Nga grushtet te plumbat: Përleshjet në Kosovë janë bërë të zakonshme

Gjatë ditës së sotme në Ballancë të Vitisë janë rrahur mes vete pesë persona, njëri nga ta e ka përdorë edhe armën e zjarrit por nga të shtënat nuk është lënduar askush.

Zëdhënësi i policisë për rajonin e Gjilanit, Ismet Hashani, për Tëvë1 ka thënë se një nga personat është dërguar në Spitalin e Gjilanit për trajtim mjekësor.

Pesë të dyshuarit janë dërguar në mbajtje.

Konfirmimi i tij i plotë:

Me datën 11.05.2025 rreth orës 14:10 kemi pranuar informacion se në fshatin Ballancë të komunës së Vitisë si pasojë e një mosmarrëveshje ka ardhur deri te konfrontimi fizik në mes të pesë (5) personave meshkuj kosovar, në të cilin rast dyshohet se nga njëri prej të dyshuarve është përdorur edhe një armë zjarri pistoletë e llojit TT me të cilën dyshohet se është shtënë ti herë nga i dyshuari, nga të cilat të shtëna nuk ka pësuar askush.

Gjatë këtij konflikti fizik lëndime trupore ka pësuar njëri nga të përfshirët në këtë përleshje i cili është duke marrë tretman mjekësore në qendrën emergjente në Spitalin Rajonal të Gjilanit, i cili sipas mjekut kujdestar është jashtë rrezikut për jetë.

Në vendin e ngjarjes nga ana e zyrtarëve policor është konfiskuar arma e dyshuar, tri gëzhoja dhe tre fishekë. Po ashtu me urdhër të Prokurorit të Shtetit është realizuar kontroll në shtëpitë e të dyshuarve në dy lokacione të ndryshme.

Pesë të dyshuarit pas intervistimit me aktvendim nga Prokurori i Shteti janë dërguar në mbajtje për 48 orë dhe ndaj tyre do të ngritët kallëzim penal për veprat penale ‘’Shkaktim i rrezikut të përgjithshëm’’, Mbajtja në pronësi, kontroll ose posedim të pa autorizuar  të armëve’’ dhe ‘’Lëndim i lehtë trupor’’.

Me datën 11.05.2025 rreth orës 14:10 kemi pranuar informacion se në fshatin Ballancë të komunës së Vitisë si pasojë e një mosmarrëveshje ka ardhur deri te konfrontimi fizik në mes të pesë (5) personave meshkuj kosovar, në të cilin rast dyshohet se nga njëri prej të dyshuarve është përdorur edhe një armë zjarri pistoletë e llojit TT me të cilën dyshohet se është shtënë ti herë nga i dyshuari, nga të cilat të shtëna nuk ka pësuar askush.

Gjatë këtij konflikti fizik lëndime trupore ka pësuar njëri nga të përfshirët në këtë përleshje i cili është duke marrë tretman mjekësore në qendrën emergjente në Spitalin Rajonal të Gjilanit, i cili sipas mjekut kujdestar është jashtë rrezikut për jetë.

Në vendin e ngjarjes nga ana e zyrtarëve policor është konfiskuar arma e dyshuar, tri gëzhoja dhe tre fishekë. Po ashtu me urdhër të Prokurorit të Shtetit është realizuar kontroll në shtëpitë e të dyshuarve në dy lokacione të ndryshme.

Pesë të dyshuarit pas intervistimit me aktvendim nga Prokurori i Shteti janë dërguar në mbajtje për 48 orë dhe ndaj tyre do të ngritët kallëzim penal për veprat penale ‘’Shkaktim i rrezikut të përgjithshëm’’, Mbajtja në pronësi, kontroll ose posedim të pa autorizuar  të armëve’’ dhe ‘’Lëndim i lehtë trupor’’.

Zgjedhjet në Shqipëri, deklarohet partia e Edi Ramës

Partia Socialiste ka reaguar mbi procesin zgjedhor, duke vënë akuza ndaj KQZ-së për vendimin për Vorën dhe Njësinë 10-të.

Në deklaratën e saj, PS shpall fitoren e saj pavarësisht vendimit të KQZ-së.

