“Jemi 4 apo 5 deputetë mangu”, flet Mimoza Kusari: LDK s’ka pranuar as uljen në tavolinë për diskutim

Deputetja dhe shefja e Grupit Parlamentar të Lëvizjes Vetëvendosje, Mimoza Kusari-Lila, ka thënë se pritjet janë që të dielën të votohet qeveria e re e udhëhequr nga Albin Kurti, por ende mungojnë disa vota për shumicën e nevojshme parlamentare.

Ajo e ka pranuar se ende nuk i kanë votat për Qeverinë “Kurti III”.

“Pritjet  janë që të kemi një qeveri nga mandatari e kryeministri aktual Kurti, e cila pritet t’i marrë të paktën 61 vota. Megjithatë në këtë moment edhe përderisa po flasim ende nuk kemi konfirmim zyrtar mbi koalicionet e mundshme duke marrë parasysh që numri i deputetëve në grupin tonë parlamentar është 48, 8 të tjerë janë nga komuniteti joshumicë dhe një është nga nënkryetari Rashiq, që prapë i bie që jemi afër 4-5 deputetë mangu për të pasur minimumin e shumicës që duhet pasur”, deklaroi deputetja.

Ajo shtoi se nuk ka pasur takime zyrtare mes partive, por ka pasur komunikime individuale me deputetë që mund të ndikojnë në formimin e qeverisë.

“Përpjekjet do të vazhdojnë, nuk ka pasur formacion zyrtar të takimeve mes partive politike, më shumë komunikime me deputetë, porse në cilindo format ose në cilindo rast e shohin si të domosdoshme një funksionalizim të plot të institucioneve të vendit”.

Kusari-Lila kritikoi LDK-në, duke thënë se partia e Lumir Abdixhikut nuk ka pranuar as uljen në tavolinë për diskutim.

“LDK-ja nuk ka pranuar as uljen në tavolinë për diskutim, nuk e kanë pasur problem që ta shkelin vetë fjalën e dhënë edhe në kuadër të këtij procesi. Sipas Abdixhikut, fjala e dhënë duhej të mbahej edhe për konstituim të organeve të Kuvendit… fjala e dhënë, nuk u mbajt u ndryshua”, tha ajo në Tëvë1.

Megjithë vështirësitë, Kusari-Lila mbetet optimiste se qeveria mund të votohet këtë fundjavë.

“Do të doja të kishim qeveri të dielën, jam optimiste me përvojë. Përvoja deri tash më ka treguar se përkundër vullnetit dhe dëshirës për të pasur funksionalitet të plotë të institucioneve të vendit ajo se nëpër çfarë kemi kaluar na ka treguar se nuk mund të jemi vetëm optimist dhe të japim njerëzve shpresë”, shprehi optimizëm ajo.

Por,  në fund ajo deklaroi se edhe në rast se i kanë 61 vota, prapë “do të ishte një qeveri gati se të them e pakicës”.

Diskutimet me VV-në, Limaj tregon nëse do t’ia bëjë votat Kurtit për Qeverinë e re

Kryetari i NISMA-s Socialdemokrate, Fatmir Limaj, ka reaguar ashpër ndaj idesë për të mbështetur qeverinë Kurti, duke deklaruar prerazi se nuk do ta votojë atë.

“Jo, nuk votoj. Jo me Dimal Bashën,” ka thënë Limaj, duke shtuar se për të është e papranueshme që një person si Dimal Basha të përfaqësojë institucionet publike.

Ai ka vënë në dyshim edhe mënyrën se si Basha është votuar, duke e cilësuar si një fyerje për ish-luftëtarët e UÇK-së.

“Kush e votoi Dimal Bashën dhe cila është arsyeja? A mundesh me imagjinu një djalë të UÇK-së që kur ka lyp votë, e ka dhënë votën atje, dhe t’i thuhet se kjo votë është për Dimal Bashën? Ai ka fyer rëndë UÇK-në. Ky njeri nuk është i denjë as të jetë referent e as pjesë e ndonjë institucioni publik”, ka deklaruar Limaj.

Në përfundim, ai ka shtuar se për të, Dimal Basha nuk përfaqëson asgjë, përveç “turpit më të madh që i ka ndodhur Kosovës”.

