Magazine PRO

Ish-nênkryekryetari i Gjykatës Kushtetuese, Kadri Kryeziu, ka reaguar ashpër ndaj atyre që po kundërshtojnë përfundimin e seancës konstituive të Kuvendit pa zgjedhjen e nënkryetarit nga komuniteti serb.

Ai theksoi se një interpretim i tillë i Kushtetutës i jep Serbisë mundësinë që përmes bojkotit të paralizojë institucionet e Kosovës.

“Me dorën tonë ia japim Serbisë fuqinë që ta vrasë Republikën. Thjesht duke mos marrë pjesë në seancë, deputetët serbë do ta bllokonin konstituimin e Kuvendit,” tha Kryeziu.

Duke kujtuar rastet e bojkoteve të Listës Serbe, përfshirë largimin nga institucionet në vitin 2022, ai u shpreh se kjo logjikë është e rrezikshme dhe një “fitore e madhe për Serbinë”.

Postimi i plotë:

Nuk e kam zakon të shprehem keq dhe ashpër, por kam frikë që më duhet të dal nga vetja, sepse disa njerëz thjesht nuk kuptojnë ndryshe.

Të gjithë ju që po bëni zhurmë se Kuvendi nuk mund të konstituohet pa u zgjedhur edhe nënkryetari i Kuvendit që i takon komunitetit serb, e që po ulërini se konstatimi i Kryetarit të Kuvendit që seanca konstituive ka përfunduar është përmbysje e rendit kushtetues e pallavra të tjera idiote, ju them që sinqerisht keni nevojë të shkoni te doktori sepse nuk jeni në tokë të bukës.

Mendoni vetëm pak për faktin se që nga krijimi i institucioneve të para pasluftës, pra edhe në kohën e UNMIK-ut, përfaqësuesit politikë të komunitetit serb e kanë aplikuar rregullisht pa dëgjueshmërinë qytetare, përfshirë edhe braktisjen dhe bojkotin e institucioneve të Kosovës. Rasti i fundit është në nëntor të vitit 2022, kur e dirigjuar nga Beogradi “Lista Serbe” vendosi të braktiste institucionet e Kosovës, përfshirë Qeverinë dhe Kuvendin.

Nëse mbizotëron interpretimi që i jep veto në konstituim të Kuvendit komuniteteve jo shumicë, të cilin fatkeqësisht e kanë përqafuar edhe disa politikanë, dhe rrjedhimisht institucionet kompetente, Presidenca dhe Gjykata Kushtetuese, konstatojnë që nuk ka konstituim të Kuvendit pa zgjedhjen edhe të nënkryetarit serb të Kuvendit, atëherë me dorën tonë ia japim Serbisë fuqinë që ta paralizojë me vdekje klinike Kuvendin, organin më të lartë të Republikës. Po, me dorën tonë e vrasim Republikën.

Thjesht duke mos marr pjesë në zgjedhje, apo edhe duke e bojkotuar seancën konstituive, deputetët e zgjedhur serbë e pamundësojnë konstituimin e Kuvendit. Duke e bojkotuar seancën konstituive ata vërtet e humbin mandatin e deputetit, por ky akt vetëflijimi personal iu siguron deklasimin e Kuvendit, rrjedhimisht edhe të vetë Republikës, një fitore kjo shumë e madhe për Serbinë.

Mendoni pak o gra e burra. Vejani pak gishtin kokës. Shikojeni a jeni në terezi, e mos ndoshta në ushqim ju kanë futur ndonjë substancë? Apo, mos e bë o Zot, vërtet e keni shitur shpirtin te djalli?

Qeveria e Shqipërisë ka shpallur 2 shtatorin, ditë zie kombëtare në nderim të Dhimitër Anagnostit, një prej figurave më të shquara të artit dhe kulturës shqiptare.

Sipas njoftimit të Agjencisë për Media dhe Informim, gjatë ditës në të gjithë vendin flamujt do të ulen në gjysmështizë. Ndërkohë institucionet kanë organizuar homazhe për ta nderuar kontributin e Anagnostit.

Anagnosti vdiq të hënën në moshën 89-vjeçare. Ai konsiderohet një prej ikonave të filmit.

