Gurë mbi trasenë hekurudhore Prishtinë-Pejë, shmanget fatkeqësia

Ndërmarrja Infrakos ka njoftuar se janë hasur gurë të hedhur mbi trasenë hekurudhore në linjën Prishtinë-Pejë, në dalje të stacionit Cerrovikë.

Në njoftim thuhet se falë makinistëve të trenit është shmangur një fatkeqësi, raporton teve1.info

“Në linjën hekurudhore Prishtinë-Pejë ka ndodhur një akt i ulët nga individë të papërgjegjshëm, të cilët kanë hedhur gurë mbi trasenë hekurudhore, në dalje të stacionit Cerrovikë, respektivisht në kilometrin 37+500. Falë vigjilencës dhe profesionalizmit të makinistëve të trenit (Trasa 761), është shmangur një fatkeqësi e mundshme, duke mbrojtur jetën e qindra udhëtarëve që po përdornin këtë linjë për udhëtim. Infrakos dhe Trainkos dënojnë ashpër këtë akt të papranueshëm, i cili ka cenuar sigurinë e vendit dhe ka vënë në rrezik serioz jetën e shumë qytetarëve të pranishëm në trenin e linjës”, thuhet në njoftim.

Sipas njoftimit, kjo pengesë ka rrezikuar daljen e trenit nga shinat.

“Vendosja e pengesës në një lokacion të përzgjedhur siç është rrezja e kthesës me kufizim të dukshmërisë në pamje ka rrezikuar daljen e trenit nga shinat, andaj na bën të besojmë se ky nuk është një akt i thjeshtë, por një veprim që duhet të vëjë në lëvizje organet e rendit”, thuhet në njoftim.

Infrakosi e Trainkosi kanë bërë thirrje për hetim dhe zbardhje të rastit, që autorët të marrin dënimin e merituar.

Pas disa ditëve alarmuese për mungesë të shujtave për ushtarët, Ministria e Mbrojtjes ndërrmer këtë hap të papritur

Ministria e Mbrojtjes para pak çastesh ka publikuar një konkurs pune, ku kërkojnë kuzhinierë.

Kjo kërkesë nga ministria vjen pas debateve të shumta për ushqimin e Forcaës së Sigurisë së Kosovës, përcjell IndeksOnline.

Kujtojmë, se dje ka pasur seancë të jashtëzakonshme nga opozita në lidhje me këtë tematikë, ku LVV-ja nuk ka marrë pjesë.

Ndryshe, zëvendësministri, Shemsi Syla, dje ka deklaruar se “ushqimi është në rregull” dhe “cilësor”, ndërsa akuzoi mediat dhe opozitën se po “zmadhojnë këtë punë”.

Petrit Zogaj propozon: Diasporës së Kosovës duhet t’i hiqet e drejta e votës

Analisti Petrit Zogaj ka propozuar që diasporës së Kosovës duhet t’i hiqet e drejta e votës.

Ai ka thënë se është e pamoralshme që një qytetar që jeton në Londër, Berlin apo Paris, t’ia përcaktojë pushtetin qytetarit në Prishtinë.

Postimi:

Diaspores se Kosoves duhet t’i hiqet e drejta e votes. Kushdo qe e merr nje iniciative te tile do te duhej me u perkrah para se gjithash nga qytetaret qe jetojne ne Kosove.

Eshte interes kombetar qe ky debat te fillohet ne Kosove dhe ate sa me shpejt qe eshte e mundur.

E drejta e votes per diaspores eshte e pamoralshme, e padrejte per qytetaret brenda Kosoves dhe thellesisht hipokrite.

Eshte e padrejte qe nje qytetar qe jeton ne Londer, Berlim e Paris t’i’a percaktoje pushtetin politik nje qytetari qe jeton ne Prishtine.

Eshte hipokrite qe njerezit qe jetojne jashte Kosoves, ku jane pjese e sistemit politik, ekonomik e social, t’i’a percaktoje qytetarit brenda Kosoves se cfare sistemi politik, ekonomik e social do te duhej te jetoje.

Diaspora mund te kete mendim se cfare po ndodh ne Kosove dhe se si po qeveriset ajo, por jo edhe te kete fuqine e votes qe te ndikoje direkt ne sistemin politik brenda. Kjo mase do te zvogelonte kete manipulimin emocional qe po ndodh per nje kohe te gjate me diasporen per qellime te pastra pushteti.

