Garë e ngushtë mes VV-së dhe PDK-së në fshatin e Kadri Veselit: Ja kush po prinë

Partia Demokratike e Kosovës (PDK) ka dalë forcë e parë në fshatin Broboniq, vendlindja e ish-kryetarit të kësaj partie, Kadri Veseli, në zgjedhjet parlamentare të 28 dhjetorit.

Sipas rezultateve të publikuara nga vendvotimi në këtë fshat, PDK-ja ka siguruar 208 vota, që përbëjnë 48.15 për qind të totalit të votave të vlefshme. Menjëherë pas saj renditet Lëvizja Vetëvendosje!, e cila ka marrë 197 vota ose 45.60 për qind, duke e bërë garën mjaft të ngushtë mes dy partive kryesore.

Ndërkohë, Lidhja Demokratike e Kosovës (LDK) ka mbetur dukshëm prapa, me vetëm 18 vota, apo 4.17 për qind.

Rezultati në Broboniq konsiderohet simbolik për PDK-në, pasi fshati lidhet ngushtë me figurën e Kadri Veselit, një nga emrat më të rëndësishëm të kësaj partie ndër vite. Megjithatë, diferenca e vogël me VV-në dëshmon për një garë të fortë edhe në bastione tradicionale partiake.

Zgjedhjet e 28 dhjetorit janë karakterizuar nga konkurrencë e theksuar mes partive kryesore në shumë zona të Kosovës, me rezultate që në disa raste janë vendosur për vetëm pak vota.

Vëllai dhe nipi i Halil Thaçit dyshohet se rrahën mbrëmë një 18-vjeçar, flet babai i tij – publikohen pamjet

Vëllai dhe nipi i Kryetarit të Obiliqit, Halil Thaçit, dyshohet se kanë sulmuar mbrëmë një 18-vjeçar. Janë publikuar edhe pamje nga rasti.

Rasti është përfshirë në raportin 24 orësh të Policisë, ku thuhet se të dyshuarit janë dërguar në mbajtje pas intervistimit.

“Fsh. Milloshevë, Obiliq 30.12.2025-21:40. Janë arrestuar dy te dyshuar meshkuj kosovarë pasi që të njëjtit kanë sulmuar fizikisht viktimën mashkull kosovar. Viktima është dërguar për tretman mjekësor në QKUK. Me vendim të prokurorit, pas intervistimit të dyshuarit janë dërguar në mbajtje”, thuhet në raport.

Reporteri.net ka kontaktuar Prokurorinë Themelore të Prishtinës për të marrë informacione rreth rastit, por deri në momentin e publikimit të tekstit s’ka marrë përgjigje.

Lidhur me rastin, ka folur edhe prindi i 18-vjeçarit.

Dalip Berisha ka deklaruar se djali i tij sapo i ka mbushur 18 vjet dhe se vitin e kaluar ai kishte pasur një ngacmim me djalin e vëllait të Halil Thaçit.

“Djali sapo i ka mbushur 18 vjet ka qenë i mitur në shkollë janë ngacmuar me djalin e vëllaut të Halil Thaçit, djali im i ka ra i ka një vit kjo punë. I kam dërguar njerzë si ne shqiptarët që e kemi zakon se më ka ardhur keq se kojshi këtu. Unë punoj saldues dhe kam punuar në shtëpinë e tyre. Me pas ditë se kish pasur rrugë nuk kisha ardh deri këtu. Djali i ka bërë 18 vjet kush nuk ka trokit për të, punon si call center nga shtëpia, është i sjellshëm”, ka deklaruar ai për Periskopin

“Ky mbrëmë bashkë me gjithë djalë i kanë dalur. Se djali është njoftuar me një çikë dhe është shkuar tek miqtë në oborr aty i kanë ra fort”, ka thënë a

Alaudini i nënshtrohet operimit, zbulon gjendjen nga spitali

Moderatori i njohur i “Big Brother VIP Kosova”, Alaudin Hamiti, ka ndarë me ndjekësit e tij një njoftim të fundit nga spitali

Përmes një fotografie të postuar në rrjetet sociale, ku shihet në shtratin e spitalit, Alaudini ka bërë të ditur se i është dashur t’i nënshtrohet një ndërhyrjeje mjekësore pas një periudhe të vështirë me dhimbje të forta.

