Kosova nën kërcënim – Këto janë lëvizjet e rrezikshme të Serbisë

Ministri i Mbrojtjes i Kosovës, në detyrë, Ejup Maqedonci, në një intervistë për A2CNN, u është përgjigjur kërcënimeve direkte të lëshuara nga Serbia për luftë dhe pushtim.

Ai theksoi se kërcënimet janë reale dhe se Beogradi zyrtar ka vendosur 70 për qind të ushtrisë në kufirin tonë, por garantoi se FSK-ja, bashkë me aleatët amerikanë dhe të NATO-s, do të mbrojnë çdo pëllëmbë tokë të Kosovës.

“Ne i shohim gjithmonë si të mundshme këto kërcënime. Ne e shohim gjithmonë të mundshme që Serbia në një moment mund të ndërmarrë veprime për të destabilizuar rajonin. Kjo është edhe arsyeja pse ne jemi të përkushtuar që të ndërtojmë një forcë ushtarake të aftë për të mbrojtur territorin e Kosovës, për të mbrojtur jetën e qytetarëve tanë dhe për të kontribuar për paqen dhe stabilitetin në botë, duke përqafuar gjithmonë vlerat e NATO-s, vlerat perëndimore dhe duke shtyrë përpara interesat, të cilat i kemi si vendet demokratike.

Ne në vazhdimësi e ngremë si shqetësim prezencën e bazave të përparme operacionale të ushtrisë dhe xhandarmërisë serbe përgjatë vijës kufitare me Republikën e Kosovës. Diku 70% e të gjitha kapaciteteve ushtarake të ushtrisë së Serbisë janë të vendosura në jug të territorit të saj, pra jo larg Republikës së Kosovës. Kësaj duke i shtuar edhe këto 48 bazat e përparme që ne gjithmonë vlerësojmë se paraqesin kërcënim.

Kur fqinji t’i vendosë në kufi forcat ushtarake, në një farë forme apo një tjetër, e kërcënon sigurinë dhe stabilitetin e atij vendi. Kjo nuk po bëhet rastësisht. Dhe, kur e kemi gjithë këtë prezencë dhe kemi një mbështetje të grupeve kriminale dhe terroriste siç ishte ai i Radoiqiçit, që tentoi aneksim të veriut të vendit tonë, tregon për qasjen agresive që Serbia vijon ta ketë në raport me Republikën e Kosovës”, tha Maqedonci./A2CNN/

Pas kritikës së Trump, zyrtari rus: Di vetëm një gjë që është shumë e keqe, Lufta e Tretë Botërore

Kremlini ka reaguar ndaj presidentit amerikan, Donald Trump, pas deklaratës së tij drejtuar homologut të tij, Vladimir Putin, ku ai tha se po luan me zjarrin.

Zëvendëskryetari i Këshillit të Sigurisë së Federatës Ruse, Dmitry Medvedev, që është një nga njerëzit më të besuar të Vladimir Putin, komentoi duke thënë se “do të ishte shumë keq” nëse Lufta e Tretë Botërore shpërthente, në përgjigje të postimit të Trump.

Medvedev iu referua deklaratave të Trump për Putin, i cili kishte thënë se presidenti rus po “luan me zjarrin” dhe se “gjëra të këqija” do të kishin ndodhur në Rusi. Ai shtoi: “Unë di vetëm një gjë që është vërtetë shumë e keqe – Lufta e Tretë Botërore. Shpresoj që Trump ta kuptojë këtë!”

Trump kishte paralajmëruar se presidenti rus po “luan me zjarrin” në një postim të tij në platformën Truth Social. “Ajo që Vladimir Putin nuk e kupton është se nëse nuk do të ishte për mua, shumë gjëra të këqija do të kishin ndodhur tashmë në Rusi, dhe dua të them gjëra vërtetë të këqija,” shkroi Trump.

