Nuk mjaftoi djegia e karrigeve, deputeti i PD-së vjen me paralajmërimin

Deputeti i Partisë Demokratike, Tomor Alizoti, ka folur për protestën e thirrur nga opozita më datë 7 tetor në Tiranë dhe thotë se shqiptarët duhet të bëjnë atë që bëjnë berlinezët apo parisienët kur dalin e protestojnë sa herë mendojnë se u shkelen të drejtat.

Në emisionin “Kjo Javë” në News24, Alizoti tha se Kuvendi u përket qytetarëve që me votat e tyre çojnë deputetët në sallën e Parlamentit, ndërsa u shpreh kritik për përjashtimin e 24 deputetëve të PD nga seancat plenare.

“Kush ua jep të drejtën këtyre të përjashtojnë deputetët deri në dy muaj? Ne merremi me estetikën, kur këtu nuk funksionon asgjë. Këtu kanë hallin e estetikës, e gjërave banale, në një kohë kur këtu kemi autokraci. Mua më shqetëson se si do të shkojë kombi shqiptar, jo këto gjërat estetike me sherre në Kuvend, që i kemi parë në plot vende. PD nuk e ka zgjedhur asnjëherë radikalizimin, ka folur, por nuk ka qenë radikale. Ku e merr kurajon që përjashton deputetët e opozitës, si mund të përjashtohen 24 deputetë, janë mijëra vota që këta deputetë përfaqësojnë”, tha Alizoti”, tha Alizoti.

Erdogan të enjten në Shqipëri, ja cilin shtet do ta vizitojë pastaj

Ai do të jetë në Shqipëri me 10 tetor dhe do të qëndrojë për disa orë, ndërsa më 11 tetor do të jetë në Serbi.

 

 

Në Tiranë, presidenti Erdogan do të pritet nga kryeministri Edi Rama, me të cilin do të zhvillojë një takim bashkë me kabinetet përkatëse, si vijueshmëri e zbatimit te marrëveshjeve.

Ky vend ndihmon Bosnjën me 10 milionë euro pas përmbytjeve të mëdha

Kroacia do të dërgojë 10 milionë euro ndihmë për zonat e përmbytura në Bosnje dhe Hercegovinë, është vendosur sot në mbledhjen e Qeverisë kroate.

Kjo ndihmë urgjente financiare do t’i dërgohet Këshillit të Ministrave për nevojat e ndihmës së popullsisë në zonat e prekura nga përmbytjet, për të ndihmuar në rivendosjen e infrastrukturës dhe sigurimin e nevojave themelore për viktimat dhe të evakuuarit, njoftoi qeveria kroate.

Në njoftim theksohet se Kroacia merr pjesë aktive në dërgimin e ekipeve të shpëtimit dhe pajisjeve për rehabilitimin e terrenit dhe mbetet e gatshme për të gjitha format e tjera të ndihmës.

Ky është shteti që u godit nga një tërmet me magnitudë 5.7

Një tërmet me magnitudë 5.7 ka goditur kryeqytetin e Zelandës së Re, Wellington, ka njoftuar monitoruesi sizmik qeveritar GeoNet.

Deri më tani, raportet fillestare tregojnë se nuk ka të lënduar apo dëme të konsiderueshme.

Bëhet e ditur se tërmeti goditi 25 kilometra në perëndim të Wellingtonit në një thellësi prej 30 kilometrave, shkruan Reuters.

GeoNet tha se më shumë se 37,000 njerëz e kishin ndjerë lëkundjen.

Megjithatë, nuk ka paralajmërim për cunami të mundshëm si rezultat i tërmetit.

Djali i Hashim Thaçit publikon foton emocionuese me gjyshin: Rrëfimet e tij janë gjithmonë inkurajuese

Shkaqet e arrestit kardiak

Shkak i menjëhershëm i arrestit kardiak është në përgjithësi prishja e ritmit normal të zemrës (aritmia), shkaktuar nga probleme të sistemit elektrik të zemrës. Ndryshe nga muskujt e tjerë të trupit të njeriut të cilët kanë lidhjet nervore nga ku marrin stimulin që u duhet për funksionin e tyre, zemra ka stimuluesin e vet elektrik, një grup qelizash të specializuara të quajtura nodi i sinusit.

Nëse ndodh një problem në nodin e sinusit kjo sjell çrregullim të ritmit. Jo të gjitha aritmitë janë malinje, një pjesë e tyre janë serioze dhe mund të çojnë në ndalimin e funksionit të zemrës (arrest kardiak).

