E rëndë: Gjendet i vdekur në dyqanin e punës 42-vjeçari, pasi mori vesh lajmin nëna 72-vjeçare i jep fund jetës

Një 42-vjeçar është gjetur pa shenja jete rreth orës 19:30 të mbrëmjes së djeshme në dyqanin e tij me vegla pune, në lagjen Gurra të qytetit të Lezhës.

Sipas policisë, nga veprimet e para hetimore nuk janë konstatuar shenja dhune dhe paraprakisht dyshohet se vdekja e shtetasit A. M., 42 vjeç, banues në fshatin Lalm, Lezhë ka ardhur për shkaqe natyrale.

Policia shpjegon më tej se nëna e 42-vjeçarit, shtetasja P. M., 72 vjeçe, pas marrjes së lajmit për humbjen e jetës së djalit të saj, në gjendje të rënduar psikologjike, dyshohet se ka varur veten e cila  u gjet e pajetë nga familjarët në ambientet e banesës në fshatin Lalm i Ri, Lezhë.

Trupat e pajetë janë dërguar në Institutin e Mjekësisë Ligjore në Tiranë, për kryerjen e ekspertizës mjekoligjore dhe përcaktimin e saktë të shkakut të humbjes së jetës.

Ky është moti për nesër dhe ditët në vazhdim

E shtuna në Kosovë vjen me mjegull në mëngjes, ndërsa gjatë ditës në shumë rajone priten intervale kohore me diell, por mjegulla mbetet në disa lugina dhe zona të ulëta edhe gjatë ditës.

Temperaturat pritet të luhaten nga -3 minimalja deri në 9 gradë Celsius ajo maksimale.

Në Shqipëri, Maqedoninë Veriore, Luginë të Preshevës dhe Mal të Zi e shtuna sjellë mot me diell dhe vranësira lokale. Mëngjesi do të jetë me mjegull në zona të caktuara, kurse dita stabile me diell dhe vranësira lokale.

Edhe dita e diel pritet të jetë stabile, por pak më e ftohtë sidomos në disa zona ku do të fillojnë të fryjnë erëra verilindore, por asgjë serioze.

Fillimi  i javës së re sjellë ndryshim gradual të gjendjes sinpoptike. E hëna pa ndonjë ndryshim, kurse të martën masat ciklonike nga Mesdheu afrohen në viset tona duke sjellur erëra nga jugu dhe reshje kalimtare shiu fillimisht në Shqipëri, pastaj vonë edhe në pjesë të Kosovës. Borë njëherë vetëm në viset malore./MeteoBallkan

Punime në rrjet, këto janë vendet që do të mbesin pa rrymë të shtunën

Orari i ndërprerjeve të rrymës sipas rajoneve të shtunën me 20 Dhjetor:

Prishtinë

Punime nga pala e tretë

1.

Nga NS 35/10 [kV] Fushë-Kosova  do të ndërprehet:

Dalja 10[kV] Miradi e Epërme (Kodi: 15100019) nga ora  11:00 deri në ora 17:00

Vendet: Miradi e Epërme, Miradi e Poshtme, Interpres Kosova Sot, Al Trade, Petroll Oti Sllovenia dhe Imer Berisha “Bylmeti”.

Arsyeja: Realizimi i punimeve sipas aprovimit të projektit.

Prizren

Punime të domosdoshme për siguri të sistemit

1.

Nga NS 35/10[kV] Dragash do të ndërprehet:

LP 10kV J09 Bresana (kodi: 30036007) nga ora 09:00 deri 15:00

Vendet: Fshatrat : Blaq, Brodosanë, Buzez, Kuk, Kuklibeg, Zaplluxhë, Afariste : N.P.T “Mulliri”  Buzez, N.T.P. Qumshtorja Sharri Kuk dhe Restoran Opoja.

Arsyeja: Ngritja e shtyllave të tensionit të mesëm dhe bartja e rrjetit të tensionit të mesëm në shtyllat e reja sipas projektit në TS Zaplluxhë II (30036007024).

 * * *

Punime nga pala e tretë

1.