Përballja me dhimbjet dhe operacioni i pashmangshëm

Sipas shënimit të tij, moderatori ka kaluar ditë sfiduese për shkak të gurëve në kanalin urinar. Ai ka shpjeguar se pasi provoi të përballonte dhimbjet që nuk ishin aspak të lehta, ndërhyrja për heqjen e tyre u bë e pashmangshme. “Ishin ditë që me testuan shumë”, është shprehur ai, duke konfirmuar se tashmë operacioni është kryer me sukses

Gjendja aktuale dhe procesi i rikuperimit

Për fat të mirë, Alaudini ka njoftuar se aktualisht ndihet mirë dhe procesi i rikuperimit po vazhdon në mënyrë të rregullt. Ai ka gjetur forcën për të falënderuar të gjithë ata që u kujdesën dhe e mbështetën në këtë moment delikat, duke shfaqur optimizëm për gjendjen e tij të ardhshme.

Rikthimi i shumëpritur në natën e parë të “Big Brother 2026”

Lajmi i mirë për të gjithë fansat e formatit gjigant është se Alaudini synon të jetë gati shumë shpejt. Ai ka shprehur motivimin dhe shpresën që këtë të premte të rikthehet aty ku “emocionet janë të vërteta” — në primen e parë të Big Brother VIP Kosova 2026.

Moderatori e mbylli mesazhin e tij me një urim për ndjekësit, duke treguar se pasioni për punën mbetet forca e tij më e madhe.

Pas rezultatit të dobët, Abdixhiku bën lëvizjen e papritur në LDK

Pas rezultatit të dobët në zgjedhjet parlamentare të 28 dhjetorit, kryetari i Lidhjes Demokratike të Kosovës (LDK), Lumir Abdixhiku, pritet të japë dorëheqje.

Kështu ka mësuar Insajderi nga burime të mirëinformuara brenda LDK-së.

Sipas këtyre burimeve, Kuvendi i LDK-së pritet të mbahet javën e dytë të janarit, ku edhe do të parashtrohet zyrtarisht dorëheqja e Abdixhikut.

LDK në këto zgjedhje ka shënuar rënie të ndjeshme, me rreth 52 mijë vota më pak krahasuar me zgjedhjet e kaluara, duke humbur pesë ulëse në Kuvendin e Kosovës.

Serbia arreston dy shqiptarë në Merdare

Policia kufitare e Serbisë ka arrestuar dy shtetas të Shqipërisë në pikën kufitare në Merdar.

Sipas Ministrisë së Punëve të Brendshme të Serbisë, ata janë arrestuar pasi policia ua ka gjetur 30 kilogramë kokainë.

Të arrestuarit janë me inicialet S.L. (2002) dhe B.U. (2000). Të dy, siç deklarojnë ata, janë shtetas të Shqipërisë, transmeton Zeri.info.

Siç njoftoi MPB-ja e Serbisë, ata u arrestuan mbrëmë.

Konkretisht, gjatë kontrollit të një furgoni “Mercedes” me targa shqiptare në këtë kalim. Të dy u ndaluan deri në 48 orë, pas së cilës do të çohen në Prokurorinë e Lartë Publike në Prokuplje së bashku me një kallëzim penal.

Ata dyshohen për veprat penale të “Prodhimit të paautorizuar” dhe “Shpërndarjes së drogave narkotike.

Paga e 13-të, Kurti tregon se kur do të ekzekutohet

Punëtorët e sektorit publik pritet që pagën e 13-të ta marrin në fillim të vitit 2026-të. Kështu tha Kryeministri në detyrë Albin Kurti në një vizitë që pati në Telekomin e Kosovës, e ku theksoi se në mbledhjen e parë të Qeverisë do të dërgohet vendimi për buxhetin e vitit 2026-të dhe ajo për pagën e 13-të.