E dhimbshme: Ky është burri që vdiq në QKUK pasi ishte goditur nga një furgon

Një aksident i rëndë trafiku kishte ndodhur më 18 gusht në Fushticë të Drenasit, ku një furgon kishte goditur një këmbësor dhe për pasojë i ka shkaktuar lëndime të rënda trupore, si pasojë e të cilave viktima ka ndërruar jetë dje. I ndjeri vdiq pasdite teksa po trajtohej në QKUK, raporton Gazeta Sinjali.

Siç merr vesh Sinjali nga burimet brenda QKUK-së personi që nuk arriti t’iu bëjë ballë plagëve është Zeqir Bahtiari, 83-vjeçar.

I moshuari po trajtohej në Klinikën e Mjekimit Intensiv, ku edhe u konstatua vdekja e tij nga ekipi mjekësor.

Me urdhër të Prokurorit të Shtetit, trupi është tërhequr dhe dërguar në Institutin e Mjekësisë Ligjore për obduksion.

Lajmin e ka konfirmuar edhe Policia Rajonale në Prishtinë.

“Më 14.10.2024 në QKUK ka ndërruar jetë viktima mashkull kosovar pas aksidentit të ndodhur me 16.08.2024. Me urdhër të prokurorit trupi i pajetë i viktimës është dërguar në IML për obduksion.“

Kujtojmë se numri i madh i aksidenteve në trafik po vazhdon të jetë shqetësues.

Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik

Ish-komandanti i FSK-së: Ushtarët duhet të përgatiten për luftë, jo për të gatuar ushqim

Gjeneral Kadri Kastrati, ish-komandant i Forca e Sigurisë së Kosovës ka folur në lidhje me problemin me furnizimin me ushqim për Forcën e Sigurisë së Kosovës.

Në një lidhje me Skype për emisionin “Ballkan Upadate”, ai e ka konsideruar një sjellje të turpshme nga kryeministri Albin Kurti, për të cilën është ndjerë jashtëzakonisht i turpëruar.

Sipas Kastratit, ushtarët duhet të përgatiten për luftë, jo për të gatuar ushqim.

“Të them të drejtën e kam ndjerë veten jashtëzakonisht keq, sepse jam një ndër njerëzit që Forcat e Armatosura të Kosovës i ka përcjellë që nga lufta e Ushtrisë Çlirimtare të Kosovës. Kam qenë në strukturat komanduese të kësaj ushtrie. Këto ditët e kaluara, duke marrë lajmin që ushtria ka probleme me furnizimin me ushqim, unë si ish-komandant jam ndjerë jashtëzakonisht i turpëruar, jam ndjerë shumë keq. Sepse ne ushtarët gjatë luftës kur nuk kemi pasur institucione qendrore apo lokale, kur nuk kemi pasur përkrahje, ushtarët i kemi furnizuar me ushqim. Lërë tani kur e kemi shtetin, e kemi qeverinë. Ushtarët apo oficerët e Kosovës të vuajnë për ushqim, kjo është një marri, një turp i madh për shtetin e Kosovës, për institucionet e Kosovës.

Unë e kam përcjell në vazhdimësi dhe kjo tani mundohet që ta citojnë dhe ministri dhe komandanti dhe sekretari i mbrojtjes, i kësaj ministrie dhe unë të them të drejtën fajin e lë te të gjithë, sepse të gjithë janë bashkëpërgjegjës që ka ardhur deri te kjo situatë, të gjithëve iu mungon një eksperiencë planifikuese, që u është dashur bërë më herët.

Ushtarët nuk duhet të përgatiten për kuzhina, ushtarët duhet të përgatiten për misione shumë më të avancuara dhe për luftë”, u shpreh ai.

Policia i gjen armë e një xhaketë me emblemë të ushtrisë serbe, arrestohet i dyshuari kosovar

Policia e Kosovës ka bërë të ditur se gjatë ditës së djeshme në Banjskë të Zveçanit është arrestuar një person pasi gjatë kontrollit në shtëpinë e tij janë gjetur dhe sekuestruar një pushkë gjuetie me 9 fishekë dhe një xhaketë me emblemë të ushtrisë serbe.

Policia njofton se i njëjti pas intervistimit, është liruar në procedurë të rregullt.