“S’është kryetar imi i Kuvendit. Ligjërisht po, por është turpi më i madh që i ka ndodhur Kosovës”.

“Nuk ka votë për qeverisje, as me votat e NISMA-s. Nuk kemi pasur asnjë takim pas zgjedhjes së Bashës dhe kemi kërkuar shkarkimin e tij. Dua ta shoh këtë si një aksident… por vendi nuk drejtohet kështu”, ka theksuar Limaj.

Xhafer Tahiri zbulon bisedën me Abdixhikun: Më tha…

Kanidati për kryetar të Vushtrrisë Xhafer Tahiri, që humbi në zgjedhjet e 12 tetorit, ka thënë se LDK ishte në dijeni për planifikim për të lidhur koalicion me Lëvizjen Vetëvendosje për rundin e dytë të zgjedhjeve.

“Marrëveshjen me Vushtrrinë e kam bërë për qytetarët në radhë të parë. Arsyeja është e thjeshtë se në pushtet që një kohë është PDK, që ka qeverisë keq dhe ka sjell shtangim atje. Kjo nuk lidhet me asnjë komunë tjetër dhe nuk afekton asnjë komunë tjetër. Këtë marrëveshje se kam bërë në kokë me vete, jam konsultuar me themeluesit e degës në Vushtrri, jam konsultuar me asamblistët. Nuk do kem asnjë pozitë atje, madje as në kuvend komunal nëse më lejohet. Marrëveshja ka ardhur kësisoj kryetari Abdixhiku, më ka pyetur a kemi ofertë, i kam thënë po nga VV, më tha a mundemi më fitu i kam thënë po”, tha ai në Kanal 10, përcjell Insajderi.

LDK në anën tjetër, kishte thënë se Tahiri ka lidhur marrëveshje pa miratimin e Lidhjes Demokratike të Kosovës.

Publikohen bisedat e Abdixhikut dhe Tahirit për marrëveshjen në Vushtrri

Xhafer Tahiri, që humbi në zgjedhjet e 12 tetorit, ka thënë se LDK ishte në dijeni për planifikim për të lidhur koalicion me Lëvizjen Vetëvendosje.

Ai ka sjell edhe disa biseda si dëshmi.

“Po më thonë që po doni me i ba marrëveshjen publike, nuk bën asnjë marrëveshje të bëhet publike”, shkruan Abdixhiku në bisedat e publikuara.

Më pas Abdixhiku i kërkoi kohë një javë shtesë sepse nuk mund të lidhin marrëveshje.

“Marrëveshjen me Vushtrrinë e kam bërë për qytetarët në radhë të parë. Arsyeja është e thjeshtë se në pushtet që një kohë është PDK, që ka qeverisë keq dhe ka sjell shtangim atje. Kjo nuk lidhet me asnjë komunë tjetër dhe nuk afekton asnjë komunë tjetër. Këtë marrëveshje se kam bërë në kokë me vete, jam konsultuar me themeluesit e degës në Vushtrri, jam konsultuar me asamblistët. Nuk do kem asnjë pozitë atje, madje as në kuvend komunal nëse më lejohet. Marrëveshja ka ardhur kësisoj kryetari Abdixhiku, më ka pyetur a kemi ofertë, i kam thënë po nga VV, më tha a mundemi më fitu i kam thënë po”, tha

“Të mys …”, dalin pamjet nga përleshja fizike e Armend Zemajt me qytetarin

Deputeti i Lidhjes Demokratike të Kosovës, Armend Zemaj, është përfshirë sot në një incident me një bashkatdhetar nga Gjermania.

Tashmë janë publikuar pamjet se si ndodhi rrahje.

Nga pamjet shihet se është deputeti Armend Zemaj që eskalon pasi një qytetar bën një koment duke e quajtur “rrenc”.

Pas këtij, komenti reagoi ashpër Zemaj duke i thënë: Të rrën nana dhe gruja jote.

Pas kësaj ndodhi edhe përleshja fizike.

 

Zafir Berisha i del në krah Zemajt: Grushti është pak për këtë soj trushpëlarësh

Ish-deputeti Zafir Berisha, i ka dal në mbrojte deputetit të LDK-së, Armend Zemaj, pas incidentit të ndodhur në Prishtinë

Ai ka kritikuar ashpër qytetarin duke thënë se po mendojnë se mund të sillen në realitet njësoj si në rrjetet sociale, duke ofenduar e fyer pa pasoja.

