Prokuroria ndërhyn pas dyshimeve për “tren qeveritar” – flet Beka

Procesi i numërimit të votave në Mitrovicë është ndalur pas ndërhyrjes së Prokurorisë, ndërkohë që zyrtarë të partive opozitare kanë ngritur dyshime serioze për manipulime zgjedhore dhe trafikim të fletëvotimeve.

Kryetari i Aleancës Kosova e Re në Mitrovicë, Gjergj Beka, ka deklaruar për Paparacin se në disa qendra votimi janë vërejtur mospërputhje mes fletëvotimeve dhe vendvotimeve ku kanë votuar qytetarët, duke e krahasuar këtë me fenomenin e njohur si “treni bullgar”.

“Treni bullgar apo i ashtuquajtur treni qeveritar siç duket po vërtetohet që ka ndodhur në qytetin e Mitrovicës ku fletëvotimet nuk po përputhen në vendin se se ku kanë votuar votuesit. Kjo është vërejtur në numrin serik të cilin e kanë fletëvotimet”,tha Beka.

Beka thotë se deri në këto momente, janë hasur 20 vota, ndërkohë që paralajmëron se ky numër pritet të rritet.

“Për momentin janë duke u rinumëruar gjitha votat në qytetin e Mitrovicës dhe për momentin janë rreth 20 vota. Sigurisht pritet të ketë rritje të këtyre votave”, deklaroi ai.

Në një reagim në Facebook, Beka ka shkruar me ironi se “duket se treni do ta lërë dikë në mes të rrugës”, duke lënë të kuptohet se rinumërimi mund të ndryshojë rezultatin përfundimtar të zgjedhjeve në Mitrovicë.

Tashmë, Prokuroria ka ndërhyrë dhe ka urdhëruar pezullimin e përkohshëm të procesit të rinumërimit të votave në Mitrovicë, pas raportimeve për parregullsi dhe mospërputhje në fletëvotime, mëson Paparaci.

Hetimet pritet të zbardhin nëse ka pasur ndërhyrje të qëllimshme në procesin zgjedhor dhe nëse bëhet fjalë për një rast të organizuar të manipulimit të rezultatit.

Pas numërimit të votave gjatë së dielës, Faton Peci ka marrë 53.47%, kurse Arian Tahiri 46.53%.

Kthyer në vota, Peci ka 17 mijë e 837 vota, kurse Arian Tahiri 15 mijë e 522.

Ndalet numërimi i votave në Mitrovicën e Jugut, Policia e Prokuroria futen në vendin ku po numërohen votat

Është ndërprerë procesi i numërimit të votave në Qendrën e Numërimit dhe Rezultateve në Mitrovicë të Jugut. Nacionale ka kuptuar se numërimi ështe ndalur me urdhër të Prokurorisë.

Gazeta Nacionale provuar të marrë një përgjigje nga Prokuroria, në lidhje me këtë por deri në publikimin e këtij artikulli, organi i ndjekjes ka qenë i paqasshëm.

Në një video të dërguar në redaksinë e Gazetës Nacionale, shihen fletëvotimet problematike, aty ku sipas punonjësve, nuk përputhet numri serik. Pra, ka pasur deri në mbi 20 fletëvotime që nuk janë përputhur. Konkretisht, s’është përputhur numri serik me qendrën e votimit.

Ajo që bie në sy, nga balotazhi i mbajtur dje, është se në Komunat e Kosovës, dalja në balotazh nuk ka qenë as e njejtë e as më e madhe se sa në raundin e parë, përveç Mitrovicës. Në Mitrovicën e Jugut, në raundin e dytë, del se kanë ‘votuar’ më shumë qytetarë anipse veç dy garues, se sa në raundin e parë ku morën pjesë të gjitha partitë.

Dyshohet se u blenë votat në Mitrovicë, këto fotografi po bëjnë buj, reagojnë nga Prokuroria

Deputeti nga radhët e PDK-së, Artan Behrami ka pretenduar se në balotazhin e 9 nëntorit në Mitrovicë të Jugut, kishte “tren qeveritar”.

