Adriana Maotshi nga VV-ja ia uroi Faton Pecit fitorën e tretë sipas saj breda javës në Mitrovicë, transmeton DEMOS.
“Pra u dëshmu që s’ka vjedhje të votave në Mitrovicë
Ngoni loqka, ju filma edhe mundeni me bo, ama jo qesi filma ku ankohet pdk-ja për hajni, se janë t’lodht, si kqyr kerkush!
Po ju flas tash si eksperte e filmave 
Urime Faton fitorja e tretë mrena javës 
“, shkroi Matoshi.
Lajmin e bëri të ditur vet Peci i cili dha edhe arsyet e kësaj padie.
“Kallëzim Penal kundër Ekrem Llukës, Lirim Mehmetajt dhe Ermal Pandurit
Mbrëmë, më datën 11 nëntor 2025, në emisionin “Debat Plus” në RTV Dukagjini, gazetari Lirim Mehmetaj më ka quajtur “kriminel”, e më pas ka shkuar edhe më tej duke më krahasuar me Kasapin e Ballkanit – Sllobodan Millosheviq.
Në këtë emision live, ky gazetar ka thënë: “nëse shkohet me logjikën që dikush nuk mund të quhet kriminel pa pasur një vendim gjyqësor, atëherë as Millosheviqi nuk duhet të quhet kriminel”.
Ky krahasim absurd dhe i qëllimshëm, i bërë publikisht në një televizion vendor, është ofendim i rëndë dhe fyerje ndaj meje si person, por edhe ndaj qytetarëve të cilët i përfaqësoj, të cilët kanë vuajtur drejtpërdrejt nga regjimi i kriminelit Millosheviq.
Duke e ditur ndjeshmërinë publike mbi këtë çështje, krahasimi im me një nga kriminelët më të mëdhenj të njerëzimit, përbën rrezik për jetën time dhe të familjes, ngjall urrejtje dhe përbën sulm të qëllimshëm, duke synuar lëndimin e integritetit tim personal.
Ky nuk është rasti i parë e as i vetmi që ky pseudo-gazetar shprehet me gjuhë urrejtjeje dhe etiketime të papranueshme, në kundërshtim me çdo standard etik e profesional të gazetarisë.
Për këtë arsye, në mbrojtje té dinjitetit e integritetit tim personal, publik e politik, ju njoftoj se shumë shpejt do të deponoj kallëzim penal ndaj Lirim Mehmetajt për veprën penale “Nxitja e përçarjes dhe mosdurimit” dhe vepra të tjera të ndërlidhura, të përcaktuara në Kodit Penal të Republikës së Kosovës, pasi që deklaratat e tilla synojnë qartë prishjen e rendit publik, nxitjen e urrejtjes, krijimin e një klime përqarëse e mosbesimi ndaj personaliteteve publike e institucioneve tě Kosovës.
Në një shtet demokratik dhe ligjor, fjala e lirë nuk mund të keqpërdoret për shpifje, fyerje dhe nxitje të urrejtjes. Liria e shprehjes është e garantuar, por ajo nuk përfshin të drejtën për të poshtëruar dhe për të cenuar dinjitetin e të tjerëve, aq më pak përfaqësuesve të zgjedhur nga qytetarët.
Po ashtu, do të inicoj procedura ligjore të kallëzimit penal, dhe ankesë në KPM edhe ndaj RTV Dukagjini dhe drejtuesve të tyre, pasi që jashtë skemës së zakonshme programore kanë dizajnuar, orkestruar e implemtuar një fushatë që po zgjatë që një vit e gjysmë, gjatë së cilës pandërprerë e në mënyrë sistematike është sulmuar, demonizuar, fyer e baltosur personaliteti im si njeri, si politikan e si qeveritar. Kjo ka ndodhë nën organizimin e Ermal Pandurit, por natyrisht se dirigjimi vjen nga pronari Ekrem Lluka, sepse nuk është e mundshme që brenda shtëpisë së tij mediale të krijohet një platformë e veçantë kundër një njeriu dhe ku vijnë e shfryhen pseudoanalistë e pseudogazetarë dhe ai mos të këtë dorë në këtë inxhiniering. Tani, kur krejt akuzat e njollosjet si dhe përpjekjet për frenimin e fitores sime në Mitrovicë iu dolën bllof, shpalosin edhe krahasimin që e shpjegova më lart.
Prandaj, t’gjithë bashkë do t’i kallëzojmë penalisht e para gjykatës le ta shpjegojnë arsyen e kësaj fushate të denigrimit, sulmit, fyerjes dhe gjuhës së urrejtjes kundër meje si figurë publike e politike, por si qytetar i këtij vendi.
Le t’i tregojnë gjykatësit pse në televizionin e tyre po përhapin e po nxisin përçarje dhe mosdurim si dhe pse po lejojnë akuza e gjuhë denigruese e të urrejtjes, shpifje e fyerje në kundërshtim me ligjin e me çdo kod etik të mediave dhe akteve të aplikueshme në Kosovë.