“72 mijë euro në ditë për transportin e energjisë nga Maqedonia – fituesi, djali i një gjenerali serb”

Janina Ymeri e Lidhjes Demokratike të Kosovës, ka nxjerrë të dhënat ku sot vetëm transporti i energjisë elektrike nga Maqedonia e Veriut në Kosovës ka kushtuar hiç më pak se 72 mijë euro dhe fitues i këtij transporti djal i një gjenerali serb.

“Transporti i Energjisë Elektrike (vetëm transporti), brenda ditës sot, nga Maqedonia deri në Kosovë, mbi 72,000 Euro. Një ndër fituesit e këtij transporti, djali i gjeneralit serb. Hajde tash postoni për Veriun, krejt VV-ja edhe tregoni sa po punoni për neve. Me pas punu për neve sa keni punu për serb, sot e kishëm kalu zhvillimin e Kroacisë”, shkroi ajo.

Nuk ndalet Mehmetaj ka një mesazh me ironi për Çekun: Përgatitu, se radha po të vjen

Gazetari Lirim Mehmetaj ka reaguar pas intervistave të fundit që ka zhvilluar Prokuroria Speciale me ministrin në detyrë të Bujqësisë, Faton Peci, për lidhjet e tij me një skandal korruptiv në ministri, raporton Gazeta Sinjali.

Pas këtij zhvillimi, Mehmetaj, ka bërë një thirrje të drejtpërdrejtë ndaj Çekut: “E ti? Bone muhabet pak me Pecin qysh po te intervistojshin në prokurori… Jo që najsen po përgatitesh ma mirë.”

Postimi i plotë:

E ti?

Bone muhabet pak me Pecin qysh po te intervistojshin në prokurori…

Jo që najsen po përgatitesh ma mirë.

Hajnrullah Çeku a mos je ka mënon që s’o ka t’sheh kërkush?

Profesor Kraki i del në mbrojtje Pecit, i quan mediat “banda” e “kriminale”

Deputeti i Lëvizjes Vetëvendosje, Nezir Kraki, i ka dalë në mbrojtje ministrit të Bujqësisë në detyrë, Faton Pecit, i cili u intervistua më gjatë se tri orë për hajni.

Kraki me anë të një shkrimi në ‘Facebook’ ka degraduar gjuhën e tij prej profesori, duke i quajtur mediat banditeske e kriminale.

“Dhe kështu erdhem në pikën ku prokurorët e Kosovës e marrin të mirëqenë dhe e shfaqin si provë edhe propagandën më absurde kundër një ministri. Propaganden që bandat politiko-mediatike e gatuajnë dhe e shërbejnë me porosi nga ata që pësuan humbje milionëshe këto 4 vite, nga dita kur u ndoqen nga arkat e shtetit”, deklaroi ai.

“Në fakt, edhe mediat e krimit edhe prokurorët e bandave janë produkt i asaj Kosovës që s’ekziston më. Se zor e kam ta kuptoj dobinë publike të një emisioni 50 minutesh ku si shkelje nxirret jo më mos realizimii punës së paguar por mënyra si është pagu puna e kryer. Në Kosovën e atyre një traktor « dhurohej » 30 herë dhe një livadh merrte grant 20 herë sepse ishte dhënë 20 herë me qira të njejtin vit”, vijon shkrimi i tij.

Spahiu: Fatoni është trim, kushëri i Isa Boletinit – edhe Isa është Pec

Analisti Nexhmedin Spahiu, ka thënë se ai ka mësuar rreth zhvillimeve në Ministri të Bujqësisë nga intervista e Faton Pecit.

Ndonëse Spahiu thotë se mund të ketë lëshime në procedurë, megjithatë shton se “Faton Peci nuk është hajn”

“Unë Fatonin e njoh edhe Fatoni nuk është hajn. Nga ajo që e kam perceptu situatën kam mundur të konkluzojë që edhe mund të ketë lëshime në procedurë”, ka thënë ai në ‘Pressing’ të T7.

“Fatoni ka dinjitet shumë të madh, është trim, njeri shumë i guximshëm. Edhe fshati për nga vjen ai, njihet si trimat më të mëdhenj në atë anë”, ka deklaruar ai.

