Vdekja tragjike e punëtorit në Skenderaj, Nura njofton se nuk do të ketë program muzikor për qytetarët

Kryetari i Komunës së Skenderajt ka dalë me njoftim për qytetarët se sot nuk do të ketë program muzikor në kuadër të festivalit ”Mërgata Fest”, shkruan Gazeta Demos.

Kjo për arsye të vdekjes së punëtorit Robert Veliu, i cili vdiq tragjikisht duke punuar sot në Skenderaj.

”’Të nderuar qytetarë, pjesëmarrës të festivalit Mërgata Fest dhe ju bashkatdhetarë,

Për shkak të vdekjes së papritur të bashkëqytetarit tonë, të riut Robert Veliu, dhe në respek të thellë ndaj familjes së pikëlluar Veliu, programi i sotëm muzikor në festival anulohet.

Duke besuar në mirëkuptim e secilit përballë këtij rasti të dhimbshëm, i shprehi ngushëllimet më të thella familjes Veliu, shokëve dhe dashamirëve!”, shkruan Nura.

E rëndë: Vdes i riu nga Malisheva

Ka ndërruar jetë i riu nga Malisheva, i cili u godit ditë më parë nga një automjet, shkruan Gazeta Demos.

I ndjeri, Shkodran Morina nga fshati Burim i Malishevës, nuk mundi t’i përballojë plagëve të marra që i ishin shkaktuar nga ky aksident.

Lajmin për vdekjen e tij e kanë bërë të ditur mediat lokale në Malishevë.

E dhimbshme: Vdes edhe një punëtor në vendin e punës

Një person dyshohet ka ndërruar jetë në vendin e punës në një objekt banesor në Skenderaj.

I njëjti dyshohet se kishte sulm kardiak.

Gazeta Insajderi, ka provuar të marrë edhe një konfirmim nga Policia por të njëjtit nuk kanë kthyer përgjigje.

Gruaja e Diogo Jotas bën postimin e parë në rrjetet sociale që nga vdekja tragjike e tij

Rute Cardoso, gruaja e Diogo Jotës, ka ndarë postimin e saj të parë në rrjetet sociale pas vdekjes tragjike të futbollistit të Liverpoolit.

Jota humbi jetën në fillim të këtij muaji në një aksident automobilistik në Spanjë, ku fatkeqësisht humbi jetën edhe vëllai i tij, Andre Silva, gjithashtu futbollist profesionist.

Futbollistët e Liverpoolit i bënë homazhe shokut të tyre, ndër ta edhe Andy Robertson, i cili publikoi një deklaratë emocionuese pas ndarjes nga jeta të Jotës.

Vetëm pak ditë para aksidentit, Jota ishte martuar me partneren e tij prej shumë vitesh, Rute Cardoso. Ai i kishte propozuar asaj në korrik të vitit 2022 dhe dasma u zhvillua më 22 qershor 2025.

Në përvjetorin e njëmujorit të martesës, Rute publikoi disa foto nga dita e dasmës së tyre, të shoqëruara me mbishkrimin prekës: “1 muaj që kur thamë ‘Derisa vdekja të na ndajë’. Përgjithmonë, nusja jote.”

Jota dhe Rute kishin një lidhje të gjatë që nga fëmijëria, me fotografi të tyre që datojnë që nga viti 2013. Ata ishin një çift shumë i dashur për publikun.

Çifti kishte tre fëmijë së bashku: një djalë katërvjeçar, një djalë dyvjeçar dhe një vajzë e vogël, e lindur vitin e kaluar.

Rute e kishte mbështetur vazhdimisht Jotën gjatë gjithë karrierës së tij, shpeshherë duke ndarë momente nga tribunat, si në ndeshjet me Liverpoolin, ashtu edhe me kombëtaren e Portugalisë.

Hati harron Jasharin, në një romancë me biznesmenin e njohur shqiptar?

Hati Brika festoi ditëlindjen dy ditë më parë me një festë luksoze ku dominuan femrat dhe eleganca.

E rrethuar nga shumë mike, ajo u shfaq në qendër të vëmendjes me stilin e saj të veçantë.

Por ajo që ra më së shumti në sy ishte prania e një biznesmeni nga Shqipëria, Enea Marku.

Sipas Kosovarja, ai ishte mashkulli i vetëm në mesin e dhjetëra të ftuarve, duke e shoqëruar nga afër Hatin në këtë ditë të veçantë.

Ende nuk dihet nëse marrëdhënia e tij me Hatin është thjesht miqësore apo diçka më shumë, por fakti që ai ishte i pranishëm në një moment kaq të rëndësishëm për të, ka ngjallur shumë kureshtje.

IHMK-ja: Kosova në rrezik ekstrem nga temperaturat

Instituti Hidrometeorologjik i Kosovës përmes një njoftimi ka njoftuar për rreziqet e temperaturave të larta që po mbizotërojnë këto ditë.

“Kushtet e motit jashtëzakonisht të rrezikshme, veçanërisht nëse zgjatë disa ditë rresht. Jetët e rrezikuara të njerëzve (veçanërisht për të sëmurët kronikë, personat nën terapi dhe kontroll mjekësor) dhe kafshëve. Probleme në furnizim me ujë, energji elektrike, vështirësi në trafik. Kushte moti jashtëzakonisht të favorshme për zjarre në pyje dhe të tjera”, thuhet në njoftim.

