OVL-UÇK i çon letër Grenellit për Specialen: Mos e lini këtë gjykatë të shkruajë një histori të rreme

OVL-UÇK i ka dërguar një letër Amerikës, më saktësisht ambasadorit Richard Grenell, i dërguar i posaçëm i presidentit Donald Trump, për Misione të Veçanta.

Përmes kësaj letre, veteranët kanë shprehur shqetësimin e thellë për Gjykatën Speciale, duke theksuar se ajo kanë humbur qëllimin e tyre.

Sipas OVL-UÇK, ajo që do duhej të ishte një gjykatë drejtësie është shndërruar në një armë politike.

“Po ju shkruajmë nga Organizata e Veteranëve të Ushtrisë Çlirimtare të Kosovës (OVL-UÇK), për të shprehur shqetësimin tonë të thellë dhe në rritje se Dhomat e Specializuara të Kosovës e kanë humbur qëllimin e tyre. Ajo që duhej të ishte një gjykatë drejtësie është shndërruar në një armë politike. Dhe administrata juaj, më shumë se kushdo tjetër, e di se çfarë ndodh kur drejtësia bëhet politike, bëhet represion”, thuhet në letër.

Tutje, OVL-UÇK kërkon nga Grenelli dhe administrata e Trumpit, që kjo gjykatë të mbyllet.

“Ju kërkojmë ta ngrini këtë çështje me administratën tuaj. Taksapaguesi amerikan nuk i dërgoi paratë e tij të fituara me mund në Evropë për të financuar një gjykatë që shkel vetë vlerat për të cilat qëndron Amerika. Presidenti Trump po rishkruan rregullat e ndryshkura të kontrollit politik të gjyqësorit të pavarur dhe sipas rregullave të reja, kjo gjykatë duhet të mbyllet. Është një turp për drejtësinë amerikane dhe për vlerat amerikane”, thuhet më tej në letër.

“Presidenti Trump, administrata e tij dhe ju personalisht e kuptuat diçka që pjesa tjetër e botës e harroi: liria nuk jepet. Liria fitohet. Dhe më e rëndësishmja, liria mbrohet. Ne, veteranët e Ushtrisë Çlirimtare të Kosovës, e mbrojtëm atë liri. Luftuam kundër njërit prej regjimeve më brutale në Evropë. Varrosëm vëllezërit dhe motrat tona. Humbëm shtëpi, gjymtyrë dhe familje. Por kurrë nuk e humbëm besimin tonë në demokraci, në liri, në premtimin e Amerikës se drejtësia dhe liria shkojnë krah për krah. Kur lufta mbaroi, ne nuk u kapëm pas armëve, por i lamë ato. Çarmatimi, çmobilizimi dhe riintegrimi ynë ishin ndër më të suksesshmit në histori. Ne ndihmuam në ndërtimin e një Kosove demokratike. Ne i shndërruam luftëtarët në qytetarë. Ne ndoqëm shembullin e Amerikës sepse besuam në të. Udhëheqësit tanë dhanë dorëheqjen vullnetarisht për të vërtetuar pastërtinë e luftës sonë. Sepse kur drejtësia është e drejtë, e vërteta triumfon. Po Dhomat e Specializuara? Kjo nuk është drejtësi. Kjo është një gjueti shtrigash”.

“Presidenti Trump e di më mirë se kushdo tjetër se kur drejtësia rrëmbehet nga elitat politike, ajo bëhet një mjet për të heshtur patriotët. Kjo është ajo që është bërë kjo gjykatë. Një mjet për të heshtur pikërisht njerëzit që sollën paqen, që ndaluan gjenocidin, që mbrojtën lirinë. Pati dorëheqje të kryeprokurorëve, gjyqtarëve dhe zyrtarëve ligjorë nga kjo gjykatë dhe kjo nuk ishte rastësi. Ishte ndërgjegje. Ata panë se kjo gjykatë ishte bërë një makinë persekutimi politik. U desh një prokuror i korruptuar, në rrethana të errëta, për të ngritur padi. ​​Dhe ju e dini, ju e dini më mirë se ato padi ishin hartuar për të sabotuar iniciativën tuaj të paqes në Zyrën Ovale gjatë mandatit të parë të Presidentit Trump. Një paqe që ishte e arritshme. Ai prokuror u kthye me vrap në Amerikë pasi shkaktoi dëmin e tij, duke shpresuar të manipulonte vullnetin e popullit amerikan. Ai dështoi keqas. Sepse Amerika është ndërtuar mbi shekuj lirie, sundimi të ligjit, madhështie kushtetuese. Po kjo gjykatë? Kjo gjykatë është ndërtuar mbi idetë e burokratëve dhe miqve që mendojnë se drejtësia është një mjet për pushtet, jo një qëllim në vetvete”.