Nga NS 110/35/10[kV] Prizren 1  do të ndërprehet:

Dalja 10[kV] J02 Ortakolli 1 (kodi: 30000002 ) prej orës 10:00 deri në ora 15:00

Vendet: Rrugët: 275 Beteja e Llapushnikut, 69 Haki Taha (një pjesë), 71 Kurtesh Hasani, 72 Mon Karavidaj, 74 Muharrem Hoxha (një pjesë), 75 Sinan Gegollaj, 76 Asdreni (një pjesë), 77 Trepça (një pjesë), 78 Sadik Rexha, 79 Sali Saramati, 80 Marie Ulqinaku (një pjesë), 81 Ulqini, 83 Gjon Sereqi (një pjesë), 84 Jakup Ferri, 85 Mihaill Grameno (një pjesë), 86 Isa Boletini (një pjesë), 87 Ali Hadri (një pjesë), 88 Vetim Shala, 89 Bije Vokshi dhe 89 Besnik Kastrati.

Arsyeja: Realizimin e hyrje daljeve në tensionin e mesëm sipas pëlqimit energjetik.

Ferizaj

Punime të domosdoshme për siguri të sistemit

1.

Nga  NS 35/10(20)kV Magure do të shkyqet-TR 2  (H05) dhe pa tension mbesin të gjitha daljet 10kV prej orës 00:00  deri ne ora 02:00.

Vendet: fshatrat: Baicë, Fushticë e Poshtme, Fushticë e Epërme, Kishnarekë, Krajmirovc, Krojmir, Mirenë, Nekoc, Resinoc, Rrezja (një pjesë) dhe Shalë, Blinaj (një pjesë), Dorajë e Madhe, Dobrajë e Vogël, Krojbardh (Dorajë e Madhe), Leshan(Gllanic) (një pjesë), Magurë, Medvec, Poturoc, Qylagë, Rrezja, Torinë dhe Vërshec, Harilaç, Rrafshina (Treshnjevkë), Sllatinë (një pjesë), Treshnjevk (një pjesë) dhe Vrellë e Goleshit (një pjesë), Vrellë e Goleshit dhe një pjesë e Sllatinës, konsumatorë komercial në fshatin Magurë, Medvec dhe Kodra e Goleshit, Terminali i ri i Aeroportit në fshatin Vrellë dhe AEC KOSOVA_Wind Power.

Arsyeja: Ndërprerje për siguri – ndërrimi i kabllove 35 kV për shkak të tejnxemjes.

 * * *

Punime në projekte investive

1.

Nga TS 110/35/10kV Lipjani do të ndërprehet:

Dalja 10kV J08 Sllovia (kodi: 41000003) nga ora 09:00 deri 16:00

Vendet: Dobratin, Gushtericë e Poshtme, Livagjë, Sllovi, Smallushë, Çollapek, Gllavicë dhe Marevc.

Arsyeja: Energjizimi i rrjetit të ri dhe trafostacionit të ri.

Gjakovë

Punime të domosdoshme për siguri të sistemit

1.

Nga NS 35/10[kV] Malisheva do të ndërprehet:

LP 10kV J05 Carralluka (kodi: 82082001) nga ora 12:00 deri 13:00

Vendet: rrugët: 603 Adem Jashari (një pjesë), 605 Rilindja Kombëtare (1 konsumator), 606 Pavarësia (1 konsumator), 610 Hisni Mazreku (1 konsumatorë.);fshatrat: Carallukë, Dragobil, Drenoc, Panorc, Shkarashnikë, Tërpezë e Poshtme, Vërmicë dhe Vërmicë e Malishevës.

Arsyeja: Kyçja e transformatorit të ri sipas projektit TS Grantat – M.25.07.028.

Gjilan

Punime të domosdoshme për siguri të sistemit

1.

Nga TS 35/10[kV] Lladovë do të ndërprehet:

LP 10kV J06 Zhegra (kodi: 61066006) nga ora 10:00 deri 11:00

Vendet: Zhegera, Lladova, Llashtica (nje pjese), Shurdhan, Pidiqi, Selishta, Qeliku, Haxhtë, Isufaj, Terziaj dhe Demirët.

Arsyeja: Kyçja e trafostacionit të ri në Projektin M.25.06.020 Zhegër.

5.

Nga TS 35/10[kV] Lladovë do të ndërprehet:

LP 10kV J13 Pasijanit   (kodi: 61066013) nga ora 11:00 deri 14:00

Vendet: fshatrat: Llashticë, Pasjan, Burin[cë dhe Muqi Baba.