I juaji,
Faton Peci|, shkroi Peci.
Nasim Haradinaj ka reaguar pas dorëheqjes së Memli Krasniqit nga posti i itë parit të PDK-së.
“Një shembull i vërtetë demokracie dhe përgjegjësie politike. Veprim burrëror që meriton respekt! Bravo, Memli!”, shkroi Haradinaj, transmeton DMEOS.
Ish-gjyqtari, Hasan Shala, ka folur për aktakuzën e ngritur të martën kundër ministres në detyrë, Rozeta Hajdari, dhe tre personave të tjerë.
Shala ka thënë se në aktakuzë, Kurti është përfshirë në cilësinë e dëshmitarit dhe se kur të nis shqyrtimi gjyqësor, Kurti do të ftohet nga gjykata të dëshmojë.
“Në akuzë e kemi si në cilësi të dëshmitarit. Kur të fillojë shqyrtimi gjyqësor, gjykata do ta ftojë edhe me dëshmu. Në bazë të provave që i lexova, për të gjitha këto cështje ka qenë i informuar edhe kryeministri”, ka thënë Shala në frontal.
Ai s’ka përjashtuar mundësinë që kryeministri në detyrë Albin Kurti të përfshihet në aktakuzë nga Prokuroria, por për këtë pritet të shihet procesi dhe nëse do të vërtetohet aktakuza.
“Ekziston mundësia që pas një kohe të përfshihet edhe ky në këtë vepër penale, në aktakuzë, sikur këta tre që janë si bashkëkryes, por të shohim se a do të vërtetohet kjo akuzë. Dhe kur të merren në pyetje dëshmitarët, Prokuroria mund ta zgjerojë akuzën edhe ndaj ish-kryeministrit”, ka thënë ai.
“Deri me tani ende nuk kemi një raport zyrtar të pranuar nga Komisioni Komunal i Zgjedhjeve. Gjatë procesit të numërimit janë bërë kopje fletëvotimeve, për të evidentuar saktë secilin fletëvotim. Lajmet dhe informacionet mbi numrin e fletëvotimeve me kode të ndryshme të vendvotimeve janë të pasakta dhe të pa konfirmuara zyrtarisht”, ka thënë Elshani.
Gjatë ditës në Qendrën e Numërimit në Mitrovicë janë gjetur dhjetëra fletëvotime me numra serikë të çrregullt, ku shumica absolute ishin me votë për Faton Pecin. PDK-ja, LDK-ja dhe partnerë të tjerë të koalicionit në Mitrovicë kanë kërkuar që të ketë rivotim në Mitrovicë.
Deputeti i PDK-së, Memli Krasniqi, në konferencën e sotme për media ku edhe ka deklaruar dorëheqjen nga pozita e të parit të partisë, ka treguar edhe arsyet se pse e ka marrë një vendim të tillë.
Krasniqi ka thënë se ky vendim vjen si rezultat i një reflektimi të gjatë dhe rrjedh nga një planifikim krejt tjetër. Ai ka treguar se dorëheqjen kishte planifikuar ta jepte më herët, por që si pasojë e dështimit të planit për krijimin e një qeverie, ishte dashur ta shtynte.
“Është një reflektim i gjatë, një planifikim më tjetër. Një vendim që ndoshta do ta merrja më herët, nëse do të kishim stabilitet institucional. Sikur të ndodhte një qeveri që e kishim planifikuar, do t’i shpallja zgjedhjet e partisë dhe s’do të kisha garuar”, ka thënë Krasniqi në konferencë.
Ai ka thënë se dorëheqja lidhet edhe me faktin se do të ketë zgjedhje të reja në vend dhe sipas Krasniqit, kryetari i ri i PDK-së duhet të jetë edhe kandidat për kryeministër.
“Por meqë jemi para zgjedhjeve, duhet ta kemi kandidatin për kryeministër edhe për kryetar”, është shprehur Krasniqi.
Sa i përket rastit të Drenasit, Krasniqi ka thënë se është vetëm një fusnotë në gjithë arsyet që ka përmendur për dorëheqjen.
“Çështja e Drenasit, është çështje që e kam adresuar. Është vetëm një fusnotë në arsyet për të cilat fola”, ka thënë Krasniqi.
Ajo ka thënë se në PDK “çdokush jep dorëheqje apo përjashtohet, përveç Sami Lushtakut”, duke shtuar se “asgjë e re nuk ndodh, pavarësisht kush vjen apo shkon si kryetar formal”.
“Në PDK çdokush jep dorëheqje apo përjashtohet. Përveç njërit, Sami Lushtakut. Asgjë e re nuk ndodh kushdo që vjen apo shkon si kryetar formal”.