“Presidenti ynë, kryetari ynë i kuvendit dhe deputetët tanë të zgjedhur shkuan atje vullnetarisht. Ata nuk kanë asgjë për të fshehur. Por nuk mund ta mbrosh veten në një sallë gjyqi që është ndërtuar për të shtypur zërin tënd. Kjo nuk është drejtësi. Ky është një gjyq i shëmtuar. I dashur ambasador, ne po ju drejtohemi jo si politikanë, por si veteranë për veteranët. Vëllezër në armë. Mbrojtës të lirisë. Ju kërkojmë ta ngrini këtë çështje me administratën tuaj. Taksapaguesi amerikan nuk i dërgoi paratë e tij të fituara me mund në Evropë për të financuar një gjykatë që shkel vetë vlerat për të cilat qëndron Amerika. Presidenti Trump po rishkruan rregullat e ndryshkura të kontrollit politik të gjyqësorit të pavarur dhe sipas rregullave të reja, kjo gjykatë duhet të mbyllet. Është një turp për drejtësinë amerikane dhe për vlerat amerikane”.

“Ne kërkojmë një shqyrtim të plotë, një audit financiar dhe një hetim të pavarur se si funksionon kjo gjykatë dhe si zyrtarët e saj jetojnë si mbretër, ndërsa luftëtarët tanë të lirisë ulen në qelitë e burgut për të mbrojtur lirinë. Nëse liria ka ndonjë kuptim, nëse drejtësia nuk është vetëm një fjalë, por një parim, atëherë kjo nuk mund të qëndrojë. Ne luftuam kundër Millosheviqit për të ndaluar këtë lloj abuzimi. Dhe do të flasim përsëri. Amerika ishte me ne kur kishte më shumë rëndësi. Dhe tani po kërkojmë përsëri, ju lutem mos e lini këtë gjykatë të shkruajë një histori të rreme. Mos i lini elitat e korruptuara t’i shndërrojnë veteranët në keqbërës. Kjo nuk është vetëm një thirrje për ndihmë. Kjo është një thirrje për të mbrojtur lirinë, përsëri”, përfundon letra e OVL-UÇK-së drejtuar Amerikës.

Gjesti tregon me cilët nga ish-banorët ka ruajtur kontakte, befason me emrat

Fituesi i Big Brother VIP Albania 4, Gjesti, ka dhënë intervistën e parë që pas mbarimit të këtij reality shou.

Ai ka folur për gjërat pas këtij formati, jetën private e po ashtu edhe për projektet e reja.

Mes tjerash flet edhe për ish-banorët, me cilët nga ta ka ruajtur kontakte pas përfundimit.

I njëjti thekson se ka folur së fundmi me Valbona Mhillin dhe Shkëlzen Oruçin.

“Me Valbonën kam komunikuar tani vonë, me Xenin pak. Me tjetër kë nuk po di, asnjë pothuajse. Shumë i ngarkuar, në jetë reale me u rikthy shumë zor, edhe po i dëgjoj duke folur gjithka, kështu që ata akoma po merren me Big Brother”, tha ai.

Tutje shtoi: “Ka qenë çfarë ka qenë ka përfunduar Big-u çka po do më, natën e mirë”.

Duket se këngëtarit pejan nuk po i pëlqejnë gjërat që po fliten për të, meqë loja ka përfunduar dhe se duhet të merret secili me jetë të tyre.

“Po m’vjen me kajt”, çka ndodhi me Anisen?

Pas operacionit që shkaktoi shumë zhurmë publike, Anisa Veseli është tashmë në fazën e rehabilitimit.

