Një ditë pas zgjedhjeve parlamentare, LVV dhe PDK bëhen bashk në këtë komunë

Me 21 vota për dhe një kundër, Isak Shabani, ish-kandidat për kryetar të Podujevës nga radhët e Partisë Demokratike të Kosovës, është zgjedhur kryetar i Kuvendit Komunal të kësaj komune, e cila udhëhiqet nga Shpejtim Bulliqi i Lëvizjes Vetëvendosje.

Pasi e mori pozitën, Shabani theksoi para asamblistëve se do ta respektojë statutin dhe rregulloren e Kuvendit, si dhe të gjitha ligjet dhe aktet juridike.

“Ky besim është një nder i madh, por mbi të gjitha është një përgjegjësi për ta marrë këtë detyrë me përulësi dhe seriozitet të plotë”, tha Shabani.

Në zgjedhjet lokale të 12 tetorit, Shpejtim Bulliqi pati fituar pa balotazh në Podujevë. Pas numërimit të 100 për qind të vendvotimeve, Vetëvendosje në Llap fitoi 53.42% të votave.

Ekrem Hyseni i LDK-së ndërkaq fitoi 39.08. Isak Shabani i PDK-së ka marrë vetëm 6.15 për qind.

Lushtaku: LVV-ja ka blerë vota, aktivistët e saj kanë shpërndarë para me thasë

Kryetari i Skënderajt, Sami Lushtaku, tha se Lëvizja Vetëvendosje, e cila fitoi mbi 50% të votave në zgjedhjet parlamentare, ka “blerë vota”.

Ai tha në një lidhje direkte në Frontal në T7 se zgjedhjet s’ishin demokratike.

“Unë mendoj që Vetëvendosja i ka ble votat dhe me shantazhe, me blerje të votave, me gjithçka tjetër përpos… demokraci këtu era s’iu ka ardhë”.

Lushtaku tha se aktivistë të LVV-së “kanë shpërndarë para me thasë” në Skënderaj.

“Ka ble vota vëlla. Aktivistët e tij politikë edhe në Skënderaj kanë shpërndarë para me thasë. Kështu që, kjo është Vetëvendosja”, tha ai.

Lushtaku tha se megjithatë, rezultati “nuk ka qenë i pritshëm”.

“Nëse e shiqojmë punën, se çfarë ka bërë kjo qeveri për 6 vjet, këtu veç ndryshimtë Kosovës nuk ka. Ka përkeqësim të situatës, edhe ekonomike, por edhe në komunikimin mes qytetarëve”, tha ai.

Për herë të parë garon për deputete të LDK-së, kaq vota deri tani ka marrë Adelina Thaçi

Deri tani në KQZ janë procesuar vetëm 8.60% të votave të numëruara të kandidatëve për deputet.

Kandidatja për deputete nga radhët e LDK-së, Adelina Thaçi-Meta deri tani ka marrë një mijë e 175 vota.

Thaçi-Meta në zgjedhjet e 28 dhjetorit për herë të parë u paraqit si kandidate për deputete nga LDK-ja.

Pesëshja e parë e LDK-së:

1.LUMIR ABDIXHIKU 5,955 Vota
2. HYKMETE BAJRAMI 3,797 Vota
3. UKË RUGOVA 3,251 Vota
4. DOARSA KICA XHELILI 2,976 Vota
5. AVDULLAH HOTI 2,942 Vota

Murati jep lajmin: Dalin 100 eurot

Ministri në detyrë i Financave, Punës dhe Transfereve, Hekuran Murati, ka njoftuar se është ekzekutuar pagesa e shtesës së njëhershme prej 100 euro për pensionistët dhe fëmijët, shkruan Reporteri.net.

Murati ka thënë se varësisht nga banka ku përfituesit kanë llogarinë, në orët në vijim do të pranojnë edhe mjetet e transferuara.

“Ashtu siç kishte njoftuar Kryeministri Kurti javën që shkoi, sot kemi bërë transferimin e shtesës së njëhershme prej 100 eurove për fëmijët 0-16 vjeç, si dhe për përfituesit e pensioneve bazike, kontributive, kategoritë e luftës, aftësive të kufizuara, dhe skemave tjera sipas kritereve të përcaktuara në vendim. Varësisht nga banka ku përfituesit kanë llogarinë, në orët në vijim do të pranojnë edhe mjetet e transferuara. Gëzuar Vitin e Ri!”, ka shkruar Murati./Reporteri.net

 

Rezultatet në KQZ, kaq vota i ka marrë Edona Llalloshi deri tani

Në KQZ deri tani janë procesuar 6.22% nga numërimi i votave të kandidatëve për deputet. 