“Grushti për këtë sojin trushpërlarëve është pak, deri sa të mbushen mend!” shkroi ai.

“Këta tipat, si ai legeni në Prishtinë që ofendoj Armendin, po mendojn me fyrje e sharje sikurse në fb, edhe live munden me bë, dhe me kalu sikurse nuk është gjë kjo punë! Ju trima jeni nëpër rrijete sociale me profile false, për live mos harroni bëheni për të stomatologu. Grushti për këtë sojin trushpërlarëve është pak, deri sa të mushen mend!”, ka shkruar ai.

Në incidentin me deputetin Zemaj është përfshirë Nuha Osmani, mërgimtar nga Gjermania. Ai ka reaguar për media, duke kërkuar që deputetët që sillen me dhunë të japin dorëheqje.

“Ai më ka fyer me grua dhe me nënë, ai u sjell dhunshëm, kisha kërku që ai të më kërkojë falje. Të tjerat le ti kryn drejtësia”, tha ai për RTK.

Avokati Liridon Kutllovci ka bërë të ditur se deputeti ka ushtruar dhunë fizike ndaj qytetarit që ai përfaqëson.

Sipas versionit të avokatit, ngjarja ka ndodhur gjatë një interviste publike të deputetit Zemaj. Klienti i tij, i cili po kalonte pranë bashkë me bashkëshorten, i është drejtuar deputetit me fjalët: “Të gjithë jeni njësoj, vetëm gënjeni”, duke shprehur, siç thuhet në deklaratë, frustrimin qytetar ndaj gjendjes politike e ekonomike në vend.

Në vend që të ruante qetësinë, deputeti Zemaj, sipas Kutllovcit, është kthyer me fjalë fyese, duke i thënë qytetarit: “Gënjen nëna dhe gruaja juaj”, fjalë që, sipas avokatit, janë shqiptuar në prani të bashkëshortes së qytetarit.

Pas pak sekondash, deputeti Zemaj e ka goditur me grusht klientin e tij, “pa asnjë provokim tjetër nga ana e tij”, thuhet në deklaratë. Klienti i Kutllovcit, sipas avokatit, nuk është kundërpërgjigjur me dhunë, por ka reaguar duke njoftuar menjëherë Policinë e Kosovës.

Era e fortë rrëzon këmbësoren, e hedh para veturave – pamje

Një video që po qarkullon gjerësisht në internet tregon momentin kur një grua rrëzohet nga era e fortë në Zelandën e Re.

Sipas mediave lokale, vendi është përfshirë kohët e fundit nga erëra jashtëzakonisht të fuqishme, të cilat kanë shkaktuar edhe incidente të ngjashme me atë që shihet në videon virale.

Në pamje, gruaja shihet teksa era e shtyn drejt rrugës ku kalojnë makinat, derisa humb kontrollin dhe bie në asfalt. Fatmirësisht, në ato momente nuk po kalonte asnjë automjet, ndërsa shoferët që ishin pranë vendngjarjes ndaluan menjëherë.

Era është aq e fuqishme sa që në video shihen semaforët dhe pemët duke u lëkundur fort, ndërsa kalimtarët mezi arrijnë të qëndrojnë në këmbë. Vajza që shihet në video nuk ka pësuar lëndime të rënda.

 

Nëse s’ka qeveri të dielën, Presidentja Osmani pritet të marr këtë vendim

Të dielën me fillim nga ora 10:00, Kuvendi i Kosovës do të mblidhet për seancën rreth formimit të qeverisë së re.

Por, se a do të ketë marrëveshje apo jo, kjo mbetet të shihet të dielën.

Për këtë çështje ka folur Presidentja Vjosa Osmani, e cila në një intervistë për Deutsche Welle, ka thënë se nëse nuk ka marrëveshje për qeveri të re, do t’i ftojë të gjitha partitë për konsultime, nëse ndonjëra mund të krijojë shumicën.

“Nëse ka marrëveshje, mund të mbahet seanca dhe mund të ketë qeveri. E nëse s’ka marrëveshje, si presidente, do t’i ftoj të gjitha partitë politike nëse ka mundësi që dikush të krijojë shumicën. Mendoj se është herët të flasim për zgjedhje të jashtëzakonshme, por është alternativë nëse nuk krijohet shumica”, u shpreh Osmani.