---

Këngëtarja dhe influencerja e ka marrë veten thuajse tërësisht nga ndërhyrja e vështirë dhe dalëngadalë po i rikthehet përditshmërisë.

Prej disa ditësh, ajo po qëndron tek familja në Norvegji ku edhe është bërë emocionale me një rrëfim që ka ndarë me ndjekësit.

‘Sot jam zgjuar e prekur. Po më vjen me qajtë. Jam duke marrë shumë mesazhe për motivimin që e kanë marrë plot njerëz me e bë operimin si unë. Një çikë e kishte kryer operimin para tre dite dhe ma ka dërguar foto’, thotë ajo mes tjerash në video teksa me zor mbanë lotët.

Kujtojmë se historia e operimit të saj ishte bërë shumë mediatike teksa në fund, gjithçka ishte kryer nga dhurues anonim të cilët ia mundësuan Anisës të heqë një barrë shumë të madhe shëndetësore dhe psikologjike që e kishte prej vitesh.

VIDEO

Kriza me mbeturinat në Prishtinë, Rama jep detaje se kur pritet të rikthehet normaliteti

Kryetari i Komunës së Prishtinës, Përparim Rama, ka reaguar ndaj situatës së fundit me mbeturinat në kryeqytet, duke e cilësuar ndërprerjen e shërbimeve nga Ndërmarrja “Pastrimi” si “kulmin e papërgjegjësisë institucionale dhe një formë të përsëritur të shantazhit”.

Në një postim në facebook, Rama njoftoi se komuna ka mobilizuar të gjitha kapacitetet alternative për të menaxhuar situatën dhe ka theksuar se qytetarët nuk do të mbesin pa shërbime për shkak të, siç tha ai, “kalkulimeve politike të askujt”.

“Qytetarët e Prishtinës nuk meritojnë të përballen me situata që cënojnë shëndetin publik dhe dinjitetin qytetar. Ekipet tona kanë punuar 24 orë gjatë vikendit dhe nga dita e hënë pritet rikthimi i normalitetit”, ka shkruar Rama.

Rama kritikoi ashpër përdorimin e ndërmarrjeve publike si instrument shantazhi për interesa të ngushta politike, duke u zotuar se epoka e sabotimeve dhe keqpërdorimit të parasë publike do të marrë fund.

“Unë nuk jam dhe nuk do të jem pjesë e pazareve politike. Qëndrimi im është i pandryshueshëm – gjithmonë në interes të qytetarëve”, tha Rama.

Kryetari falënderoi qytetarët për mirëkuptimin dhe mobilizimin e tyre në ruajtjen e pastërtisë në qytet, duke theksuar se qytetarët tashmë e kanë kuptuar “skemën e sabotimeve që po bëhen në kurriz të tyre”.

Situata me menaxhimin e mbeturinave ka nxitur reagime të shumta në opinionin publik, teksa qytetarët janë përballur me grumbullime të mëdha të mbeturinave në shumë pjesë të qytetit. Komuna ka premtuar zgjidhje të qëndrueshme dhe shërbim të denjë për kryeqytetin.

Një yll: Zbulohet partnerja e tiktokerit Egzon Sahiti

TiKtokeri i njohur Egzon Sahiti na pushton feed-in çdo ditë me kontentin e tij super kreativ që e ka listuar ndër personat më të ndjekur e më të pëlqyer të momentit.

Por, pak dihet sa i përket partneres së tij që ai e ka mbajtur krejtësisht larg punës dhe audiencës milionëshe që e ka në rrjete sociale.

Sidoqoftë, përtej syrit të publikut, ai prej kohësh është në një lidhje serioze dashurie me një vajzë të quajtur Doruntina.

E duket se planet janë për hapa të rinj.

Burime të sigurta të Prive By Liberta Spahiu kanë bërë të ditur se Egzoni dhe Doruntina po planifikojnë ta çojnë lidhjen në një tjetër stad.

Thuhet se ata janë duke u bërë gati për fejesë këtë verë!

Për të gjitha të rejat, dihet vendi! Do t’iu lajmërojmë me patjetër.

Fotot e partnerës në videon e mëposhtme, rubrika “E vërtetë, e pavërtetë”.