Përmes një postimi në Facebook, Behrami, ka akuzuar pushtetin qendror për fabrikim shtetëror, derisa thotë se në pothuajse çdo klasë nëpër vendvotime të mëdha janë gjetur fletëvotime me numra serikë të çrregullt nëpër klasa, që sipas tij është një shenjë e qartë e trafikimit të fletëvotimeve dhe të asaj që quhet treni bullgar.

“Në këto pesë vjetet e fundit, Kurti e ka suspenduar logjikën. Në vend të saj e ka injektuar inatin, përçarjen, urrejtjen në shoqërinë tonë. Zgjedhjet lokale janë reflektim i kësaj urrejtje, i këtij inati që ka ndjellë! Në Mitrovicë, përveç kësaj, Kurti ka shfrytëzuar krejt potencialin shtetëror, grupe të nëntokës, grupe kriminale për të fabrikuar një fitore, e cila ditëve të ardhshme mund të shndërrohet në skandalin më të madh zgjedhor në historinë e Kosovës së pasluftës”.

“Ajo që po shihet nga procesi i numërimit, në Mitrovicë nuk ka pasur tren bullgar, aty ka pasur tren qeveritar!  Pra një fabrikim shtetëror, jo individual, apo i udhëhequr vetëm nga grupe kriminale.  Në pothuajse çdo klasë nëpër vendvotime të mëdha janë gjetur fletëvotime me numra serikë të çrregullt nëpër klasa – një shenjë e qartë e trafikimit të fletëvotimeve dhe të asaj që quhet treni bullgar.  Madje, janë gjetur edhe fletëvotime të njërës klasë në tjetren”, ka shkruar ai.

Pos tjerash, këtë fenomen, Behrami e quan të frikshëm, dhe në të njëjtën kohë u bëri thirrje vëzhguesve ndërkombëtarë e nga organizatat joqeveritare që 24 orë të monitorojnë numërimin në QNR në Mitrovicë.

Lidhur me procesin zgjedhor ditën e djeshme në Mitrovicë të Jugut, për lajmi.net, janë deklaruar edhe nga Prokuroria Themelore në Mitrovicë, nga ku thanë se nuk ka pasur asnjë rast të tillë ditën e djeshme.

“Nuk ka pasur asnjë rast të tillë ditën e djeshme”, thuhet në përgjigjen e Prokurorisë.

Ndryshe ende nuk ka pasur ndonjë reagim nga LVV-ja, lidhur me fotografitë e publikuara.

Ndërkaq në zgjedhjet e 12 tetorit, dyshohet se në fshatin Shipol, ka pasur blerje të votave, madje edhe vjedhje të votës.

Lidhur me këtë ishte deklaruar për lajmi.net,, zëdhënësi i Prokurorisë Themelore të Mitrovicës, Valon Preteni, I cili kishte thënë se janë duke grumbulluar informacione lidhur me këto dyshime.

“Në këtë fazë, ajo që mund të them është se kemi nisur grumbullimin e informacioneve. Të shohim tash se çka do të del lidhur me këto dyshime”, ka thënë ai .

Teksa dje Mitrovicën e Jugut e fitoi Faton Peci nga Lëvizja Vetëvendosje i cili prin me 53.47%., ndërsa Arian Tahiri i PDK-së renditet i dyti me 46.53%.

Peci e shpalli mbrëmë fitoren dhe festoi bashkë me Kurtin në Mitrovicë.

Fitoren Pecit ia uroi edhe vetë Tahiri.

Mandati i ri, aksioni i parë: Alban Hyseni nis me një rrënim të madh në Gjilan

Alban Hyseni e ka nisur mandatin e dytë në krye të Gjilanit duke i vë në punë bagerat.

Ai ka bërë rrënimin e objektit të Administratës dhe i objekteve përcjellëse.

Ky rrënim sipas tij ka ardhur pas vendimit të shumëpritur nga Instituti për Trashëgimi Kulturore, është moment historik për Gjilanin.