Aktualisht, kandidatja për deputete e VV-së, Edona Llalloshi ka marrë një mijë e 916 vota.

Llalloshi madje gjatë fushatës këngën e njohur “Si zog shqipe”, e përshtati si dedikim për Kryetarin e partisë, Albin Kurtin.

1. ALBIN KURTI 20,392 Vota
2. GLAUK KONJUFCA 15,786 Vota
3. HEKURAN MURATI 8,327 Vota
4. ALBULENA HAXHIU 8,155 Vota
5. DONIKA GËRVALLA- SCHWARZ 7,295 Vota

Numërimi i votave të para për deputetë, këta 10 kandidatë po kryesojnë në VV

KQZ ka nisur publikimin e rezultateve të para të numërimit të votave të kandidatëve për deputetë. Kur janë procesuar 0.90% të tyre, në Lëvizjen Vetëvendosje aktualisht Albin Kurti numëron 2 mijë e 65 vota.

I dyti radhitet Glauk Konjufca me një mijë e 516 vota.

Me një mijë e 97 vota është Arsim Ademi, ndërsa në vend të katërt është Refki Suma me 811 vota. Vendin e pestë me 699 vota e zë Hekuran Murati.

6. Albulena Haxhiu 663
7. Fahrush Rexhepi 642
8. Donika Gërvalla-Schwarz 635
9. Xhelal Sveçla 496
10. Alban Bajrami 561

Nga procesimi i 99.65% të votave në total, Lëvizja Vetëvendosje aktualisht numëron 49.30% apo 431 mijë e 442 vota.

Partia Demokratike e Kosovës 21% me 183 mijë e 826 vota.

Lidhja Demokratike e Kosovës me 118 mijë e 772 vota.

Aleanca për Ardhmërin e Kosovës 5.68 me 49 jmijë e 675 vota.

Numërohen votat e para, deri tani këta janë pesëshja më e votuar e PDK-së

Ka nisur numërimi i votave të para të kandidatëve për deputet. Aktualisht kur janë numëruar 0.63% të këtyra votave, në PDK, Bedri Hamza ka marrë deri tani 594 vota.

Në vend të dytë është Sylejman Berisha me 263 vota.

I treti renditet Arben Mustafa, kur aktualisht janë të numëruara 16 nga 2557 vendvotime.

Në vend të katërt është Elmi Reçica 247 vota dhe në të pestin Besim Ilazi me 227 vota.

Nga procesimi i 99.65% të votave në total, Lëvizja Vetëvendosje aktualisht numëron 49.30% apo 431 mijë e 442 vota.

Partia Demokratike e Kosovës 21% me 183 mijë e 826 vota.

Lidhja Demokratike e Kosovës me 118 mijë e 772 vota.

Aleanca për Ardhmërin e Kosovës 5.68 me 49 jmijë e 675 vota.

Fitorja e Kurtit, reagon Edi Rama

Kryeministri i Shqipërisë, Edi Rama, ka uruar kryeministrin e rizgjedhur të Kosovës, Albin Kurti, pas fitores së tij në zgjedhje.

Përmes një mesazhi publik, Rama ka theksuar se e ka uruar Kurtin për fitoren domethënëse, duke shprehur shpresën që mandati i ri, i konfirmuar nga qytetarët e Kosovës, të kthehet në sukses dhe mbarësi për vendin.

“E kam uruar kryeministrin e rizgjedhur të Kosovës, për fitoren domethënëse dhe uroj që mandati i konfirmuar nga populli i Kosovës për Albinin e për partinë e tij, të kthehet në sukses e në mbarësi për Kosovën, si edhe për marrëdhënien vëllazërore mes dy shteteve tona”, shkroi ai në X.

Rënia e madhe e LDK-së, reagon Përparim Rama

Kryetari i Prishtinës, Përparim Rama, ka reaguar për rezultatin e zgjedhjeve, ku LDK pësoi disfatë të thellë duke dalë parti e tretë.