Këto janë kriteret që duhet t’i përmbush Kosova për anëtarësim në Këshillin e Evropës

Alain Berset, sekretari i Përgjithshëm i Këshillit të Evropës, ka treguar kushtet që duhet të përmbushë Kosova për anëtarësim.

Ai ka deklaruar se njëra nga këto kushte është që vendi ta njeh njihni Gjykatën Evropiane për të Drejtat e Njeriut.

“Për t’u bërë pjesë e Këshillit të Evropës duhet të përmbushen disa kritere. Njëri prej kushteve është të bëheni anëtare e Konventës Evropiane për të Drejtat e Njeriut, ta njihni Gjykatën Evropiane për të Drejtat e Njeriut, trupën më të rëndësishme të Këshillit të Evropës dhe poashtu të zbatoni të gjitha vendimet e GjEDNj-së”, tha ai në Klan Kosova.

“Mendoj se kjo është në interes të të gjithë qytetarëve, pra shteteve, vendeve anëtare, që ta kenë mundësinë të kenë qasje në Gjykatë dhe të njihen me të gjitha shkeljet e të drejtave të njeriut dhe poashtu t’i adresojnë ato dhe të merren vendime për to”.

“Kjo është njëra, ndërkaq një pikë tjetër është siç e dini përfshirja dhe diskutimet me të gjithë qytetarët që jetojnë në territorin e Kosovës, po ashtu në pjesën veriore. E dini saktësisht disa pika të kushteve të vendosura në tavolinë nga ana e Asamblesë Parlamentare të Këshillit të Evropës që do të jetë një element kyç dhe shumë i rëndësishëm i të gjitha diskutimeve”, ka thënë Berset.

TË NGJASHME

Parlamenti Evropian miraton rezolutën për Kosovën

Xheneta shtatzënë për herë të parë?

E ftuar në emisionin “E Diell” ka qenë Xheneta Fetahu.

Ajo u komplimentua për dukjen e saj por edhe u ngacmua nga moderatorët, shkruan Indeksonline.

Modelja u pyet se cila është arsyeja e këtij “zbukurimi”, dashuria apo shtatzënia.

“Mka dal nami që jam shtatzënë, se mka dal pak barku. Nuk jam shtatzënë vetëm kam fillu me shtu peshën që e kam humb”, tha ajo, duke theksuar se nuk është në pritje të ëmbël

E BUJSHME: Arbana Osmani rikthehet aty ku e ka vendin?

Pas një periudhe të gjatë spekulacionesh dhe pritjeje, Arbana Osmani duket se është gati për një rikthim të jashtëzakonshëm në ekranin shqiptar. Pas largimit të saj të bujshëm nga Top Channel dhe përfundimit të karrierës në formatin e njohur Big Brother VIP, fansat po pyesin vazhdimisht: Kur do ta shohim sërish në televizion?

Burime të besueshme për “Prive” sugjerojnë se Arbana është në negociata të avancuara për një rikthim televiziv në sezonin e ardhshëm të shtatorit, por kësaj here ajo do të shfaqet në një televizion tjetër, duke lënë pas platformën që e bëri të njohur.

Siç raportohet, TV Klan është kanali i ri ku Arbana po negocion për projektin e saj të ri. Një takim i fundit, sipas burimeve, ka ndihmuar në formimin e marrëveshjes dhe në përcaktimin e temave që do të trajtohen në këtë sezon të ri.

Interesimi për rikthimin e Arbana Osmanit në ekran është i jashtëzakonshëm. Ata që e ndjekin prej vitesh e dinë se ajo ka një aftësi të veçantë për të angazhuar audiencën me mënyrën e saj të raportimit dhe prezantimit. Arbanës i është dhënë mundësia për të sjellë një tregim të ri dhe për të mbajtur shkëndijën e interesit në një televizion tjetër.

Ngritja e një formati të ri në një televizion tjetër paraqet sfida të ndryshme, por gjithashtu nxjerr në pah dashurinë dhe mbështetjen e fansave. Ajo ka një bazë të fortë ndjekësish që e mbështesin atë në çdo hap të karrierës së saj.