“ARMËMBAJTJE PA LEJE

Fshati Bajskë, Zveqan / 14.10.2024 – 14:45. Është arrestuar i dyshuari mashkull kosovar, për shkak se gjatë kontrollit në shtëpinë e tij janë gjetur dhe sekuestruar një pushkë gjuetie me 9 fishekë dhe një xhaketë me emblemë të ushtrisë serbe. I dyshuari pas intervistimit me urdhër të prokurorit është liruar në procedurë të rregullt”, thuhet në njoftimin 24 orësh të Policisë së Kosovës.

E hëne e kobshme për dy familje në Istog: Dy të rinjtë që u ndan nga jeta

Dita e djeshme ishte e kobshme për familjet Metaj dhe Mehmetaj në Istog, që humbën më të dashurit e tyre, shkruan Gazeta Sinjali.

Astrit Metaj nga fshati Shushicë e Ulët humbi jetën në rrethana akoma të paqarta, ndërsa gazetari Bler Mehmetaj nga fshati Zabllaq u nda nga jeta pas një sëmundje.

Për humbjen e tyre ka njoftuar edhe Komuna e Istogut, me ç’rast kanë shprehur ngushëllime për dy familjet.

“Të nderuara familje Metaj dhe Mehmetaj, në këtë ditë tejet të vështirë, pranoni ngushëllimet më të sinqerta për humbjen e më të dashurve tuaj. Jo vetëm familja, por të gjithë qytetarët e Komunës së Istogut bashkëndjejmë dhimbjen me familjarët, shokët, miqtë dhe të gjithë ata të cilët i njohën Astritin dhe Blerin”.

KEDS njofton, këto vende do të jenë pa rrymë sot

Kompania për Distribuimin e Energjisë Elektrike në Kosovë (KEDS) njofton se më 15.10.2024 do të kryhen punime të domosdoshme për siguri të sistemit energjetik.

Si i rezultat i kësaj, në disa lokalitete do të ketë ndërprerje të rrymës.

Ky është orari sipas rajoneve:

Prishtinë

1.

Nga TS 35/10kV Mazgiti do të ndërprehet:

LP 10kV J09 Qyteti Obiliq (kodi: 15019001) prej orës 09:00 deri në ora 14:00

Vendet: Mazgit te Tyrbja, Prestreshët, Boshnjakë, Klinakë, Ujësjellësi, Berishët, dhe Fakulteti i Gazetarisë

Arsyeja: Mirëmbajtje preventive.

2.

Nga NS 35/10[kV] Koliqi do të ndërprehet:

LP 10kV J06 Koliqi (kodi: 14016002) nga ora 10:30 deri 15:00

Vendet: fshatrat: Koliq, Ballaban dhe Nishevc.

Arsyeja: Mirëmbajtje preventive – ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Punime në projekte investive

1.

Nga TS 220/10kV Drenasi do të ndërprehet:

Stabilimenti -TS Vukovc te Isufdan, pa tension mbesin nga ora 09:00 deri 17:00

1.TS 10/04kV Llapushnik te Gashet (kodi: 16100005043)

2.TS 10/04kV Llapushnik tr. i ri (kodi: 16100005181)

3.TS 10/04kV Vukovc te Hysenët (kodi: 16100005042)

4.TS 10/04kV MENARI PETROL (kodi: 16100005214)

Vendet: Drenas një pjesë, Vukovc dhe  Llapushnik.

Arsyeja: Projekte investive, energjizimi i kabllove të reja dhe demontim i rrjetit të vjetër.

2.

Në TS 35/10[kV] Parku i Biznesit

Nga Dalja 10kV Komorani pa tension mbesi :nga ora 09:00 deri 17:00

1.TS 10/04kV Bajram Thaqi Vukovc (kodi: 16023007193)

2.TS 10/04kV Qerkin Gashi, bash. (kodi: 16023007217)

3.TS 10/04kV “Bes-Company” (kodi: 16023007214)

4.TS 10/04kV “Sharri”Afrim A. Hyseni (kodi: 16023007239)

Vendet: Drenas një pjesë, Llapushnik.

Arsyeja: Projekte investive, energjizimi i kabllove te reja dhe demontim i rrjetit të vjetër

3.

