Burri i Shkurte Fejzes nuk e kursen Shemin as pas vdekjes: Mosmirënjohës…

Lajmi i hidhur për ndarjen nga jeta të vokalistit të grupit legjendar “Ilirët”, Shemsi Krasniqi – Shemi, ka prekur artdashësit dhe komunitetin artistik, duke sjellë reagime të shumta ngushëllimi.

Megjithatë, pas këtij lajmi të trishtë, një reagim i ashpër nga Hajrush Behluli, bashkëshorti dhe menaxheri i këngëtares Shkurte Fejza, ka shkaktuar një valë diskutimesh.

Ai ka rihapur një plagë të vjetër lidhur me autorësinë e hitit mbarëkombëtar “Xhamadani vija-vija”, duke e bërë publik këtë konflikt në një moment delikat.

Në një postim në Facebook, Behluli ka ndërhyrë për të saktësuar atë që ai e quan “dezinformim” lidhur me këngën ikonike.

Ai e nisi komentin e tij me ngushëllime për familjen e të ndjerit, por shpejt kaloi në akuzat për autorësinë e këngës, duke theksuar se Shemi nuk ishte autori i saj.

“Ngushëllime familjes dhe miqve, por nuk ka qenë autor i këngës Xhamadani… skeni nevojë me dezinformuar as në këtë rast,” shkruan Behluli, duke e bërë të qartë që ai nuk do të lejojë që historia të ndryshohet pas vdekjes së Shemit.

Akuzat e tij nuk përfunduan këtu.

Në një replikë të dytë, Behluli e cilësoi të ndjerin si “mosmirënjohës” dhe “të paskrupullt” në raport me Shkurte Fejzën dhe historinë e këngës.

Ai akuzoi gjithashtu disa gazetarë për krijimin e lajmeve të “pandershme”, duke theksuar se konflikti me Shemin kishte qenë i vazhdueshëm.

Por kush është autori i vërtetë i “Xhamadani vija-vija”? Përplasja mes “Ilirëve” dhe Shkurte Fejzës është e hershme dhe buron nga fakti se të dyja palët e kanë identifikuar karrierën e tyre me këtë këngë të njohur.

Kënga është kompozuar nga mjeshtri Zef Çoba me tekst të Alfred Çapalikut, dhe u popullarizua nga Shkurte Fejza në Festivalin e Gjirokastrës.

Versioni “rock” i sjellë nga grupi “Ilirët” dhe Shemi ka arritur një popullaritet të jashtëzakonshëm, duke krijuar një konfuzion të madh te publiku.

Kjo ka bërë që debati mbi autorësinë e këngës të vazhdojë edhe pas vdekjes së Shemit, duke lënë shumë pyetje të hapura për adhuruesit e muzikës.

Me kalimin e kohës, duket se ky debat do të vazhdojë të jetë i ndezur, duke reflektuar tensionet e vjetra mes artistëve dhe historinë e muzikës shqiptare.

A do të arrijnë ata të gjejnë një zgjidhje për këtë konflikt, apo do të vazhdojnë akuzat dhe kundërakuzat? E vërteta mbetet e hapur për interpretim.

Shemi i “Ilirëve” varroset nesër në varrezat në Arbëri në Prishtinë

E konfirmonZRRE-ja: Në mars merret vendimi për tarifat e reja energjetike

Zyra e Rregullatorit për Energji e ka konfirmuar për RTV21 se në muajin mars do të merret vendimi për tarifat e reja energjetike të cilat do të hyjnë në fuqi në muajin prill.

ZRRE tha se aplikimet për të hyrat e lejuara nga operatorët dhe furnizuesit e licencuar pritet të dorëzohen gjatë muajit janar.