Postimi i plotë:

Dita e parë e mandatit të dytë nis me projektin e Bulevardit të Qytetit!

Rrënimi i objektit të Administratës dhe i objekteve përcjellëse, pas vendimit të shumëpritur nga Instituti për Trashëgimi Kulturore, është moment historik për Gjilanin tonë.

Në këtë mandat, projektet që i kemi nisur do të vazhdojnë me ritëm më të fuqishëm, e projektet e reja do ta bëjnë edhe më të bukur qytetin.

Specialja del me vendim për Thaçin

Dhomat e Specializuara të Kosovës, njoftojnë se në rastin `Thaçi dhe të tjerët`, vepra kundër administrimit të drejtësisë, mbetet në fuqi kufizimi i vizitave të paprivilegjuara të Thaçit.

“Në vendimin e bërë publik Gjykatësja e Procedurës Paraprake në çështjen gjyqësore Thaçi dhe të tjerët për akuzat lidhur me administrimin e drejtësisë, urdhëroi që kufizimi mbi vizitat e paprivilegjuara, i vendosur ndaj Hashim Thaçit në fillim të këtij viti, të mbetet në fuqi.

Gjykatësja Marzhori Masëlo konstatoi se kufizimet mbeten të nevojshme për të parandaluar çdo nxjerrje të mëtejshme të paligjshme të informacionit konfidencial në lidhje me dëshmitarët dhe se ato janë proporcionale dhe në përputhje me të drejtat e të akuzuarit. Kufizimet rishikohen çdo tre muaj pas raporteve nga Administratorja e DHSK-së, ndërsa raporti i radhës pritet më 24 nëntor 2025″, njofton Specialja.

Me urdhër të Trump, SHBA godet në ujëra ndërkombëtare- disa të vrarë

Operacionet e forcave amerikane kundër trafikantëve të dyshuar të drogës në brigjet e Amerikës së Jugut kanë hyrë në një fazë më agresive, me sulme kinetike që sipas zyrtarëve amerikanë kanë rezultuar me vdekjen e disa të dyshuarve dhe kanë nxitur kritika të ashpra nga organizatat ndërkombëtare dhe qeveritë e rajonit.

Sipas njoftimeve zyrtare, SHBA-ja goditi dje dy anije të dyshuara për trafik droge, duke vrarë gjashtë persona.

“Dje, me urdhër të presidentit Trump, dy sulme kinetike vdekjeprurëse u kryen në dy anije të operuara nga organizata të caktuara terroriste”, tha sekretari i Mbrojtjes i administratës Trump, Pete Hegseth.

Hegseth theksoi se sulmet u kryen në ujëra ndërkombëtare dhe se në çdo anije ndodheshin tre “narko-terroristë” meshkuj, të cilët, sipas tij, të gjashtë u vranë.

“Asnjë forcë amerikane nuk u lëndua. Nën Presidentin Trump, ne po mbrojmë atdheun dhe po vrasim këta terroristë të kartelit që dëshirojnë të dëmtojnë vendin tonë dhe popullin e tij”, shtoi ai në një postim në rrjetin social X.

Zyrtarët amerikanë kanë nisur sulmet e tilla që nga fillimi i shtatorit, duke synuar anije në Karaibe dhe Paqësorin lindor — sulme të cilat sipas disa ekspertëve mund të konsiderohen si vrasje jashtëgjyqësore edhe kur synojnë trafikantë të njohur. Që nga fillimi i operacioneve janë raportuar më shumë se 70 të vdekur.

Hegseth argumentoi se objektivat ishin identifikuar si të lidhura me kontrabandën e paligjshme të narkotikëve dhe po lëviznin përgjatë rrugëve të njohura të trafikimit në Paqësorin Lindor, por deri tani Uashingtoni nuk ka publikuar prova konkrete që të vërtetojnë se anijet po transportonin drogë ose përbënin kërcënim direkt për SHBA-në.

