Hoxha i fshatit Shalë të Lipjanit është arrestuar dhe gjendet nën masën e paraburgimit, nën dyshimin për kryerje të veprave penale “Fajdeja” dhe “Detyrimi”.
Indeksonline mëson se hoxha i arrestuar nën dyshimin për fajde dhe detyrim është Bujar Amerllahu.
Të dyshuarit Bujar Amerllahut, i është është caktuar masa e paraburgimit nga 30 gushti 2025 deri më 30 shtator 2025
Përfaqësuesja e Kosovës ka arritur renditjen më të lartë ndonjëherë në historinë e saj në renditjen e re të FIFA-s, që u përditësua të enjten (18 shtator 2025).
Pas fitores ndaj Suedisë në “Fadil Vokrri” dhe humbjes nga Zvicra në Basel, ndeshje që i zhvilloi këtë muaj për kualifikuese në Botërorin 2026, Kosova është renditur në pozitën e 91, duke u ngjitur tri vende më lartë sesa ishte në ranglistën e fundit (94). “Dardanët” kanë 1262 pikë.
Në grupin ku bën pjesën Kosova, pas dy ndeshjeve, Zvicra ka gjashtë pikë, ndërsa Kosova është e dyta me tri. Suedia e Sllovenia kanë nga një pikë.
Më 10 tetor, Kosova pret Slloveninë në Prishtinë, ndërsa “Fadil Vokrri” pritet të jetë i mbushur pasi për pak orë u shitën të gjitha biletat. Pas tri ditëve, Kosova udhëton në Suedi.
Nënkryetarja e Komunës së Leposaviqit është arrestuar dje, pasi që dyshohet se në objektin e komunës, ka sulmuar fizikisht një grua që kishte kërkuar vendim mbi largimin nga puna.
Policia ka bërë me dije se e njëjta është liruar pas intervistimit.
Një ngjarje e rëndë ka ndodhur sot në Zubin Potok.
R.M, 59 vjeçare ka vdekur pasi që dyshohet se kishte rënë në kanalin e Ibër Lepencit.
“Në vendngjarje kanë dalë ekipi mjekësor, i cili ka konstatuar vdekjen, po ashtu në vend-ngjarje kanë dalë edhe njësit e hetimeve rajonale. Në lidhje me rastin është njoftuar Prokurori i shtetit dhe me urdhër të tij, trupi i pa jetë është dërguar për obduksion”, thuhet njoftimin e policisë.
Policia e Kosovës, në koordinim me institucionet relevante, po vijon me procedurat e nevojshme ligjore lidhur me këtë rast.
Rasti po hetohet dhe po cilësohet si “Vdekje e dyshimtë”.
Vëllai i reperit Mozzik, Getinjo, doli përsëri me një reagim publik pas valës së raportimeve që kanë përfshirë familjen e tyre. Në një postim të drejtpërdrejtë, ai përshkroi përvojat e tij me sulmet mediatike dhe akuzat e paprovuara, duke i cilësuar ato si tentativa për prishje reputacioni.
“Kur nuk kishim kurgjë vinin na e këputnin rrymën, tash i bëmë falë punës së pandalshme, vijnë na e këpusin rrymën e bankomatit haha! Kështu që na dënojnë pa para, rrymë s’po na lënë kërkund,” shkroi ai, duke iu referuar në mënyrë ironike ndryshimeve në jetën e tyre dhe reagimeve të jashtme.
Getinjo shtoi pyetje retorike që i drejtohen kritikëve: “A thua vetëm ne jemi në këtë Kosovë që pak i kemi rregulluar kushtet? A thua vetëm neve duhet gjithsesi të na sulmojnë në të gjitha anët? Pse? Se e duam çlirimtarin? Se jemi familjarë? Se jemi besnikë ndaj familjes? S’pagujmë haraç?”
Ai gjithashtu i adresoi mesazhe të forta atyre që, sipas tij, veprojnë në errësirë: “Ky shkrim i dedikohet personave të padukshëm (tinëzakëve) që bëjnë planifikime për zullume dhe prishje të reputacionit.”
Në fund të postimit, Getinjo i përshkroi sulmet si të kota dhe ftoi publikun që të mos merret me llogaritë false: “Hajt tash ju me facebooka fallso edhe ju badihavgjit nisni fyeni me komente se s’keni faj, aq shihni aq jetoni. Zoti ju dashtë njëjtë qysh na don neve.”
Avni Zogiani, zëvendësministër në Qeverinë Kurti ka hedhur akuza të rënda në drejtim të gazetarit, Valon Syla.
Ai ka ofenduar Sylën duke e aluduar se ka probleme psiqike dhe se në Kosovë nevojiten psikologë.
“Kanë nevojë kritike për ndihmë… Kosova duhet të investojë në psikologë pro-bono se këta vetë nuk ia dijnë rëndësinë trajtimit!” – ka shkruar ai duke ia bashkëngjitur një foto të gazetarit Syla.
Si duket Zogiani nuk e kupton stigmën që krijon për qytetarët që kanë nevojë për shërbime psikologjike duke ditur sa tabu konsiderohet ky trajtim në vendin tonë, pikërisht për shkak të kësaj qasje.
Ish – anëtari i Shtabit të Përgjithshëm të UÇK-së, Adem Grabovci, shprehet kritik ndaj institucioneve aktuale të vendit, të cilat sipas tij nuk kanë bërë asgjë për ta ndërkombëtarizuar çështje e gjykimit të ish-krerëve të UÇK-së.
Në të njëjtën kohë, ai përmend rolin e Shqipërisë dhe veçanërisht të kryeministrit Edi Rama, të cilin e sheh si të angazhuar duke e krahasuar me pasivitetin e institucioneve të Kosovës.