Shkaku më i shpeshtë i arrestit kardiak është një aritmi që quhet “Fibrilacioni Ventrikular”, ku impulse elektrike të shpejta dhe të çrregullta bëjnë dhomat e zemrës vetëm të dridhen dhe jo të kryejnë funksionin e tyre të pompimit të gjakut. Ndër shkaqet e tjera janë dhe brakikarditë (ulja e rrahjeve). Në 10% të rasteve këto janë aritmi ku ritmi i zemrës është shumë i ulët.

Sëmundjet kardiake që mund të çojnë në arrest kardiak

Aritmitë që rrezikojnë jetën në përgjithësi ndodhin në personat me probleme kardiake të mëparshme si:

1. Sëmundja e arterieve koronare
2. Ataku kardiak ose infarkti i miokardit
3. Zmadhimi i zemrës
4. Patologjitë Vaskulare
5. Sëmundjet e lindura të zemrës
6. Problemet elektrike të zemrës

Faktorët e rrezikut

Edhe faktorët e rrezikut për sëmundje koronare rrisin gjasat për arrest kardiak.

Ato janë:

• Historia familjare
• Hipertensioni
• Kolesteroli i lartë
• Obeziteti
• Diabeti
• Standardi i jetesës
• Përdorimi i alkoolit

Faktorët të tjerë janë:

• Arrest kardiak i mëparshëm
• Mosha
• Gjinia (meshkujt janë më të prekur)
• Përdorimi i drogave
• Historia familjare me probleme kardiake

Parandalimi

Nuk ka një mënyrë të sigurt për të ditur rrezikun e arrestit kardiak, por ndryshimi i stilit të jetesës, kontrolli i vazhdueshëm te mjeku ulin rrezikun e prekjes nga sëmundjet e zemrës. (Spitaliamerikan.com)

Haradinaj: Tregon shifrat se sa persona e kanë braktisur Kosovën në katër vitet e fundit

7 hapat që ju ndihmojnë të largoni fryrjen e barkut!

Tentim vrasja në Mitrovicë – Zbulohen të dyshuarit

Gjatë ditës u raportua për një incident që ka ndodhur para disa minutave në Mitrovicë, ku një person ka mbetur i plagosur si pasojë e të shtënave me armë zjarri në rrugën “Shemsi Ahmeti”.

Sinjali mëson se personi që u plagos sot është Smajl Hyseni rreth 38-vjeçar i cili mbeti i lënduar nga arma e zjarrit.

38 vjeçari dyshohet se u plagos në të dyja këmbët dhe se rasti ndodhi në dyqanin e autopjesëve “Besi”.

Ai ka kërkuar ndihmë mjekësore në Emergjencën e Spitalit të Mitrovicës, ku edhe po trajtohet.

Ndërkaq, Policia e Kosovës ka bërë të ditur se të dyshuarit tashmë janë identifikuar dhe se ka filluar kërkimin për kapjen e tyre.

 

 

Tutje rasti është cilësuar “Vrasje e rëndë në tentativë”.

Mbyllet para kohe thirrja publike për aplikim për subvencionin për Pajisje Efiçiente për Ngrohje

Ministria e Ekonomisë ka njoftuar qytetarët se aplikimi për thirrjen publike për mbështetje të konsumatorëve familjarë për investimin në pajisje efiçiente për ngrohje, sapo u mbyll.

Mbyllja e parakohshme, është rezultat i pranimit të një numri të mjaftueshëm të aplikimeve për shumën e caktuar për këtë thirrje.

Deri në mbylljen e thirrjes gjithsej kanë aplikuar 13,415 qytetarë.

Pajisjet që do të subvencionohen përfshijnë:

•Pompë Termike: 30% e vlerës investive, deri në 2000.00 €
•Kondicioner/Klimë efiçiente: 40% e vlerës investive, deri në 400.00 €; për prindërit vetushqyes dhe ata në ndihmë sociale (kategoria I & II), 60% e vlerës investive, deri në 550.00 €
•Kalda me Biomasë (dru, pelet dhe briket): 70% e vlerës investive, deri në 1200.00 €
•Stufa Individuale: 70% e vlerës investive, deri në 435.00 €; për prindërit vetushqyes dhe qytetarët në ndihmë sociale, 90% e vlerës investive, deri në 560.00 €.

Komisionet për vlerësimin e aplikacioneve kanë filluar punën e tyre të procesit të verifikimit të aplikacioneve dhe dokumentacionit të nevojshëm. Të gjithë ata që kanë aplikuar do të njoftohen për ecurinë e procesit përmes mjeteve të informimit dhe rrjeteve sociale të Ministrisë së Ekonomisë.

Thirrja publike për mbështetje të konsumatorëve familjarë ka qenë e hapur nga data 12 shtator 2024 dhe ishte planifikuar të përfundojë më 11 tetor 2024.

Subvencionimi i efiçiencës së energjisë mbështetet nga Bashkimi Evropian dhe zbatohet nga Ministria e Ekonomisë.