitrovicë, Prokurori merr një vendim

Prokurori, Shpëtim Peci, ka dhënë urdhër që numërimi në Qendrën Komunale të Numërimit në Mitrovicë të Jugut, të vazhdojë.

Siç raporton “Mitropol”, Peci pas dhënies së urdhrit është larguar nga QKN-ja, derisa nuk është deklaruar për media, transmeton Klankosova.tv.

Disa minuta më parë, në këtë qendër, rinumërimi i votave u ndal , pasi Policia e Prokuroria ishin futur brenda qendrës.

Ndryshe, deputetë të PDK-së, kanë ngritur dyshime për manipulime me vota në Mitrovicë të Jugut,.

Në këtë komunë, në zgjedhjet e 9 nëntorit doli fitues Faton Peci, derisa kundërkandidat kishte Arian Tahirin e PDK-së.

Çka po ndodhë në Mitrovicë? Rinumërimi ndalet, Kadriu: Dyshime të forta!
Gazeta Imazhi LAJME
Çka po ndodhë në Mitrovicë? Rinumërimi ndalet, Kadriu: Dyshime të forta!

Drejtori i Bujqësisë në Komunën e Mitrovicës, Ferdi Kadriu ka ngritur shqetësime për procesin e numërimit të votave në Qendrën Komunale të Numërimit në Mitrovicë, duke thënë se sot aty nisi rinumrimi i kutive të votimit dhe se janë evidentuar fletëvotime me numër serik të ndryshëm nga klasa përkatëse.

Përmes një postimi në Facebook, ai është shprehur se aktualisht është në detyrë ndërrimi i dytë, por sipas tij, procesi është ndërprerë nga organet e rendit dhe të drejtësisë.

Kadriu bëri të ditur se numëruesit janë larguar nga salla dhe siç tha ai, puna është pezulluar, përcjell Klankosova.tv.

“Dje përfundoi procesi i votimit në qytetin tonë, ndërsa sot nisi rinumrimi i kutive të votimit në Qendrën Komunale të Numërimit. Gjatë ndërrimit të paradites, janë evidentuar fletëvotime me numër serik të ndryshëm nga klasa përkatëse. Aktualisht është në detyrë ndërrimi i dytë, por procesi është ndërprerë nga organet e rendit dhe të drejtësisë. Numëruesit janë larguar nga salla dhe puna është pezulluar”.

“Kjo situatë është serioze dhe meriton vëmendjen e të gjithëve. Vullneti i qytetarëve është themeli i zgjedhjes së pushtetit lokal dhe ky vullnet nuk guxon të deformohet. Që nga fillimi i fushatës e deri tek numri i pazakontë i votuesve në balotazh, janë ngritur dyshime të forta të cilat sot po marrin formë konkrete”, ka shkruar ai./Klankosova.tv

“Vjedhje votash në Mitrovicë”, Lushtaku: Treni bullgar tash e tutje të quhet treni i Kurtit
Gazeta Imazhi LAJME
“Vjedhje votash në Mitrovicë”, Lushtaku: Treni bullgar tash e tutje të quhet treni i Kurtit

Deputeti i PDK-së, Mergim Lushtaku ka akuzuar Lëvizjen Vetëvendosje për vjedhje votash në Mitrovicë.

Përmes një postimi në Facebook, Lushtaku propozon që i ashtuquajturi ‘Treni Bullgar’ tash e tutje të quhet ‘Treni i Kurtit’, transmeton Klankosova.tv.

Megjithëse, i njëjti uroi që organet e sigurisë të zbardhin, siç e quan ai, ‘hajninë e sofistikuar’.

“Lëvizja që po e fundos Kosovën paska vjedh me të madhe në Mitrovicë. Propozoj që i ashtuquajturi ‘Treni Bullgar’ tash e tutje të quhet ‘Treni i Kurtit’. Uroj dhe shpresoj që organet e sigurisë ta zbardhin këtë hajni të sofistikuar”, ka shkruar Lushtaku.

Në balotazhin e 9 nëntorit në Mitrovicë të Jugut, fitues doli Faton Peci, i cili kundërkandidat kishte Arian Tahirin e PDK-së.

Ndryshe, pak minuta më parë, numërimi në Qendrën Komunale të Numërimit në Mitrovicë është ndalur, teksa raportohet se Prokuroria e Policia janë futur në vendin ku po numërohen votat.

Mund të jetë një imazh i amë e biletës dhe teksti që thotë "Ci தക VETÊM Votoni BAUNDI ByTEίΖ DRUGI KBUG IZBORA ZGJEDHJEVEP KANDIDAT GRABONAČELNIKA2 2025 2025 KRYETAR OMUNE SAMO JEDAN Glasaite ัน MR M ugut i Mitrovice KANDIDAT 105 VETÊM NJÊK Votoni DRUGI KANDIDAT KRUG DYTEI ZGIEDSIEVE IZBORAZA GRADONAČELNIKA KOMUNE 2025 2025 SAMO Lëvizja FATON JEDAN Glasate JuinaM Mi Mitrovicd VETEVENDOSJE! PECI KANDIDAT PARTIA ARIAN DEMOKRATIKE E KOSOVES-PDI PDK TAHIRI vica 1101/08 AUG ZGJEDNJEVE IZBORA GRADONAČELNIKA KOMUNE KRYETAR 2025 2025 Mitrovie SAMO ปนร์ทล JEDAN Glasaite itrovica KANDIDAT 101/04 DOSJE! KOSOVE"