”Mosnxjerrja e rezultateve të Vorës dhe Njësisë 10 nga KQZ, me një vendim arbitrar që bie ndesh me logjikën e votimit elektronik, me traditën e shpalljes menjëherë të rezultatit, si edhe me vetë arsyen e investimit jo të vogël që është bërë për infrastrukturën elektronike, është një vendim arbitrar, i gabuar dhe zhgënjyes për rolin e KQZ si garant i Sovranit popull, e jo i nevojave taktike të partive politike.

Jemi të keqardhur për këtë dhe u bëjmë thirrje Partisë Socialiste të Vorës si edhe mbështetësve tanë në Vorë të ruajnë qetësinë.

Rezultati është në kuti dhe mos kini asnjë dyshim se asgjë dhe askush nuk e ndryshon dot atë. Ju jeni dallandyshja e parë e një fitoreje që do të jetë e paharrueshme në historinë e Partisë Socialiste.Urime, urime, urime!

Të gjithë socialistët e përfshirë në proces në të gjithë Shqipërinë duhet të ruajnë qetësinë, t’u shmangen provokimeve dhe të nxjerrin me durim fitoren nga kutitë ku populli Sovran ka kyçur vendimin e tij historik”.

Vdekja në rrethana tragjike e 24-vjeçarit në Prizren, Policia zbardhë detajet e fundit për rastin

Një ngjarje tronditëse ka ndodhur pasditen e së dielës në zonën malore mes fshatrave Lubizhdë dhe Skorrobisht të Prizrenit, ku një i ri ka humbur jetën në rrethana që kanë tronditur familjarët dhe komunitetin lokal.

Sipas burimeve të Gazetës Sinjali, viktima është identifikuar si Anton Tunaj, 24 vjeç, i cili dyshohet se ka ndërruar jetë pasi është qëlluar me një armë zjarri që po e provonte për ta blerë nga njëri prej shokëve të tij.

Policia ka konfirmuar ngjarjen, deklarata e tyre:

“Sot me datë 11.05.2025 rreth orës 18:20 në Stacionit Policor Prizren- Veri, dy persona njeri 24 dhe tjetri 23 vjeçar kane raportuar në se derisa janë takuar me një person të tret- viktimën A.T. 24 vjeçar dhe ia kanë dhënë një pistoletë, për të ia shitur”.

“Viktima posa e ka marr armën ka shkrepur me armë në drejtim të vetes së tij. Patrulla policore menjëherë është nis në drejtim të vendit të ngjarjes. Është njoftuar emergjenca dhe njësitet përgjegjëse gjithashtu. Në vendngjarje mjeku ka konstatuar vdekjen e viktimës. Me urdhër të Prokurorin trupi i pa jetë dërgohet për ekzaminim në IML”, thuhet në njoftimin e Policisë.

E rëndë sa s’ka më: Kosova nuk po gjenë qetësi, 24-vjeçari e qëlloi vetën me armë aksidentalisht

Përfundimi i zgjedhjeve në Shqipëri, të gjithë po çuditen me një gjë

Kanë kaluar tashmë mbi dy orë nga mbyllja e vendvotimeve në Shqipëri, atje ku qytetarët sot votuan në zgjedhjet parlamentare.

Ndërkohë, gazetarët shqiptarë në shumicën e televizioneve raportojnë për një situatë shumë të qetë në selitë e të gjitha partive, transmeton Nacionale.

Lëvizje shumë të vogla janë parë para dy partive më të mëdha, Partisë Socialiste dhe Partisë Demokratike.

Ndërkohë, deri më tani është publikuar një Exit Poll i gazetarit Baton Haxhiu.

Rezultatet sipas Exit Pollit si vijon:

Mandatet e fituara si ne vijim:

51.8% apo 79 mandate, Partia Socialiste

38% apo 54 mandate, Partia Demokratike

1.80 apo 0 mandate, Shqipëria e Bashkuar

3.60% apo 2 mandate, Partia Mundësia

2.20% apo 3 mandate, PSD

1.20% apo 1 mandat, LB

1.40% apo 1 mandat, KE

E rëndë sa s’ka më: Kosova nuk po gjenë qetësi, 24-vjeçari e qëlloi vetën me armë aksidentalisht

Një ngjarje tronditëse ka ndodhur pasditen e së dielës në zonën malore mes fshatrave Lubizhdë dhe Skorrobisht të Prizrenit, ku një i ri ka humbur jetën në rrethana që kanë tronditur familjarët dhe komunitetin lokal.