Dedaj iu drejtohet deputetëve: Kush e voton LVV dhe Kurtin 3, e voton zhbërjen e shtetit të Kosovës

Ish-ambasadori i Kosovës në Maqedoninë e Veriut, Gjergj Dedaj, ka reaguar ashpër ndaj mundësisë së krijimit të qeverisë së tretë të Albin Kurtit. Në një postim të fundit në rrjetet sociale, Dedaj ka paralajmëruar se votimi për Kurtin dhe LVV-në do të sjellë “zhbërjen e shtetit të Kosovës dhe izolimin total ndërkombëtar”.

Në postim, Dedaj ka përdorur gjuhë të fortë ndaj mbështetësve të Kurtit, duke i cilësuar ata si “dështakë, miopë, autonomistë, të pashpresë, dezertorë, analfabetë funksionalë dhe piratë endacak politik”, transmeton lajmi.net.

Seanca për votimin e qeverisë së re është caktuar të dielën në orën 10:00 në Kuvendin e Kosovës, që shënon edhe afatin e fundit për formimin e qeverisë. Sipas raporteve të fundit, kryeministri në detyrë Albin Kurti nuk ka siguruar ende numrat e nevojshëm për të formuar kabinetin e ri.

Ky zhvillim pritet të jetë vendimtar për të ardhmen politike të vendit dhe do të përcaktojë nëse LVV do të arrijë të formojë një qeveri të re apo Kosova do të përballet me një periudhë pasigurie politike.

Postimi i plotë:

“Më ka fyer në grua dhe në nënë”, flet mërgimtari që u përfshi në përleshje me Armend Zemajn

Armend Zemaj, deputet i Lidhjes Demokratike të Kosovës, është përfshirë në një përleshje me një qytetar, derisa ishte duke dhënë një intervistë në qendër të Prishtinës. Zemaj thuhet se e ka sulmuar qytetarin pasi që ai dyshohet se e ka provokuar me fjalë.

I përfshirë në incident me deputetin Zemaj është Nuha Osmani, mërgimtar nga Gjermania.

Ai ka folur pas incidentit duke kërkuar që deputetët që sillen dhunshëm të japin dorëheqje.

“Ai më ka fyer me grua dhe me nënë, ai u sjell dhunshëm, kisha kërku që ai të më kërkojë falje. Të tjerat le ti kryn drejtësia”, tha ai për RTK.

Avokati Liridon Kutllovci ka bërë të ditur se deputeti ka ushtruar dhunë fizike ndaj qytetarit që ai përfaqëson.

Sipas versionit të avokatit, ngjarja ka ndodhur gjatë një interviste publike të deputetit Zemaj. Klienti i tij, i cili po kalonte pranë bashkë me bashkëshorten, i është drejtuar deputetit me fjalët: “Të gjithë jeni njësoj, vetëm gënjeni”, duke shprehur, siç thuhet në deklaratë, frustrimin qytetar ndaj gjendjes politike e ekonomike në vend.

Në vend që të ruante qetësinë, deputeti Zemaj, sipas Kutllovcit, është kthyer me fjalë fyese, duke i thënë qytetarit: “Gënjen nëna dhe gruaja juaj”, fjalë që, sipas avokatit, janë shqiptuar në prani të bashkëshortes së qytetarit.

Pas pak sekondash, deputeti Zemaj e ka goditur me grusht klientin e tij, “pa asnjë provokim tjetër nga ana e tij”, thuhet në deklaratë. Klienti i Kutllovcit, sipas avokatit, nuk është kundërpërgjigjur me dhunë, por ka reaguar duke njoftuar menjëherë Policinë e Kosovës.

“Ky akt përbën sjellje të papranueshme dhe të dënueshme ligjërisht, veçanërisht kur vjen nga një deputet që ka për detyrë të japë shembull qytetarie dhe respekti ndaj ligjit,” thuhet ndër të tjera në reagimin e avokatit.

Kutllovci ka paralajmëruar ndërmarrjen e të gjitha veprimeve të nevojshme ligjore që, sipas tij, rasti të mos mbetet pa përgjegjësi dhe që “dinjiteti i qytetarit të mbrohet plotësisht”.