Reagimet ndërkombëtare ishin të menjëhershme dhe të forta. Shefi i të drejtave të njeriut i Kombeve të Bashkuara i ka cilësuar sulmet të papranueshme dhe si shkelje të ligjit ndërkombëtar të të drejtave të njeriut. Venezuela i ka quajtur operacionet “të paligjshme, vrasje dhe agresion kundër një shteti sovran”.

Presidenti venezuelas, Nicolás Maduro, akuzoi Donald Trump se po përpiqet të rrëzojë qeverinë e tij – një deklaratë që presidenti amerikan ka minimizuar – pavarësisht raporteve për kontakte të administratës amerikane me opozitën venezuelase.

Ngjarjet vënë në pah tensionet në rritje rreth metodave të përdorura për të goditur rrjetet e trafikut ndërkombëtar të drogës: ndërkohë që autoritetet amerikane theksojnë nevojën për të ndërprerë rrugët e kontrabandës, kritikët paralajmërojnë për pasoja serioze juridike dhe diplomatike kur veprimet ushtarake kryhen jashtë kuadrit të bashkëpunimit ndërkombëtar dhe pa prova të publikuara.

Ky është vendimi i Xhafer Gashit, pasi Abdixhiku refuzoi dorëheqjen e tij

Xhafer Gashi njofton se Kryesia e Degës së LDK-së në Obiliq nuk e ka pranuar dorëheqjen e tij nga pozita e kryetarit.

Ai falënderoi anëtarët për besimin dhe mbështetjen dhe tha se do të vazhdojë të punojë për misionin e përbashkët të partisë, duke theksuar unitet, dinjitet dhe përkushtim.

Postimi i plotë:

Të dashur qytetarë të Obiliqit,
të nderuar miq dhe bashkëpunëtorë,

Pas deklarimit tim publik për dorëheqje nga pozita e Kryetarit të Degës së LDK-së në Obiliq, me kërkesë të Kryesisë së Degës u mbajt mbledhja e radhës, ku u diskutua lidhur me këtë çështje.

Ju njoftoj se Kryesia e Degës së LDK-së në Obiliq nuk e ka pranuar dorëheqjen time nga pozita e Kryetarit të Degës, duke shprehur njëzëri besimin dhe vlerësimin për punën dhe angazhimin tim ndër vite.

I falënderoj nga zemra secilin anëtar të Kryesisë për mbështetjen, respektin dhe besimin e treguar.
Unë do të vazhdoj t’i qëndroj besnik misionit tonë të përbashkët.

Rrugëtimi ynë vazhdon, me unitet, dinjitet dhe përkushtim.

Me respekt,
Xhafer Gashi
Kryetar i Degës së LDK-së në Obiliq

Më shpejt se ç’kemi menduar, zbulohet data zyrtare se kur do të nisë aventura e re në Big Brother VIP Kosova 4?

Fansat e Big Brother VIP Kosova janë në prag të një ngjarjeje të madhe, pasi sezoni i katërt i këtij spektakli të njohur do të fillojë më 17 nëntor.

Kjo datë e konfirmuar nga produksioni premton të rikthejë emocionet dhe dinamikat që e bëjnë këtë format të veçantë për publikun.

Për disa javë, organizatorët kanë mbajtur një heshtje të fortë mbi detajet e spektaklit, duke lënë fansat në pritje dhe duke rritur kuriozitetin.

Kjo ka bërë që rrjetet sociale të shpërthejnë me spekulime dhe pyetje për datën e nisjes dhe emrat e konkurrentëve që do të hyjnë në shtëpi.

Një nga aspektet më intriguese të këtij edicioni është mbajtja e identitetit të banorëve sekret deri në momentin e hyrjes.

Kjo strategji ka krijuar një atmosferë misteri, duke bërë që fansat të diskutojnë dhe të parashikojnë se kush do të jetë pjesë e shtëpisë më të famshme në vend.

Sezonet e mëparshme kanë sjellë personazhe të fortë dhe situata të tensionuara, të cilat janë komentuar gjerësisht në media dhe rrjete sociale.