IHMK-ja ka thënë se sa i përket motit, Kosova gjendet në zonën e kuqe, e cila llogaritet me rrezik ekstrem.

Ndërkohë, Ministria e Shëndetësisë në një komunikatë ka rekomanduar që institucionet publike dhe private të zbatojnë masa mbrojtëse për mbrojtjen e punëtorëve nga temperaturat e larta, për periudhën 22 – 25 korrik 2025.

Ky njoftim i Ministrisë së Shëndetësisë vjen pas vdekjes së dy punëtorëve të ndërtimit, të hënën në Gjakovë.

“Temperaturat e larta ndikojnë negativisht në shëndetin e njeriut, veçanërisht tek grupet më të ndjeshme të shoqërisë, si: fëmijët, të moshuarit, gratë shtatzëna, personat me sëmundje kronike, si dhe punëtorët që punojnë në ambiente të hapura apo në kushte pune me temperatura të larta. Ftohen të gjitha institucionet që t’i respektojnë këto rekomandime, me qëllim të mbrojtjes së shëndetit të punëtorëve dhe të grupeve të tjera të ndjeshme”, thuhet në njoftimin e MSH-së.

Gjesti ‘zbulon’ lidhjen e re? Fotoja që po bën xhiron në rrjet

Ish-fituesi i “Big Brother VIP Albania”, Gjesti, ka publikuar orë më parë një foto të rrallë që ka ngjallur menjëherë reagime të shumta në rrjet.

Në imazh, këngëtari shfaqet duke pozuar para pasqyrës, por ajo që tërheq më shumë vëmendjen është një dorë femre që e prek në trup, duke ngritur dyshime për një lidhje të re, shkruan “Kosovarja”.

Ky detaj i vogël ka mjaftuar që ndjekësit të aludojnë se Gjesti është në një romancë të re dhe komentet në rrjete sociale nuk kanë munguar.

Mbetet për t’u parë në vazhdim nëse Gjesti do të zbulojë më shumë rreth kësaj lidhje.

Tragjedia në Gjakovë – Ky është punëtori i dytë që vdiq në vendin e punës, ishte ushtar i UÇK-së

Dy punëtorë ndërtimi kanë humbur jetën sot gjatë punës në një punishte në qytetin e Gjakovës. Sipas informacioneve të para, të dy viktimat janë rreth moshës 50-vjeçare, shkruan Insajderi.

Njëri nga personat që ka vdekur ishte Hazir Jakupi, ish-luftëtar i Ushtrisë Çlirimtare të Kosovës, dhe vëllai i dëshmorit Fitim Jakupi nga Caraviku.

“Lajmi tragjik për vdekjen tënde të hershme na preku shumë, bashkëluftari im Hazir Jakupi do të kujtojmë përherë si luftëtar lirie, njeri i urtë dhe shokë i ditëve me të vështira”, shkruan një bashkëluftëtar i tij.

I vdekur në këtë rast ka mbetur edhe Daut Bajraktari.

Vëllai i Agonit: Çdo vendim tjetër përveç paraburgimit për policët na shtyn të mendojmë për opsionet tjera

Alban Zejnullahu, vëllai i Agon Zejnullahut, tha në Kosova Live në T7 se shpresojnë që Gjykata Themelore do të marrë sërish vendim për paraburgosjen e policëve.

“Shpresojmë që Gjykata Themelore në Lipjan do të vendosë njëjtë masën siç ka qenë dhe prapë do ta caktojë masën e paraburgimit ndaj atyre që e vranë vëllanë tonë”, tha ai.

Ai paralajmëroi se ndonjë vendim tjetër do t’i shtynte ata si familjarë që të mendojnë “për opsionet tjera”.

“Përndryshe, çfarëdo vendimi tjetër, përveç neve si familje që na i rihapë plagët e vuajtjes, na shtyn me mendu edhe për opsionet tjera. Andaj u lutemi të gjithëve, sidomos këtyre institucioneve, i lusim, me gjithë qenien po e them, që drejtësia të vijë në vend”, tha ai.

Gjykata e Apelit, tha në një komunikatë për shtyp sot se i ka kërkuar Themelores që “t’i evitojë të gjitha shkeljet e konstatuara në aktvendimin e ankimuar, duke e kthyer çështjen në rivendosje”.

Koci paralajmëron protestë para Kuvendit: Situata tash ka eskaluar…

Avokati Arianit Koci ka paralajmëruar një protestë para Kuvendit të Kosovës të hënën.

Ai, në një deklaratë për Kanal 10 të hënën në mëngjes, tha se protesta para seancës së sotme konstituive do të jetë befasi.

“Kjo do të jetë në vargun e protestës time. Unë mendoj që situata tash ka eskaluar, ka kaluar çdo kufi. Protesta do të jetë befasi, interesante”, tha ai.

Ai tha se me këtë sjellje politike, po “rrënohen sukseset e Kosovës”.

“Këto veprime tashmë nuk janë politikë, por edhe parapolitikë. Nuk po mundem me besu që kjo mund të na ndodhë”, tha Koci.