“ZRRE ju informon se procesi i shqyrtimit të tarifave të energjisë elektrike zhvillohet në disa faza rregullative. Aplikimet për të hyrat e lejuara nga operatorët dhe furnizuesit e licencuar pritet të dorëzohen gjatë javës së tretë të muajit janar 2026, pas së cilës ZRRE do të bëjë shqyrtimin rregullativ. Vendimi përfundimtar për tarifat pritet gjatë muajit mars 2026, ndërsa zbatimi i tarifave të reja, do të fillojë nga muaji prill 2026, në përputhje me kornizën ligjore në fuqi.”

Aktualisht konsumatorët që shpenzojnë energji elektrike deri në 800 kilovat brenda një muaji paguajnë 9.05 centë për kilovat nga 7.79 centë sa ishte vitin e kaluar. Ndërkohë, ata që shpenzojnë më shumë se 800 kilovatë brenda një muaji, paguajnë 15.43 centë për kilovat nga 13.29 centë sa ishte vitin e kaluar. Ndërkohë, nga muaji maj konsumatorët e energjisë elektrike do të pranojnë faturat e tyre me tarifa të reja të cilat pritet të hyjnë në fuqi në prill të vitit 2026.

Aksion i Policisë në Veri, gjen armë, municion dhe pajisje ushtarake

Në Drejtorinë Rajonale të Policisë Mitrovicë Veri, përkatësisht në Stacionin Policor Leposaviq, me datat 19.12.2025 dhe 20.12.2025, janë iniciuar dy (2) raste për veprën penale “Mbajtje në pronësi, kontroll ose posedim i paautorizuar i armëve”.

Rasti I

Me datë 19.12.2025, rreth orës 22:07, zyrtarë policorë nga Njësia për Ndërhyrje të Shpejtë (NJNSH), gjatë patrullimit në fshatin Rvatska, Komuna e Leposaviqit, në një shtëpi të pabanuar kanë gjetur dhe sekuestruar:
1 (një) armë gjuetie,
1 (një) karabinë,
1 (një) armë të llojit AK-47,
240 (dyqind e dyzet) fishekë,
1 (një) palë dylbi.
Si rrjedhojë e procedurave hetimore, më datë 22.12.2025, zyrtarët policorë në objektet përcjellëse të shtëpisë kanë gjetur dhe sekuestruar edhe:
1 (një) pushkë ajrore,
mekanizëm për barut,
1 (një) thikë ushtarake,
1 (një) frotroll për revole.
Lidhur me rastin, të gjitha veprimet janë ndërmarrë në koordinim me Prokurorin e Shtetit, i cili ka udhëzuar inicimin e rastit penal për veprën penale “Mbajtje në pronësi, kontroll ose posedim i paautorizuar i armëve”.
Aktualisht nuk ka persona të arrestuar dhe rasti është në procedurë hetimore.

Rasti II
Me datë 20.12.2025, rreth orës 06:45, Policia ka arrestuar personin R.R. (1965), pasi gjatë kontrollit në shtëpinë e tij në fshatin Veacev, Komuna e Leposaviqit, janë gjetur dhe sekuestruar:
1 (një) pushkë gjuetie,
1 (një) pushkë gjysmë automatike,
1 (një) bombë dore,
2 (dy) tromblona, fishekë të kalibrave të ndryshëm, pajisje të ndryshme ushtarake (çantë, xhaketë, thikë, etj).
Me urdhër të Prokurorit të Shtetit, pas inicimit të rastit, i dyshuari është liruar në procedurë të rregullt.

Policia e Kosovës mbetet e përkushtuar në luftimin e posedimit të armëve të zjarrit, duke vepruar në funksion të ruajtjes së rendit, paqes dhe sigurisë së përgjithshme për të gjithë qytetarët pa dallim.