Shfaqjet e saj kanë ndikuar në kulturën mediatike shqiptare për vite me radhë, dhe rikthimi saj do të kufizojë sigurisht interesin dhe audiencën. Për fansat, është një mundësi për të parë si Arbana do të riformatojë prezantimin e saj dhe sjelljen e re në ekran.

Nga ana tjetër, TV Klan ka bërë përpjekje të tjera për të tërhequr emra të njohur dhe për të rritur programacionin e saj, dhe bashkëpunimi me Arbana Osmani do të ishte një hap i rëndësishëm në këtë drejtim. Energjia dhe karizma e saj do të jenë një plus i rëndësishëm për kanalin.

Ndërkohë, shumë fansa mezi presin që Arbana të bëjë një njoftim zyrtar për rikthimin e saj. Ky është sezon i mbushur me ngjarje përtej imagjinatës dhe përjetësisht do të kujtohet si një periudhë e madhe ndryshimesh për televizionin shqiptar. Një rikthim i tillë premton të krijojë diskutime të shumta dhe emocion përpara ekranit.

Kështu, pabesueshmëria se Arbana Osmani do të rikthehet në një televizion tjetër tregon për ndryshimet e shpejta në peizazhin mediatik shqiptar. Ajo ka gjithmonë pasur një ndikim të fortë, dhe rikthimi i saj është sigurisht një lajm që do të bëjë bujë në mediat sociale dhe do të mbajë fansat në prag të emocionit.

Vuçiq nxit tranjerin e serbisë: “Shko në Tiranë dhe fito!

Të shtunën mbrëma, në një tubim politik në qytetin e Nishit, presidenti i Serbisë, Aleksandar Vuçiq, ka përmendur edhe ndeshjen e ardhshme të futbollit mes Shqipërisë dhe Serbisë, që zhvillohet më 7 qershor në Tiranë, në kuadër të kualifikimeve për Kampionatin Botëror 2026, shkruan Gazeta Sinjali.

Në prani të qindra qytetarëve dhe figurave të njohura, Vuçiq iu drejtua selektorit të Serbisë, Dragan Stojkoviq – i cili ishte i pranishëm në tubim – duke e përmendur ndeshjen ndaj Shqipërisë.

“Pak më parë e kam parë dhe tani po e shoh që është sërish këtu. Ju lutem një duartrokitje të madhe për selektorin e Serbisë, Dragan Stojkoviq – Piksi, legjendën e Nishit, që nuk është fshehur si shumë të tjerë dhe erdhi që të jetë sonte me ne. Në qershor apo korrik luan atje ndaj Shqipërisë, t’i mposhtësh ata”, ka thënë Vuçiq, shkruan mediumi serb “Sport Klub”.

Më herët gjatë së shtunës, Vuçiqi ka pasur edhe një takim me Stojkoviqin, i cili kishte ardhur në Nish për t’i dhënë përkrahje presidentit serb në tubimin e partisë së tij.

Ndeshja mes Shqipërisë dhe Serbisë pritet të jetë vendimtare për fatin e skuadrave në garën për vendin e dytë në grupin kualifikues.

E dhimbshme: Kjo është 19-vjeçarja që humbi jetën nga vetaksidenti në Pouskë të Prizrenit

Një ngjarje tragjike ka ndodhur në orët e para të mëngjesit të së dielës në fshatin Pouskë të Prizrenit, ku një vajzë e re ka humbur jetën si pasojë e një vetaksidenti.

E ndjera është identifikuar si Dilge Nanovçe, 19-vjeçare, shtetase turke me prejardhje nga Kosova. Ajo ishte duke e drejtuar veturën në momentin kritik, kur për arsye ende të paqarta, ka humbur kontrollin mbi automjetin dhe ka dalë nga rruga.

Në veturë ndodheshin edhe dy persona të tjerë, të cilët kanë pësuar lëndime dhe janë dërguar me urgjencë në spital për trajtim mjekësor. Fatkeqësisht, për 19-vjeçaren nuk pati shpëtim, pasi ajo ndërroi jetë në vendin e ngjarjes.

Sipas të dhënave fillestare, vajza po ngiste veturën pa patentë shoferi dhe pa përvojë të mjaftueshme në vozitje. Automjeti i përfshirë në aksident ishte i tipit Opel Astra me targa vendore, transmeton Gazeta Imazhi.