Sipas burimeve të Gazetës Sinjali, viktima është identifikuar si Anton Tunaj, 24 vjeç, i cili dyshohet se ka ndërruar jetë pasi është qëlluar me një armë zjarri që po e provonte për ta blerë nga njëri prej shokëve të tij.

Ngjarja dyshohet të ketë ndodhur rreth orës 17:30, kur dy të rinj – S. J. dhe D. B. – së bashku me viktimën, ishin ngjitur në një zonë pyjore për të testuar një armë të tipit revole.

Siç merr vesh Gazeta Sinjali, ata kanë deklaruar para hetuesve se se Tunaj kishte shfaqur interesim për ta blerë armën.

Sipas versionit të tyre, pasi Tunaj kishte shkrepur tri herë në tokë për ta testuar armën, papritmas kishte drejtuar revolen nga koka dhe kishte shtënë mbi veten. Të tronditur, ata janë larguar me shpejtësi nga vendi i ngjarjes dhe janë paraqitur në polici për të raportuar rastin.

Menjëherë pas pranimit të informacionit, njësitet policore kanë shkuar në vendin e ngjarjes dhe kanë siguruar perimetrin. Ekipi mjekësor nga Qendra Emergjente ka konfirmuar vdekjen e të riut në vendngjarje.

Ndërkohë, njësitet e hetimeve dhe forenzikës, nën drejtimin e Prokurorit të Shtetit, janë duke kryer veprimet hetimore për të ndriçuar të gjitha rrethanat e kësaj ngjarjeje, përfshirë origjinën e armës dhe qëllimin e saktë të takimit.

Të dy të rinjtë janë momentalisht të shoqëruar dhe nën mbikëqyrje policore, ndërsa rasti është duke u trajtuar nga Sektori Rajonal i Hetimeve në koordinim të plotë me Prokurorinë.

Kjo ngjarje e rëndë, e cila përfundoi me humbjen e jetës së një të riu, ka lënë pas pikëllim të thellë dhe shumë pikëpyetje që autoritetet pritet t’i ndriçojnë në ditët në vijim.

PS-ja me fitore bindëse… kaq mandate mori

Rezultatet e Exit Poll-it të Klan Kosova dhe Albanian Post për zgjedhjet në Shqipëri që u prezantuan në Rubikon në Klan Kosova e kanë nxjerrë Partinë Socialiste fituese të zgjedhjeve parlamentare në Shqipëri

Sipas këtyre rezultateve, PS ka marrë 51.8%, apo 79 mandate, ndërsa Partia Demokratike e Sali Berishës 38% apo 54 sosh.

Në Qarkun e Tiranës, Partia Socialiste e Edi Ramës ka fituar 47.7 për qind apo 20 mandate, kurse Partia Demokratike e Sali Berishës ka fituar 30.01 për qind apo 12 mandate.

Gjithnjë sipas Exit Poll-it të Klan Kosova dhe Albanian Post, në Qarkun e Elbasanit, PS ka fituar bindshëm me 57 për qind apo nëntë mandate, teksa PD-ja ka marrë 35 për qind apo pesë mandate.

“Ooo Rameee!” – Basha bëhet horë në zgjedhje, partia e tij mbërrin në Kuvend… me biçikletë!

Exit Polli Klan Kosova dhe Albanian Post, ka nxjerrë Koalicionin Euroatlantik të Lulzim Bashës me vetëm 1.40 për qind të votave.

Me këtë rezultat, Basha, ka arritur të sigurojë vetëm nja mandat.

Kurti godet në ‘merkato’: Përforcim i madh nga LDK

Kryetari i Lëvizjes Vetëvendosje, Albin Kurti, ka nisur fushatën e zgjedhjeve lokale nga Prizreni. Në një postim të bërë nga partia e tij në rrjetin social Facebook, thuhet se ia kanë marrë LDK-së kryetarin e nëndegës në Zhur, Behar Begaj.

Sipas LVV-së, Behar Begaj, është emër i njohur në komunën e Prizrenit.

LEXO EDHE:

“Dy deputete të LDK-së janë gati të votojnë Qeverinë Kurti”

Tutje në postimin e LVV-së thuhet se Begaj ka ardhë në këtë parti me bashkëpunëtorët e tij.