Publiku është i etur për të parë se çfarë dinamike do të krijohet këtë herë dhe cilat figura publike do të jenë pjesë e këtij edicioni.

Me datën e nisjes tashmë të konfirmuar, Big Brother VIP Kosova 4 hyn në fazën e numërimit mbrapsht.

Ky edicion pritet të sjellë surpriza dhe emocione të reja, duke e bërë atë një ngjarje të rëndësishme për adhuruesit e formatit.

Një tjetër element interesant është se organizatorët kanë vendosur të mbajnë një nivel të lartë të tensionit dhe misterit, duke mos zbuluar asnjë informacion të detajuar për banorët.

Kjo ka rritur edhe më shumë pritshmëritë e publikut dhe ka nxitur diskutime të shumta në rrjetet sociale.

Me çdo edicion, Big Brother VIP Kosova ka arritur të krijojë një lidhje të fortë me publikun, dhe ky sezon duket se do të jetë një tjetër mundësi për të sjellë emocione dhe përplasje.

Të gjithë janë të etur për të parë se si do të zhvillohen ngjarjet brenda shtëpisë.

Me datën e nisjes që po afron, fansat e Big Brother VIP Kosova janë të ftuar të përgatiten për një aventurë të re.

Cilat do të jenë surprizat dhe emocionet që do të sjellë ky edicion? Koha do ta tregojë, por pritshmëritë janë të larta!

KQZ-ja po i verifikon votat e balotazhit, tregon kur do të numërohen ato të diasporës

Në Qendrën Komunale të Numërimit në Prishtinë janë prezantuar aktivitetet pas ditës së votimit për rundin e dytë të zgjedhjeve për kryetarë komunash.

Zëdhënësi i KQZ-së, Valmir Elezi, njoftoi se pas mbylljes së vendvotimeve, materialet zgjedhore janë dërguar në Qendrat Komunale të Numërimit të 18 komunave, ku është zhvilluar votimi.

“Të dielën në mbrëmje, pas përfundimit të procesit të votimit dhe numërimit, materialet zgjedhore nga Qendrat e Votimit janë tërhequr dhe dërguar në Qendrat Komunale të Numërimit, që i takojnë 18 komunave ku është mbajtur rundi i dytë i votimit. Sipas Ligjit për Zgjedhjet e Përgjithshme, në Zgjedhjet Lokale numërimi i votave të kandidatëve për Kryetarë të Komunave bëhet në vendvotime dhe rezultatet evidentohen në formularë dhe pastaj publikohen nga KQZ-ja. Ndërkaq, sipas Rregullores Zgjedhore të KQZ-së për Qendrat Komunale të Numërimit, në këto qendra do të bëhet verifikimi i rezultateve nga formularët që janë plotësuar në vendvotime, pas numërimit të fletëvotimeve”, ka deklaruar Elezi.

Sipas Elezit, në këto qendra po bëhet verifikimi i rezultateve nga formularët e plotësuar në vendvotime, proces që zhvillohet me transparencë dhe në prani të vëzhguesve.

“Ky aktivitet, pra verifikimi i rezultateve, ka filluar në të gjitha Qendrat Komunale të Numërimit dhe do të bëhet duke ofruar transparencë të plotë dhe në prezencë të vëzhguesve. Siç e dini, në ditën e zgjedhjeve, përveç organizimit të votimit në 1,628 vendvotime të rregullta, KQZ ka mundësuar edhe votimin me kusht në 20 vendvotime të tjera, votimin jashtë vendvotimeve përmes ekipeve mobile për votuesit me nevoja të veçanta dhe votimin jashtë Kosovës përmes postës. Numërimi i fletëvotimeve nga votimi me kusht, i fletëvotimeve nga votimi i personave me nevoja të veçanta dhe i fletëvotimeve nga votimi jashtë Kosovës, do të bëhet në Qendrën e Numërimit dhe Rezultateve, pas disa ditësh. Sipas të dhënave preliminare, nga 20 vendvotime me kusht, në 18 komuna të vendit, në përgjithësi janë evidentuar 749 zarfe me fletëvotime. Këto zarfe, ende nuk janë verifikuar. Kjo do të ndodhë brenda disa ditësh pas skanimit të Listës së Votuesve, proces i cili na mundëson që të dimë nëse ndonjë nga votuesit me kusht ka votuar dhe në vendvotimin e tij të rregullt”, shtoi ai.

