A do të ndryshoj ora të dielën?

Këtë fundjavë, akrepat e orës do të shkojnë 60 minuta mbrapa. Ashtu sikur se është traditë ora dimërore futet në funksion të dielën e fundit të tetorit, që për këtë vit përkon me datën 27 tetor.

Si zakonisht, ndryshimi bëhet rreth orës 03:00 të mëngjesit. Në aparatet e celularëve smart, ndërrimi bëhet automatikisht. Lëvizja e akrepave të orës si fenomen ndodh dy herë në vit: Në javën e fundit të tetorit dhe në të dielën e fundit të marsit, kohë kur ora shkon para.

Ndryshimi i orës më parë në Europë ka qenë jo i njëtrajtshëm, por ajo filloi të përgjithësohej nga viti 1974, pas krizës së parë të naftës kur disa vende vendosën të çojnë përpara orën, në mënyrë që të shfrytëzonin më shumë dritën e diellit dhe të konsumonin më pak energji elektrike.

A kanë vendet e tjera ndryshim të orës?

Në hemisferën veriore, pjesa më e madhe e Evropës dhe Amerikës së Veriut vëzhgon kohën e kursimit të ditës (DST). Egjipti është i vetmi vend në Afrikë që ndryshon edhe orën gjatë verës.

Izraeli, Palestina dhe Libani gjithashtu respektojnë kursimin e ditës. Në hemisferën jugore, marrin pjesë vetëm pjesë të vogla të Amerikës së Jugut dhe Oqeanisë.

Jo çdo vend respekton të njëjtën datë për të ndryshuar orën e tij. Në Australi, për shembull, orët shkuan përpara (për verën e saj) më 6 tetor të këtij viti dhe në SHBA orët do të kthehen më 3 Nëntor.

Dhe të gjitha, përveç një vendi, i ndryshojnë orët me një orë të plotë. Ishulli Lord Howe, në brigjet lindore të Australisë, e rregullon kohën me 30 minuta.

‘Degradon’ analisti i njohur: Kush e mbron Kurtin është me Serbinë

Gazetari Lirim Mehmetaj ka kritikuar kryeministrin Albin Kurti për Marrëveshjen Bazike.

Gazetari Lirim Mehmetaj ka shprehur mendimin e tij kritik ndaj kryeministrit Albin Kurti, duke theksuar se Marrëveshja Bazike e arritur gjatë vitit 2023 ka qenë në favor të Serbisë.

Mehmetaj ka aluduar se mbështetësit e Kurtit nuk e kanë në interes të mirën e vendit.

“Marrëveshja (Bazike) e arritur ka qenë në favor të Serbisë. Albin Kurti e ka mundësu këtë arritje të marrëveshjes. Kush e mbron Albin Kurtin është me Serbinë. Edhe duhet mi luftu bash si armiq, se janë armiq të Kosovës”, ka thënë Mehmetaj.

Ndërkaq, siç thuhet në njoftimit e zyrës së Kryeministrit, gjatë ditës kryeministri i Kosovës, Albin Kurti, dhe Ndihmës Sekretari për Çështjet Evropiane dhe Euroaziatike të Departamentit të Shtetit amerikan, James O’Brien, kanë diskutuar për në dialogun me Serbinë dhe zbatimin e Marrëveshjes Bazike.

Kurti ka theksuar se nënshkrimi i kësaj marrëveshjeje është dëshmi e vullnetit të mirë nga ana e Serbisë për përmbushjen e saj, duke kërkuar respektimin e plotë të Aneksit të zbatimit.

Vajza e vogël palestineze bartë motrën e saj në shpinë për më shumë se një orë, pasi ishte goditur nga vetura në Gaza

Një vajzë e re palestineze është filmuar duke bartur në shpinë motrën e saj të vogël – duke ecur më shumë se dy kilometra në Gaza, para se të hasë në ndihmë.

Vogëlushja ishte goditur nga vetura, por pas një viti luftë dhe sulmeve izraelite, sistemi shëndetësorë në Gaza është shkatërruar pothuajse plotësisht dhe nuk ka kapacitete për të trajtuar të gjithë personat që kërkojnë ndihmë, transmeton Telegrafi.