Arsyeja: Kyçja e trafostacionit të ri në projektin M.25.06.020 Zhegër.

Arrestohet personi i ‘shumë kërkuar’

Me datën 27.11.2025, në Stacionin Policor Vushtrri ishte raportuar për një rast ku një person i dyshuar kishte shtënë me armë në drejtim të ankuesit dhe në atë rast lëndime kishte pësuar një anëtare e familjes së ankuesit, e moshës së mitur.

Njësitet policore ishin përgjigjur në atë rast, ku kishin lokalizuar vendin e ngjarjes dhe gjatë ekzaminimit të vendngjarjes kishin gjetur dy gëzhoja e gjithashtu në vendbanimin e të dyshuarit kishin gjetur dhe konfiskuar një armë të gjatë e cila dyshohej se ishte përdorur në atë rast si dhe 14 fishekë. Rasti ishte iniciuar ,,Vrasje e rëndë në tentativë”.

Pas veprimeve intensive, sot me datën 19.12.2025, hetuesit policor të Sektorit Rajonal të Hetimeve kanë arritur ta lokalizojnë dhe arrestojnë të dyshuarin 58 vjeçar, shtetas i Republikës së Kosovës

Pas intervistimit dhe procedurave tjera, me aktvendim të prokurorit të dyshuarit i është caktuar masa e ndalimit policor ne kohëzgjatje prej 48 orëve .

Hamza i kundërpërgjigjet Kurtit: Pagat rriten dhe tatimet ulen, e kemi bërë dhe do ta bëjmë sërish

Lideri i Partisë Demokratike të Kosovës (PDK), Bedri Hamza, i është kundërpërgjigjur deklaratave të kryeministrit në largim, Albin Kurtit, i cili dje i ka kontestuar premtimet elektorale të PDK-së për ulje të tatimeve dhe rritje të shpenzimeve, përfshirë rritjen prej 50 për qind të pagave dhe pensioneve, duke thënë se kjo është e pamundur.

Hamza ka theksuar se qytetarëve të Kosovës u është shtrenjtuar jeta ndjeshëm gjatë viteve të fundit, ndërkohë që pagat nuk janë rritur.

“Njerëzve iu ka shtrenjtu jeta, por njerëzve nuk iu kanë rritë pagat. Prandaj, po, do t’i rrisim pagat për 50 për qind”, ka deklaruar Hamza.

Ai ka vlerësuar se kritikat ndaj programit të PDK-së po vijnë si pasojë e mungesës së vizionit, guximit dhe përvojës vendimmarrëse të qeverisë aktuale. Sipas tij, ata që vetë nuk kanë ditur dhe nuk kanë pasur vullnet të marrin vendime të mëdha, sot po përpiqen t’i bindin qytetarët se këto vendime janë të pamundura.

Hamza ka rikujtuar vendimet konkrete të marra nga PDK-ja në të kaluarën, duke theksuar se më 1 janar 2009 janë ulur tatimet në fitimin e korporatave nga 20 në 10 për qind, si dhe tatimi në të ardhurat personale nga 20 në 10 për qind për shkallën e lartë.

“Ne kemi ditë dhe i kemi ba këto vendime. Atëkohë, disa të tjerë kanë qenë të zënë me punë tjera”, u shpreh ai.

Po ashtu, Hamza ka përmendur rritjen e pagave për arsimtarët me 50 për qind në vitin 2011 dhe rritjet e mëvonshme për kategori të tjera, si dhe rritjen shtesë prej 25 për qind në vitin 2014.

Sipas tij, këto fakte dëshmojnë se rritja e pagave është e realizueshme kur ka dije, përvojë dhe vullnet politik.

“Bëhet. Ne e kemi bërë dhe do ta bëjmë sërish”, ka përfunduar Hamza, duke theksuar se programi i PDK-së bazohet në përvojë konkrete qeverisëse dhe në vendime që kanë përmirësuar realisht jetën e qytetarëve.

Ndryshe, pas reagimit të Hamzës, i cili iu kishte treguar Qeverisë si t’i ekzekutonin pagat për punëtorët e RTK-së, Qeveria e Kurtit që deri atëherë thoshte se kjo është e pamundur, i kishte ekzekutuar njëjtë siç kishte sugjeruar Hamza.

Edhe nisja e heqjes së masave nga BE-je për Kosovën nisi këto ditë, disa javë pasi Hamza i kishte shkruar letër institucioneve të BE-së.

