Molliqaj publikon një video të Kurtit nga Gjermania: Kur rrena duartrokitet, është shenjë e rrezikut për shoqërinë

Kryeministri i Kosovës, Albin Kurti po qëndron për vizitë në shtetin e Gjermanisë.E nga atje Kurti ka folur për punësimet dhe nepotizmin.

Në një video të publikuar nga Dardan Molliqaj, Kurti shihet duke thënë se në Kosovë njerëzit punësohen vetëm sipas meritës e jo me mbiemra familjesh e lista partie.

Mirëpo për Molliqaj kjo nuk është e vertetë. Ai përmes një reagimi në Facebook ka thënë se kur rrena duartrokitet, është shenjë e rrezikut për shoqërinë.

‘’Kur rrena duartrokitet, është shenjë e rrezikut për shoqërinë!Tash që është në fund të mandatit, Kurti ka filluar tubimet me fjalët e njëjta sikurse para 4 vitesh. Po u thotë mërgimtarëve që në qeverisjen e tij nuk ka punësime partiake dhe nepotiste. Kjo është rrenë në fytyrë të mërgimtarëve’’, ka thënë Molliqaj.

Postimi i plotë:

Kur rrena duartrokitet, është shenjë e rrezikut për shoqërinë!

Tash që është në fund të mandatit, Kurti ka filluar tubimet me fjalët e njëjta sikurse para 4 vitesh. Po u thotë mërgimtarëve që në qeverisjen e tij nuk ka punësime partiake dhe nepotiste. Kjo është rrenë në fytyrë të mërgimtarëve.

Po ua sjelli më poshtë vetëm disa dëshmi që ky po rrenë hapur:

⚠️ NEXHAT KRASNIQI – emërohet shef i KEK-ut duke qenë anëtar dhe drejtues i komiteteve të VV-së. Sot me aktakuzë nga prokuroria dhe vazhdon të mbrohet publikisht nga partia.

⚠️ RILIND GËRVALLA – anëtar i VV-së që e vendosin në krye të televizionit publik. Shumica e bordit ka dhënë dorëheqje për shkak që Rilindi përdorë lajmet qendrore të RTK-së pë të sulmuar mediat e tjera.

⚠️ LEBIBE HALITI – motra e deputetit të VV-së Enver Haliti. Vendoset në krye të ARBK-së, pas shkarkimit të drejtueses paraprake e cila refuzoi urdhërat politik në rastin Klan Kosova.

⚠️ FARUK MUJKA, HASAN KRASNIQI, BESNIK ZEQIRAJ – të tre anëtarë e të afërt të partisë në pushtet. Drejtojnë tri ndërmarrje të rëndësishme publike. Secili ka probleme me ligjin, dhe ndërmarrjet e tyre janë çerdhe nepotizmi e punësimi politik.

⚠️ GAFURR DUGOLLI – vëllau i Enver Dugollit. Vendoset si Sekretar në Ministrinë e Mbrotjes. Është personi më i përfolur për krizën me ushimin e FSK.

⚠️ NASER AFIZI – anëtar i VV, ngritet në detyrë sapo krijohet qeveria. Sot i dyshuari kryesor për skandalin me ambalazhuesit e ujit.

Lista është shumë e gjatë.

Parashikimi i motit për të hënën

Për të hënën parashikohet të mbajë mot me diell dhe vranësira. Në orët e mëngjesit mund të ketë mjegull ose/dhe vranësira të ulëta nëpër lugina dhe ultësira.

Era do fryjë drejtimesh të ndryshme me shpejtësi prej 11-27 km/h.

Temperaturat minimale do të lëvizin prej 6 deri në 9°C, ndërsa ato maksimale prej 19 deri në 22°C. /MeteoKosova/

Të Ngjashme

Meteorologët paralajmërojnë dimër më të ftohtë se ai i vitit të kaluar

11 tërmete të njëpasnjëshme në Serbi, dridhjet ndjehen edhe në…

Në 24 orët e fundit, qyteti i Vrajës në Serbi është përballur me një seri tërmetesh që kanë ngjallur shqetësim mes banorëve.

Janë regjistruar gjithsej 11 tërmete, me magnituda që variojnë nga 1.5 deri në 3.9 shkallë të Rihterit.

Tërmeti më i fuqishëm ndodhi sot në orën 20:50, me magnitudë 3.9. Lëkundjet janë ndier jo vetëm në Serbi, por edhe në Kosovë, veçanërisht në zonat e afërta me kufirin.

