Bajqinovci paralajmëron për rrezikun e një sulmi të ri: “Rreth 800 ushtarë serbë në pritje për të hyrë në Kosovë

Deputeti i Lëvizjes Vetëvendosje (LVV), Mefail Bajqinovci, ka ngritur shqetësime të mëdha lidhur me një kërcënim të mundshëm të sigurisë në Kosovë, duke deklaruar se rreth 600 deri në 800 ushtarë serbë profesionistë po stërviten në Serbi dhe janë të gatshëm për një vendim për të hyrë në territorin e Kosovës. Gjatë një interviste në emisionin “DPT te Fidani”, Bajqinovci vuri në dukje rrezikun e përsëritjes së një sulmi të ngjashëm me atë që ndodhi së fundmi në Banjskë, duke theksuar se ky zhvillim duhet të merret me shumë seriozitet.

“Kosova është përgatitur përballë një sulmi të tillë,” theksoi ai, duke nënvizuar se institucionet vendore po i kushtojnë rëndësi maksimale këtij kërcënimi. Sipas tij, ushtarët serbë po stërviten në bazat ushtarake në Kopaonik, ku numërohen më shumë se 40 baza të vendosura, dhe ata janë në pritje për të realizuar një plan për aneksimin e veriut të Kosovës.

Bajqinovci paralajmëroi se ndërhyrja e forcave serbe mund të shkaktojë destabilizim, por shtoi se Kosova dhe partnerët ndërkombëtarë janë të përgatitur për ta përballuar këtë kërcënim.

“Grupet terroriste serbe po trajnohen e zhvillojnë aktivitete në serbi, ekziston rreziku të përsëritet sulmi terrorist në Kosovë”

Policë dhe mësues pa rroga, Çitaku me kritika të ashpra ndaj Kurtit për mosekzekutimin e pagave

Nënkryetarja e Partisë Demokratike të Kosovës, Vlora Çitaku, ka kritikuar Qeverinë e Kosovës për mosekzekutimin e pagave ndaj sektorit publik. Pagat parashihet të dalin në ditën e fundit të muajit.

Çitaku ka thënë se kjo tregon mungesën e ndjeshmërisë së Qeverisë, si dhe të profesionalizmit.

“Ne duhet të kujtojmë që sot qindra mijëra shërbyes publikë, policë, mjek, mësues, ushtarë nuk i kanë marrë pagat e tyre. Kjo shpërfaq në mënyrë shumë brutale shkallën e lartë të papërgjegjësinë, mungesën totale të llogaridhënies brenda Qeverisë, mungesën e profesionalizmit dhe ndoshta çka është më tragjikja shpërfaq një shkalla të lartë të mungesës së empatisë, ndjeshmërisë”, ka thënë Çitaku në T7.

Ajo ka thënë se sonte shumë qytetarë janë në ankth për pasigurinë e tyre financiare.

Çitaku kritikoi Kurtin edhe për deklaratat e tij kundër mediave dhe ish-qeverive, dhënë në një organizim të internacionales socialiste në SHBA.

“Kryeministri duhet ta di që në New York na përfaqëson të gjithëve”, ka deklaruar Çitaku.

Dështon ekzekutimi i pagave për zyrtarët publikë

18-vjeçares me shami i ndalohet përsëri mësimi në Pejë

Deputeti i VV-së, Gramos Agusholli, përmes një postimi në facebook, ka bërë të ditur se 18-vjeçarja A.D. është penguar përsëri të hyjë në Gjimnazin ‘Bedri Pejani’.

Agusholli, bërë të ditur se arsyeja e kësaj ndalese është për shkak të vonesës së një e-maili nga Drejtoria Komunale e Arsimit në Pejë, ku në atë email ishte pergjigjja ndaj pyetjes së DKA-së drejtuar MASHT-it, lidhur me ligjshmërinë e vazhdimit të mësimit të saj.