Kryetari i degës së PDK-së në Skenderaj, Sami Lushtaku ka reaguar pas dorëheqjes së Memli Krasniqit si kryetar i partisë.
Lushtaku e ka falënderuar Krasniqit për angazhimin dhe lidershipin e treguar gjatë kohës sa ka udhëhequr me PDK-në, transmeton Zeri.info.
Ai ka përmendur se PDK-ja, është parti shtetformuese që ka vizion të qartë për zhvillimin e vendit dhe sipas tij, ky vendin i Krasniqit shënon një momentum të ri që e rrit PDK-në.
Shkrimi i plotë i Lushtakut:
Në emër tim dhe të strukturave të Partisë Demokratike të Kosovës në Skënderaj, shpreh falënderimin dhe respektin më të lartë për punën, angazhimin dhe lidershipin e treguar nga kryetari i deritanishëm i PDK-së, Memli Krasniqi.
PDK është parti shtetformuese dhe shtetndërtuese, e cila ka vizion të qartë për zhvillimin e vendit prandaj ky vendim i dorëheqjes le të shënojë një momentum të ri i cili e fuqizon, e rritë dhe e unifikon edhe më tepër PDK-në.
Suksese në vazhdimësi, kryetar!
SL
Paneli Zgjedhor për Ankesa dhe Parashtresa (PZAP) ka refuzuar si të pabazuar ankesën e Lëvizjes Vetëvendosje (LVV) ndaj Lidhjes Demokratike të Kosovës (LDK), lidhur me pretendimet për shkelje të heshtjes zgjedhore gjatë ditës së votimit për raundin e dytë të zgjedhjeve lokale të mbajtura më 9 nëntor 2025.
Bëhet fjalë për rastin ku gjatë ditës së zgjedhjeve ministri në detyrë Xhelal Sveçla, e fotografoi aktivistin e LDK, sepse në xhaketën e tij ai mbante një simbol të LDK-së e më pas e publikoi edhe në rrjete sociale shkruan Gazeta Online Reporteri.net.
Sipas PZAP, LVV kishte pretenduar se aktivisti i LDK-së, Art Mekoja, ishte parë jashtë shkollës fillore “Faik Konica” në Prishtinë, e cila shërbeu edhe si qendër votimi gjatë ditës së zgjedhjeve, duke e konsideruar këtë si shkelje të Ligjit për Zgjedhjet e Përgjithshme dhe Rregullores Zgjedhore nr. 07/2024.
Në përgjigjen e saj, LDK kishte mohuar akuzat, duke sqaruar se ngjarja kishte ndodhur në hapësirë publike, jashtë rrethojave të shkollës, në sheshin “Xhorxh Bush”, dhe se aktivisti ishte thjesht duke pritur kryetarin e partisë në momentin kur ai shkonte për të votuar.
Pas shqyrtimit të ankesës dhe provave të paraqitura, përfshirë video-incizimet e bashkangjitura nga LVV, PZAP ka vlerësuar se nuk ekzistojnë dëshmi të mjaftueshme për të provuar se është kryer shkelja e pretenduar.
“Nga videoja e dorëzuar si provë, nuk vërtetohet se aktivisti i subjektit politik LDK ka kryer veprime që bien në kundërshtim me dispozitat ligjore. Filmimi është bërë jashtë rrethojave të shkollës, në rrugë publike, dhe nuk dëshmon ndonjë aktivitet zgjedhor apo ndërhyrje në procesin e votimit”, thuhet në arsyetimin e vendimit të PZAP-së.
Paneli, i përbërë nga gjyqtarët Kymete Kicaj (kryesuese), Skender Çoçaj dhe Arsim Hamzaj, ka konstatuar se barra e provës bie mbi ankuesin dhe se në këtë rast nuk janë ofruar dëshmi të qarta dhe bindëse për shkelje ligjore.
Sipas ligjit, kundër këtij vendimi palët kanë të drejtë ankese në Gjykatën Supreme të Kosovës brenda 48 orëve nga pranimi i vendimit.
Në një deklaratë për media, Krasniqi tha se dëshiron të shmangë çdo keqkuptim apo spekulim, duke theksuar se zyrat dhe puna e tij mbeten brenda PDK-së.
“Por, një gjë që me pasë të qartë, që mos me pasë ndonjë spekulim – unë këtu vazhdoj me qenë, edhe zyrat këtu i kam, edhe punën këtu e bëj, edhe angazhimin e kam me i fitu zgjedhjet e me hjek Albin Kurtin prej qeverisë,” deklaroi ai.
“Normal që do të jem, se më takon me qenë kujdestar dhe me u siguru që procesi të hënën të shkojë si duhet. Besoj që është gjithçka në rregull. I ftoj kolegët dhe anëtarët që i përmbushin kushtet të shprehin vullnetin e tyre, dhe nëse jo, të gjejmë një rrugë të përbashkët me udhëheqësin tonë të ardhshëm,” shtoi ai.
