Murati: Subvencionimi i faturave të KEDS-it vlen për këtë periudhë kohore
Ministri në detyrë i Financave, Hekuran Murati ka thënë se subvencionimi i faturave të KEDS-it për familjet e cenueshme nis në tetor të këtij viti dhe zgjat deri në muajin mars të vitit të ardhshëm.
Murati, i cili propozoi sot në mbledhjen e qeverisë vendimin për lansimin e programit për subvencionimin e faturave të energjisë elektrike për familjet e cenueshme, tha se pagesa bëhet direkt në llogari të konsumatorit në muajin pasues.
“Programi në fjalë mbështet familjet e cenueshme që kanë të ardhura mesatare më pak se 150 euro/muaj/anëtar, dhe që kanë prona të paluajtshme me vlerë më pak se 100,000 euro”, tha Murati.
“Subvencionimi aplikohet për faturat e periudhës tetor-mars, dhe paguhet direkt në llogari të konsumatorit, pas leximit të orëmatësve – pra në muajin pasues”, tha ai.
Murati njoftoi se gjatë ditëve në vijim “do të njoftoheni për detaje sa u përket aplikimeve të reja dhe/apo ndryshimeve të orëmatësve”. /Paparaci.com