Postimi i plotë:

Aderimi i Behar Begajt dhe bashkëpunëtorëve në Lëvizjen Vetëvendosje – Prizren

Lëvizja Vetëvendosje në Prizren vazhdon të zgjerohet dhe të fuqizohet me personalitete të rëndësishme dhe figura me përvojë politike dhe organizative. Në këtë frymë, Behar Begaj, një emër i njohur në komunën e Prizrenit, i është bashkuar Lëvizjes Vetëvendosje, së bashku me një grup të konsiderueshëm bashkëpunëtorësh të tij.

Behar Begaj ka mbajtur pozitën e Kryetarit të Nendegës së LDK-së në Zhur, dhe ishte anëtar i Kryesisë për katër mandate të njëpasnjëshme, ka qenë ish-asambleist i Komunës së Prizrenit dhe ish-kryetar i Bashkësisë Lokale në Zhur. Përkushtimi i tij ndaj komunitetit dhe angazhimi politik i dëshmuar në vite, janë vlera të çmuara që tashmë do të kontribuojnë në fuqizimin e Lëvizjes Vetëvendosje në këtë rajon.

Bashkë me të, në Lëvizjen Vetëvendosje aderojnë edhe shumë bashkëpunëtorë të tij me përvojë dhe përkushtim në jetën publike dhe politike. Emrat e bashkëpunëtorëve që i janë bashkuar Lëvizjes janë:

1. Sali Nuhiu – ish Kryetar i nëndegës PZ

2. Islam Omaj – ish anëtar i nëndegës Zhuri

3. Jetmir Susuri – ish anëtar i nëndegës Zhuri

4. Ajdin Ademaj – ish anëtar i nëndegës Zhuri

5. Zamir Begaj – ish nënkryetar i F.Rinor Zhur

6. Zijadin Omaj – anëtar

7. Uran Krasniqi – anëtar

8. Qendrim Krasniqi – anëtar

9. Nderim Begaj – anëtar

10. Alban Omaj – anëtar

11. Bekim Vezaj – anëtar

12. Ilami Susuri – anëtar

13. Sabri Susuri – anëtar

14. Flamur Gashi – anëtar

15. Floridan Begaj – anëtar

16. Ismet Kyqyku – anëtar

17. Shaban Susuri – anëtar

18. Sami Kurtaj – anëtar

19. Vezir Omaj – anëtar

20. Arif Islami – anëtar

Ky aderim është dëshmi e besimit dhe vlerësimit që strukturat dhe individët me përvojë kanë ndaj Lëvizjes Vetëvendosje. Ky hap i rëndësishëm përforcon strukturat e Lëvizjes në Prizren dhe është një garanci për një angazhim edhe më të fuqishëm në shërbim të qytetarëve.

Mirë se erdhët në Lëvizjen Vetëvendosje!

“Edi Rama e urren Kosovën, do të fitojë Berisha”

Kreu i Partisë Demokristiane në Shqipëri, Nard Ndoka, ka thënë se zgjedhjet e së dielës do t’i fitojë Sali Berisha, dhe sipas tij, ai do të bëhet kryeministër i ri i Shqipërisë. Edhe pse nuk është në listën e të djathtëve, Ndoka ka thënë se është koha e fundit që të përfundojë sundimi i Partisë Socialiste.

Në një intervistë për Interaktiv Talks të gazetarit Xhemajl Rexha, Ndoka ka thënë madje se Edi Rama e urren Kosovën.

“Sali Berisha është i vetmi që e do me zemër Kosovën. Edi Rama nuk e do, madje ai e urren Kosovën, dhe u ka vënë kosovarëve dy pagesa”, ka thënë Ndoka.

Për më shumë ndiqeni videon:

Vendimi i ZReE-së për shtrenjtimin e energjisë elektrike, vjen ky njoftim i rëndësishëm

Aleanca Kosovare e Bizneseve gjatë ditës së nesërme do të mbajë konferencë për media.

Sipas njoftimit është bërë e ditur se në këtë konferencë do të flitet për vendimin të ZRrE-së për shtrajtimin e energjisë elektrike e po ashtu për ndikimin e tij në sektorin privat.

Më herët Aleanca Kosovare e Bizneseve ka vlerësur se shtrenjtimi i energjisë elektrike 16 për qind nuk e arsyeton rritjen e çmimit të produkteve deri në 50 për qind, duke kritikuar keqpërdorimin e situatës.

Kryetari i AKB-së, Agim Shahini ishte shprehur se Kosova duhet të ketë më shumë prodhime vendore dhe të zvogëlojë varësinë nga importet.

Sipas njoftimit konferenca mbahet nga ora 12:00.