Kosova pa rrymë, pritet shtrenjtim i ri

Sistemi Elektro Energjetik i Kosovës bëri të ditur se po vazhdon të përballet me mbi ngarkesë të rrjetit energjetik, për çka ftoi qytetarët që të kursejnë energjinë elektrike. Sipas KOSTT-it, zonat më në rrezik për reduktime janë Rahoveci, Malisheva, Prizreni, Dragashi, Gjilani dhe Lipjani, komuna këto të cilat të dielën u ballafaquan me ndërprerje të paparalajmëruar të energjisë elektrike. Me një kërkesë për kursim të energjisë elektrike gjatë ditës doli edhe KESCO të cilët ftuan qytetarët, që veçanërisht gjatë orëve të pikut, të shmangin përdorimin e pajisjeve me konsum të lartë. Qytetarët thonë se po pranojnë fatura të papërballueshme për ekonomitë e tyre.

“Po çfarë përballumi, këta nuk janë normal….”, tha një qytetar për rtv21

“Reduktime po ka faturat janë të papërballueshme çka me ba”, u shpreh një qytetar tjetër.

“Reduktime ka, boll me zahmet po ja dalim, çka me ba…”, deklaroi një tjetër qytetar pë rtv21

Sipas të dhënave zyrtare aktualisht Kosova prodhon rreth 900 megavat energji elektrike. Ndërkohë, konsumi në orë të caktuara të ditës mbërrin në mbi 1400 megavat duke rritet nevojën e importimit të energjisë. Të dielën nga sistemi ra blloku B1 i Termocentralit të Kosovës por i njëjti u bë me dije se ka rifilluar punën. Njohësi i çështjeve të energjisë Adhurim Haxhimusa, thotë se sa herë që bien blloqet nga sistemi mund të flitet për keq menaxhim të sistemit energjetik. Haxhimusa ngriti alarmin se tarifat e energjisë elektrike do të vazhdojnë të shtrenjtohen.

“Derisa kemi këtë trend të menaxhimit apo keqmenaxhimit tarifat kanë me u rritë çdo herë dhe populli nuk ka me protestu asnjëherë, mendoj se populli duhet të ngritët të thotë mirë rriteni tarifat por modernizojeni rrjetin. Jo të rriten tarifat që t’i financojmë burimet jashtë kufijve të Kosovës sepse ky është problemi që ka ndodhur në 5 vitet e fundit qeverisës të LVV-së…”, tha Haxhimusa për rtv21

Në muajin tetor u shënua një rritje e konsumit të energjisë elektrike për 17 %, duke pasuar me një rritje të importit të energjisë elektrike për 19 për qind më shumë se sa vitin paraprak. Prodhimi i Kosovës u zvogëlua. Në periudhën e viteve 2015-2020 Kosova ka importuar energji elektrike në vlerë prej rreth 270 milionë euro ndërkohë që nga viti 2020 deri në vitin 2025 vlera e importit të energjisë elektrike ka tejkaluar 800 milionë euro. Importi dhe kostoja e lartë e transportit të energjisë elektrike, që arriti në 800 euro, u përcoll me përplasje mes LVV-së dhe partive ish-opozitare. Këto të fundit akuzuan qeverinë e udhëhequr nga LVV se ka licencuar një kompani serbe për të operuar në Kosovë. Në këtë situatë njohësi i çështjeve të energjisë, Adhurim Haxhimusa, tha se keqpërdorimet në energji kanë arritur majat me qeverisjen Kurti.

“Çështja e mafias është bë tashmë e ditur se e hapur sepse po flasim haptazi, dhe shihet edhe kostoja e transportit që ka kushtu për një megavat që vërehen keqpërdorime. Por, mendoj që të gjitha partitë politike në Kosovë janë të përfshira por kapakun kësaj pune ia vendosi LVV gjatë qeverisjes së saj…”, theksoi Haxhimusa.