Anagnosti u diplomua në Moskë më 1960 dhe që në fillim të karrierës u dallua me filmin “Njeriu kurrë nuk vdes”, i vlerësuar me Çmimin e Parë në Festivalin Botëror të Shkollave të Kinemasë në Holandë.

Gjatë katër dekadave krijimtarie ai realizoi 14 filma artistikë dhe 10 dokumentarë, duke hyrë në historinë e artit shqiptar me vepra të pavdekshme.

“Komisari i dritës”, “Duel i heshtur”, “Lulëkuqet mbi mure”, “Kthimi i ushtrisë së vdekur”, “Përrallë nga e kaluara”, “Gurët e shtëpisë sime”, “Cuca e maleve”, “Malet me blerim mbuluar” dhe “Gjoleka, djali i Abazit”, janë disa prej veprave të tij. Shumë prej tyre u shfaqën në festivale ndërkombëtare dhe u vlerësuan me çmime. Për artin e tij të rrallë Anagnosti u nderua me titullin “Artist i Popullit” dhe me kupën e karrierës në Festivalin e 10-të të Filmit Shqiptar. Përveç kinemasë, ai dha kontribut edhe në politikë si deputet dhe ministër i Kulturës në fillim të viteve ‘90. Ishte gjithashtu ideator i fondacionit “Fan Noli” dhe autor i dramës “Nata e trokitjeve në xham”.

Dhimitër Anagnosti ishte i martuar me aktoren Roza Anagnosti, duke krijuar një nga çiftet më të dashura të skenës shqiptare. Emri dhe filmat e tij do të mbeten përjetësisht pjesë e identitetit kulturor shqiptar.

Gazetari Vehbi Kajtazi është deklaruar rreth zgjedhjes së Dimal Bashës si kryetar i Kuvendit të Kosovës, duke e cilësuar si një “degradim të madh” të institucionit.

Sipas Kajtazit, që nga ardhja e qeverisë së Albin Kurtit, institucionet e vendit kanë qenë nën presion të vazhdueshëm.

“Instiucionet tona prej ardhjes në pushtet të Kurtit kanë qenë në sulm të vazhdueshëm. Prokuroria, gjykata, gjykata kushteutse, policia, mediat, gjithçka që ai e ka konsideru pengesë në rrugëtimin e tij për ta kapur shtetin deri në palcë. Në këtë frymë mendoj që Kurti është duke e degradu Kuvendin e Kosovës. Degradimi i pare vije me propozimin e Dimal Bashes për kryetar dhe votimin që e mori edhe nga opozita”.

Ai vlerëson se zgjedhja e Bashes, madje edhe me mbështetjen e opozitës, nuk pasqyron standardet e Kuvendit.

Edhe mëherët ka pas budallë në listat e partive politike, por nuk qohet me ba kryetar kuvendi. Nuk po e cilësoj Bashën të tillë, besoj është më i kthjelltë. Por është degradim i madh, nuk e përfaqëson kuvendin e kosovës, është i padijshëm, ka një gjuhë palidhje, shan, fëlliqë me gojë. Është vulgar, është palaqo politike, prandaj nuk mundesh institucionit kryesor me ia dhuru një kësi lloj figure sepse ti ke degradu”, tha Kajtazi në Rubikon.

Spitalet franceze janë urdhëruar të bëjnë përgatitje për një luftë të afërt në Evropë, ndërsa Gjermania thotë se është në gatishmëri për stërvitjet ushtarake të Rusisë, shkruan “Daily Mail”.

Ministria e Shëndetësisë e Francës u ka thënë organeve shëndetësore në të gjithë vendin të përgatiten për një “angazhim të madh” të mundshëm deri në mars të vitit 2026, sipas dokumenteve të siguruara nga Le Canard Enchaîné.

Qeveria franceze po parashikon një skenar ku kombi do të bëhet një shtet mbështetës, që ka kapacitetin për të marrë një numër të madh ushtarësh të plagosur nga Franca dhe vende të tjera evropiane.

Urdhri synon të “parashikojë, përgatitet dhe përgjigjet ndaj nevojave shëndetësore të popullsisë, duke integruar nevojat specifike të mbrojtjes në fushën e shëndetësisë”.