‘’Kjo qeveri nuk ka bërë asgjë, nuk a ka ndërkombëtarizuar aspak këtë çështje asnjëherë gjë që është shumë negative, sepse edhe shtetet fqinje e kanë përmendur shumë këtë proces, fatbardhësisht po e bën më përkushtim të jashtëzakonshëm sidomos Edi Rama i cili është munduar shumë me të gjitha mundësitë që i ka në dispozicion në krahasim me qeveritarët tanë’’, tha Grabovci për Front Online.
Ai tha se është obligim i gjithsecilit të japë kontribut që dëshmon luftën e pastër të UÇK-së.
‘’Po bëhet përpjekje për t’u njollosur lufta jona dhe është duke u gjykuar populli jonë dhe e drejta jonë për e fituar me shumë mund dhe sakrifica. E kemi obligim të gjithë si shqiptarë për të dhënë kontributin tonë, sidomos institucionet e vendit’’, tha ai.
Kryetari i Aleancës për Ardhmërinë e Kosovës, Ramush Haradinaj, ka deklaruar sonte në Rubikon se Albin Kurti është i rekrutuar nga Serbia për të punuar në dëm të Kosovës.
Sipas Haradinajt, Kurti madje ka shënuar suksese për shtetin fqinj. Haradinaj, si dëshmi ka prezantuar edhe një dokumentet, në të cilin e mbështet këtë deklaratë.
“Kjo është letra e datës 8 gusht që e kanë dërgu, e që kryeministrit të Kosovës i thonë Evropa, në kohën kur Maqedonia deri edhe Serbia hap kapituj, Shqipëria po shkon përpara, i thonë, ‘zotëri, s`mundemi me të taku ty në zyre’.
Imagjinojeni ne edhe para luftës, edhe Ibrahim Rugovës i kanë shkuar në Velani, në shtëpi të vet, në zyre, sot kryeministrit të shtetit të pavarur i thonë s`mundemi me të ardhë në zyre.
A e kuptoni çfarë suksesi është ky për Serbinë? Ku ka me shku më sukses për ta sesa përfaqësuesi i krejt vendeve të BE-së i thotë këtij të Kosovës nuk muj me të ardhë në zyre, se po e mban jashtëligjshëm se po rri edhe deputet edhe kryeministër jashtëligjshëm”, tha Haradinaj në Rubikon.
Për më tepër, Haradinaj deklaroi se Kosova nuk rrezikohet nga Lista Serbe e serbët e veriut, veç se Kurtit i është dashur të gjejë një armik për t`i shpallur luftë.
“Albin Kurti nuk i ka menaxhuar mirë as dialogun as marrëdhëniet me serbët e Kosovës. Për fat të keq na ka kushtu kjo, se ky e ka ba showbiz veç për vota.
Rreziku që i vjen Kosovës nga serbët e veriut ose nga Lista Serbe është minimal. Albin Kurtit i është dashur me gjet një armik, me shpall një luftë, me u ba patriot me i mbulue ato të këqijat që ia ka bë Kosovës, me mbulue kontratën që e ka me Serbinë e me armiqtë. Ai është i rekrutuar nga serbët, është i tyre”, tha Haradinaj.
Reperja e njohur Melinda Ademi ka arritur një kulm të jashtëzakonshëm në industrinë muzikore, duke e kombinuar pasionin e saj për artin me njohuritë akademike për historinë.
Ajo është duke u afirmuar gjithnjë e më shumë si një nga emrat më të njohur në muzikën shqiptare, por shumë pak e dinë se para se të bëhej këngëtare, Melinda ka përfunduar fakultetin e historisë.
Një formulë interesante e kombinimit të njohurive të së kaluarës me ritmet moderne, që ndihmon në krijimin e një stili unik dhe të veçantë.
Melinda ka shpeshherë ndarë me fansat e saj përkushtimin e saj ndaj historisë, duke treguar se i pëlqen të dijë më shumë rreth historisë së shteteve dhe njerëzve të suksesshëm. Kjo njohuri, përveçse e bën atë një artist më të përkushtuar, e ndihmon të lidhë më mirë mesazhet që dëshiron të përcjellë me muzikën e saj.
Artisti është një shembull i shkëlqyer për të rinjtë që përpiqen të arrijnë ëndrrat e tyre, duke treguar se arsimimi dhe pasioni mund të ecin paralelisht.
Një nga arsyet pse Melinda është kaq e suksesshme është se ajo ka një bazë të fortë akademike, që e ndihmon të krijojë tekste dhe melodi më të thella dhe më domethënëse.
Ndërkohë, ajo ka punuar vazhdimisht në përmirësimin e zanorit të saj dhe stilit muzikor. Rezultatet kanë qenë të dukshme; muzikat e saj kanë arritur sukses në platformat më të njohura, duke shënuar miliona klikime. Është e qartë se Melinda nuk është vetëm një emër i njohur, por një force që po transformon skenën muzikore shqiptare.
Me një imazh që reflekton stilin modern dhe ndjeshmërinë për traditën, Melinda Ademi vazhdon të jetë një figurë frymëzuese për ata që ndjekin ëndrrat e tyre në art dhe çdo fushë tjetër. Suksesi i saj tregon se me përkushtim dhe pasion, gjithçka është e mundur.
Rep-artistja e njohur kosovare, Melinda Ademi, ditën e sotme i ka dhënë fund beqarisë.
Përmes një postimi në Instastory, zbuloi që ka marrë propozimin e ëndrrave.
Në një ambient luksoz pranë detit, fotografoi pankartën me mbishkrimin “Do të martohesh me mua”.
Vëmendje mori unaza e martesës e cila qenka gjigante.
Iu shkoftë mbarë, Melinda e Granit!