Aktualisht konsumatorët që shpenzojnë energji elektrike deri në 800 kilovat brenda një muaji paguajnë 9.05 centë për kilovat nga 7.79 centë sa ishte vitin e kaluar. Ndërkohë, ata që shpenzojnë më shumë se 800 kilovatë brenda një muaji, paguajnë 15.43 centë për kilovat nga 13.29 centë sa ishte vitin e kaluar. ZRRE ka konfirmuar se në muajin dhjetor do të nisë shqyrtimi i tarifave energjetike, megjithatë, nuk ka konfirmuar se kur do të shtrenjtohet energjia elektrike. Energjia elektrike në 2025 u shtrenjtua në prill ngjashëm besohet se do të ndodhë edhe në vitin 2026./RTV21/21Media

Supremja në Hagë merr vendim për Kadri Veselin

Gjykata Supreme  e Dhomave të Specializuara të Kosovës ka rrëzuar kërkesën e Kadri Veselit për lirim të përkohshëm.

Lajmi është bërë i ditur nga Gjykata Speciale përmes një komunikate për media.

“Më 19 dhjetor 2025, Paneli i Gjykatës Supreme, i përbërë nga gjyqtarët Ekaterina Trendafilova (kryesuese), Christine van den Wyngaert dhe Daniel Fransen, ka rrëzuar kërkesën e Kadri Veselit për mbrojtje të ligjshmërisë, e cila ishte paraqitur në mënyrë konfidenciale në nëntor 2025”, thuhet në njoftimin e Speciales.

Kërkesa kishte të bënte me një vendim të Panelit të Gjykatës së Apelit, të datës 13 gusht 2025, përmes të cilit ishte konfirmuar vendimi i Trupit Gjykues për rrëzimin e kërkesës së Veselit për lirim të përkohshëm.

Gjykimi ndaj katër ish-eprorëve të UÇK-së nisi në vitin 2023, tri vjet pasi ishin arrestuar dhe dërguar në mbajtje në qytetin holandez.

Aktakuza kundër tyre përfshin akuza për burgosje të paligjshme, torturë, vrasje, krime kundër njerëzimit, zhdukje me forcë dhe persekutim të qindra civilëve dhe personave që nuk morën pjesë në luftime.

Deklaratat përmbyllëse janë planifikuar për t’u paraqitur nga 9 deri 13 shkurt 2026 siç u bë e ditur javën e kaluar.

Iu përkeqësua gjendja derisa ishte…, policia jep detaje për vdekjen e Shemit të Ilirëve!

Policia e Kosovës ka dhënë detaje lidhur me vdekjen e këngëtarit Shemsi Krasniqi.

Organet e rendit, njoftojnë se gjendja e tij shëndetësore iu përkeqësua derisa ishte në banesën e tij

Ngjarja ka ndodhur dje rreth orës 15:00 në Prishtinë në “Rr. UÇK-së”.

“Me vendim të prokurorit trupi i pa jetë i viktimës është dërguar në IML për obduksion”, thuhet në raport./Klankosova

“Zemra jonë u thye përgjithmonë” – Nëna e Shpat Kasapit me reagim emocional

Në një reagim emocional të publikuar së fundmi, Gjylymser Kasapi, nëna e këngëtarit të ndjerë Shpat Kasapi, ka falënderuar publikisht të gjithë ata që qëndruan pranë familjes në këto momente të rënda.

Ajo shpreh mirënjohje, për familjen e saj, si dhe për shoqërinë në përgjithësi, kolegë e artistë nga të gjitha trevat shqiptare, për mbështetjen dhe ndarjen e dhimbjes pas largimit nga jeta të Shpatit.

Në mënyrë të veçantë, nëna e këngëtarit ndalet te Selvije Jao, bashkëshortja e Shpatit, të cilën e përshkruan si shpirtin e shtëpisë dhe si një grua të dashur për butësinë, çiltërsinë dhe moralin e saj. Ajo thekson përkushtimin maksimal të Selvijes jo vetëm si bashkëshorte, por edhe si nënë e shkëlqyeshme e nipit të vogël, Roelit.