LEXO EDHE:

Qeveria mban mbledhje elektronike, merr këto dy vendime

Nga 10 nëntori hyn në fuqi ETIAS-i/ Për të udhëtuar drejt Evropës duhët të plotësojm këto kritere

“Njoftimi nga DKA u përcoll pasdite në shkollë, dhe tani gjithçka është e qartë.

U bëj thirrje të gjithë akterëve të zbatojnë qëndrimet e MASHTI-t, që nuk paraqesin asnjë pengesë për vazhdimin e mësimit të nxënëses.

Ndërkohë ju lus, të gjithë të interesuarit qofshin ata media apo akterë të tjerë të interesuar të ndihmojnë në këtë proces, t’a lejojnë familjen dhe vajzën të vazhdojnë mësimin dhe jetën e tyre private pa asnjë shqetësim”, ka shkruar Agusholli.

Kurti: Rusia dhe Serbia, vende që orientohen nga ideologjia e përbashkët

Kryeministri Albin Kurti para studentëve në Shtetet e Bashkuara të Amerikës ka thënë se Kosova është njëra ndër shtetet e botës që iu është bashkuar sanksioneve të shteteve ndaj Rusisë pas luftës në Ukrainë.

Ai e ka përmendur edhe Serbinë e cila ende nuk ka vendosur sanksione ndaj Rusisë, dhe ka folur për bashkëpunimin e Serbisë me Rusinë dhe Kinën.

“Lufta në Ukrainë është luftë që ndodhi pas 100 viteve në Evropë. Por kjo nuk do të thotë nëse ne nuk jemi të përfshirë nuk jemi të afektuar. Ne jemi veçanërisht të cenueshëm nga agresioni rus, sepse Serbia mban lidhje të ngushta me Rusinë. Lidhjet nuk janë pothuajse historike apo fetare. Dy vende që janë thellësisht të orientuara nga ekonomia dhe ideologjia”.

“Rusia ka shumicën e aksioneve në kompanitë energjetike serbe dhe investimet ruse në Serbi u rritën 8 herë më shumë që nga pushtimi i Ukrainës. Por ndikimet dalin për tej energjisë, përfshijnë universitetet, mediat dhe sferën intelektuale”.

“Serbia është shteti i vetëm evropian i cili ka refuzuar të vendos sanksione ndaj Moskës për luftën në Ukrainë. Po ashtu nuk ka ngritur asnjë kundërshtim edhe për ndonjë luftë tjetër të Rusisë që ka nisur, përfshirë edhe luftën në Gjeorgji, dhe invazionin në Ukrainë të vitit 2014. Ky bashkëpunim po ashtu ka thirrur edhe prezencën e Kinës, e cila është partneri kryesor tregtar i Serbisë jashtë BE-së”, ka thënë Kurti.

Bajqinovci: Serbia dhe Vuçiqi nuk do ta kontrollojnë veriun më asnjëherë

Deputeti nga rradhët e Lëvizjes Vetëvendosje, Mefail Bajqinovci ka thënë se përballja me Serbinë dhe presidentin e saj, Aleksandër Vuçiq në arenën ndërkombëtare nuk është thjeshtë një betejë politike, por sipas tij është një luftë për sovranitetin dhe të ardhmen e Kosovës.

LEXO EDHE:

• Qeveria mban mbledhje elektronike, merr këto dy vendime
• Deputetët e radhës që u larguan nga VV-ja

Sipas Bajqinovcit, opozita duhet të kuptojë që të gjitha përpjekjet për ta penguar Qeverinë Kurti janë përpjekje për të sabotuar interesat e popullit të Kosovës.

Më tej, deputeti i VV-së, theksoi se Serbia e Vuçiqi nuk do ta kontrollojnë asnjëherë më veriun e Kosovës.

