Hykmete Bajrami i kërkon debat publik Hekuran Muratit: Zgjedhe televizionin, kohën e panelin, unë jam gati!

Hykmete Bajrami i ka kërkuar publikisht përballje kokë me kokë ministrit Hekuran Murati.

Duke e quajtur si kontabilist, deputetja e LDK-së vlerëson se ministri Murati po manipulon me shifra.

“Manipulimi i fundit i kontabilistit, në pozitën e ministrit nuk është për të ju bindur se nuk janë
rritur çmimet, se Hekurani e din që ju i dini lëvizjet e çmimeve në baza ditore, ky manipulim është më shumë për me largu vëmendjen nga demaskmi që po u bëhet aferave korruptive të Lëvizjes Vetëvendosjes, andaj edhe njëherë unë kërkoj nga Lëvizja Vetëvendosje të ju shpjegoj qytetarëve për 273 milionë Euro tendera sekret. Tregoni se qysh ka mundësi që për një rast korrupsioni në KEK me u intervistu qoftë edhe në cilësinë e deshmitarës një zyrtare e lartë e LVV-së, e cila nuk e ka asnjë funksion as në Qeveri as në KEK. Ajo ka funksion të lartë në parti, çka duhet me dëshmu partia këtu?
Edhe në cilësinë e dëshmitarëve do të ishte deri diku e arsyshme me u intervistu, këshilltarët e Nagip Krasniqit, ata që punojnë në KEK, se mbase e kanë udhëzu gabimisht, me u intervistu ata që punojnë në divizion të prokurimit, njësia e kërkesës, zyra ligjore apo cilido punëtor i KEK-ut, por me u intervistu dikush që asnjë lidhje zyrtare nuk e ka me KEK-un, qysh? Përveç kur prokurimi i 273 miliononë Euro të tenderëve sekret gatuhet në zyret e LVV-së, aty ku Dejona është zyrtarja më e lartë, siç tha Glauku, ajo i koordinon ”politikat profesionale” të LVV-së.
E për “çmime të ulta”, për “reforma”, për “progres” i bëj ftesë publike Hekuran Muratit që të përballemi në njërën nga studiot televizive dhe t’i ballafaqojmë propagandën me fakte e të shohim se cilës do t’i besojnë qytetarët.
Hekuran,
Zgjedhe televizionin, zgjedhe kohën, zgjedhe panelin – unë jam e gati” shkruan Hykmete Bajrami në Facebook.

Zbulohen dy ditët e javës kur çmimet e biletave të avionëve janë më të ulëta

E marta dhe e mërkura janë ditët kur avionët në Evropë fluturojnë, mesatarisht, më të zbrazët dhe kur çmimet e biletave janë më të ulëta. Për herë të parë, Courier ka zbuluar se si rezervimet dhe numri i udhëtarëve ndryshojnë çdo 24 orë.

Të dhënat dalin nga analiza e dokumenteve të brendshme dhe konfidenciale të rreth 10 linjave ajrore tradicionale dhe me kosto të ulët.

Si shkoi seanca për rastin “Banjska”?

Nën masa të rrepta të sigurisë, tre terroristët e arrestuar në rastin “Banjska”: Dushan Maksimoviq, Vladimir Toliq dhe Blagoje Spasojeviq janë futur në sallën e Gjykatës Themelore të Prishtinës, raporton IndeksOnline.

Seanca nisi së pari me propozimet e prokurorit të rastit, Naim Abazi, i cili prezantoi gjetjet e Prokurorisë Speciale, duke rekomanduar që rasti menjëherë të procedojë me gjykim.

Avokatët mbrojtës të të pandehurve kundërshtuan mbajtjen e seancës sot, nën pretekstin se nuk kanë marrë kopje fizike të dosjes, vetëm atë elektronike, shkruan IndeksOnline.

Të njëjtit pretendojnë se nuk u është dhënë kohë të përgatiten për seancë, sakaq nuk kanë pasur kohë as t’u prezantojnë aktakuzën klientëve të tyre.

Këtë arsyetim e cilësoi si të pabazuar në ligj avokati mbrojtës i familjes së Afrim Bunjakut, Arianit Koci. Ai tha se sa më shumë të vonohet drejtësia, aq më dëm i bëhet asaj.

Të pranishëm në seancë ishin edhe kolegë të Afrim Bunjakut, po ashtu pjesëtarë të Policisë së Kosovës, Alban Rashiti, Çlirim Shaqiri dhe Sedat Dushi, të cilët u mbrojtën si palë e dëmtuar.

Duke shqyrtuar propozimin e avokatëve të palëve të akuzuara, gjyqtari i rastit, Arben Hoti, e shtyu seancën për datën 9 tetor.

Gjykata Themelore në Prishtinë do t’i drejtohet Gjykatës Supreme për të kërkuar opinion nëse në rastin “Banjska” mund të aplikohet gjykimi në mungesë.

Kështu bëri të ditur gjyqtari Arben Hoti, pas veçimit të procedurës ndaj tre të akuzuarve që gjenden nën masën e paraburgimit.