Më pas ai u pyet në studio, se çfarë e ka Peci Isa Boletinin.

“Isa Boletinin e ka kushëri, Isa Boletini është Pec”, u përgjigj Spahiu.

Loredana i rikthehet “dashurisë” së vjetër

E dhimbshme: Ky është i riu shqiptar që humbi jetën tragjikisht në Itali

Djali i Mimoza Mustafës maturanti më i bukur? Mimoza sjell foton e ëmbël krah tij!

Mimoza Mustafa është një nga artistet më të njohura dhe më të dashura të skenës shqiptare, e cila jo vetëm që njihet për talentin e saj, por edhe për bukurinë e saj të jashtme.

Çdo gjë që ajo bën, ka përfunduar gjithmonë me një audiencë të madhe dhe vëmendje të veçantë.

Tani, ajo ka provuar se bukuria është një trashëgimi që vazhdon, duke i lënë djali saj Bojkenit një trashëgim të jashtëzakonshme. Në mbrëmjen e maturës, Bojkeni ka vënë në pah këtë trashëgimi, duke shkëlqyer me një kostum të zi elegant.

Matura është një moment i rëndësishëm në jetën e çdo adoleshenti, dhe Bojkeni e ka shfrytëzuar atë për të treguar përkushtimin dhe elegancën e tij.

Një vigjilje e jashtëzakonshme ku ai mori vëmendjen e të gjithëve, duke u bërë tema e bisedave. Komentet për pamjen e tij ishin të shumta, me shumë njerëz që e quajtën “djalosh simpatik” dhe “mashkull të bukur”.

Bojkeni nuk është thjesht djali i Mimoza Mustafës; ai ka ndërtuar një identitet të vetin dhe duket se është një djalë me të cilin do të duhet të lidhen shumë e shumë të rinj. Një shenjë e qartë e kësaj është përkrahja masive që mori nga miqtë dhe familja e tij, duke e mbështetur në këtë përvojë të veçantë.

Çfarë ndodhi? – Kaderi shfaqet e pikëlluar dhe në të zeza

Kader Kicaj, një nga personazhet më të komentuara të edicionit të dytë të Big Brother VIP Kosova, duket se po ndërmerr një hap të ri në karrierën e saj, këtë herë në fushën e aktrimit.

Së fundmi, ajo është parë në një foto të publikuar në Instagram nga aktori i njohur Rifat Smani.

Kaderi shfaqet e veshur tërësisht në të zeza, me një stil më serioz, krejt ndryshe nga imazhi i saj i zakonshëm që jemi mësuar të shohim gjatë qëndrimit në shtëpinë më të famshme në Kosovë dhe në rrjete sociale.

Edhe pse nuk ka pasur ende një konfirmim nga vetë Kaderi, amja e saj e re dhe prania në një story pranë një aktori sugjerojnë një përfshirje të mundshme në botën e artit skenik.

Ajo ka qenë një nga figurat më të njohura në media dhe tani po tregon një anë tjetër të saj, duke përqafuar një rol më artistik.

Interesi për Kaderin është rritur ndjeshëm që kur ajo doli nga Big Brother VIP, dhe shumë ndjekës po e shohin atë si një model që mund të bëjë një kalim të suksesshëm nga reality show në aktrim profesional. Shpeshherë, artistët që dalin nga formate të ngjashme përballen me sfida të mëdha, por Kaderi duket se ka një strategji të qartë për të avancuar në këtë drejtim.

Më shumë se kaq, Kaderi ka kuptuar rëndësinë e imazhit dhe perceptimit publik. Stili i saj i ri në këtë foto, i shoqëruar me një pamje serioze, i jep asaj një dimension tjetër, duke e pozicionuar si një individ që është i përgatitur për sfida artistike. Kjo ndryshim mund të jetë një sinjal i rëndësishëm për ndjekësit e saj, të cilët presin me padurim të shohin atë në projekte të reja dhe emocionuese.