“Përballja me Serbinë e Aleksandar Vuçiqit në arenën ndërkombëtare nuk është thjesht betejë politike, por luftë për sovranitetin dhe të ardhmen e Kosovës. Opozita duhet të kuptojë që të gjitha përpjekjet për ta penguar këtë qeveri janë përpjekje për të sabotuar interesat e popullit. Serbia dhe Vuçiqi nuk do ta kontrollojnë veriun më asnjëherë.” –  ka shkruar Bajqinovci.

“Nuk do të lejojmë asnjë hap pas në të drejtën tonë për të mbrojtur çdo centimetër të këtij vendi.” – shtoi ai.

Eman Rrahmani dhe Visar Korenica largohen nga VV-ja, i bashkohen kësaj partie

Deputeti i Kuvendit, Eman Rrahmani e Visar Korenica përfundimisht do të largohen nga  Lëvizja Vetëvendosje.

• Këta janë deputetët e VV-së që kaluan në ulset e PDK-së
• Ahmeti zbulon “të pa thënat” para se VV-ja të ndahet: Albini i ka thënë Molliqajt se…

Ata në zgjedhjet e ardhshme nuk do të jenë pjesë e kësaj partie.

Në një prononcim për Indeksonline, Rrahmani ka konfirmuar se do të bëhen bashke me disa partie tjera.

“Koalicioni për familje, ku listes i prij unë, pjese e koalicionit Akr, PD dhe nje grup intelektualësh”, ka thënë ai.

Ndryshe, Lista për familje e kryesuar nga Rrahmani e Korencia të martën do të zyrtarizojnë koalicionin me Behegjet Pacollin, të martën para Kuvendit të Kosovës.

Po shtohen paknaqësit brenda VV-së, edhe një deputete po i ‘ndan rrugët’ me Kurtin

Dështon ekzekutimi i pagave për zyrtarët publikë

Ka dështuar ekzekutimi i pagave për zyrtarët publikë dhe skemat sociale për muajin shtator.

Kjo pas skadimit të mandatit edhe të ushtruesit të detyrës së Drejtorit të Përgjithshëm të Thesarit, ku pa nënshkrimin e këtij të fundit, nuk mund të bëhet asnjë dalje e parasë publike nga llogaritë e shtetit.

Institucionet ishin në pritje të një opinioni të Ministrisë së Punëve të Brendshme, e cila është përgjegjëse për funksionimin e administratës shtetërore.

Departamenti për Menaxhimin e Zyrtarëve Publikë (DMZP), i cili funksionon në kuadër të Ministrisë së Punëve të Brendshme, ka dhënë një opinion ligjor në përfundim të orarit.

Përmes opinionit, DMZP ka udhëzuar Ministrinë e Financave se si të procedohet nga nesër me ekzekutimin e pagave dhe zëvendësimin e pozitave që kanë funksionuar me ushtrues detyre.

Praktika e Qeverisë Kurti për drejtimin e administratës publike me ushtrues detyre ka çuar në dështimin e procesimit të pagave për zyrtarët publikë dhe skemat sociale duke bllokuar kështu funksionimin e administratës.

Neni 35 i Ligji për Zyrtarët Publik tregon se askush nuk mund të caktohet ushtrues detyre më shumë se një vit.

“Zyrtarja/i publik nuk mund të caktohet si ushtruese/i detyre më gjatë se gjashtë (6) muaj. Kur pozita nuk mund të plotësohet brenda afatit gjashtë (6) mujor, ky afat mund të zgjas më së shumti edhe për gjashtë (6) muaj të tjerë”, thuhet në paragrafin 3 të këtij ligji.

Më tej, në paragrafin vijuese të këtij neni tregohet se duhet të respektohet paragrafi 3.

“Pozita e lirë nuk mund të zëvendësohet me ushtrues detyre për më gjatë se afati i përcaktuar në paragrafin 3. të këtij neni”, është thënë në paragrafin 4 të nenit 25.

Kurse, në paragrafin 5 thuhet se çdo vendim i ushtruesit të detyrës pas kalimit të afatit të përcaktuar në paragrafin 3 është i paligjshëm.