Një gazetar palestinez i doli në ndihmë asaj dhe motrës së vogël të cilat i dërgoi me veturë deri në kampin al Bureij në pjesën qendrore të Gazas.

Sipas përkthimit të Anadolu Agency, gazetari Alaa Hamouda që po filmonte videon, e pyet vajzën se pse po e bartë në shpinë motrën e saj.

Ajo i thotë se motra është goditur nga vetura dhe se janë në kërkim të trajtimit mjekësor – duke shtuar se e kishte bartur në shpinë për më shumë se një orë. /Telegrafi/

E rëndë: Ky është njëri nga viktimat që vdiq sonte pas aksidentit në autostradën “Ibrahim Rugova”

Dy persona kanë vdekur si pasojë e një aksidenti që ka ndodhur sonte në autostradën “Ibrahim Rugova”.

I riu Ardit Pallanangaj është njëri nga viktimat që humbi jetën nga aksidenti tragjik, shkruan Gazeta Imazhi.

Rastin e ka konfirmuar edhe ushtruesi i detyrës së kryeprokurorit të Prizrenit, Petrit Kryeziu.

“Dy persona kanë vdekur në vendin e ngjarjes. Po ashtu ka edhe persona të lënduar të cilët janë rrezikut për jetë. Në aksident kanë qenë të përfshirë dy vetura dhe një kamion. Në vendin e ngjarjes ka dal edhe prokurori kujdestar dhe po zhvillohen hetimet lidhur me rastin”, tha ai për media.

Këta janë dy të rinjtë që vdiqën sonte në aksidentin në autostradën “Ibrahim Rugova”

Këta janë dy të rinjtë që vdiqën sonte në aksidentin në autostradën “Ibrahim Rugova”

Dy të vdekur është bilanci i një aksidenti që ka ndodhur sonte në autostradën “Ibrahim Rugova”.

Në këtë aksident ishin të përfshirë dy vetura dhe një kamion.

Sipas gazetës Sinjali, dy viktimat e aksidentit të sontëm janë Flurim Parallanga, 29 vjeçar dhe Ardit Parallaga, 21 vjeçar nga Lubizhda e Hasit.

Theksohet se viktimat u gjetën në një veturë me targa të Bosnjës, transmeton Klankosova.tv

Lidhur me rastin tragjik Klankosova.tv ka raportuar më herët.

Tragjike: Dy të vdekur në një aksident të rëndë

Dy persona kanë vdekur si pasojë e një aksidenti që ka ndodhur sonte në autostradën “Ibrahim Rugova”.

Kështu ka deklaruar për Klankosova.tv ushtruesi i detyrës së kryeprokurorit të Prizrenit, Petrit Kryeziu.

“Dy persona kanë vdekur në vendin e ngjarjes. Po ashtu ka edhe persona të lënduar të cilët janë rrezikut për jetë. Në aksident kanë qenë të përfshirë dy vetura dhe një kamion. Në vendin e ngjarjes ka dal edhe prokurori kujdestar dhe po zhvillohen hetimet lidhur me rastin”, tha ai për Klankosova.tv

E dhimbshme: Ky është i riu që vdiq nga aksidenti tragjik

Në orët e para të mëngjesit të sotëm, rreth orës 06:40, një aksident me i rëndë në Gjilan, mes një kamioni dhe një veture, la të vdekur të riun 33-vjeçar, drejtues i veturës, teksa drejtuesi i kamionetës dhe një pasagjer sipas mjekut kujdestar janë jashtë rrezikut për jetë shkruan Gazeta Imazhi.

Gazeta Imazhi ka mësuar se viktima e këtij aksident të rëndë është Osman Sopi, teksa për humbjen e tij tashmë janë deklaruar edhe familjarët.

“Të Allahut jemi dhe te Ai do të kthehemi. Sot me datë 21.10.2024 ndërroi jetë më i dashuri jonë Osman Sopi. E lusim Allahun e Madhëruar ta mëshirojë shpirtin e tij fisnik dhe ta shpërblejë me Xhenetin Firdeus! Ma thave krahun vlla”, thuhet në njoftimin e familjarëve.