Paraprakisht, prokurori Naim Abazi propozoi që gjykimi të zhvillohet në mungesë, me arsyetimin se në dispozitat e aktakuzës është përfshirë “Vrasja e rëndë”, e që si vepër penale parashihet për gjykimin në mungesë.

Ndërkaq, edhe përfaqësuesi i familjes Bunjaku, avokati Koci, propozoi që të shikohet mundësia që gjykata t’i drejtohet Supremes për opinion për të vazhduar gjykimin në mungesë.

Njëherazi, u propozua edhe mundësia që rasti të gjykohet ndaras për secilin pjesëmarrës.

Mbi të pandehurit që ishin prezent rëndon vepra penale “Kryerje e veprave terroriste” ku në kuadër të saj është e përfshirë edhe vepra penale “Vrasje e rëndë”.

video

Largohet një kamerë ilegale në Prishtinë, pronari nuk dihet

Inspektori i AIP-it, Kushtrim Mustafa, ka thënë për Ekonomia Online se informatën e kanë marrë nga Policia e Kosovës, ndërsa thekson se kamera të tilla që cenojnë privatësinë do të konfiskohen.

“AIP si institucion kompetentë për mbikëqyrjen e Ligjit për Mbrojtjen e të Dhënave Personale pas pranimit të informatës nga Policia e Kosovës se në rrugën ‘Xheladin Rekaliu’, ka të vendosur kamera te cilat nuk dihen kontrolluesit e të dhënave personale. Në bashkëpunim me Policinë e Kosovës është konstatuar se e njëjta kamerë duhet të largohet dhe mos të mbikëqyr hapësira publike. Bëjmë thirrje çdo kontrolluesi të kamerave që kamerat te cilat janë në hapësirën publike të njëjtat të largojnë pasi që është kompetencë e Policisë së Kosovës”, ka thënë Mustafa, duke shtuar se raste të tilla ka pasur edhe në Shtërpcë.

“Është rasti i dytë në të cilën kemi bërë konfiskime pas komunës së Shtërpcës, por çdo herë kur vërejmë që të njëjtat kamera janë duke mbikëqyrë, në këtë rast të kontrolluesit privat ose publik të cilat kanë të vendosur kamera në lokalet e tyre, ne urdhërojmë që kamerat të kontrollojnë vetëm hapësirat e brendshme brenda perimetrit në të cilin kontrolluesi ka pronën e tij. Pronari nuk dihet, Policia e Kosovës na ka njoftuar që kjo kamerë nuk dihet se nga kush kontrollohet, nuk është vendosur nga asnjë institucion i ligjit. Pra ka qenë kamerë me rreze dhe është larguar dhe konfiskuar. Për të gjithë ata që bëjnë të njëjtën veprim urdhërojmë të largohen sepse vëzhgimi i paautorizuar konsiderohet vepër penale”, ka thënë Mustafa.

Nëse i njihni këta persona, lajmërojeni policinë

Policia e Kosovës ka kërkuar ndihmën e qytetarëve për identifikimin e disa personave të dyshuar për vjedhje, me ç’rast ka publikuar edhe fotografitë e tyre.

Sipas Policisë, personat në fjalë dyshohen për vjedhje të rënda.

 

 

“Sektori i hetimeve të Kryeqytetit, me autorizime nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në identifikimin dhe arrestimin e  personave që shihen në fotografi”, shkruhet në postim.

Policia iu ka bërë thirrje qytetarëve që për çdo informatë në lidhje me identifikimin e të dyshuarve të kontaktojnë numrin 192.

E trishtë: Vdes një fëmijë

Një rast i rëndë ka ndodh në familjen Durimishi nga fshati Pogragjë. Djali i tyre i vogël, Etniku, ka ndërruar jetë.

Rastin e ka konfirmuar vetë familja, e cila ka njoftuar se ceremonia e lamtumirës së fundit mbahet sot në ora 17:00, në varrezat e fshatit.

Njoftim i familjes:

 

 

Me pikëllim të thellë ju njoftojmë se ka ndërruar jetë djali jonë Etniku.

Vorrimi bëhet sot me datë 25.09.2024, në ora 17:00, në varrezat e fshatit Pogragje.

Qofsh i Xhenetit Etniku jonë!

Paraqitet në seancë një dëshmitar tjetër në rastin “Thaçi”

Në Dhomat e Specializuara të Kosovës në Hagë, të mërkurën ka filluar dëshminë dëshmitari i 90-të i Zyrës së Prokurorit të Specializuar (ZPS), i cili mban kodin W4422 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Dëshmia e këtij dëshmitari është duke u dëgjuar tërësisht në seancë të mbyllur dhe nuk u lexua ndonjë përmbledhje siç ndodh zakonisht për dëshmitarët e prokurorisë, raporton “Betimi për Drejtësi“.

Sipas kryetarit të trupit gjykues, Charles Smith III, ky dëshmitar është duke dëshmuar përmes video-lidhjes.