Ministria e Shëndetësisë shtoi: “Ndër rreziqet e identifikuara, pra, është hipoteza e një angazhimi të madh ku çështja e shëndetit do të konsistonte në kujdesin për një fluks potencialisht të lartë viktimash nga jashtë”.

“Prandaj, është një çështje për sistemin tonë shëndetësor të parashikojë kujdesin e pacientëve ushtarakë në sistemin shëndetësor civil”.

Kjo vjen pasi shefi i Mbrojtjes i Gjermanisë, Carsten Breuer, tha se NATO-ja dhe forcat e vendit të tij do të jenë në gatishmëri përpara stërvitjeve ushtarake ruse.

Breuer tha se megjithëse nuk pret që forcat e Vladimir Putinit të sulmojnë territorin e NATO-s, ndërsa Rusia kryen stërvitje ushtarake në Bjellorusi me stërvitjen “Zapad 2025”, kombi i tij do të jetë “në gatishmëri”.

“Nuk kemi asnjë tregues se përgatitjet për një sulm po bëhen nën mbulesën e stërvitjes. Por ne do të jemi në gatishmëri, jo vetëm forcat gjermane, por edhe NATO”, shtoi ai.

Kjo vjen mes frikës se bota është në prag të një Lufte të Tretë Botërore që, sipas shefit të NATO-s, Mark Rutte, do të fillojë nga Rusia dhe nga Kina.

Ai paralajmëroi në korrik se sulmet e kombinuara nga udhëheqësit kinezë dhe rusë mund të shkaktojnë një makth të Luftës së Tretë Botërore dhe ta çojnë planetin në prag të Armagedonit.

Sipas shefit të NATO-s, Kina do të fillojë duke kërkuar të kapë Tajvanin – ndërsa sigurohet që lideri i Kremlinit të sulmojë njëkohësisht territorin e NATO-s, mes frikës se Putini po ua hedh sytë republikave baltike Estonia, Letonia dhe Lituania, ish-pjesë e BRSS-së.

Ish ministrja e Drejtësisë tashmë nënkryetare e Kuvendit, Albulena Haxhiu është e ftuar sonte në “Politiko” me Kushtrim Sadikun.

Nënkryetarja Albulena Haxhiu tha se gjithmonë do vazhdojë të thotë se opozita në Kosovë është në të njejtën linjë me Listen Serbe për shkak se ata nuk kanë votë kundër dhe abstenuan në Komisionin Zgjedhor te Zgjedhjeve.

“Unë edhe sot dhe jo vetëm do vazhdoj ta them se opozita në Kosovë është në linjë me Listen Serbe, për shkak se ata nuk kanë votë kundër dhe abstenuan në Komisionin Zgjedhor te Zgjedhjeve”.
Haxhiu tha se ata abstenuan dhe nuk votuan kundër çertifikimit të Listës Serbe kur ishte diskutimi për këtë, por vetëm abstenuan për secilin deputet të Listës Serbe.

Albulena u shpreh se ishte e habitshme për të për faktin se sipas saj, jo rralllëherë i kemi parë në të njejtën linjë opozitën me Listën Serbe edhe ne raport me votën në Kuvendin e Kosovës,

“Për sa kohë opozita jonë voton kundër Albulena Haxhiut, Donika Gërvallës, Hekuran Muratit, Arbërie Nagavcit, nuk votojnë kësisoj edhe për deputetët e Listës Serbe, Ata kanë vetëm votë abstenuese për ta”, tha Haxhiu per raportin mes tyre dhe opozites.

Arsyeja edhe më e madhe se pse ajo i paraqet në të njejtën linjë Listën Serbe me opozitën është sepse nuk i kishte dëgjuar asnjërin prej tyre të thoshte se Lista Serbe nuk duhet të çertifikohet dhe të reagojnë rreth ngjarjeve në Banjskë.

“Kurrë nuk i kam degjuar teksa ata thonë se kryeterroristi Millan Radojçiq, kryetari formal i Listës Serbe duhet të sillet në Republikën e Kosovës, së pari të përballet me përgjgjesi penale dhe të dënohet për sulmin terrorist në Banjskë”./Gazeta10

Dy persona janë arrestuar dhe dërguar në mbajtje pas vdekjes se një punëtori në vendin e punës, ditën e djeshme në Suharekë.