Lajmin e ka konfirmuar zëdhënësi i Policisë për Rajonin e Gjilanit, Ismet Hashani, i cili tha se në aksident janë përfshirë një kamionetë dhe një veturë.

“Ju njoftojmë se sot më 21.10.2024 rreth ores 06:40 është  raportuar për një aksident trafiku me lëndime në rrugën e Kamenicë afër pompës së karburanteve ” Hib Petrolit”. Njesia e Trafikut Rajonal dhe Ndihma e parë menjëherë kanë dalë në vend të ngjarjes. Edhe për kundër ndihmës së ofruar nga ekipi i Qendrës Emergjente jemi njoftuar  se rreth orës  07:38 vozitësi i veturës i moshës rreth 33 vjeçar ka ndërruar jetë. Drejtuesi i kamionetës dhe një pasagjer sipas mjekut janë jashtë rrezikut për jetë. Prokurori i shtetit është njoftuar për rastin dhe i njëjti ka dalë në vendin e ngjarjes.”

Prokuroria Speciale nis hetimet ndaj ministrit të Qeverisë Kurti, dyshohet se e dëmtoi buxhetin e shtetit për miliona euro

Prokuroria Speciale ka marrë aktvendim për zgjerimin e hetimeve në çështjen e ambalazhuesve të ujit. I pandehuri rezulton të jetë Ministri i Mjedisit Planifikimit Hapësinor dhe Infrastrukturës Liburn Aliu.

Ministri Aliu dyshohet se gjatë periudhës kohore, prej vitit 2021-2024 në cilësinë e personit zyrtar, pra si ministër, me qëllim të përfitimit të kundërligjshëm të dobisë pasurore për vete apo të tjerët dhe për t’i shkaktuar dëme buxhetit të Republikës së Kosovës, ka keqpërdorur pozitën zyrtare.

Ai dyshohet se ka qenë në dijeni se zyrtarët e kësaj ministrie të pandehurit Izedin Bytyqi dhe Naser Hafizi vepruan në kundërshtim të plotë me rregullat, procedurat e ligjet në lidhje me llogaritjen e borxheve, sipas dokumentit të siguruar nga Nacionale.

Ministri Liburn Aliu dyshohet se ka lejuar, me qëllim përfitimi e për t’i shkaktuar dëm buxhetit të shtetit, që operatorëve ekonomik t’u zvogëlohen borxhet.

Më këtë sipas aktvendimit për zgjerimin e hetimeve, ministri Aliu i ka shkaktuar dëme buxhetit të Kosovës miliona euro.

Qeveria merr një vendim të rëndësishëm

Qeveria ka emëruar komisionin Ad hoc për vlerësimin profesional për pranim për pozitën e lartë të kategorisë drejtuese: Drejtor i Përgjithshëm në Akademinë e Kosovës për Siguri Publike dhe komisionin Ad hoc për vlerësimin profesional për pranim për pozitën e lartë të kategorisë drejtuese: Drejtor Ekzekutiv në Agjencinë e Regjistrimit Civil.

Ky emërim është bërë sot me anë të mbledhjes elektronike të qeverisë, raporton Klankosova.tv.

Fadil Geci flet në Hagë për komunikatën nr 59: Ata që e shkruan nuk janë shqiptarë, duhet me ua bë ADN-në

Fadil Geci po e vazhdon dëshminë e tij në Hagë. Atij i është tërhequr vërejtja disa herë që të përgjigjet konkretisht në pyetje.

Geci ka folur për komunikatën 59, për të cilën ka thënë se ata që e kanë shkruar nuk janë shqiptar.

“Grupi i parë e ka quajtur Amerikën armik, e na kemi thënë që veç me Amerikën mundemi mu çliru. Janë njerëzit të LPK-së, që kanë ardhur me zanë kreun e UÇK-së. Dihet kah ka ardhë ajo frymë, tentuan me na likuidu familjen tonë, vëllaun tonë, me hjek prej ndikimit në atë terren, me rrena e shpifje. Ata njerëz duhet me ua bo ADN se nuk janë shqiptar”, tha ai.

Sipas tij, një grup ka pasur ambicie për pushtet, jo për shtet.