Nga TS 220/10kV Drenasi do të ndërprehet:

Nga Stabilimenti -TS Zabeli I Ulët( trafa e vjetër), pa tension mbesin:nga ora 09:00 deri 17:00

1.TS 10/04kV Zabeli i ultë Haxhollët (kodi: 16100005039)

2.TS 10/04kV Vukovc te Bogiqët (kodi: 16100005040)

3.TS 10/04kV Fehmi Krasniqi”JORA CENTER”SH.P.K (kodi: 16100005098

4.TS 10/04kV Vukovc Bogiq -Krasniq (kodi: 16100005041)

5.TS 10/04kV Llapushnik (kodi: 16100005149) Vendet: Komaran një pjesë, Vukovc dhe  Llapushnik.

Arsyeja: Projekte investive, energjizimi i kabllove të reja dhe demontim i rrjetit të vjetër.

Pejë

1.

NS 110/35/10kV Peja 1 do të ndërprehet:

Dalja 10kV Radavci (kodi: 50000004) nga ora 10:30 deri 15:00

Vendet: Vitomiricë, Brestovik, një pjesë e Novosellës, Jabllanicë e Vogël, Jabllanicë e Madhe. dhe BRRE-Hidrocentrali Radavci.

Arsyeja: Ndërprerje për siguri, Instalimi i mikroswitch-it ne ndërprerës për sinjalin e sustës së kurdisjes ne daljen J05-“Radavci.

Vërejtje! Dalja ka BRRE.

Prizren

1.

Nga TS 35/10kV Dragash do të ndërprehet:

Dalja 10kV Restelica (kodi: 30036002) nga ora 10:30 deri 15:00

Vendet: Lubovishtë, Kukjan, Vranishte,Restelica, Mlikë, Glloboqicë, Krushevë, Zlipotok dhe Orqushë.

Arsyeja: Mirëmbajtje preventive, ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

Ferizaj

1.

Nga TS 110/35/10kV Lipjani do të ndërprehet:

Dalja 10kV Sllovia (kodi: 41000003) nga ora 09:30 deri 14:30

Vendet: Dobratin, Gushtericë e Poshtme, Livagjë, Sllovi, Smallush, Çollapek, Gllavicë dhe Marevc.

Arsyeja: Mirëmbajtje preventive – ndërrimi i shtyllave/izolatorëve të dëmtuar, shtrëngimi i përçuesve dhe pastrimi i trasesë.

2.

Nga TS 35/10kV Kaçaniku do të ndërprehet:

Dalja 10kV J02 Pylltarija (kodi: 40043004) nga ora 10:30 deri 15:00

Vendet: Rrugët: 2 Korriku, Demush Bilalli, Dëshmorët e Lirisë, Emin Duraku, Ismajl Qemajli (një pjesë), Ismajl Raka, Lagjja e Re, Migjeni dhe UÇK; fshatrat: Drenogllavë (një pjesë), Dushkajë (një pjesë), Gjurgjedell, Korbliq, Llanishtë dhe Runjevë si dhe një pjesë e Kaçanikut.

Arsyeja: Mirëmbajtje preventive, pastrimi i trasesë.

Mitrovicë

1.

Nga TS 110/10[kV ]Vushtrria 2 do të ndërprehet:

Dalja 10kV Martiraj (kodi: 73000009) nga ora 09:00 deri 14:00

Vendet: Bahri Kuqi, Bajram Imeri, Gojbule, Studime, Sfaraqak, Skrome, Bozhlan, Gumnishtë dhe Begaj.

Arsyeja: Mirëmbajtje preventive, vendosja e shtyllave  dhe bartja e rrjetit  në Vesekovc.

Gjakovë

1.

Nga  TS 110/35/10kV Rahoveci (H05) do të ndërprehet:

NS 35/10kV Malisheva (H07) dhe pa tension mbesin të gjitha daljet 10kV prej orës 09:00  deri në ora 17:00.