Në mesazhin e saj, ajo zbulon se Shpati ndërroi jetë në krahërorin e Selvijes, mbi të cilët u hodh edhe Roeli, pa e kuptuar çfarë po ndodhte.

Por mes falënderimeve, ajo paralajmëron se çdo spekulim tjetër, do të dënohet jo vetëm moralisht, por edhe ligjërisht.

Në fund, ajo u bën thirrje të gjithëve që të lejojnë familjen të përjetojë dhimbjen e saj në qetësi, duke kërkuar respekt të veçantë për Selvijen, e cila sipas saj po e mban gjallë familjen në këto çaste të rënda.

“O Zot…” – reagimi prekës i Naser Gjinovcit kur mëson për vdekjen e Shemit

Vdekja e Shemsi Krasniqit, i njohur si Shemi i grupit legjendar “Ilirët”, ka tronditur komunitetin muzikor dhe fansat e tij, duke lënë boshllëk në skenën e muzikës shqiptare.

Lajmi i hidhur e mori edhe një nga miqtë dhe kolegët e tij më të afërt, Naser Gjinovci, vokalisti i njohur i grupit rock “Minatori”, ndërsa ishte live në një emision televiziv

Gjinovci ndau emocionet e tij të forta dhe kujtimet personale për Shemin gjatë transmetimit në “Studio A”, duke e bërë këtë moment edhe më prekës për të gjithë ata që e ndjekin.

Me një zë të tronditur, Gjinovci tha: “Lajmi i keq gjithë del i vërtetë.

Unë nuk e pata telefonin, e pyeta një bashkëpunëtor të juajin.

Edhe kojshi, edhe shok, edhe mik… O Zot, sa kemi ndenjur në banesë timen dhe në shtëpi të tij.”

Ai theksoi lidhjen e veçantë që kishte pasur me Shemin, duke e përshkruar si një miqësi të gjatë dhe të ngushtë, ku kanë ndarë shumë momente personale dhe artistike, duke e bërë këtë humbje edhe më të dhimbshme.

“E di që ka pasur probleme me stenta, pse si tek i ri është për me vdek,” shtoi mes tjerash, duke e bërë të qartë se Shemi kishte kaluar sfida të mëdha shëndetësore përpara se të ndodhte kjo tragjedi.

Vokalisti i “Minatorit” gjithashtu përmendi se Shemi nuk ishte vetëm një mik, por edhe një bashkëpunëtor i pazëvendësueshëm në muzikë, me të cilin kanë ndarë momente të paharrueshme në karrierat e tyre artistike, duke lënë pas një trashëgimi të çmuar për muzikën shqiptare.

Specialja del me vendim pasi Kadri Veseli kërkoi lirimin e përkohshëm

Gjykata Supreme e Dhomave të Specializuara të Kosovës ka hedhur poshtë kërkesën e ish-kryetarit të Kuvendit të Kosovës, Kadri Veseli, për lirim të përkohshëm.

Sipas njoftimit zyrtar të Speciales, më 19 dhjetor 2025, Paneli i Gjykatës Supreme, i përbërë nga gjykatësit Ekaterina Trendafilova (Kryegjykatëse), Kristinë van den Vajngart dhe Daniel Fransen, ka refuzuar kërkesën e Veselit për mbrojtje të ligjshmërisë, e cila ishte paraqitur në mënyrë konfidenciale në nëntor të këtij viti.

Kërkesa kishte të bënte me një vendim të Panelit të Gjykatës së Apelit, të datës 13 gusht 2025, përmes të cilit ishte konfirmuar vendimi i Trupit Gjykues për rrëzimin e kërkesës së Veselit për lirim të përkohshëm.Me këtë vendim të fundit të Gjykatës Supreme, mbetet në fuqi refuzimi i lirimit të përkohshëm të Kadri Veselit, ndërsa procedurat gjyqësore ndaj tij vazhdojnë në Dhomat e Specializuara.