Haradinaj: Mërgata shqiptare nuk meriton të gënjehet e të mashtrohet kaq paturpësisht sa herë që afrohen zgjedhjet

Kryeministri i Kosovës, Albin Kurti po qëndron për vizitë në shtetin e Gjermanisë.

Për dy ditë me rradhë Kurti ka takuar mërgimtarët të cilët jetojnë dhe veprojnë në Gjermani.

Mirëpo me këtë nuk po pajtohet kreu i AAK-së, Ramush Haradinaj.

Haradinaj ka kritikuar ashpër kryeministrin Kurti për qasjen e tij ndaj diasporës shqiptare.

Në një postim në Facebook, ish-kryeministri akuzoi Kurtin për gënjeshtra dhe mashtrime ndaj mërgatës shqiptare në prag të zgjedhjeve.

“Diaspora shqiptare është pjesë e atdheut dhe kontributi i saj për liri e për shtet ka qenë thelbësor. Por mërgata shqiptare nuk meriton të gënjehet e të mashtrohet kaq paturpësisht sa herë që afrohen zgjedhjet,” shkroi Haradinaj.

Ai shtoi se Kurti duhet t’u tregojë të vërtetën bashkëkombësve për gjendjen aktuale në Kosovë.

Tërmet në Serbi, dridhjet dëgjohen edhe në Kosovë

Para pak minutash, Serbia është goditur nga një tërmet.

Dridhje të tokës janë dëgjuar edhe në disa qytete të Kosovës.

“Magnituta e tërmetit është 3.9 – 13km në verilindje të Vranjës në Serbi. të dielën, 13 tetor 2024 rreth orës 20:46”.

Ky termet ka ndodhur rreth 72km larg nga Prishtina.

Nesër i jepet lamtumira e fundit 34-vjeçarit nga Malisheva

Një ngjarje e rëndë ka ndodhur sot në Prizren, ku një punëtor i një kompanie ka humbur jetën pasi pësoi lëndime të rënda trupore derisa ishte duke punuar. Viktima vdiq mëngjesin e sotëm, ndërkohë që tashmë Policia ka nisur hetimet në koordinim me Prokurorin e Shtetit, transmeton Gazeta Imazhi.

Kështu kanë bërë me dije burimet e Gazetës  Imazhi, që njoftuan se viktima është një i ri.

Gazeta Imazhi raportoi se bëhet fjalë për Visar Ramaj rreth 34 vjeçar, i cili humbi jetë tragjikisht përderisa ishte duke punuar.

LEXO EDHE: 

E trishtë: Ky është i riu që vdiq tragjikisht në Prizren

34-vjeçari do të varroset nesër më 14 tetor 2024, në ora 16:00, në varrezat e lagjes Ramaj, në Malishevë.

Ja kur pritet të lëshohet për qarkullim rruga e shumëpritur në Prishtinë

Drejtori i Investimeve Kapitale në Prishtinë, Krenar Xhaferi, gjatë ditës së sotme ka njoftuar se ka filluar asfaltimi në rrugën ‘’Nekibe Kelmendi’’.

Në një prononcim për Indeksonline, Krenar Xhaferi ka bërë të ditur se Mbrenda 10 dite finalizohet e gjithë rruga “Nekibe Kelmendi”.

“Mbrenda 10 dite finalizohet e gjithë rruga “Nekibe Kelmendi” në Prishtinë. Sot kemi asfaltu shtresën e parë në këtë rrugë, janë edhe dy shtresa asfaltimi për ta finalizu në tërësi projektin e e rrugës “Nekibe Kelmendi”, ka thënë Xhaferi.

Sipas tij, kjo rrugë do të ndikojë jashtëzakonisht shumë në lirimin e rrugëve, sidomos në rrethrrotullimin te Flamuri.

“Është para planit dinamik të punimeve dhe jamë shumë i lumtur që kjo rrugë po lëshohet në qarkullim që ka me ndiku jashtëzakonisht të lirohet shumë edhe pjesa e rrethrrotullimit poshtë te Flamuri, sepse një pjesë e madhe e komunikimit për atë pjesë është zhvendos në pjesën mbrenda qytetit”, ka thënë tutje Xhaferi./Indeksonline/

Ky është i dyshuari për rrahjen e Goran Rakiqit, çfarë e lidh me rastin Banjska?

Ish-kryetari i Listës Serbe, Goran Rakiq, është sulmuar fizikisht mbrëmjen e së shtunës në veri të Mitrovicës.

Sipas informacione të siguruara nga Paparaci, Rakiq dyshohet se është sulmuar nga Goran Vuçetiq, derisa ngjarja e dhunshme ka ndodhur mbrëmjen e së shtunës në një kafene në veri, në rrugën “Sutjeska”.