“Për të gjithë punëtorët e administratës publike me ligjin e buxhetit për vitin 2026-të të cilin e kaluam njëherë në mbledhjen e Qeverisë me 31 tetor sivjet, pro të cilin tash në legjislaturën e 10 kur të konstitutohet Kuvendi do ta kalojmë në dy lexime. Kam thënë që me këtë ligj të buxhetit parashihet paga e 13-të kush punon 12 muaj në administratën shtetërore i ka 13 paga por paga e 13-të nuk merret në fund të vitit. Në dhjetorin e vitit 2026, por në vitin që do të nisë nesër. Do të merret në fillim të vitit, varësisht kur konstiutohet Kuvendi dhe sa shpejtë e formojmë Qeverinë. Pro në mbledhjen e parë përveç me vendimin për ligjin për buxhetin 2026, gjithashtu do ta kemi edhe vendimin që pagën e 13-të e jep në fillim të vitit, do t’i kemi edhe tri të tjera. Por mos ta përsëris veten nga fushata pra zgjedhjeve sepse ato përfunduan të dielën”, u përgjigj Kurti në pyetjen e gazetarëve.

A e mbështet Vjosa Osmanin për një mandat të dytë si presidente? Flet Albin Kurti

Merr vendim kryetari i kësaj komune: Nga janari, nga 200 euro për nënat lehona

Kuvendi Komunal i Kaçanikut ka miratuar unanimisht propozimin për mbështetjen financiare të nënave lehona, një nga premtimet e para të kryetarit të komunës, Sabedin Vishi.

Sipas vendimit të marrë, çdo nënë lehonë do të përfitojë mbështetje financiare në vlerë prej 200 eurosh, ndërsa zbatimi i kësaj mase do të fillojë nga janari i vitit 2026.

Kryetari Vishi e ka cilësuar këtë vendim si hap të rëndësishëm në fuqizimin e politikave sociale në komunë.

“Premtimi im i parë si Kryetar i Komunës së Kaçanikut për mbështetjen e nënave lehona, në vlerë prej 200 euro, sot u miratua unanimisht në Kuvend”, ka shkruar ai.

Ai ka theksuar se përkushtimi i institucioneve komunale do të vazhdojë të jetë i orientuar drejt familjes.

“Zbatimi i këtij premtimi fillon nga janari i vitit 2026. Kujdesi për familjen dhe sidomos për fëmijët mbetet prioriteti ynë”, ka deklaruar Vishi.

Nga Komuna e Kaçanikut është bërë e ditur se detajet për kriteret dhe procedurat e aplikimit do të publikohen me kohë.

Paçarizi: Rezultati i VV-së s’është aksidental, e solli edhe paaftësia e opozitës

Opinionisti Rrahman Paçarizi ka komentuar lidhur me rezultatin e zgjedhjeve të parakohshme që u mbajtën të dielën, më 28 dhjetor.

“LVV ka bë veprime për të cilat e ka ditë me siguri që partitë opozitare nuk guxojnë me i kundërshtu.  Janë disa veprime të cilat i ka marrë VV që e ka ditë me siguri të 100 për qind që partitë opozitare nuk guxojnë me i kundërshtu sepse veç dëmtohen edhe më shumë”, tha Paçarizi.

Ai shtoi se “ne jemi një popull qyqarë, oportunë, dhe një popull që në vyen dikush që del përpara dhe na i kryen punët neve”.

Sipas tij, rikonfirmimi i Kurtit është i angazhimit të tij dhe i një opozite të dobët.

Kurti tha se do të flas me opozitën për presidentin, ky është qëndrimi i Bedri Hamzës

Kryetari i PDK-së Bedri Hamza i ka kthyer përgjgije Albin Kurtit i cili para disa ditësh tha se pret bashkëpunim me opozitën për çështjen e presidentit, shkruan Periskopi.

“Unë e kam thënë që është proces i ndar. Unë pres fillimisht me u konstitu Kuvendi, me u formu Qeveria, me vazhdu punën dhe kur të vjen koha e presidentit ka mundësi qysh me u gjet formula qysh me u zgjedh presidenti dhe mos me u blooku vendi”, tha Hamza në konferencë