Përpara se të vazhdohet me dëshminë e këtij dëshmitari, gjyqtari Smith kërkoi që të diskutohet për kërkesën e ZPS-së që dëshmitari me kodin W04590 të dëshmojë përmes video-lidhjes.

Në emër të mbrojtjes së të gjithë të akuzuarve, avokatja e Veselit, Ann Rowan tha se nuk kanë kundërshtime që të vazhdohet me video-lidhje me këtë dëshmitar, por sipas saj arsyet e paraqitura në kërkesë nuk përmbushin kriteret përkatëse të Rregullores.

Pasi nuk pati kundërshtime, gjyqtari tha se edhe dëshmia e dëshmitarit W04590 do të dëgjohet përmes video-lidhjes.

“Nëse doni të shkoni…”, Hovenier me mesazh për Qeverinë e Kosovës

Ambasadori amerikan, Jeffrey Hovenier, ka thënë se SHBA-ja nuk e ka fuqinë absolute siç mund të supozojnë disa, e që do ta bënte Kosovën menjëherë anëtare të Bashkimit Evropian dhe NATO-s.

Madje, Hovenieri e përmendi një thënie të gjyshit të tij, që dukej si referencë, sipas tij, e qasjes së Kosovës në kohët e fundit ndaj shteteve anëtare të organizatave të cilave ajo do që t’u bashkohet.

“Ne do të kërkonim që Kosova të integrohet më plotësisht tani në institucionet evropiane dhe ato evropiane. Serbia do të ishte pajtuar më shumë me realitetin e një fqinjësie sovrane, të pavarur, multietnike, demokratike dhe paqësore. Kjo është ajo që duam. Por nuk e di se si bëhesh anëtar i BE-së pa koordinim me BE-në. Dhe kjo nënkupton koordinim me shtetet anëtare të BE-së. Nuk shoh se si bëhesh anëtar i plotë i NATO-s pa pëlqimin e të gjithë anëtarëve të NATO-s. Siç e dini të gjithë, disa nga ato shtete ende nuk e kanë pranuar zyrtarisht realitetin e një Kosove sovrane, të pavarur, demokratike, multietnike siç e kemi pranuar ne. Ju duhet t’i bindni ata që doni të ndihmoni”.

“Gjyshi im e përdorte një thënie dhe ju lutem më falni për karakterin e saj paksa të pagdhendur: Nëse doni të shkoni në një klub, mos urinoni para derës së tij. Poenta ime është që ne duam ta mbështesim Kosovën në këtë qasje, në integrimin e saj evropian dhe evropian. Ne kemi bërë shumë, presidentë, sekretarë shteti, ambasadorë, të tjerë për ta çuar përpara”.

Çfarë ndodhi? Xhensila Myrtezaj shtrihet në spital

Xhensila Myrtezaj nuk po kalon kohë të mira si nga aspekti emocional ashtu edhe shëndetësorë.

Ditët e fundit ajo morri disa serume ku shihet duke e trajtuar shëndetin e saj.

Xhensila, ndau momentin derisa iu vendos serumi por dhe frikën e saj.

Siç duket viruset e stinës nuk e kanë kursyer këngëtaren bukuroshe.

Shiko foton:

Musliu: Radojiçiqi ka ikë si zotëri para syve të Qeverisë

Deputetja e PDK-së, Ganimete Musliu, në një vjetorin e sulmit terrorist në Banjskë të Zveçanit, ku i vrarë mbet heroi Afrim Bunjaku, ka thënë se kreu i terroristëve ditën kritike ka ikur “si zotëri para syve të Qeverisë”.

Ndërkohë, për vilën e konfiskuar të kryeterroristit Millan Radojiçiq thotë se Qeveria të njëjtën e ka lejuar të ndërtohet në mandatin e saj, e për të njëjtën “bën filma” se është konfiskuar.

“Si është e mundur që një Qeveri të cilës para syve të saj Serbia ka ndërtuar vilën, sot del dhe bën filma se gjoja e konfiskova. Një Qeveri, e cila e ka lënë të ikë i lirë Radojiçiqin nga Kosova më 24 shtator 2023 nuk ka se me çka të krekoset. Realiteti është krejt ndryshe atje në veri”, tha ajo në emisionin “Info Nata” në Tëvë1.

Deputetja opozitare tha se Radojiçiq ka shkuar vetë i lirë në Serbi.

“Radojiçiq ka shkuar vetë i lirë në Serbi, sepse kjo Qeveri sot po kërkon që ai të kthehet në Kosovë e të arrestohet. Radoiçiq ka ikë si zotëri para syve të Qeverisë. Janë pamje që i kemi pa, thjeshtë ai ka dalë si një turist i cili i viziton malet e kodrat e Kosovës dhe ka shku pa një therë në këmbë në Serbi, pikërisht në ditën kritike kur është vrarë Afrim Bunjaku. Prandaj, nuk mund të thonë se e kanë përzë, ai ka ikur vetë nga Kosova”, shtoi ajo./teve1.info/