Vendet: rrugët: 603 Adem Jashari (një pjesë), 605 Rilindja Kombëtare (1 konsumator), 606 Pavarësia (1 konsumatorë), 610 Hisni Mazreku (1 konsumator), 603 Adem Jashari (1 konsumator), Imer Krasniqi (7 konsumatorë), 605 Hamdi Berisha (1 konsumator), 606 Pavarësia (1 konsumator), Spitali i Qytetit në rrugën 608 Hamdi Berisha, 535 Prof.Hamdi Berisha, 554 Viliam Voker, 601 Sheshi i Dëshmorëve, 602 Gjergj Kastrioti – Skendërbeu, 603 Adem Jashari, 604 Imer Krasniqi, 605 Rilindja Kombëtare, 606 Pavarësia, 608 Hamdi Berisha, 610 Hizri Mazreku, 611 Jahir Mazreku. 612 Viliam Voker; fshatrat: Burim, Carallukë (një pjesë), Dardania, Gërmiz, Lubizhdë (1 konsumatorë) dhe Senik (1 konsumator), 605 Rilindja Kombëtare (1 konsumator), 608 Hamdi Berisha (1 konsumator), 605 Rilindja Kombëtare (3 konsumatorë), 608 Hamdi Berisha (1 konsumator), 557 Bedri Berisha (1 konsumator); fshatrat: Carallukë, Dragobil, Drenoc, Panorc, Shkarashnikë, Tërpezë e Poshtme, Vërmicë dhe Vërmicë e Malishevës, Bubël, Burim, Carallukë (3 konsumatorë), Damanek, Gurbardhë, Llapçevë, Lubizhdë, Lubizhdë e Malishevës, Lumnishtë, Mirushë, Mrasor, Panorc (një pjesë) dhe Turjakë, Balincë, Bardhë, Bellanicë, Javor, Lladroc, Lladroviç, Lubizhdë, Lluzhnic, Ngucat, Senik dhe Temeqinë, Astrazub, Dragobil, Drenoc, Guriq, Janqishtë, Kërvasari, Marali, Maxharrë, Pagarushë dhe Shkozë, Balincë, Bubavec, Drenoc, Gollubovc, Kijevë, Llazicë, Lubizhdë, Mleqan, Plloçic, Polluzhë dhe Stapanicë, Banjë, Bellanicë dhe Gajrak.

Arsyeja: Projekte investive, instalimi i përçuesit ACCC në linjën 35 kV Rahovec – Malishevë si dhe ndërrimi i izolatorëve 35kV.

2.

Nga NS 110/35/10[kV] Rahoveci do të ndërprehet:

LP 10kV J16 Shkoza (kodi: 82000009) nga ora 09:00 deri 17:00

Vendet: rrugët: 486 Xhelal Hajda-Toni, 490 Gëzim Hamza – Piktori, 497 Shkëlzen Krasniqi, 498 Xhevat e Alajdin Elshani, 499 Mustafë Ibishi dhe 2 konsumatorë fshatit Shkozë dhe 21 konsumatorë komercial.

Arsyeja: Projekte investive, instalimi i përçuesit ACCC në linjën 35 kV Rahovec – Malishevë si dhe ndërrimi i izolatorëve 35kV.

Gjilan

1.

TS 110/20(10)[kV] Kamenica do të ndërprehet:

Nga LP 10kV J04 Strezovci – Stabiliment – Ajnovc

Pa tension mbesin këto NS-ne 0.4kV prej orës 10:30 deri në ora 15:00:

1.NS 10/04kV Meshina kodi: 62000005033

2.NS 10/04kV Meshina kodi: 62000005034

3.NS 10/04kV Buxhenicë kodi: 62000005035

4.NS 10/04kV  Ts I ri kodi:  62000005036

5.NS 10/04kV  Srezoci 1 kodi:  62000005037

6.NS 10/04kV  Kosovicë kodi: 62000005038

7.NS 10/04kV  Carec kodi: 62000005039

8.NS 10/04kV  Bushincë kodi:  62000005040

9.NS 10/04kV  Tirincë kodi:  62000005041

10.NS 10/04kV  Srezoci 2 kodi:  62000005042

11.NS 10/04kV  Krileva 1 kodi:  62000005047

12.NS 10/04kV  Krileva 2 kodi: 62000005048

13.NS 10/04kV  Leshtar kodi: 62000005049

14.NS 10/04kV  Bolec kodi: 62000005050

15.NS 10/04kV  Vaganesh kodi: 62000005051

16.NS 10/04kV  Kremenata 1 kodi: 62000005052

17.NS 10/04kV  Kremenata 2 kodi:  62000005053

18.NS 10/04kV  Rahovicë, TS-privat, Lumturim Sylejmani kodi: 62000005054

19.NS 10/04kV  Grexhenik kodi: 62000005055

20.NS 10/04kV  Srezovci III kodi: 62000005057

21.NS 10/04kV  Krileve kodi:  62000005059

22.NS 10/04kV  Strezoc kodi:  62000005061

23.NS 10/04kV  Rahovicë, TS-privat, Lumturim Sylejmani kodi: 62000005063

Vendet: Meshinë, Bugjenica, Strezoci, Kosovica, Carevci, Bushinca, Tirincë, Krileva, Grexhenik, Leshtar, Boleci, Vaganeshi, Kremenatë dhe Rahovicë.

Arsyeja: Mirëmbajtje preventive, pastrimi i trasesë.

 

Si ta kaloni depresionin sezonal?

Depresioni i dimrit është akoma një mister për shkencëtarët që e studiojnë.

Një ndjenjë e trishtuar na vjen të gjithëve me vjeshtën  vonë, teksa gjethet e fundit bien nga drunjtë dhe mëngjeset e acarta fillojnë. Dielli perëndon relativisht herët dhe nata disi na jep një ndjenjë të parehatshme.

Disa persona e mirëpresin këtë sezon, por disa të tjerë bien në melankoli dhe thellohen në depresionin dimëror.

Depresioni dimëror është akoma një mister për shkencëtarët që e studiojnë atë. Shumë gjëra janë të përfshira në këtë gjendje, duke përfshirë edhe kimikatet që truri ynë liron dhe gjenetikën tonë.

Depresioni dimëror përndryshe njihet si çrregullimi afektiv sezonal (SAD). Personat e prekur nga  SAD kanë një gjë të përbashkët, janë të ndjeshëm ndaj dritës ose ndaj mungesës së saj.

Mungesa e ndriçimit natyral të diellit ndikon në disponimin tonë, duke na bërë melankolik, mirëpo kjo mund të zëvendësohet me dritë artificiale. Kjo do të ndreq disponimin tuaj.

Disa psikolog mendojnë se ky depresion sezonal ka më shumë lidhje me gjenetikën e personit. Nëse faktorët biologjik janë të përfshirë në këtë çështje, atëherë përmirësimi i gjendjes do të jetë i përkohshëm.

Disa nga shenjat e depresionit sezonal janë gjithashtu edhe ndjenja e plogështisë dhe nevoja për të ngrënë shumë. Edhe këto simptoma mund të largohen nëse ne i ekspozohemi dritës për më gjatë.

Si pasojë e errësirës, trupi ynë prodhon më shumë melatoninë, duke na bërë më të lodhur dhe të përgjumur, prandaj zgjidhja e shëndetit më të mirë psikik dhe fizik gjatë kësaj kohe të vitit është që të ekspozohemi në dritë sa më shumë.

A e dini që vetura Alfa Romeo ishte shpallur më e mira e vitit 2021

Vetura Alfa Romeo Giulia ka fituar një tjetër çmim prestigjioz, pasi u zgjodh si më e mira e vitit 2021 nga lexuesit e revistës gjermane “Auto Motor und Sport”.

Lexuesit votuan për sedanin sportiv italian në kategorinë e automjeteve të klasës së mesme dhe kjo është hera e katërt që e merr këtë çmim në pesë vitet e fundit.

Me 22 për qind të votave, Alfa Romeo Giulia tejkaloi 14 konkurrentë.

Ndërkohë, dy modelet e tjera të Alfa Romeos, Giulietta dhe Stelvio, zunë vendin e dytë, përkatësisht të tretë në kategoritë e tyre.

Kësisoj, gjiganti italian Alfa Romeo fitoi edhe çmimin për markën më të mirë për vitin 2021.

Në fakt, kjo është një mirënjohje e madhe nga adhuruesit gjermanë të veturave, duke pasur parasysh se shteti i tyre prodhon disa prej markave të më njohura të veturave në botë.

Më shumë se 101.000 lexues morën pjesë në edicionin e 45-të të garën “Makinat më të mira” të organizuar nga revista e veturave “Auto, Motor und Sport”.

Lexuesit ishin në gjendje të zgjidhnin mes 387 modeleve të ndara në 11 kategori. Ceremonia e ndarjes së çmimeve u mbajt të enjten, dhe për herë të parë online.