Presidentja sjell lajmin e shumëpritur: një shtet i ri njeh Kosovën

Bahamas e ka njohur zyrtarisht Republikën e Kosovës si shtet të pavarur dhe sovran, duke u bërë shteti i 121-të që e njeh pavarësinë e Kosovës.

Lajmin e ka bërë të ditur Presidentja e Republikës së Kosovës, Vjosa Osmani, e cila njoftoi se në kryeqytetin e Bahamas është nënshkruar marrëveshja dypalëshe për njohje dhe vendosje të marrëdhënieve diplomatike.

“Edhe një vendim historik për vendin tonë. Bahamas bëhet shteti i 121-të që njeh Kosovën si shtet të pavarur e sovran. Urime të gjithë qytetarëve të Republikës sonë”, ka deklaruar Presidentja Osmani.

Sipas saj, marrëveshja për njohje dhe vendosje të marrëdhënieve diplomatike është nënshkruar me Kryeministrin e Bahamas, Philip Davis, duke shënuar një hap të rëndësishëm në forcimin e subjektivitetit ndërkombëtar të Kosovës.

Në deklaratën e përbashkët, Komonuelthi i Bahamas dhe Republika e Kosovës riafirmojnë përkushtimin ndaj parimeve të Kartës së Kombeve të Bashkuara, përfshirë respektimin e sovranitetit, barazisë së shteteve dhe zgjidhjen paqësore të mosmarrëveshjeve, në përputhje me Konventën e Vjenës për Marrëdhëniet Diplomatike të vitit 1961.

Dy shtetet shprehin synimin për të zhvilluar bashkëpunim në fusha me interes të përbashkët, si konsultimet politike, tregtia dhe investimet, turizmi, arsimi dhe kultura, teknologjia dhe inovacioni, si dhe shkëmbimet ndërmjet njerëzve.

Në deklaratë thuhet se Bahamas dhe Kosova mirëpresin ndërtimin e një partneriteti të ngrohtë dhe produktiv, që do t’u shërbejë interesave të të dy popujve dhe do të kontribuojë në paqen dhe bashkëpunimin ndërkombëtar.

Mbledhja e qeverisë në detyrë – të gjitha vendimet që u miratuan

Qeveria në detyrë e Kosovës ka mirëpritur vendimin e Bashkimit Evropian për të hequr masat e vendosura ndaj Kosovës, të cilat sipas saj ishin të padrejta që në fillim.

Sipas Qeverisë, institucionet e vendit nuk ishin shkaktare të eskalimit të situatës në katër komunat e veriut, ndërsa deeskalimi i situatës është meritë e tyre.

“Ndërkohë, Republika e Kosovës dhe institucionet e saj u bënë cak i sulmeve terroriste, përfshirë incidentin në Banjskë të Zveçanit më 24 shtator 2023, ku humbi jetën rreshteri policor Afrim Bunjaku, dhe sulmin mbi kanalin Ibër-Lepenc në Varagë të Zubin Potokut më 29 nëntor 2024. Për këto raste tashmë janë ngritur aktakuza”, u tha në mbledhjen e Qeverisë.

Qeveria gjithashtu ka bërë të ditur se çdo përpjekje për të cenuar sundimin e ligjit do të kishte pasojat e veta, ndërsa stabiliteti dhe funksionimi i institucioneve në veri është rezultat i respektimit të ligjit dhe rendit publik.

Qeveria u shpreh se pavarësisht vështirësive, ka mbetur e përkushtuar ndaj integrimit evropian dhe përmbushjes së kritereve për anëtarësim.

Sipas Qeverisë, masat financiare më të mëdha nuk u vunë nga Bashkimi Evropian, por nga opozita parlamentare, e cila pengoi votimin e Planit të Rritjes së BE-së dhe marrëveshjeve me Bankën Botërore, me një vlerë totale mbi 1 miliard euro

Përveç kësaj, Qeveria ka njoftuar edhe vendime të tjera: konfirmimin e zbatimit të vendimeve dhe protokolleve të CEFTA-s, themelimin e Komisionit Profesional për ngritjen e Memorialit të Familjes Jashari dhe Epopenë e UÇK-së në Bashkinë Hora e Arbëreshëve në Itali, si dhe ndarjen e 1.65 milionë eurove për grupin e parë të studentëve përfitues të Programit të Bursës së Mobilitetit.