Siç bën të ditur policia e Kosovës, rasti është iniciuar si “asgjësim dëmtim ose heqje e pajisjeve mbrojtëse dhe rrezikim i sigurisë në vendin e punës”.

Viktima ka pësuar lëndime që kanë qenë vdekjeprurëse në rrethane ane të paqarta, thotë policia.

“ASGJËSIM, DËMTIM OSE HEQJE E PAJISJEVE MBROJTËSE DHE RREZIKIM I SIGURISË NË VENDIN E PUNËS

Suharekë 01.09.2025-14:30. Raportohet se në emergjencën e Suharekës është dërguar pa shenja jete viktima mashkull kosovar. Dyshohet se viktima në vendin e punës në rrethana ende të pa njohura ka pësuar lëndime trupore. Të gjitha njësitë përkatëse kanë dal në vendin e ngjarjes. Me vendim të prokurorit , dy të dyshuar meshkuj kosovarë janë arrestuar dhe pas intervistimit janë dërguar ne mbajtje, ndërsa trupi i pa jetë është dërguar në IML për obduksion”, thuhet në raportin 24 orësh të Policisë së Kosovës.

Ndërkohë, siç u raportua ditën e djeshme, 35 vjeçari me inicialet P.O, dyshohet se është goditur nga një vinç në kokë derisa po punonte.

Gazeta Sinjali mëson ekskluzivisht se ka ndërruar jetë këmbësorja që ishte përfshirë në një aksident trafiku më 20 gusht 2025, në fshatin Vragoli, në rrugën nacionale Pejë–Prishtinë.

Viktima është identifikuar si Shkurte Zeka, 44-vjeçare e cila pas aksidentit ishte dërguar në QKUK dhe po trajtohej në kujdesin intensiv.

Burime të Sinjalit bëjnë të ditur se rreth orës 01:00 të mëngjesit, familja Zeka është njoftuar se ajo nuk kishte arritur t’u mbijetonte plagëve të marra.

Me urdhër të Prokurorit, trupi i pajetë është dërguar në Institutin e Mjekësisë Ligjore për obduksion.

Qytetarët që jetojnë në disa zona të Prishtinës dhe Graçanicës janë udhëzuar të mos e përdorin ujin për pije, pas rritjes së përqendrimit të manganit në rrjetin shpërndarës që furnizohet nga liqeni akumulues i Badocit.

Zonat e prekura përfshijnë: Graçanicën dhe fshatrat përreth, Hajvalinë, Veternikun, Lagjen 038, Lagjen Qëndresa, Qëndresa Home, Swiss Village, fshatin Preoc, Çagllavicën, rrugët Behar Begolli, Richard Holbrooke, Shkupi, Holger Petersen, Malush Kosova, Lagjen Qershia, Lagjen NIC, Matiçanin (drejtimi nga Pallati i Drejtësisë), fshatin ndërkombëtar, rrugën Muharrem Fejza, Enver Maloku, Lagjen Kodrina, objektet Tregtia, Iliria Building, Standardi, dhe zona të tjera si Bregu i Diellit (qendra dhe rreth Albi Mall), shkolla Ismail Qemali, rrugët Mehmet Gradica, Hyzri Talla, Qamil Bala, dhe pjesa “te Xhambazët”.

Sipas komunikatës së përbashkët nga IKSHPK dhe KRU “Prishtina”, analizat e fundit laboratorike kanë treguar rritje të nivelit të manganit në ujin e liqenit Badoc dhe në rrjetin e furnizimit.

Edhe pse kjo tejkalon kufijtë teknikë të cilësisë së ujit për konsum, deri tani niveli nuk ka arritur në pragun e rrezikshëm për shëndetin.

Megjithatë, si masë parandaluese, qytetarët këshillohen që të mos e pijnë ujin deri në njoftimin e radhës.

IKSHPK thekson se vlimi i ujit nuk e eliminon manganin, pasi bëhet fjalë për ndotje kimike.

Uji mund të përdoret vetëm për pastrim dhe mirëmbajtjen e higjienës personale e ambientale. /Telegrafi