Goran Vuçeviq është pronar i lokalit në të cilin ka ndodhur sherri.

Paparaci mëson se, Goran Vuçetiq është vëllai i Vladimir Vuçetiq, i akuzuar për sulmin terrorist në Banjskë të Zveçanit ku u vra polici Afrim Bunjaku.

Autoritetet kosovare patën siguruar informacione për Vladimir Vuçetiqin. Ai është pjesëtar i “Mbrojtjes Civile” dhe i “Brigadës së Veriut”, organizata që Kosova i ka shpallur terroriste. Policia ka gjetur prova në vendin e krimit, që dëshmojnë përfshirjen në sulm.

Prokuroria Speciale e Kosovës i ngarkon të akuzuarit me veprat penale “Kryerja e veprës terroriste”, “Veprat e rënda kundër rendit kushtetues dhe sigurisë së Republikës së Kosovës”, “Lehtësimi dhe financimi në kryerjen e terrorizmit” si dhe “Shpërarja e parave”.

Sheremet Sejdiu, burrit që ja vranë katër djemë por mbetet njëri nga personat me virtyte të larta dhe karakter të fortë

Burri i fortë, Sheremet Sejdiu nga Çirezi, i njohur si Baca Sheremet nga qytetarët, është baba i katër dëshmorëve.

Një njeri me virtyte të larta dhe karakter të fortë, ai luajti një rol të rëndësishëm në betejën e 28 shkurtit 1998 në Çirez dhe Likoshan, duke kontribuar në lirinë e Kosovës me katër djemtë e tij, shkruan Jepi zë

Çdo ditë, dhe veçanërisht në përvjetorë, Baca Sheremet e përshëndet me krenari çdo vizitor në kompleksin e varrezave, ku prehen djemtë e tij të rënë për lirinë e atdheut.

Ai qëndron i fortë dhe burrëror, duke u bërë një simbol frymëzimi për brezat e rinj.

Fotografia e tij me bijtë e tij, të mbështjellur me flamuj kombëtar, ka motivuar shumë të rinj të bashkohen me Ushtrinë Çlirimtare të Kosovës, duke theksuar rëndësinë e sakrificës për lirinë.

Baba Mondi: Jam vëlla i popullit të Izraelit

Nisur nga deklarata e kryeministrit Rama në OKB për transformimin e Qendrës Botërore Bektashiane në një shtet sovran, gazetarët e “The Jerusalem Post” i kanë marrë një intervistë ekskluzive kryegjyshit botërorë të bektashinjve, Haxhi Dede Edmond Brahimaj, për të hedhur më shumë dritë mbi këtë ide ne Tiranë.

“Shteti shqiptar ka të drejtë të miratojë një ligj për këtë çështje. Pastaj, ne mund të shkojmë te komuniteti ndërkombëtar dhe të kërkojmë njohjen e tij. Ne duam të kemi status diplomatik në botë dhe të njihemi si Qendra Botërore e Bektashinjve. Ne jemi duke zhvilluar strategji të ndryshme në lidhje me zbatimin e këtij plani. Por së pari, qeveria e Shqipërisë duhet të miratojë një ligj që ndryshon statusin tonë.”

Sipas “The Jerusalem Post”, nëse nisma kalon shpejt, Baba Mondi do të jetë kreu i parë i shtetit të ri. Gjatë intervistës ai është shprehur se e ka vizituar disa herë Izraelin.

“Unë e njoh Izraelin dhe e konsideroj veten vëlla të popullit të Izraelit. Bektashinjtë janë një komunitet dhe një rrugë mistike e Islamit që i do njerëzit pa marrë parasysh se nga cili vend vijnë, çfarë feje i përkasin, ngjyrën e lëkurës apo politikën e tyre. Ne i konsiderojmë ata si vëllezër dhe motra.”

Nga ana tjetër në intervistën e tij, kreu i bektashinjve ka thënë se luftërat janë vepër e djallit.

“Disa kombe në botë shpenzojnë shumë para për ushtrinë. Por njerëzit duhet të gjejnë mënyra paqësore, pa ushtri dhe luftëra, për të lejuar që çdo komb të jetë i pavarur. Luftërat dhe vrasjet nuk janë fetare. Ato janë vepra e Djallit. Njerëzit që punojnë sipas mënyrave të Djallit nuk janë njerëz.”

Sipas censit të vitit 2023, komuniteti bektashi në Shqipëri përbëhet nga rreth 116 mijë besimtarë të deklaruar, ose 4.8% e popullsisë.