“Ky memorial do të jetë donacion i Qeverisë për arbëreshët në Itali, ndërsa bursat synojnë të zvogëlojnë pabarazitë dhe të krijojnë mundësi për studentët nga zonat më të largëta”, thuhet në komunikatë.

Në përmbyllje, Qeveria uroi mirëseardhjen e bashkatdhetarëve në vendlindje dhe siguroi se institucionet, duke nisur nga policët kufitarë, do të jenë të gatshëm për mikpritje dhe shërbim për qytetarët.

Vdes pjesëtari i Policisë së Kosovës në moshë të re

Ka vdekur Albion Maxhuni, zyrtari policor i Policisë së Kosovës.

Për ndarjen nga jeta të Maxhunit, telegram ngushëllimi ka shkruar Policia.

“Me rastin e vdekjes të zyrtarit policor Albion Maxhuni, familjes, miqve dhe gjithë pjesëtarëve të Policisë së Kosovës, Ju shprehim ngushëllimet më të sinqerta! Sindikata e Policisë së Kosovës”, thuhet në telegram.

Qeveria në detyrë mban mbledhjen e radhës, merr këtë vendim

Qeveria në detyrë e Kosovës, në mbledhjen e mbajtur të premten, ka miratuar vendimin preliminar për shpronësim për interes publik të pronave të paluajtshme ish-shoqërore të ndërmarrjes shoqërore industria e mobilieve “Përparimi”, si dhe të pronave private, për nevoja të institucioneve shtetërore të Republikës së Kosovës.

Në të njëjtën mbledhje, qeveria… ka miratuar edhe vendimin preliminar për shpronësim për interes publik të pronave të paluajtshme që preken nga realizimi i projektit “Ndërtimi i /kyçjes/ lidhjes së Vitisë në autoudhën ‘Arbër Xhaferi’, Prishtinë – Hani i Elezit”.

Po ashtu, është miratuar vendimi për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Ndërtimi i rrugës transit në Klinë, nga N9 deri në R-104”, Klinë – Gurakoc.

Gjatë kësaj mbledhjeje, qeveria në detyrë ka marrë gjithashtu vendim për shqyrtimin e mëtejmë të kërkesës për interes publik të pronave të paluajtshme që preken nga realizimi i projektit “Zgjerimi i rrugës nacionale M25 Prishtinë – Podujevë”.

Kurti: Kosova masat më të mëdha financiare s’i ka vuajtur nga BE-ja, por nga opozita

Kryeministri në detyrë i Kosovës, Albin Kurti, në mbledhjen  e sotme të qeverisë,  ka komentuar vendimin e Bashkimit Evropian për heqjen e masave ndëshkuese ndaj vendit të vendosura në qershorin e vitit 2023

Kurti ka theksuar se këto masa ishin të padrejta qysh në fillim, por ka thënë se nuk kanë qenë asnjëherë “të hidhëruar” me BE-në, por të përkushtuar në rrugën drejt integrimit.

Por, sipas Kurtit, Kosova masat më të mëdha financiare nuk i ka vuajtur nga BE-js, por siç tha ai nga opozita parlamentare.

“Gjatë gjithë kësaj kohe nuk kemi qenë asnjëherë të hidhëruar ndaj BE-së, por kemi qenë të përkushtuar në rrugën drejt integrimit, për përmbushjen e kritereve për anëtarësim dhe për të vazhduar si aleatë dhe kampionë të vlerave demokratike.

Por më duhet të ju them edhe diçka. Republika e Kosovës masat më të mëdha financiare nuk i ka vuajtur nga BE-ja, por nga opozita parlamentare.

Në muajin e kaluar përkundër insistimit tonë, Kuvendi i Kosovës u shpërnda pa u votuar Plani i Rritjes i BE-së në vlerë prej 880 milionë eurove dhe tri marrëveshje me Bankën Botërore në vlerë mbi 120 milionë euro. Pra mbi 1 miliardë euro gjithsejt, në mungesë të vullnetit dhe të votës së opozitës. Andaj, uroj dhe shpresoj që pas zgjedhjeve të 28 dhjetorit dhe konsitutimit të Kuvendit, edhe opozita e tanishme t’ia heqë masat Kosovës”, tha ai. /Reporteri.net/