Ai bëri të ditur se janë evidentuar 749 zarfe me fletëvotime nga votimi me kusht, ndërsa verifikimi i tyre do të bëhet pas skanimit të listave të votuesve.

Po ashtu, mbi 1.440 qytetarë me nevoja të veçanta kanë votuar përmes ekipeve mobile, ndërsa 29.725 persona ishin regjistruar për të votuar jashtë Kosovës. Tërheqja e dërgesave postare nga kutitë postare jashtë vendit pritet të bëhet së shpejti.

“Sa i takon votimit të personave me nevoja të veçanta, sipas të dhënave nga ky lloj votimi janë më shumë se 1.440 qytetarë të komunave të ndryshme që kanë votuar përmes ekipeve mobile jashtë vendvotimeve nga 2.541 sa ishin të regjistruar. Sa i përket votimit jashtë Kosovës përmes postës, njoftojmë se tërheqja e dërgesave postare nga 22 kutitë postare jashtë Kosovës do të bëhet së shpejti. Numri i votuesve të regjistruar për votim jashtë Kosovës në këto 18 komuna, ishte: 29.725. Aktualisht nuk e dimë se sa prej këtyre votuesve të regjistruar kanë votuar”, tha Elezi. /Zëri

Humbja në Obiliq, Abdixhiku merr këtë vendim

Kryetari i LDK’së, Lumir Abdixhiku, ka thënë se ka refuzuar dorëheqjen morale Xhafer Gashit nga funksionet në LDK’së, pas humbjes në garën për kryetar të Obiliqit, shkruan Reporteri.net.

Abdixhiku ka thënë se humbjet, sikurse fitoret, janë pjesë e një rrugëtimi të gjatë politik.

“Katër vite më parë LDK në Obiliq ishte një parti me vetëm 10%. Gjatë rrugës u bashkuam me Xhafer Gashin, por nuk arritem bashkë ta bashkojmë shumicën e Obiliqit me ne. Gjithsesi, sot LDK në Obiliq është parti e parë me plot 46% dhe kjo arritje është meritë vetëm e Xhafës dhe ekipit që ai ka. Xhaferi është një prej njerëzve që nuk dorëzohet para vështirësive. Ai është njeri i fjalës, i punës dhe i përkushtimit të heshtur ndaj qytetarëve të tij. Në këto vite, ai i ka dhënë Obiliqit drejtim, dinjitet dhe stabilitet; në një komunë që ka parë shumë sfida. Sot, më shumë se kurrë, Lidhja Demokratike e Kosovës ka nevojë për njerëz të tillë, me karakter, me vizion dhe me besim në vlera”, ka shkruar Abdixhiku.

Ai ka thënë se e ka rikonfirmuar Xhafer Gashin në pozitat e tij brenda LDK-së, si në Degë të Obiliqit, ashtue dhe në Kryesi e Këshill të Përgjithshëm. S

“sepse LDK nuk i braktis njerëzit e saj në një moment të vështirë; përkundrazi, LDK di të trajtojë edhe fitoren edhe humbjen me plot dinjitet. Ky është një mesazh për çdo aktivist, çdo kandidat e çdo qytetar që beson në punë e në dinjitet: ne nuk matemi vetëm me një garë, por me qëndrueshmëri. Me besim në njëri-tjetrin. Me përkushtim ndaj Kosovës që duam ta ndërtojmë. LDK qëndron. Dhe bashkë me të, qëndron edhe Xhafer Gashi, në të gjitha sfidat përpara; si simbol i qëndrueshmërisë, i besnikërisë dhe i misionit tonë të përbashkët”, ka shkruar Abdixhiku./Reporteri.net