Rama ka folur fjalë të mëdha për kryetarin e LDK-së, Lumir Abdixhiku, duke thënë se ai udhëhoqi një proces të thellë reformues brenda kësaj partie, duke e orientuar drejt standardeve programore, profesionale dhe morale që i shërbejnë interesit publik dhe jo kalkulimeve afatshkurtra politike, shkruan Reporteri.net.

Rama tutje shkruan se Lumiri, me vetëdije të plotë politike, refuzoi të bëhet pjesë e diskursit fyes dhe përçarës që sipas tij ka dëmtuar për vite me radhë kulturën politike në vend.

“Me dinjitet institucional e udhëhoqi procesin dhe me po aq dinjitet mbrëmë e pranoi rezultatin, duke treguar respekt për rregullat demokratike dhe për vullnetin e qytetarëve”, ka shkruar Rama.

“Vizionin e tij e dëshmoi edhe përmes zgjedhjes së njerëzve jashtë partisë për t’u shërbyer qytetarëve, duke përfshirë edhe kandidimin tim për kryetar të Kryeqytetit”, ka shkruar ai.

Postimi i Ramës:

Në një moment sfidues për demokracinë dhe etikën publike, Lumir Abdixhiku përfaqëson një model të lidershipit të përgjegjshëm. Ai udhëhoqi një proces të thellë reformues brenda Lidhjes Demokratike të Kosovës (LDK), duke e orientuar partinë drejt standardeve programore, profesionale dhe morale që i shërbejnë interesit publik dhe jo kalkulimeve afatshkurtra politike.

Investimi i tij në një program substancial dhe në një ekip përfaqësues dhe kompetent është një deklaratë e qartë se politika duhet të ndërtohet mbi ide, vlera dhe kapacitete reale.

Lumiri, me vetëdije të plotë politike, refuzoi të bëhet pjesë e diskursit fyes dhe përçarës që ka dëmtuar për vite me radhë kulturën politike në vend. Ai refuzoi nënçmimin e kundërshtarëve politikë, duke zgjedhur maturinë, respektin institucional dhe gjuhën e përgjegjshme si mjete të konkurrencës demokratike. Kjo qasje nuk është shenjë dobësie, por shprehje e një lidershipi të sigurt në vlera dhe të përkushtuar ndaj standardeve demokratike.

Ai mori përgjegjësi për proceset e rëndësishme me interes kombëtar, pa shmangie dhe pa populizëm, duke dëshmuar se politika e përgjegjshme kërkon llogaridhënie dhe guxim për të mbajtur barrën e vendimeve të mëdha.

Vizionin e tij e dëshmoi edhe përmes zgjedhjes së njerëzve jashtë partisë për t’u shërbyer qytetarëve, duke përfshirë edhe kandidimin tim për kryetar të Kryeqytetit, si tregues i bindjes së tij se përgatitja profesionale, integriteti dhe kompetenca janë mbi ngjyrat politike. Ky është një standard që e afron politikën me shtetin dhe jo me interesin e ngushtë partiak dhe është per tu marr shembull.

Me dinjitet institucional e udhëhoqi procesin dhe me po aq dinjitet mbrëmë e pranoi rezultatin, duke treguar respekt për rregullat demokratike dhe për vullnetin e qytetarëve.

Kjo qasje dëshmon vizionin, pjekurinë dhe progresin e tij si politikan. Ky është modeli i lidershipit që ndërton dhe që bashkon shoqërinë, dhe që i duhet vendit edhe në të ardhmen.

Gjakova bastion i AAK-së, por votuan bindshëm Albin Kurtin, kjo është përqindja

Gjakova, e njohur tradicionalisht si një nga bastionet kryesore të Aleancës për Ardhmërinë e Kosovës, ka dhënë një mesazh të qartë në zgjedhjet e parakohshme parlamentare të vitit 2025.

Sipas rezultateve preliminare të Komisionit Qendror të Zgjedhjeve, fituese bindëse në këtë komunë ka dalë Lëvizja Vetëvendosje.

Me mbi një të tretën e votave të numëruara, Vetëvendosje ka marrë 53.88% të votave në Gjakovë, duke lënë pas AAK-në me 22.97%.

Partitë e tjera parlamentare kanë mbetur dukshëm prapa, me LDK-në dhe PDK-në rreth 9–10 për qind secila./Insajderi