“5. Çdo vendim i marrë nga ushtruesja/i i detyrës, pas kalimit të afatit të përcaktuar në paragrafin 3. të këtij neni, është i paligjshëm”, thuhet në paragrafin 5.

Rukiqi: Pusheteti po na sulmon nga frika e rritjes së LDK-së, kam pa entuziazëm te qytetarët

Anëtari i LDK-së, Berat Rukiqi, përmendi shumë vërejtje për Qeverinë, ndërsa tha se pushteti po e sulmon partinë më të vjetër në vend, duke e parë rritjen e saj.

Rukiqi në Frontal në T7 përmendi sulmet që tha se po i bën anëtarja e LVV-së Dejona Mihali ndaj nënkryetares së LDK-së, Hykmete Bajrami.

Ai tha se po e ndjen rritjen e LDK-së para zgjedhjeve parlamentare të 9 shkurtit 2025.

“Kjo e ka veç një arsye Arsim, frikën nga rritja e Lidhjes Demokratike të Kosovës. Absolutisht që po rritet LDK-ja. Po e shohim nga komunikimi me qytetarë dhe në çdo matje kredibile e cila realisht parasheh një trend të jashtëzakonshëm të rritjes. Kam pa një entuziazëm të jashtëzakonshëm”, tha Rukiqi.

Vjen paralajmërimi: Mund të përballemi me sfida të furnizimit me energji gjatë dimrit

Deputetët e PD i vënë zjarrin karrigeve jashtë Kuvendit, flakët dalin jashtë kontrollit

Deputetët e Partisë Demokratike ndërmorën aktin ekstrem me djegien e karrigeve jashtë Kuvendit të Shqipërisë.

Flakët për një moment dolën jashtë kontrollit duke kërcënuar hyrjen e parlamentit.

Ishte garda ajo që fiku flakët, ndërsa deputetët iu drejtuan sërish seancës plenare ku bllokuan foltoren.

Nga 10 nëntori hyn në fuqi ETIAS-i/ Për të udhëtuar drejt Evropës duhët të plotësojm këto kritere

10 profesionet më të paguara për vitin 2024

Tregu i punës po zhvillohet me shpejtësi, i ndikuar nga përparimet teknologjike, ndërrimet e industrisë dhe ndryshimet globale. Revista Forbes ka evidentuar 10 punët më të paguara për këtë vit, bazuar në kërkesat e tregut, potencialin e inovacionit dhe ndikimin social.

LEXO EDHE:

• Çfarë do të ndodh me pagën minimale 350 euro?
• Vjen paralajmërimi: Mund të përballemi me sfida të furnizimit me energji gjatë dimrit

Pesë nga këto profesione rezultojnë të kenë në bazë njohuritë e teknologjisë së informacionit si ekspertët e sigurisë kibernetike; zhvilluesit e softuerit; zhvilluesit e realitetit virtual dhe realitetit të shtuar; specialistët e tregtisë elektronike dhe marketingut digjital, si dhe inxhinieri robotike.

Por sa janë të përditësuar të rinjtë shqiptarë me këto kërkesa të tregut të punës dhe sa janë të orientuar ata drejt teknologjisë për ta shndërruar atë në profesionin e të ardhmes?

Rezulton se në vitin akademik 2023-2034, dega e studimit “Teknologji e informacionit dhe komunikim” ishte e katërta më e frekuentuara me 7.7% të totalit të studentëve të regjistruar. Ndërkohë që vijojnë të kryesojnë degët tradicionalisht të preferuara, si ekonomi, juridik apo mjekësi.

Por ndërsa në botë, punët me bazë teknologjinë janë ndër më të paguarat, si rezultojnë në Shqipëri?

Të dhënat tregojnë se pagat në këtë sektor renditen në vendin e dytë pas sektorit financiar, me një mesatare mbi 123 mijë lekë në muaj.

Dhe kërkesa për këto profesione mbetet e lartë, si nga sektori publik, ashtu dhe ai privat.